عالم قلق

[الجازي]

في الحرم المكي الشريف

http://images.google.com.sa/images?q=tbn:XTaxJ1AIjHUJ:www.al-shia.com/image/ara/sovar/atabat/makeh/l/11.jpg
^
^
حطيت لكم صورة عشان تعيشون جو دراماتيكي :)

كنت متسندة على سارية من سواري التوسعة :) حيث المكيفات الشغالة والبراد المنعنش :)

كان الوقت بعد صلاة العصر يعني مافيه زحمة وفيه بعض الحريم ماخذين لهم غفوة على كيف كيفك :)

قدامي كانت فيه أخت مصرية نايمة وحوالينها عيالها " ولد أعطيه تقريبا ست سنين ,,وبنت يمكن ثلاث أو أربع سنين " ,, وكنت أنا أنواع الرواقة والمخمخة :)

الولد : ماما ,, هوّ بابا راح فين ؟؟

الأم وهي مغمضة :) : راح يطوف ياحبيبي ,,

الولد : يطوف يعني بيدور حوالين الكعبة ؟؟

الأم ولا تزال مغمضة :) : آه ياحبيبي ,,

الولد : طيب مش إحنا طفنا أبل كده !!؟ ليه بابا بيطوف مرة تانية ؟؟

الأم " تسنها تحركت شوي عن وضعها الأول :) " : آه ياحبيبي بس لما يطوف مرة تانية ربنا بيدّيه حسنات كتيرة ,,

الولد بعد مابغيت أرجفه :) : طب انتي ماطفتيش معاه مرة تانية ليه ؟؟

الأم : اصلي أنا ياحبيبي تعبانة شوية وعاوزة أرتاح <<<<<<< عز الله اللي خلاتس ترتاحين :)

البنت : ماما ماما ,, الساعة كام ؟؟

الأم : مامعيش ساعة ياحبيبتي ,,

البنت : بصي هنا ياماما فيه ساعة كبيرة أوي ,,

الأم تبص على الساعة الله يعظم أجرها : الساعة دلوئتي أربعة ونص <<<مع انها كانت اربع ونص وخمس :)

البنت : همّ ليه بيعلّؤوا الساعة هنا ؟؟

الأم : عشان نعرف الوئت ,,

الولد : ماما ماما اصحي بابا قِه !!

وصحيت الأم وكأن مافيش حاقة حصلت وأنا كنت مولّعة أوي أوي وعاوزه أعلئ الولاد دول فوء السارية عشان مرة تانية مايعملوش كده في مامتهم :thumb: <<< تسني جاز لي الحتسي المصري :)
^
^
^
طبعا العبرة من هالقصة ,, هو اكتشاف سبب نبوغ وتفوق الأطفال المصريين بالمقارنة مع أطفالنا :)

ليه وكيف ؟؟

لأني لو إني أمهم كان ألطف تصرف ممكن يصدر مني وأنا في عز نومتي :) إني أسكتهم وأخليهم يسألوني بعد ما أقوم :)

هذا بالنسبة لألطف تصرف والا التصرف الحقيقي عليه ستر الله :)

مشكلتنا في تعاملنا مع الأطفال اننا ماعندنا بال طويل ولا سعة صدر ولا حلم ولا خلق ولاولا ولا ولا ...إلخ الولالات :)

اذا سألونا سؤال يبيله إجابة طويلة صرفناهم بأي تصريفة إما نجاوبهم جواب غلط مختصر أو نسفههم ونترك أسئلتهم حايرة أو نرقعها بالعمر ونقول له بكرة تعرف اذا كبرت :)

وبهالأسلوب نفقدهم الثقة في أنفسهم ويصير صعب عليهم التعبير والاندماج مع المجتمع ,, وأكبر دليل برامج الأطفال اللي توضح لك الفرق الشاسع بين أطفالنا وأطفال غيرنا ,, والسبب !!!!!

الأهل ومعاملتهم وقلّ صبرهم :(

صحيح إن عالم الأطفال عالم قلق بسبب كثرة أسئلتهم واستفهاماتهم اللي ماتخلص بس العزاء الوحيد انها مرحلة وتعدي وفي الأخير راح نلمس ثمرة هالتعب ,,

للأسف نفتقر للحوار الجاد والصريح مع أطفالنا وكل يوم نقول بكرة ويكبر الطفل وهو ماتعلم شيء وفوق هذا فاقد الثقة بنفسه ولا يعرف كيف يتعامل مع مجتمعه !!

