أخبار أكيده 100% بإذن الله سبحانه وتعالي قولو معي يارب

[الاعلامي]

أخبار أكيده 100% بإذن الله سبحانه وتعالي قولو معي يارب


عاجل : أوامر ملكية بتخفيض أسعار البنزين والغاز 50% مبروك للشعب السعودي


السلام عليكم ورحمة الله وبركاته

كما توقعـنـا جميعاً....اقترب موعد إعلان تخفيض اسعار البنزين والغاز ,,, على النحو التالي :

سعر البنزين الجديد قريبا...... من 40 الى 50 هلله لليتر اى تخفيض 50%

وسعر الغاز للمنازل 7 ريال اى تخفيض 50%

ومن المتوقع الأعلان عنها يوم الثلاثاء المقبل في الأحتفال

الذي سيقيمه صاحب السمو الملكي الأمير سلمان بن عبدالعزيز آل سعود

أمير منطقة الرياض وأهالي مدينة الرياض

اللهم احفظ خادم الحرمين الشريفين واطل في عمره ورزقه البطانه الصالحه الناصحه

رايتك بيضـــاء يـــابو متعــب ( صقر العروبة )




خبر ان شاء الله صحيح

[شريف روما]

ان شاء الله يكون خبر صحيح

وعقبال عندنا :)

[((بعيدالنظر))]

ياااااااااااااااااااااااااارب يوفقك لكل خير .. سبقتني يابطل وانا الذي كنت أحمل بشائر الخبر ..

بالفعل هذا الكلام بإذن الله صحيح ميه في الميه .. ولاهي غريبه على ابو متعب رجل المواقف وحبيب الشعب ..

وأبشروا بالخير أبشروا غيرها أخبار أروع بإذن الله ,.. اللهم وفق ولاة الأمر وسدد خطاهم ووفقهم لماتحبه وترضاه ..

نعم أحبتي قولوا أمين .. ونسأل الله أن يرد كيد المرجفين الذين يحملون الحقد لهذه الأسره في نحورهم أمثال سفيه لندن وأشباهه من المعوقين فكراً وأدباً ..

لكم تحيتي وتقديري

[الاعلامي]

الزقروطي

بعيد النظر


مشكورين الف شكر على المرور والتواجد

ويعطيكم الف عافيه يارب

..

.

[الاصمعي]

إن شاء الله صحيح

وهو مثل ما تفضلت خير ومن كل خير قريب

الله يوفقه ويرزقه البطانه الناصحة الي تعينه على فعل الخير لشعبه وأمته

شكرا يا بشير الخير

[الدغيشم الشمري]

أخوي الاعلامي,,

ان شاء الله ان الخبر يكون صحيح,

والله يعافيك على هالبشاره الحلوه,,


تقبل خالص تحياتي,,

[ابو غازي]

ياعلك / بشــــــــــيرن تفرح دايم

هذي الهقوة بولاة أمرنا جزاهم الله عنا كل خير ورزقهم الله بالبطانة الصالحه أمين

الاعلامي

توانك الجيب اعبيهن لك على حسابي ياشيخ :p:

[مجرّد]

أن شاءالله

بارك الله فيك اخي الاعلامي على الخبر الجمـيل

كن بخير
مجرد قلم

[مشــــعل]

اللهم امين

الله يجزاك خير يالاعلامي

[راعي الوقيد]

ياخبر بفلوس .... << مثل مصري:)

الإعلامـــــــي !!

بارك الله فيك على الخبر الجمـيل ،،،

تحية وسلااااااااام ...
..

[احـمد الـطـرقي]

الله يقوله ان شاء الله


الله يسمع منك يا الاعلامي



ترى لك جائزه من ابو سلطان تفليله لمده شهر

[شنقل]

نتمنى ذلك

يعني افلل اللومينا بـــــ25 ريال:)

[راعي الوقيد]

^
^
ومن المتوقع الأعلان عنها يوم الثلاثاء المقبل في الأحتفال

الذي سيقيمه صاحب السمو الملكي الأمير سلمان بن عبدالعزيز آل سعود

أمير منطقة الرياض وأهالي مدينة الرياض

ما سمعنا شين:(

الله العالـم مثل عشم المدرسين ان شهر رمضان مافيه تدريس :)

بعدين يالربع تروا الموال هذا ماهو غريب عليكم ياما لخفتوا منه :)

لكن حنا ماناخذ دروس من الماضي كما هو حال الدول العربية المجاورة:a:

شنقل !!

خلك إنسان بيتوتي << عاتسر:)

[الدغيشم الشمري]

وين راحت ال 100% يالاعلامي؟؟؟

العيال راحوا للملعب يوم قلتلهم,
ولا سمعوا شين!ّ!ّّ!ّ!!ّ!ّ!ّ

الله يهديكم بس..



وانا سمعت ان البنزين يبي ينزلون لنا نوعين,
برصاص, وبدون,
وواحد اغلى من الثاني,,

بس,

والخبر موب أكيد بعد..

[الاعلامي]

الاصمعي

الدغيشم الشمري

ابو غازي

مجرد قلم

مشعل الغفيلي

راعي الوقيد

احمد الطرقي

مشكورين الف شكر

ويعطيكم الف عافيه يارب

..

.

[الاعلامي]

نتمنى ذلك

يعني افلل اللومينا بـــــ25 ريال:)

شنقل وش لومينا وش سوالفك

يذكرونك تتمشى برفحا بددسن غمار 96 خط

الله يهديك مسوي فيها ولد الراجحي علينا

ولاتقول اللومينا موديله 2006 بعد مانقدر نستوعب اي صدمه جديده

ويعطيك الف عافيه يارب

..

.

[الاعلامي]

^
^
ومن المتوقع الأعلان عنها يوم الثلاثاء المقبل في الأحتفال

الذي سيقيمه صاحب السمو الملكي الأمير سلمان بن عبدالعزيز آل سعود

أمير منطقة الرياض وأهالي مدينة الرياض

ما سمعنا شين:(

الله العالـم مثل عشم المدرسين ان شهر رمضان مافيه تدريس :)

بعدين يالربع تروا الموال هذا ماهو غريب عليكم ياما لخفتوا منه :)

لكن حنا ماناخذ دروس من الماضي كما هو حال الدول العربية المجاورة:a:

شنقل !!

خلك إنسان بيتوتي << عاتسر:)


وانا حالي حالك مواطن سعودي صالح احب وطني

لكن الى الحين ماثبت شي ياجدي

وبالايام القريبه يطلع الخبر ان شاء الله


ويعطيك الف عافيه

..

.

[الاعلامي]

وين راحت ال 100% يالاعلامي؟؟؟

العيال راحوا للملعب يوم قلتلهم,
ولا سمعوا شين!ّ!ّّ!ّ!!ّ!ّ!ّ

الله يهديكم بس..



وانا سمعت ان البنزين يبي ينزلون لنا نوعين,
برصاص, وبدون,
وواحد اغلى من الثاني,,

بس,

والخبر موب أكيد بعد..


اللي راح للمعلب الله يقويه

لكن خبر ان شاء الله يكون صحيح والايام الجايه تثبت كل شي

ويعطيك الف عافيه يارب

..
.