السر باني ماداني الاحتياجات ولا الباصات ولا ابوغازي:)

[عبدالعزيز]

مسيتو بالخير كلٍ باسمه ماعدى ابوغازي لاسلام ولا سلم لي معه :)

أنا واعوذبالله من كلمة انا لامنه حصل لي استضافة ولا اي شيٍ يدبل عمود التسبد قيل لي شنوحك ماتقرب مطشي الاحتياجات الخاصة واليامن قيل لي وش ودك يقلع من هالمضايف اقول
هالمطشي بعد ماهو لسبب اني ماابيهم لاوالله ترونن رهيف وحنون:) مار انهم هم هالمطشيين اللي يعنيهم المضيف لاجاء طاريهم انحاس واكمش بسبب سالفةٍ جرت علي هكا الحين معهم .
هالسالفة اطريته لعزيزٍ علي وقال حطه بالفلة ومابغيت ارده ولو انه تنكس علي:)
والسالفة طالت اعماركم ماعدى ابوغازي منكم اني هكا الحين يوم انا جذعٍ متمرد مثل الشبث هاتسي :) وبايام الددسن الديزل وهي اول سيارة اقضب دركسونه واملكه عام الثلاث طعش تقريبا وقفت عند هكا الاشارة بوسطي الديرة عقب مافريت على كل المدارس والا هكا التبيس تسدامي مليانٍ من الضبا .. طبعاً القلب مطحلب بهكا العمر واجتمعت الطحلبة مع السربته بي مثلي مثل هالوغاد اللي ينقال له المطنوخ بيومنا هذا وقمت اقز الضبا والا هكا الثلاث منهن بالاخير التفتن وراهن وحديهن كشفت والا عينه بعيني وانا اسفهل يالربع وانتثر واقوم اغومز له ويوم فتحت الاشارة ومشى باص الضبا والا انا لازٍ لوه ويوم طفته تقل اني قريت عليه مدارس النموذجية "اللي بدراهم" وهو يزيد جنوني قلت هلا هلا بالزين والعز .. وجدت ضالتي:) .. واقوم افدّع بالسويويرة قدامهن وان ماصار هذا جلنطٍ قدام الباص جتهن التجّديعه من يمينه ولا يساره والضبا كلللللللهن يراعن لي وهذا اللي يقطّع معاليدزي زود ويحرث جنوني الياما اقبل على مدخال هكا الحارة وانا تسداموه وبحدى هكا السحبات جيت على التندة ولا ردن الا قراش عربٍ روعت أطفالهم ونسائهم يوم اني اهشم بابهم بتندة الموتر:g: وبذيذ قطع الموتر تسحّب معي من مقلبه اليا ملقفه واللي هو هالباب والحمدلله انه ماصابن شين ابد ويوم اجتمعو الدلنج والسرابيت اللي يتبعوننا واطلعونن ومنهم اللي يقول الحمدلله على السلامة ومنهم اللي يقول يفداك الحديد يارجال وبدل الحديد حديد وانا بي البتسوة نكس التبيس مع طريدزوه واراعي له الماخوذ والا مكتوب.ن عليه مدارس مدري وشي الفكرية:puzzled:
اثري هاللي بوه ان ماصارن بلا عقول طرمان :mad:
وانا اشووووووووووووفهن يصفدزن لي ويكشفت وتقل يناقزن بالباص اثريهن مهبل ولقن اللي ماهو بعيدٍ عنهن:106r:
وهي تقوم الناس تضحك علي ووالله يالربع اني صديت عنهم ونقزت دمعتي من الفشيلة والقهر واللي يزيد القهر قهر ان سواق التبيس يوم وزّن لي من بعيد فتح الدريشة وقام يضحك ويقول عقوبة الله يالسربوت وتفل هكا التفلة وبتل بوجهه وانا وجهي وجه اللي منقلبٍ موتره عقب ملاحن المهبل:puzzled:
وعقبه لللله اني اتبع اي باص او يهنى لي بال لاجاء طاري الاحتياجات الخاصة وهذا اللي يصير لي لامريت على مضيف الاحتياجات وطواريه الله لايبارتس بباصاتهم ... وعذرونن على الاطالة .. اضحكو بس لاتشمتون لايعادزبكم الله:)

[راعي الطيب]

هههههههههههههه

انا قايل ابو صياح وشنوحوه ما يدخل بهاكا المضيف

اثري السالفه باص وفكريه

والله خوووووووووووش سويلفه :thumb: قهر الدديسن اللي خليت بطنه فوق :g:

