( غر السحاب )

[ابو ياس المدهر]

هذه قصيدة جديدة بالربيع والامطار

للشاعر حبيب بن ظاهر الحسيني الشمري


عسى غر السحاب اللي يعده كاتب النــــشرات = على نجد العذيه يسقي الاجلاد ونفوده
سحاب(ن) ساقه الغربي هماليله تجي سوقات = من الغربي يجاذبله هبوب الشرق ويقوده
ليـا سـالــت فــيـافي نـجد وعشبه صار له زافات = حلو ريح الخزامى والنفل لا ذعذعت نوده
حــلو عقــب الــمطر ريــحه ليا مر السحاب وفات = وحلو شوف الخباري عقب نو المزن ورعوده
وتــربــع فيــضـــة ام ارمـاح والـصـمـان والـشامات = ويقولون الكما موجود من لينه لساموده
ويــعــم ارض الـجــزيـرة بـالحيا والعشب والخيرات = بلاد الامن والاسلام بحكم الشرع ممهوده
وانــا قـلـبـي يـحـب الـبـر وتـمـشية والسجات = على ( جيب ) جديد مع جهاز ( الياس ) و( كنوده )


وســــــــــــــــــــــــــــــــــلامـ ــــــــــــــــــــــــــــــتـــــــــ ــــــــــــــــــــــــــــــــــــــــ ــــــــكــــــــــــــــــــــــم

[طائي الجبل]

الأخ أبو ياس
صح لسانك ولسان شاعرها الحسيني الشمري
أبشرك عاد أول السحاب لحائل

تقبل تحياتي ،،،

[بنت الشمال]

الفاضل / ابو ياس المدهر


يعطيك العافيه ولاااااهنت
قصيده أكثر من رائعه
سلمــت اخي ..

.
.
.

بنت الشمال

[ابو ياس المدهر]

الاخ العزيز طائي الجبل
شرفني مرورك العطر على موضعي

الف شكر

[ابو ياس المدهر]

الاخت بنت الشمال

الف شكر على مرورك