الشبث
17-11-2005, 16:36
هذي سنتن من المرات طال عمركم جميع كنت ابي اصير من حقين القنص
هاللي بس ينقلون طيورهم وسلقهم معهم
وقمت ادور لي سلوقي وطير ابي اشريهن علشان اقنص بهن
وهو يجيني حدا الربع قال يا شبيثان عندي لك سلوقي
بس الطير اعذرن والله مالقيت لان الزينات غاليات بهالالوف
قلت بيض الله فرتك ماقصرت
وانا اروح معوه واخذ السلوقي
ليمار ماعندك احلى منوه تقل ذيب بس ينقصوه بعض التعديلات ولا ذيبن خالص
خصوصا الكرعان يبن لهن قصر شوين
مالكم بالطويله قمت كل ليله اقابل هالسلوقي اراعيلوه واقول لوه انت اللي تبي
تخلي الربع يسولفون بي ويقولون شبيثان راعي قنص
تكفى يا سلقلق ما ابيك تخلي ولا ارنب تفلت منك
وبلشت بالطير ولا ادري منوين اجيبوه
ويومن من الايام قالي واحدن من الربع يا شبيثان يذكرون طيورن تبيع بسوق الحمام
قلت سوق الحمام اللي ماغيروه قال ايوالله
ومن باتسر وانا ازرق لسوق الحمام علشان اكمل فريق القنص المكون مني انا وسلقلق والطير
والله وانا افر السوق ادور
ليمار هكا الهندي معوه طيرن مبرقعوه
ومن شفت عويناتوه عشقتوه قلت والله لا اخذوه لو بمية الف
قلت ياصديق كم هذا
قال اتنين الف
قلت لا يا صديق نقص شويا
قال صديق انا خساره كذا هازا كويس ميه بالميه
قلت وانت مجربوه
قال ايوا انا روخ بعيد وخلي هازا طير ويرجع
قلت ايوه هذا المطلوب اهم شين انوه يرجع اخاف يولي وعلى هكا الخشه
مالكم بالطويله خذيتوه
ومن الفجور قمت ابي اقنص انا ربعي السلوقي والطير
طبعا السلوقي مخليه بحوض الددسن ورابطن رقبتوه بحبل ذالوه يطبق وانا مسرع
والطير حاطوه بجنبي وملزقوه بتيب
وكنت مخططن خطه محنكه اني اهجم على الفريسه بالطير اول شين
وبعدين ابداء الهجوم البري ( مثل الجيش الامريكي )
ويوم راعيت ليمار هذي ارنب
وانا اوقف وافك اللزق اللي على الطير وانا اطلقوه
اثري السلوي طبق من الحوض يبي الارنب ونشبت رقبتوه بالحبل ولا انتبهت لوه
مشغولن بالطير اللي مر من فوق الارنب ولا كأنوه يشوفه ملعون الرقبه
وانا ادعس ابي الحقوه
وسلقلق المسكين يجر معي
وعقب مطرده نص ساعه وهو يطري علي السلوقي
ويوم راعيت لوه ليمار من صيد امس
وعيونوه طالعات من الحبل
والطير ولا
وجلست لحالي بهالبران لا ونيس ولا جليس
ورجعت للبيت
وقمت اقنص مثل اول
بالنبيطه اتقنص هالعصافير
واللي يبيني هالحين يلقاني حدر شجرتن عند بيتنا اتقنص به العصافير
وجيتك منهم مدري عنهم
وتقلدوا تحيتي
هاللي بس ينقلون طيورهم وسلقهم معهم
وقمت ادور لي سلوقي وطير ابي اشريهن علشان اقنص بهن
وهو يجيني حدا الربع قال يا شبيثان عندي لك سلوقي
بس الطير اعذرن والله مالقيت لان الزينات غاليات بهالالوف
قلت بيض الله فرتك ماقصرت
وانا اروح معوه واخذ السلوقي
ليمار ماعندك احلى منوه تقل ذيب بس ينقصوه بعض التعديلات ولا ذيبن خالص
خصوصا الكرعان يبن لهن قصر شوين
مالكم بالطويله قمت كل ليله اقابل هالسلوقي اراعيلوه واقول لوه انت اللي تبي
تخلي الربع يسولفون بي ويقولون شبيثان راعي قنص
تكفى يا سلقلق ما ابيك تخلي ولا ارنب تفلت منك
وبلشت بالطير ولا ادري منوين اجيبوه
ويومن من الايام قالي واحدن من الربع يا شبيثان يذكرون طيورن تبيع بسوق الحمام
قلت سوق الحمام اللي ماغيروه قال ايوالله
ومن باتسر وانا ازرق لسوق الحمام علشان اكمل فريق القنص المكون مني انا وسلقلق والطير
والله وانا افر السوق ادور
ليمار هكا الهندي معوه طيرن مبرقعوه
ومن شفت عويناتوه عشقتوه قلت والله لا اخذوه لو بمية الف
قلت ياصديق كم هذا
قال اتنين الف
قلت لا يا صديق نقص شويا
قال صديق انا خساره كذا هازا كويس ميه بالميه
قلت وانت مجربوه
قال ايوا انا روخ بعيد وخلي هازا طير ويرجع
قلت ايوه هذا المطلوب اهم شين انوه يرجع اخاف يولي وعلى هكا الخشه
مالكم بالطويله خذيتوه
ومن الفجور قمت ابي اقنص انا ربعي السلوقي والطير
طبعا السلوقي مخليه بحوض الددسن ورابطن رقبتوه بحبل ذالوه يطبق وانا مسرع
والطير حاطوه بجنبي وملزقوه بتيب
وكنت مخططن خطه محنكه اني اهجم على الفريسه بالطير اول شين
وبعدين ابداء الهجوم البري ( مثل الجيش الامريكي )
ويوم راعيت ليمار هذي ارنب
وانا اوقف وافك اللزق اللي على الطير وانا اطلقوه
اثري السلوي طبق من الحوض يبي الارنب ونشبت رقبتوه بالحبل ولا انتبهت لوه
مشغولن بالطير اللي مر من فوق الارنب ولا كأنوه يشوفه ملعون الرقبه
وانا ادعس ابي الحقوه
وسلقلق المسكين يجر معي
وعقب مطرده نص ساعه وهو يطري علي السلوقي
ويوم راعيت لوه ليمار من صيد امس
وعيونوه طالعات من الحبل
والطير ولا
وجلست لحالي بهالبران لا ونيس ولا جليس
ورجعت للبيت
وقمت اقنص مثل اول
بالنبيطه اتقنص هالعصافير
واللي يبيني هالحين يلقاني حدر شجرتن عند بيتنا اتقنص به العصافير
وجيتك منهم مدري عنهم
وتقلدوا تحيتي