الا هي تسم موديله ؟؟؟؟؟؟؟؟؟

افطن على الشاص ترا اخف من الدديسن لا تلوحق بوه باصات (المدارس)

الا ابو غازي الغالي شنوحك عليه

ترا الرجال ينحب ويدخل بالقلب من اول حرف كتبوه

وعلى فكره ايه نسيت ابو احمد شنقل ملاحظ انوه ما يدخل هكاالمضيف يعني توقع السالفه

بعد به باص وفكريه

الله يونسك يالغالي
:good1: :good1: :good1:

[غاده]

:g: :g: :g:

اسئلكم بالله:g: :g: يتكلم عربي هو ؟!!!

[شريف روما]

ياجماعة هذا الوحيد اللي لوه بعض كلمات مااعرف معناهن :)
زين اللي صار بك هشكل
يومنك تلحق الباص ليه :)

زين ابوغازي ليه ماتدانيه :)

اقوووول عين خير وخل نرد لعمليات م / ح يالمهايطية ههههههههههههه

[راعي الطيب]

ابو صياح بعد اذنك ابي ارد على ام خشم

اقصد غيداء


عبدالعزيز يتكلم عربي وفصيح بعد وهذا اللي مزودن حلاوه عندنا

ابو صياح يقولون لك بوه وظيفة مترجم يبون يعلنون عنه عن قريب شرايك عندي

واسطه والوظيفه راتبه يخليك تسوي منتدى خاص للغه الامتز بالعالم كلوه

والوظيفه ترا رسميه وله تامينات ومنصب جامد وراح تشوف يوم من الايام

يجيك اسم غيداء تبي تدخل تحت اسم هاكالصرح اللي انت قاضبوه

شرايك تقبله او لا ؟؟؟؟

ابو صياح حيلك به ترا ازعلت شبيثان علي


خذ لي حقي منه تكفى

[عبدالعزيز]

ياااااااخي عطو الواحد فرصة بعد الكتابة على الاقل اسبوع عشان يرتاح :150r:

راعي الطيب .. موافق ابي اشتغل بس حطو معي مترجم يترجم حتسيي بعد:)
وانتي ياام خشم روحي للريم ولا ريم هاللي تقل دلالات يترجمن لتس:)
والددسن يابوطيب 83 مقلوبة ديزل وعقب عامل الفلاحة:)

الزئروطي انا اتلا مابي الضاهر ابخبط جنب موتري واجيك اخلي ابوخليف يتفاهم معك على عتبة بابك ... ياخي الله موسعه يوم انت تضيدزه علي بهالسالفة وليييييييييه؟:)
عموما ماتدري يمكن انه تجي عملية خطافية مفاجئة :thumb: :thumb:

[ابو غازي]

انا اعلمكم بالسالفه

الرجال / حول :puzzled: واشوص وكل عين ن تلتفت بجهه :(

:p:

وعلى شان كذا راح ورى هالمسيكينات جعلوه الستسين بالمذبح :(



بعدين ياجنط انا احبك :smooch: موووت :eek:


ياويل / الخال / من رمح البناخي :p:

[الـمـحـروووم]

ههههههههههههه

عزوز تعيش وتاكل غيروه يابعدي

[المطنوخ]

الله لا يرفع عنك ولايبلانا يالخبل

انا من يوم عرضت لي كام بالماسنجر ووريتن وشم الجراده اللي شمال شرق من سرك وانا دريت ان اللي دزدامي عليه من الله ظــــــــــــلال

اييييييه يقول الوغاد انا ...انا يا..........محليني ربي
ولا انت متحالي خشتك هاللي تقل واحد شايت ملامحك برجلوه:)
ياولد انت اصلا من كبر حجم الفري:) اللي براسك جاي تغازل الباص ما تبي ترقعها عندنا وتقول انك تبي تغازل الضبا
ولا بذمتك احد يستنكر ناس هو نفسهم((منو الذيب اللي يفهمها:))
اقول يافرة السمكه
وانا اشوف ليه حاط بالماسنجر صورة واحد مقعد وعليه خط مايل مثل ممنوع الوقوف:) خخخخخخخخخخخخخخخخخخ
اثريك شايفن العذابين منهم خخخخخخخخخخخخخخخخخخخخخخخ

