يشرب ولا ياكل

[هاني العجل]

بصراحه انا ماني متابع للألغاز السابقه ويمكن يكون احد عرض اللغز هذا من قبل لكن تقبلوه


انشدك عن ضيفٍ يضيف المعازيب = يذبح عشاه ولا يذوق الوليمه
يشرب ولاياكل ويسمع ولايجيب = وش حلها ياأهل العقول الفهيمه


وتقبلوا تحياتي

[مستور]

صح لسانك
عندي معرفه سابقه بالحل اترك الفرصة للزملاء
تحياتي

[ذيب السحول]

الاخ هاني
السلام عليك
صارلي سبوعين وانا افكر بالحل حتى اني اخترت من بين الحلول الحل الآتي
عسى اني اصبت الهدف

{اظن والله اعلم انه الطفل المولود تذبح عقيقته ولايذوقها ويشرب حليب امه ولا ياكل الزاد ويسمع كلام اهله ولايرد عليهم}


هذي عصارة التفكير كان عقب هالجهد طلعت سماويه !!!؟

[شريف روما]

(( ذيب السحول ))

ياسلام عليك حتى لو غلط رمعة جدا جدا طيبة :)

[راعي الوقيد]

هو المولود صح لسانك:)

هاني العجل وين هو ما له عينه .؟

[احـمد الـطـرقي]

الظاهر هاني نسى يالربع


او مشاغيل


الوكاد عذره معه




يعطيك العافيه ذيب السحول



والف شكر لاخوي هاني


تحياتي

[هاني العجل]

صح لسانك اخوي ذيب السحول والمعذره لان اخوكم صار له يومين مصيخيييييين


يعطيكم العافيه

وابعدوا لا اعديكم تراني مزززكم



.

[احـمد الـطـرقي]

ماتشوف شر ياهاني


والحمدلله على السلامه