اسهم ...صناديق استثمار ... اسهم ...صناديق استثمار....اسهم...صناديق استثمار [الأرشيف]

مشاهدة النسخة كاملة : اسهم ...صناديق استثمار ... اسهم ...صناديق استثمار....اسهم...صناديق استثمار

شنقل

14-11-2005, 20:33

متأمل

14-11-2005, 22:58

مرحبا أخي شنقل

أنا أقول شنقلهن معك وين ما تروح...

سوق الأسهم هالحين في عزّه...لكن له طيحة جامده و العلم عند الله..

كانك ما تعرف للأسهم..سلّم فلوسك لمن تأمنه عليها لاستثمارها فترة وجيزه..

أو حطّها في عقار..يفيدك و عيالك من بعدك...

مشكلة الصناديق...يربحون الكثير..و يعطونك من حلالك القليل..

تحياتي...

ابو خليف

14-11-2005, 23:19

هاتهن استثمرهن لك

وازهل الباقي

شنقل

15-11-2005, 11:24

متأمل
مرحبا أخي شنقل
هلابك
أنا أقول شنقلهن معك وين ما تروح...
هذا انا متشبطهن

سوق الأسهم هالحين في عزّه...لكن له طيحة جامده و العلم عند الله..
هذا البلا يافلاااان ماتدري باي ساعتن تثور سليمااا

كانك ما تعرف للأسهم..سلّم فلوسك لمن تأمنه عليها لاستثمارها فترة وجيزه..
والله به واحدن عشيرن لي
خوش غليييم وأمين
الظاهر اني ابسلمه الجمل بما حمل

و حطّها في عقار..يفيدك و عيالك من بعدك...
مالي بالعقاااراي

مشكلة الصناديق...يربحون الكثير..و يعطونك من حلالك القليل..

هذي هي المشكله

متأمل
شكراااااا لك يافلااااان

شنقل

15-11-2005, 11:29

ابو خليف
هاتهن استثمرهن لك

وازهل الباقي

العشييير

الظاهر انك مبطي ماسافرت

ومحتاجن تحسين اوضااااع على وجه هالشتاااا

شنقل

15-11-2005, 11:29

غاده

16-11-2005, 17:51

يالربع ويالربعات

مساء الخيرات

والله اني بحلت:a:

مادري وين اهفي

ناس تقول درعم بالاسهم

ناس تقول اتسفت بلك صندوق استثمار

عندي لي مبلغ يحبه قلبك:7ayyoh: (رجاءن سلف مااسلف)

وبحلانن به.....

اللي يقدر يفيدنا يقلط.......

كل عام وانت بخير

رأيي تخلي معاك للصيفيه وطيره :)
ولا روح منتجع شتوي ايش لك بالاسهم وجمع الاموال ووجع الراس :)

ولا تعرف احسن شي اشتري المضايف وحولها كلها دكه :d:

** تبي الصدق سئلت لك شخص تقدر تثق بكلامه :thumb: قال اذا مستغني عن المبلغ ومو بحاجته وما يشكل له اي اهميه يجمد قلبه ويتوكل على الله ويدخل اسهم :thumb:
** واذا المبلغ مهم بالنسبه لك جرب الاستثمارات الي سقفها مو خطر( متوسطة المخاطر00 عديمه المخاطر ) <<< كح :) وهي راح تكون طريقك لتعلم التداول

( اذا في سؤال اسئلني واسئله 00 و كل سؤال يجاوب عليه اخذ انا ميه ) :)

** الاقتراح الثالث اذا المبلغ مسبب لك قلق وتفكير هاته :)

بااااي

الشبث

16-11-2005, 18:18

فيه واحد اسمه عبدالواحد ساكن في قطعه واحد تشان يطقه واحد تشان يقول كله واحد

وتقلد تحيتي

المشرف العام

16-11-2005, 18:30

سوق الاسهم يعيش عصره الألماسي :)

إذا لم تستفد من هذه الطفره . . فـ جمّع بعض السوالف لوغدانك باتسر إذا نشبوا بحلقك ليه جتك الطفره الثانيه وما استفدت منها

عاد ..