والله ان الشماته بادزي فيها 54 كيلو ماطلع مار مافكك مني الا العيشه ابي اقوم آكل وان الله قسم ومحد قنّد راسي برد يشلع وجهك هاللي تقل وجه فاطر ابي انكس لك :)


:)
كتب اعلاه طنخان مع مساعده فريدريك وسكرتيرته جيسيكا وبعض النخبه:)

[ابو غازي]

الطنوخ

الله لا يرفع عنك ولايبلانا يالخبل

قوووووووووووووويه حيل ياطنخان :p: تسيف الله لايرفع عنوه ماهو بخير :(

هههههههههههههههههه :p:

بعدين حتى سر خالي ياشين متهايقن بوه :(

:p:

[شنقل]

واجتمعت الطحلبة مع السربته

انا ابي بس هالمقطع

ابحتفل به الليله بالمخيم

ههههههههههه
هههههههههه
ههههههههه

[ريم شمر]

ياغيداء يبي لتس سنين من متابعة هرج عزوز علشان تبدين تفهمين :puzzled:

اناتوني اخذ الشهاده واتخرج وابشرتس بامتياز :thumb:

مستحيل تمر علي كلمه مافهمها

حتسيه عندي الحين مثل شرب المويه

بصراحه وناسه مثل اللي ياخذ له شهاده باللغه الفرنسيه :tongue:



عزووووووووز

انا مادخلت الا بتشمت فيك :008b:

احسسسسسسسسسسسسن

تستاهل ماجاك ومن هذا واردى :147r:


والمشكله يقالك تبرر الحين وهو عذر اقبح من ذنب

ياليتك ساكت ابرك:brows:

[الفاضي]

طااااااااااااااااااط


الفاضي وصل


ابو صحصح وشلونك يا بعد حيي هالفره


لاوالله ترونن رهيف وحنون
اخبره الحنون قلبك تقل كربه فنخا:)


والحمدلله انه ماصابن شين ابد

لعنبوا حيك انت زي البس بسبع ارواح خخخخخخخ

اجل تجدع انت ووجهك على بالك سواق والله لو انت الفاضي على غفله

اسمع تسان تبي مترجم لك علمن ترن حدر رسم الخدمه:)

اقول العزي اول ما تقرا رد بالله دق على جوالي
مشتاق لك موووووووووت يا قلبي خخخخخخخخ
رقمك ضاع مع الارقام الي ضاعت منذو مبطي
ولا تقعد تصرف تقول غيرت الجوال والارقام مادري وينهن ومن هالسوالف
الصيف الي فات وانا داق عليك وتقول هالحين اخزنه
اذا ما دقيت والله لاتوطى ببطنك هالي تقل بطن يوكوزونا خخخخخخ
ايه بعد لا تقول جوالي مقطوع:) اخبر الاتصالات ماهو متولجينن الا ابو صياح كل ما هذا قاطعينه خخخخخ<<يشمت:)

تدري وشلون اذا ما تبي تخسر نفسك اخبرك قعيطي :thumb:
ارسلي رقمك خخخخخخخخ


تحياتي الفاضيه لك

طاااااااااو

[الجازي]

روحي للريم ولا ريم هاللي تقل دلالات يترجمن لتس

والله اني ماكنت ناوية أتشمت بك :) بس يوم شفتك مطريني عند ملوكة قلت مالي إلا أبرد قلبها :)

أولا قبل ما أترجم لتس ياغيداء ودي أقول لعزوز شيء بخصوص عنوان سالفته :)

(( السر باني ماداني الاحتياجات ولا الباصات ولا ابوغازي:) ))

تدري عاد اني أحسب "السرباني ماداني" هذا اسم واحد من البنقالية اللي تعرفهم !!؟ :)

لا والطامة الكبرى اني تسني مارن علي هالاسم قبل كذا :)

المهم قلت خلاص أكيد انه بنقالي من ربع عزوز بس البلشة وش دخل هالسرباني في الاحتياجات والباصات وابو غازي !!؟

حسيت ان الكلام مو مترابط مع بعض !!