الود ودي إني أتشعب بالموضوع بس ودي أخلي لكم فرصة وأعطيكم مجال لطرح آراءكم وتجاربكم العلمية والعملية في هالمجال :) <<< طلع بحث ماجستير :)

[ريم شمر]

محجووووووووووز

بروح لمكه ادور عيال هالمصاريا اكفخهم وارجعلتس :)


=============

رجعت :smileyb:

=============


عالم قلق

عالم الاطفال واسئلة الاطفال التي لاتنتهي

عالم يحتاج الى صبر لاينفذ وطولة بااااااااااال وروقان

لااعتقد اننا نملكه مثل مايملكه غيرنا

مازال طفلي صغيرا لم تبدأ لديه الاسئله لذلك لم اجرب نفسي بعد

لكنني لااظن انني ساكون افضل من غيري في هذه الناحيه :(

جربت في مره ان اجري حوارا مع مجموعة اطفال

وان استمع لهم

انتهت التجربه بتوزيع حلويات وشبس عليهم لاضمن اسكاتهم :)

لم استطع تحمل كثرة الاسئله وتنوعها وتكرارها احيانا

لذلك اطفالنا يفتقدون الثقه بالنفس والجراءه

لذلك تخرج علينا تلك المشاهد العجيبه في التلفزيون حينما

يقرر برنامج ما اخذ راي الشباب السعودي في موضوع ما

الارتباك والاخطاء والاسلوب الضعيف وتكرار الكلمات

والرعب حتى تظن ان روحه ستخرج لمجرد انه امام الكاميرا

واذا تسددت الابوا ب بوجهه قال الجمله الازليه

: (مثلي مثل اي مواطن سعودي )

[سنين]

الغاليه الريم طرحج رووووووووووعه واسلوبك اروووع...


بالنسبه لموضوعك يا اختي ... فكلامك صحيح ... فان طريقه التعامل مع الاطفال هي عامل اساسي لتكوين شخصياتهم ..


وليش نرووح بعيد ..احنا الحين يوم كنا صغار اذا بغينا نبدي راي او نقول شي ..اقل شي ينقال لنا ..عيب ..اسكتوا .. توكم صغار ..... لين صرنا مثل الطرمان ولاعاد نعرف نتكلم ....




كل الشكر لهذا الطرح


اختك سنين

[ابو غازي]

الريم
مشكلتنا في تعاملنا مع الأطفال اننا ماعندنا بال طويل ولا سعة صدر ولا حلم ولا خلق ولاولا ولا ولا ...إلخ الولالات

انار الله قلبك / خالتي الريم n)

تقبل الله منتس / العمرة / ياخاله / وعسى دعيتي لنا :)

فعلاً مانعطيهم الفرصه أبد أما اخواننا المصريين بالذات فهم وسيعون صدور على أبنائهم
ضيقين صدور على غيرهم / فهم حشريين بالكلام

عندي / جار مصري / ياعندوه بنيه ماشاء الله عليها / كلها مخ وتكتكه ودايم ياصادفتها ودي احارشها بالكلام تزن الكلام وزن اللي ماتعرف معنااه / تقول ماعرفش بأه ممكن توضح لي عموه :(
البنيه بالصف الثاني أو الثال :thumb:

بس الظاهر / الفوووووووول / يلعب دور :(


:p:

[شريف روما]

تدرين لو انا الوغدان يعقدوني هشكل كان صفقتهم قدام الله وخلقه بمكه
واخليه عبرة لكل وغد تسول له نفسوه العبث في امن الكبار :)

والله معاك حق وغداننا اذا اسألونا سؤال وماكان لنا خلق نجاوب اقل شي نزفوه وطراق عالماشي :)
واذا سألوا سؤال محرج نقول لهم لما تكبر شويا حتعرف :)

اخت الريم انا سمعت تفوق المصريين من كثر اكل الفول صج هالكلام !!