إذا عزمت على الابحار .. فلا تنسى انّك تبحر على كفّ عفريت :)

حاول بجيزان الزراعيه .. واصبر عليها شوي :smooch: هذا إذا المبلغ جامد لان سهما اليوم من 402 إلى 410 . والسبب حاسس ان عندها زيادة رأس مال :puzzled:

وإذا عندك المام بحرب الغوريلا :) اقصد المضاربه السريعه جدا جدا ، شف لك سهم مضاربه سريع مثل المكيرش :) بس لا تطوّل ريال او 75 هلله، ونزل من الباص :tongue:( إذا ضرباتك ناجحه ثلاث مرّات بالاسبوع ، بالشهر يعطيك نتيجه مقبوله .. ) ونتبه تركب الباص هو واقف او راجع للوراء :)

همسه :
هذه ليست توصيه ، ولا اتحمّل تبعاتها ، خذ اللي يجوز لك وخلّ الباقي
تششششششششاو

ابو غازي

16-11-2005, 19:23

المشرف العام
عاد ..

إذا عزمت على الابحار .. فلا تنسى انّك تبحر على كفّ عفريت
8
8
8
الله يهدااااك / يابو ســــــــــــــلطان :a:

وهقت الرجال ياما / ضرب عليهم بسيرفرهم اليوم :p:

طائي الجبل

16-11-2005, 23:47

أخي وصديقي شنقل
عندي لك رأي خلك على قولتهم فاعل خير وأنا الدليلة لك راح تشوف الخير 0
حط لك رصيد قدامك الدنيا تبي والأخرة تبي0
ردلي هاليومين 0

سلامي للجميع

شنقل

17-11-2005, 03:44

الملاك غيداء
كل عام وانت بخير
ونتي بخير ياخاله

رأيي تخلي معاك للصيفيه وطيره
ولا روح منتجع شتوي ايش لك بالاسهم وجمع الاموال ووجع الراس
والله يمدحون شاليهات الجميمه
ومنتجع المناشبي

ولا تعرف احسن شي اشتري المضايف وحولها كلها دكه
دكتن بهالبرد اللي يكصم السنون :p:

** تبي الصدق سئلت لك شخص تقدر تثق بكلامه قال اذا مستغني عن المبلغ ومو بحاجته وما يشكل له اي اهميه يجمد قلبه ويتوكل على الله ويدخل اسهم
** واذا المبلغ مهم بالنسبه لك جرب الاستثمارات الي سقفها مو خطر( متوسطة المخاطر00 عديمه المخاطر ) <<< كح وهي راح تكون طريقك لتعلم التداول

انا مابي اسهم ولا استثمارات
ابي شي واحد منهو اللي سعلتيه:p: (مات من الشفايه):p:

( اذا في سؤال اسئلني واسئله 00 و كل سؤال يجاوب عليه اخذ انا ميه )
اتصاال بصديغ الا مافيه قرط اختيارين:)

** الاقتراح الثالث اذا المبلغ مسبب لك قلق وتفكير هاته
وليه ياخاله قالولك من عيال من منصور البلوي:a:

بااااي
هلاهلا

الا منهو عليه الدور بالاتهاماااي الجاااايي
عزوز ونشفتي حلقه
عزتي للي عقبه

شنقل

17-11-2005, 03:50

الشبث
فيه واحد اسمه عبدالواحد ساكن في قطعه واحد تشان يطقه واحد تشان يقول كله واحد