بعدين قلت ,, اييييييه عادي ,,أصلا هذا حتسي عزوز وهذي علامة جودته ,, اذا صار حتسيه مترابط مع بعض اعرف انه ماهو بحتسيه :)

وانتهيت من العنوان وبديت أقرا السالفة ,,

الا والله ويمر علي "التبيس " وأقعد أتهجاه لي سنة وأقول يمكن قصده " التبيك " بس ياربي وشو التبيك :)

المهم أني قعدت أفرفر لي ساعة الا ربع لما وصلت لترجمة بوسط حتسيه جاب فيها طاري الباص :) قلت بس !! شكله يقصد التوبيس :)

طبعا أنا لو كاتبها واحد ثاني غير عزوز تسان مليونين في المية مايجي ببالي غير الباص :) بس لأني متعودة من عزوز مصطلحات منقرضة ماتوقعته يجيب طاري التبيس اللي أنا أعرف :)

عاد الحين ياغيودة أرجع لسؤالتس وهو هل عزوز يتكلم عربي ؟؟

بصراحة ومما يحز في نفسي أن أقوله :(

عزوز ,, الله العالم انه تأثر عقب الحادث اللي في هالسالفة ومن يومها والرجال حتسيه غير عن العرب :)

مع أصدق الدعوات والأمنيات الخالصة له بالشفاء العاجل وعودته لأهله وللغته سالماً غانماً بإذن الله :)

[غاده]

8
8
8
8

:) بقووووووووووووووووووووه

لاوشوفي كلام الفاضي بعد :)

باقي ابو خليف وتكمل :g:

تقول ريم شمر يبي لي سنوات :g: وافهم كلامه لذلك انتظر :d:

يعني ما يكفي الدراسه ندرس بعد ماده جديده :tongue:
باااي

[ابو خليف]

دن دن دن حجيله

عزوز هالمطشيه من ووين نافجنبها
سان ساميها بس تصدق احسن مابها

انك ضميت سليمان العيسى مع الي ماتداني

يارهيف يحنون كوجي كوجي كوجي
بعدين وش علم هالمواخيذ لاقلت انت شين تنقعن بها وكلن من
هالمداز لما ينز من عند حليز الموت
يالله دخليلك عن ردات النصيب
سوربه بيمناهن سانهن فهمن شين من هالسالفه
تصنفق على خير

[مناكد]

عزوز...

تصدز ان هالثنيوتين اللي فوق هن راعيات التبيس المذكور...


الا ياخلف ابو غازي انت هالرمه...بغيت تهفي!!!



تدري وش بلا سيارتك دلت تمزلح على الرسته (الزفلت)...


لو اقول لك ماتصدق...



















السبب طال عمرك وعمر من يقرا سعابيل هالمهبل اللي تخاذف دزدامك!!!







العزي الله يوسع صدرك مثل ماونستنا...



:44:

بس حيلك بابو غازي...تروه يستاهل!!!:):):):):)

:44:


سلام

.

[ابن جشعم]

اويييييييييطي على هالسالفة المخرمة...

لو انا خبر انّك هاتس تسان منفهدز عنك مبطي..http://www.geocities.com/shamked/Eqal4.gif

لي نكسه عقبين...:)

[شنقل]

ابو خليف
دن دن دن حجيله

عزوز هالمطشيه من ووين نافجنبها
سان ساميها بس تصدق احسن مابها

انك ضميت سليمان العيسى مع الي ماتداني

يارهيف يحنون كوجي كوجي كوجي
بعدين وش علم هالمواخيذ لاقلت انت شين تنقعن بها وكلن من
هالمداز لما ينز من عند حليز الموت
يالله دخليلك عن ردات النصيب
سوربه بيمناهن سانهن فهمن شين من هالسالفه
تصنفق على خير


كوجي كوجي كوجي كوجي
كوجي كوجي كوجي كوجي
كوجي كوجي كوجي كوجي
كوجي كوجي كوجي كوجي
:p: :p: :p: :p: :p: :p: :p:
:p: :p: :p: :p: :p: :p: :p:
:p: :p: :p: :p: :p: :p: :p:
:p: :p: :p: :p: :p: :p: :p:
:p: :p: :p: :p: :p: :p: :p:
:p: :p: :p: :p: :p: :p: :p:
:p: :p: :p: :p: :p: :p: :p:
:p: :p: :p: :p: :p: :p: :p:
:p: :p: :p: :p: :p: :p: :p:
:p: :p: :p: :p: :p: :p: :p:
:p: :p: :p: :p: :p: :p: :p:
:p: :p: :p: :p: :p: :p: :p:
:p: :p: :p: :p: :p: :p: :p:
:p: :p:دن دن دن حجيله
:p: :p: :p: :p: :p::p:

[محارش]

هههههههههههههههههههههههه الله يسبعك وقسم انك تحفه يالعزي <<< بكم مسيوم :)


اما كربة الفنخا يالفااااااااااااااااااضي ههههههههههههههههههههه حلولات من يلولفك به يهالقطوعي .