بس على فكرة انا تعرضت بصغري لانواع السب والشتم والاهانة :)
والحين ماشاء الله علي نابغة من نوابغ الكويت والدليل اني للحين متكي بالبيت لاشغل ولا مشغلة :)

موضوع طيب الصراحه
وتحيااااااتي

[بـنـت النـور]

لي عوووووووووده بروح مع ريووومه اكفخهمممممممم وارجع لتس :)

رجععععت




الريم

يعطيك العافيه لطرح الموضوع القيم

وفعلاً مثل ماذكر الاغلبيه انه البعض من الاهل مايتحمل كثر الاساله من الاطفال
واللي تأدي الى ان يفتقدون الثقه بالنفس والجراءه
واللي كان مفروض يحصل..
أن يفهمهم ومحاوله التعاطي معهم بشكل
سلس. والاجابه على كل مايسألونه

لكن وين طولت البال والصبر عليهم :)

دمتي بنور

[سيدة القـــــلم]

مــوضوع جميلـ عزيزتي الريــم.. ..

وما فات اطفالنــا بالصغر لايمــكن ان نتداركــه بعد الكبـــر.. لذلك نجد اطفالنـــا اقل من غيرهم من الناحيــه العقليه وسعه المداركـ وسرعه البديهه.. ..







شكراً لك على الطرح القــّـيم.. ..







ღ
ღ
ღ
تحياتي
عشـق القصـيد

[عبدالرحمن]

مشكلتنا في تعاملنا مع الأطفال

اننا ماعندنا بال طويل ولا سعة صدر ولا حلم

ولا خلق ولاولا ولا ولا ...إلخ الولالات

اذا سألونا سؤال يبيله إجابة طويلة صرفناهم بأي

تصريفة إما نجاوبهم جواب غلط مختصر أو نسفههم

ونترك أسئلتهم حايرة أو نرقعها بالعمر

ونقول له بكرة تعرف اذا كبرت

وبهالأسلوب نفقدهم الثقة في أنفسهم

ويصير صعب عليهم التعبير والاندماج مع المجتمع ,,

وأكبر دليل برامج الأطفال اللي توضح لك الفرق الشاسع

بين أطفالنا وأطفال غيرنا ,, والسبب !!!!!

الأهل ومعاملتهم وقلّ صبرهم



صح مخك ياشيخة!!

[شام]

هلا بالريم ..
يعني اول ما شاهدت اسمك مسطر تحت الموضوع قلت فوراً ((الموضوع دى يجنن ))
مابعرف مشيت معي المصري ولا خلينا بالعربي الفصيح ..
عزيزتي ..
للأسف نفقد الحوار مع أطفالنا .. بل والأسواء أننا بدأنا نفقد الحوار مع ذواتنا لماذا الله أعلم والراسخون في العلم ..
ولكن كان قديماً وعلى حسب ما اسمع من روايات والدي عن جدي أن الولد كان يسأل والأب يجيب .. بكل سرور . والأم كذلك .. أذكر مرة كنت مع والدتي في السوق وأسأل وتجيب .. وتجيب هذا كذا وكذا ..
دارت الأيام .. ورأيت يعيني أم لا تستطيع سماع حرف من ولدها وكل الذي قدرت عليه هو اذهب من هنا الآن ..
يعني عاد الولد بخفي حنين ومن هنا تنشأ أزمة مصارحة وحوار بين الأهل ..
أما بالنسبة لمشاهدتك في مكة المكرمة لذاك المشهد العفوي .. فهو يترجم الطفولة بكل أبعادها ..
الله يرزقنا عمرة وحجة .. إلى بيت الله .. ويسألوني مليون سؤال أجاوب ..
هنيئاً لك العمرة وجعلها الله مقبولة ..

[المطنوخ]

هم بس لو على نبوغهم هذا يغششوننا بالامتحانات تسان يزيد غلاهم:)

[الجازي]

ريومة ,,

طيب اصبري اعلمتس وش لابسين !!؟؟ :)

وتكفين عليتس بالولد أكثر :)

[الجازي]

هلا والله بسنين ,, والروعة حضورك ,,


وليش نرووح بعيد ..احنا الحين يوم كنا صغار اذا بغينا نبدي راي او نقول شي ..اقل شي ينقال لنا ..عيب ..اسكتوا .. توكم صغار ..... لين صرنا مثل الطرمان ولاعاد نعرف نتكلم ....