وتقلد تحيتي

تصدق عاااد
توي ياي من مخيم ربعي على طريق العبدلي

ياااخي شاهيهم خوض (بوسطه خاشوقه)
انوااع التعقيد

المشرف العام

19-11-2005, 05:00

ألف أولف وأول السوق نسبه

نسبة تحت ما عاد تحتاج حسبة

سوق ضربنا فوق عشرين ضربة

والصبر زين إلا بسهم المواشي

والباء بدينا واشترينا وبعنا

ويا ليتنا فيما كسبنا قنعنا

طرنا وتعلينا ولكن وقعنا

والصبر زين إلا بسهم المواشي

والتاء توقعنا تزيد المكاسب

وقلنا نبي نشرب لذيذ المشارب

لكن ورطنا بين عارض وطالب

والصبر زين إلا بسهم المواشي

والثاء ثبت عندي بعلم يقيني

إني خسرت وراح ما في يميني

الله على تسديد ديني يعيني

والصبر زين إلا بسهم المواشي

والجيم جمعنا سهوم كثيرة

ولا درينا أن الدعاوي خطيرة

حتى خسرنا والخسارة كبيرة

والصبر زين إلا بسهم المواشي

والحاء حسافة يا جماعة فلوسي

حطيتها بأسهم وكسّرت قوسي

صحيح هالدنيا عطتنا الدروسي

والصبر زين إلا بسهم المواشي

والخاء خلاص أقول توبه ولا أعود

لو كنت بالمكسب موصى وموعود

وهذا قرار ما علي فيه منقود

والصبر زين إلا بسهم المواشي

والدال دجينا بسهم المواشي

نشريه غالي ثم نبيعه بلاشي

هذا جزاه اللي شرا بالخشاشي

والصبر زين إلا بسهم المواشي

والذال ذاك اللي تسبب علينا

ويلاه لو انه يطيح بيدينا

من دون ذبحه كلنا ما رضينا

والصبر زين إلا بسهم المواشي

والراء رمينا رمية دون رامي

وصابت وقلنا حرفنة ياسلامي

السوق طيب لين جانا الصرامي

والصبر زين إلا بسهم المواشي

والزاي زدنا يوم شفنا المرابح

وقمنا مع العالم نزيد المطابح

ويمكن على بعض السهوم انتذابح

والصبر زين إلا بسهم المواشي

والسين سوينا بها فاهميني

نشري نقول السوق بكره يزيني

نبغي المكاسب وأثرنا خاسريني

والصبر زين إلا بسهم المواشي

والشين شاري يومه السوق غالي

ما همني لو زاد فيه أريالي

لا والله إلا راح باقي حلالي

والصبر زين إلا بسهم المواشي

والصاد صدق اللي سهمها منول

حول ميه وسبعين واليوم حول

ينزل إلى ستين شي يهول

والصبر زين إلا بسهم المواشي

والضاد ضاربنا بسهم الفنادق

لكن رمونا مثل رمي البنادق

حتى زبنا بالحفر والخنادق

والصبر زين إلا بسهم المواشي

والطاء طمرنا طمرة دون داعي

نبغي النسب بالباحه أوبالجماعي

واليوم يكفينا حليب المراعي

والصبر زين إلا بسهم المواشي

والظاء ظلمني من نصحني بتعمير

ويقول لي هذا السهم مكسبه غير

وانا مطبح فيه من دون تفكير

والصبر زين إلا بسهم المواشي

والعين عيوا يرفعون المؤشر

يمكن سياسة سوق لازم يخسر

كم واحد من ذا المؤشر مدمر

والصبر زين إلا بسهم المواشي

والغين غيّر يالمحافظ وبدل

موضوعنا حله وبالسوق عدل

نظامكم ما هو كتاب منزل

والصبر زين إلا بسهم المواشي

والفاء فتيحي مشترينه بطمعه

لكن جانا منه عشرين قمعه

ما أظن يستأهل حسابه وجمعه

والصبر زين إلا بسهم المواشي

والقاف قالوا بكره السوق يرتد