هههههههههههههههههههههههههههههههههههههههه هههههههههههههههههه
هههههههههههههههههههههههههههههههههههههههه ههههههههههههههههههههههه

وبادزين به لحايق


مشتاااااااااااااااااااااااااااااااااق للفله ورب البيت مشتااااااااااااااااااااااااااق لسوالفك وتهاويلك ولا يهونون البادزين .


مي لوف يو ازوز ( صورة تفاحه ) :)


مع اعنف واشرس التحايا المحارشيه .

[عبدالعزيز]

^
أياااااااااام سيم سيم فري قووووود فري قوووووووود شت يور ماوث بن جشعم ولكم محارش
أطلدز القيد اجل .. ياهلاااااا ومسهلا بمحارش ومدري انتم وش صابكم؟ محارش والفاضي نكسو جميع وابومرزوق من له خامس يوم يشحذن يقول راسل ابوسلطان ابيه يغير اميلي لانه مضيعه ومضيع الباسوورد هالضايع ومعطيه جلا:)
مناااااااااتسد ياهلا وغلا يابوسروال:)
وابشر بابوغازي مازولا حبيب القلب انا من غلاوه تهنى لي دوحته وسعة الصدر بشوفتك يالطربة
المطنوخ..شكراً ومرورك أطنط بمتصفحي :)
ابوخليف .. عندك لهالملوسنات ام خشم وفجلة وهاللي الضاهر انه من اهل الباص هاذي كف شرهن تكفى :)
السرباني اجل هههههههههههههههههه ياهالخبيلة
المحروم .. هلا بهالريح اللي ماهي ريحة المطنوح بالقايلة اللي تجدع الحمار وهو واقف وعسى مايجيك الل جانن يالعزوة
الفاضي .. اهههههههههههه عاد ورب موسى وابراهيم انه البارح الساعة 10 قطع الماخوذ :) ايوالله يالفاضي هذا اللي صار مار اليوم لامنهم شبكوه اتصل عليك
شنقل ... عسى ماتطحلب ياهالوجه .. سلم لي على خبلكم :)

[الفاضي]

الفاضي .. اهههههههههههه عاد ورب موسى وابراهيم انه البارح الساعة 10 قطع الماخوذ


ههههههه انا داري والله:good1:

اقول العزي انت ما ينفع بك مار ارسلي رقمك على الخاص:) :)
انا ادق عليك الشكوى للي ما تنام عينه:thumb:


طاااااااو

[غاده]

ابوخليف .. عندك لهالملوسنات ام خشم وفجلة وهاللي الضاهر انه من اهل الباص هاذي كف شرهن تكفى

تقريبا مفهوم وفي تحريض علني ومدري ايش( ارحم شي ان مانفهم شي ) :g: :g:

[المخاوي]

وش هالانوار اللي اجهرتنا :puzzled:

حنا بالملز والا يورالي :)


عزوز هنيا


يامرحبااااااااااااااا :7ayyoh:




ههههههههههه


الله

من

ا ل ق ر ا د ه :7ayyoh:


اللي تدبي بدمك :p:


وانا اشوف ابو خليف لا اعرس ولا شرى مكيف :)


الا الددسن عساه سلمت :a:


اثريك راعي جريات :d:


لا اجل وكاد بوه غيره


بانتظار قلبه جديده قصدي سولافه لطيفه :goooood:

[عبدالعزيز]

اهههههههههههه اما ابوخليف يالنخاوي هذا اموره عجب.. انت ماتشوفه تقل نساااافة من جور الدنيا:)
الا وشلون الاكحل ولد طفلة ؟:)

غيدا .. كموستكا:)

الفاضي يوم انا ارسله لك مااتصلت الا وانا على كرسي الحلاق؟:puzzled:

[راعي الردميه]

ههههههههههههههههههه


الله يضحتس سنك مثل ما ضحكت طويحيناتنا


وش هالقراده يا عزوز مشرف اداري وقراده

احس انه ما تركب :) :)


وما ادري اسمعكم تطرون الاكحل ولد بنتي وانا ابو طفله وش عندكم عليه

لا واحدن يدزرب لوه لا والله احط بافموه تمره

لا هنت على هالسالفه وغديك تندزلب مره ثانيه اقصد تنقرد مره ثانيه بس بعافيه :) :)

وتجيبه لنا بهذا