:)

لاعاد !!

احنا حالة غير طبيعية :)

المشكلة ان جيلنا هو المظلوم :(

يعني الجيل اللي قبلنا والجيل اللي بعدنا ماكانوا يعانون مثل معاناتنا :) <<<<<ايه ياحزم الظامي وين حقوق الانسان عنا بس :)

الجيل اللي قبلنا جيل أهلنا كان الولد مع أبوه مايتعداه يتعلم منه المرجلة والعلوم السنعة ,, والبنت نفس الشيء تلقينها دايما مع أمها والأم عادةً تحاول تثقف بنتها بالسواليف المفيدة والنصايح النافعة ,, وأصلا البنت يمنعها حياها انها تسأل عن كل شاردة وواردة :) يعني الأم ماتنغث :)

الجيل اللي بعدنا صار يتمتع بحقوق أكثر ديموقراطية :)

يعني على الأقل صاروا الوالدين اللي هم من الجيل المظلوم والمضطهد :) متعقدين من ماضيهم ولايبون يكررون المأساة في عيالهم فتلقينهم يطورون أنفسهم أكثر عشان يكفلون لعيالهم نمو بدني ونفسي سليم ,,

جيلنا غير انه مظلوم من الأهل تلقينه بعد مظلوم من المدرسة ,, يعني مافيه مجال للنقاش أو حتى للدفاع عن النفس :( <<<<مظلومة سابقاً :( لكن تم رفع الظلم وسحق الظالم :)

ياشيخة خليها على الله ترى شوي واكتب موضوع ثاني اشرح فيه معاناتي مع الاضطهاد :)

يعطيك العافية على المرور ,,

[محمدالشمري]

واصل مع ريم شمر وبنت النور أفك العيال من الضرب وأخبيهم وأبوسهم وراقع تاني ياريم

[الجازي]

خالي ابو غازي ,,

الله يتقبل منا ومنكم صالح الأعمال ,, بس تراها عمرة قديمة حال عليها الحول :)

وعلى قولتك حنا وسيعين صدر على غيرنا أما عيالنا رايحين فيها :(

يسلمو ياخال على مرورك الجميل ,,

[الجازي]

الزقروطي ,,

أقل شيء تزفه وطراق عالماشي !! :)

الله يحللني عندك أجل :)

واذا على الفول ماهيب مشكلة ناكل فول :) بس المصيبة لو يطلع سبب نبوغهم من الحلبة الحصى :)

يسلمو عالمرور يالزقروطي ,,

[الجازي]

بنوتة ,,

ريومة رجعت بس بنفس ردها :)

في انتظارك يالغالية ,,

[الجازي]

الفاضلة سيدة القلم ,,

أطفالنا ليسوا أقل من غيرهم من الناحية العقلية ,, لكنهم أقل من الناحية الاجتماعية " الجرأة ,, الثقة بالنفس ,, المخالطة ,, ... "

فحين تتوفر لهم البيئة التربوية المناسبة تجدينهم كأقرانهم من المصريين ,, لكن المصيبة العظمى هي في عدم توفر هذه البيئة الصالحة للتربية :(

سلمت عزيزتي على هذا التعقيب الجميل ,,

[الجازي]

صح مخك ياشيخة!!

ومخك أخوي :)

<<<<<<< ابتلشت بالرد :)

تسلم على المرور ,,

[الجازي]

مابعرف مشيت معي المصري ولا خلينا بالعربي الفصيح ..

بالسوري تمشي معك أكثر :thumb:


ومن هنا تنشأ أزمة مصارحة وحوار بين الأهل ..

هي فعلا أزمة وليست كأي أزمة لأنها تؤثر على مستقبل جيل بكامله سيتحمل يوماً ما المسؤولية برمتها ,,

لابد أن يعود الحوار والحوار الهادئ الهادف ليحققوا ماعجزنا عن تحقيقه ,,


الله يرزقنا عمرة وحجة .. إلى بيت الله

اللهم آمين وإن شاء الله تتحقق أمنيتك في القريب العاجل ,, ونتشرف بزيارتك لنا والتعرف عليك عن قرب :thumb:

يسلمو أمونة على ردك وحضورك الرائع,,

[الجازي]

المطنوخ ,,

أنت ذاكر زين وفكهم من غلاك :)

