راع الهتيما
19-11-2005, 13:12
السلام عليكم ورحمة الله وبركاته
وقفة تأمل مع هذا الشاعر المبدع
حيث يقول :-
طاحن سنوني وأنقلب عارضي شيب
... ودلّيت اقوم بموخري قبل راسي
خذيت من طبع النضا شمّخ النيب
... ثوران هرش بالبروك متواسي
هذا طريق الحق ما عنه تجنيب
... مضمون لو تفنى الجبال الرواسي
قالوا لي ان الشيب مابه عذاريب
... هـرج يقولونه على غير ساسي
الشيب لابه لا معزّه ولا طيب
... ألا المـهونه والتعب والتعاسي
صعب على راعيه بعض المواجيب
... الهيّن الليّن على العود قاسي
عقب الوناسه والطرب والتعاجيب
... يا شبت ياتيك الزمان انعكاسي
يصير لك دون الوناسه عواقيب
... آخر نهار وحاال دونه دماسي
تحّرم من السجّه ونطّ المراقيب
... وتنسى طرات البال لو ماانت ناسي
الشيب يتعب شمّخ النيب والذيب
... وحتى النبات أليا كبر قيل عااسي
ياشبت تجفاك البني الرعابيب
... من عقب ما انت جنيه ترجع نحاسي
شي صحيح وماضي له تجاريب
... ولا يفيد لو تلبس جديد اللباسي
العود له حشمه وقدر وتواجيب
... بدور مضى واليوم كنه مداسي
حتى من الاقراب ياجا تعاتيب
... تستضعفه بعض النفوس الخساسي
الشيب ياصادك بعكف المخاليب
... مايفارقك لو صحت تبي الخلاصي
مار يالله ياعالم خفى خافي الغيب
... عالم خفى المخفي بقلب سياسي
عبدك بدون عراك ماله مقاضيب
... يامخضر بالنبت عقب اليباسي
اطلبك عفوك وانت معطي المطاليب
... بيوم تلين به القلوب القواسي
ان صرت بالمظلم بشين الضنابيب
... حفر حفرة عرضي وطول قياسي
وسلامتكم ..الشاعر عبدا لله الفرج الغيثي (رحمة الله)
الله يرحمه ويرحم اموات المسلمين جميعا
خالص تحياتي للجميع
فهد
وقفة تأمل مع هذا الشاعر المبدع
حيث يقول :-
طاحن سنوني وأنقلب عارضي شيب
... ودلّيت اقوم بموخري قبل راسي
خذيت من طبع النضا شمّخ النيب
... ثوران هرش بالبروك متواسي
هذا طريق الحق ما عنه تجنيب
... مضمون لو تفنى الجبال الرواسي
قالوا لي ان الشيب مابه عذاريب
... هـرج يقولونه على غير ساسي
الشيب لابه لا معزّه ولا طيب
... ألا المـهونه والتعب والتعاسي
صعب على راعيه بعض المواجيب
... الهيّن الليّن على العود قاسي
عقب الوناسه والطرب والتعاجيب
... يا شبت ياتيك الزمان انعكاسي
يصير لك دون الوناسه عواقيب
... آخر نهار وحاال دونه دماسي
تحّرم من السجّه ونطّ المراقيب
... وتنسى طرات البال لو ماانت ناسي
الشيب يتعب شمّخ النيب والذيب
... وحتى النبات أليا كبر قيل عااسي
ياشبت تجفاك البني الرعابيب
... من عقب ما انت جنيه ترجع نحاسي
شي صحيح وماضي له تجاريب
... ولا يفيد لو تلبس جديد اللباسي
العود له حشمه وقدر وتواجيب
... بدور مضى واليوم كنه مداسي
حتى من الاقراب ياجا تعاتيب
... تستضعفه بعض النفوس الخساسي
الشيب ياصادك بعكف المخاليب
... مايفارقك لو صحت تبي الخلاصي
مار يالله ياعالم خفى خافي الغيب
... عالم خفى المخفي بقلب سياسي
عبدك بدون عراك ماله مقاضيب
... يامخضر بالنبت عقب اليباسي
اطلبك عفوك وانت معطي المطاليب
... بيوم تلين به القلوب القواسي
ان صرت بالمظلم بشين الضنابيب
... حفر حفرة عرضي وطول قياسي
وسلامتكم ..الشاعر عبدا لله الفرج الغيثي (رحمة الله)
الله يرحمه ويرحم اموات المسلمين جميعا
خالص تحياتي للجميع
فهد