[الجازي]

في انتظارك أخوي محمد بس بدون العيال :)

[مشــــعل]

بالعكس لوهم وغداننا
كان الافم مفتوح والسعبول يدرج

يتلفتون مايدرون وش الطبخه
لايسألون ولاشي

**شطحه**
هذي اختي وزوجه يشترون من هالكتب العلميه لوغدانهم
بزعمهم يبونهم يطلعون نوابغ
وبعض الكتب سعرهن غالي والبنيخي ماقصرو
يومين وبكرى تلقاوه مقطع
قلت بدال هالفلوس اللي تدفعون والله ماهم متسنعين
مار عطونياهن اعبي بهن بنزين>>>خوش خال

[محمدالشمري]

في انتظارك أخوي محمد بس بدون العيال
ما لغيتهم سبقتني ريم شمر وبنت النور وسمعت أنهم متفلعين :p:

عموماً أختي أود أن أبين أعجابي الشديد بأسلوب كتاباتك الشيقة وأتمنى لك التوفيق والمزيد .

أما بشأن المطروح فما قلتيه هو الحقيقة المرة التي نعيشها نحن المجتمعات البدوية أن صح التعبير
فاللاآت التي ذكرتيها أصبحت طريقة حوارنا مع فلذات أكبادنا وهنا هو عدم الوعي والأدراك لما قدم يلم بأبنائنا في المستقبل .

في مصر أو غيرها من الدول الأخرى نجد أبنائهم لديهم القدرة على النقاش والسؤال دون خجل أو خوف بل وكأنهم على أستعدادٍ للحوار والنقاش مع من يفوقهم عمر وخبرة وبثقةٍ كبيرة نادرٌ وجودها لدى الكبار منا .

وأعتقد أن ذلك له أسباب كثيرة منها عدد أفراد الأسرة في المنزل الواحد " يعني عيالي وأخواني وعيالهم غير خواتي وعيالهم كل شوي مسايير " وهذا قد يؤثر على الطفل في تركيبته حيث قد يكون لي رأي في شيء سمعه مني مخالف لقول سمعه من عمه أو جده وهكذا .
والأمر الآخر هو البيئة والأختلاط سواء في الحارة أو المدرسة .
وسبب آخر هو عدم ثقتنا بأولادنا بحجة أنهم صغار رغم قناعتنا بما نقرأ ونرى من صحة التحاور معهم
والأدهى هو الحياء منهم في الرد عليهم وعلى أستفساراتهم وكأننا نقول " وغد ويجالسن والله عيب لو يشوفن أبوي قالي ما تستحي جالسن مع الوغدان " .
والأعظم هو عدم ثقتنا بهم لنقول لهم كل شيء وذلك من باب الحرص عليهم في عدم الخوض في مسائل قد تلحق الضرر بهم .
أيضاً عدم تفهمنا لمعنى الحوار وفوائده ، ودكتاتوريتنا في أمور المنزل على أننا " سي السيد " .

تقبلي أحترامي على هذا الطرح

[الجازي]

الغالية ريم شمر,,

تصدقين بغيت أنسى أرد عليك :)

صدقيني ريومة معاملتك لطفلك وهو بهالعمر الصغير يرسم ملامح معاملتك له في المستقبل ,,

يعني طريقة تفاهمك معه ,, هدوئك ,, صبرك على كثرة طلباته وصياحه :) تطويل البال شوي ,, كل هالأمور تحدد أسلوبك مستقبلا ,,

شوفي عاد وشلون معاملتك له الحين واعرفي وش بتطلعين بعدين :)

الله يخليه لك ويعينك على تربيته ,,

ويسلمو على هالتشريفة ,,

[الجازي]

أخوي مشعل الغفيلي ,,

مادام انك متأكد انهم ماراح يستفيدون من هالكتب ,, فأنا أضم صوتي لصوتك وخذ حقهن عشان تعبي بنزين سيارتك :)

بصراحة سيارتك أولى :)

[الجازي]

أخي محمد ,,

ردك وافي وشافي ,, فقد أتيت على الجرح فعلاً ,,

أشكر لك هذا الحضور المميز ,,

[ريم شمر]

ريمو الظاهر طلول يبي يحججك اذا كبر

عرفنا بجميلك عليه :)

امس قررت اجلس معه جلسه مصارحه بعد ماتأثرت من موضوعك :tongue:

وماتصدقين وش اكتشفت

برغم عمره الصغير جدا

لكن اكتشفت انه ممكن احاوره واسولف معه بكثير من الامور

كانت تجربه راااااااااائعه بمعنى الكلمه

انا اللي استمعت فيها واستفدت

عرفت انه عنده استعداد يتعلم كثير من الكلمات مهما كانت صعبه

وصراحه تفاجات فيه كان يردد بعض الكلام بوضوح تام

قرآن واناشيد والمصيبه متابع افلام كرتون وعارف توم وجيري

وتيمون وبومبا :puzzled:



بجد كانت جلسه ممتعه مع الشيخ طلال يخليه لي ربي ويحفظه:d:

[الصيرمي]

أخوي مشعل الغفيلي ,,

مادام انك متأكد انهم ماراح يستفيدون من هالكتب ,, فأنا أضم صوتي لصوتك وخذ حقهن عشان تعبي بنزين سيارتك :)

بصراحة سيارتك أولى :)
اعطونا الباقي لانوه البانزين راح يرررررررررخص < يمرررررررونك:)

بزورتنا المساكين اول حاجه يتعلموها انوه يسكت مايتكلم وما يكتر حكي

المسكين يسال عن حاجه ويكون الجواب ايه اسكت وش لك بهالسوالف< صار رجال الررررراجل:)

اما المصاروه فبالهم وسيع وتلاقي الاب والا الام يتكلم مع طفله وكانه يكلم ابوه مو ابنه:)

آه امال ايه انت شفت ازززززززاي جابوا البتاع ده وحطوه هنا ؟

طب انته عارف ايه أصدهم من كده؟

وبعدين الموضوع صار شي وراثي لنا احنا ولهم هما:)

لكن فيه ناس من عندنا يعاملوا اولادهم وياخذوا ويدوا معاهم وكانهم رجال؟

وانا اول ما اشوف ابوهم راح على طول من اول سؤال يسالني هوا اقول له ياوغد اهجد:(

انا في الموضوع والا طلعت كدا والا كده:)

الحل ايش هوا في البيت اذا كانت طبيعتهم هسسسسس ولا نفسسسس:)

مشكورررررررررره يالريم على الموضوع الرررررررررررائق:)

تحياتي:)

[الجازي]

ريمو الظاهر طلول يبي يحججك اذا كبر

عرفنا بجميلك عليه

بس تراتس الأولة :) والله ما أروح معه اذا ماجيتي معنا :)

خلاص بحطه في قائمة اللي بيحججوني :) <<<<<< تسنها تمن بروحها :)


كانت تجربه راااااااااائعه بمعنى الكلمه

انا اللي استمعت فيها واستفدت

:)

الله يخلف على طلال :) الحين الموضوع له تستانسين أنتي :) ودي اشوف نظراته لتس وانتي مبسوطة :)


بجد كانت جلسه ممتعه مع الشيخ طلال يخليه لي ربي ويحفظه

آمين ويقر عينك بصلاحه ,,

شفتي شلون حنا حاقرينهم ولا نعطيهم وجه :) استمري على هالحال وتشوفين اما صار ولدتس بكرة يترجم حتسي عزوز من زود الذكاء والنباهة :) :)

يسلمو ريومة على رجوعك مرة ثانية للتعليق ونقل نتائج التجارب :)

[الجازي]

حياك الله يالصيرمي ,,

وعز الله انك نقلت لنا السيناريو اللي يصير بين المصاريا وعيالهم :thumb:

عسى الله يحط فينا مثل ماحط فيهم :) ويرزقنا سعة الصدر وطول البال ,,

يسلمو على المرور أخوي,,

[الاصمعي]

الا هقوتك أطفالهم ما فيهم علة:)

وش رايك عاد تقلبين على هالي تولجوا تربيتنا وكرهونا لأهلنا وحسسونا بالذنب تجاه أطفالنا وتبينين هالمرة محاسن تربيتنا ومساوئ تربية المصاريه:)

يالله أثبتي لهم بأن عيالنا أفهم وأطلق لسان من عيالهم ولك جايزة من مؤيدي تربية الأطفال بالشوحط والعقال:)

موضوع رائع ورايق :thumb:

[اخو سعدى]

هلا ريم ...

افضل طريقه وبكل اختصار للرد على اسئله
واستفسارات الاطفال ..
بانك ترد عليهم كانهم كبار ويفهمون كل شئ ..

هذه الطريقه مطبقه بكل الدول الاجنبيه ..
ولكن عندنا غيررررررررررررر ..


لك ِ التقدير ..

[الجازي]

الا هقوتك أطفالهم ما فيهم علة :)

إلا فيهم علل :) بس الظاهر مايشوفها غيرنا :)


وش رايك عاد تقلبين على هالي تولجوا تربيتنا وكرهونا لأهلنا وحسسونا بالذنب تجاه أطفالنا وتبينين هالمرة محاسن تربيتنا ومساوئ تربية المصاريه

يعني أقلب على نفسي :)

لكن ليش لأ !!؟ نقلب على الموجة الثانية ونطلع إبداعات تربيتنا وبلاوي تربيتهم :)


يالله أثبتي لهم بأن عيالنا أفهم وأطلق لسان من عيالهم ولك جايزة من مؤيدي تربية الأطفال بالشوحط والعقال

إذا ضمنت لي ان الجائزة خالية من كل مايمت للشوحط والعقال بصلة ,, جبت لك الإثبات :)

يسلمو عالمرور أخوي الاصمعي ,,

[الجازي]

أخوي أخو سعدى ,,

المشكلة ماهي في أفضل طريقة !!

المشكلة في تطبيق الطريقة :)

يعني كلنا عارفين إن أحسن حل انك تجاوبهم وترد عليهم كأنهم كبار عشان تتوسع مداركهم لكن من اللي رايق وباله طويل عشان يتفرغ لأسئلتهم !!

خصوصا لما تعرف ان الصغار مايشبع نهمهم للمعرفة شيء ,, يعني السؤال الواحد بيلحقه أقل شيء عشرة أسئلة :)

شاكرة لك جميل مرورك ,,

[لحن الحياة]

هلا بك أختي الريم

يووووووووووووووه وأنا أقرا قصتك

الصراحة انقهرت ولو إني مكان الام أدري إني في لحظة راح أفقد أعصابي ويمكن يندمون عاللحظه اللي صحّوني فيها

لكن

بحكم وظيفتي واحتكاكي مع الأطفال صدق تلاحظين إنه عالم

عالم غريب وواسع

يجيك تصرف ما تتخيلين إنه ممكن يكون من طفل

ذكّرتيني بطفله مصرية عندنا

مرة كنا جالسين ولا ندى هذي تقوم وتهز خصرها وتقول رقب حوش صحبك عني

يا رقب وتهز

من جد نحن استغربنا

البنت عمرها ما يتجاوز الخمس سنوات

بس اللي شفتاه من جد كان لعمر أكبر من كذا

في قصص كثيرة مرت علي مع هالعالم العجيب

يمكن تسنح لي الفرصة في يوم وأخليكم تعيشونها معاي

يعطيك ربي العافيه أختي الريم

[الجازي]

هلا بك عزيزتي لحن الحياة ,,

الله يعينك أجل على وظيفتك ,, بصراحة أحس انكم تتعبون أكثر من المدرسات العاديات :(

على طاري البنت اللي عندكم فيه وحدة مثلك تدرس روضة أو تمهيدي المهم تقول وأنا في الفصل مادريت الا وهالولد اللي قام عن كرسيه وجاء عند السبورة أو الصبورة :) طبعا الولد مصري :)

قالت له : وش جابك هنا ؟؟

قال : أنا عاوز أؤول كلمة !! :)

قالت : تفضل :) <<<<<<< شكلها جاز لها :)

المهم الولد شبك يدينه في بعض وحطها قدام جسمه :) <<< من زين الوصف :)

قالت له : ليش عاد تسوي بيديك كذا ؟؟

قال : أصل دي هي علامة الواسق من نفسه :)

وش رايك عاد في هالفلتة !!

تصدقين عاد اني من عقبها وأنا أحاول أشبك يديني في بعض :) :) بشوف هو عنده سالفة والا لأ :)

يسلمو لحن الحياة على التعقيب