والوضع اشوفه كل يوم يتعقد

مقرود يامن طاع شور المقرد

والصبر زين إلا بسهم المواشي

والكاف كافي يا وزير التجارة

خمسين بالميه علينا خساره

إن كان تفهم في فنون الإدارة

والصبر زين إلا بسهم المواشي

واللام لبنى يوم أغارت بلا خيل

خذت بسطوتها سهوم الرجاجيل

وخلت مدامعهم تبل المناديل

والصبر زين إلا بسهم المواشي

والميم ما تنفع سهوم العوايد

خسرانة وما عاد فيها فوايد

الفايدة بالكاش لا صار زايد

والصبر زين إلا بسهم المواشي

والنون نادوا من يعرف السلومي

وقولوا توجه يم شيخ القرومي

يحلها لا صار وقت اللزومي

والصبر زين إلا بسهم المواشي

والهاء هروج كل يوم تعادي

كل يسوي فاهم ٍواقتصادي

ياطيبكم عند العشاء والمنادي

والصبر زين إلا بسهم المواشي

والواو وهقنا المسمى إبراهيم

يقول أنا بقلب جميع المفاهيم

ياعزتي له علقوه الشغاميم

والصبر زين إلا بسهم المواشي

والياء ياربي طالبك ترحم الناس

وان تنتقم يارب من فعل الأنجاس

ولا باس ياللي صابه الهم لا باس

والصبر زين إلا بسهم المواشي ..!!

قلت يمكن تفيدك :)
ماادري من الشاعر

شنقل

19-11-2005, 14:16

والصبر زين إلا بسهم المواشي ..!!

صح لسااااانوه

يابو سلطاااان

هاللي فوق كلامن يفضخ القلب:a:

ابسحب فلوسي:g:

وابصير شريطي سيارااااااات

هات كفيلك وخذلك ددسن

والقسط الف وخمس:7ayyoh:

شنقل

28-11-2005, 12:54

كح كح

قرر شنقل حفظه الله:7ayyoh:

بسحب جميع اسهمه من السووووق

ودحانه بلووه مزوده:a:

وتوجه بحفظ الله لدوله الامارات للمضاربه هنااك:a:

وذلك بعد تلقيه عدد من الكمخات من حدى الهوامير:g:

يالبيه ..... ياسمنت راس الخيمه:7ayyoh:

كحيلان

28-11-2005, 20:21

الاخ العزيز شنقل ...

نصيحة لوجه الله ما ابي منك الا الدعوه الصادقه من قلب فقط لغير ...

نحن في الربع الاخير وهو الربع التحصيلي للشركات معروف هذا الكلام في السوق عندنا ...

يعني السوق فوق والشركات فوق ... باذن ...

اترك عنك الامارات وغيرها ... نحن في زمن الطفره ... والثراء الفاحش في سوق الاسهم ...

بععطيك شركة وبعد شهر من اليوم شف سعرها وفي ذاك التاريخ تعال ...

وكل اللي في المنتدى يشهدون على كلامي ...

الشركة هي شركة صافولا العملاقه ... سعرها 1190 .... وتنزل ل 1188 ...

حاول انك تقتنصها اليومين هذي ... يقولون الفرصه بالعمر مره وحده

اجزم بل ابصم انها في القاع في هذا السعر ولا فيه احد يجهل هذا

وباذن لله شهر بالكثير شف سعرها وبعدها بتدعي لي

اتمنى اني قدمت ما افدتك به

والله يرزقك من واسع فضله ... ويفتح لك ابواب جنته ورحمته ورزقه

ولنا موعد في هذا الموضوع بعد شهر من الان وسوف ارفع الموضوع بالدكه

تقبل فائق احترامي وتقديري لك

شنقل

29-11-2005, 02:11

كحيلان

وفقك الله

ابترك لي جزء ابحطه بصافولا
وعندي خبرها عنهااا

مشكور وماقصرت

الاعلامي

01-12-2005, 00:17

اخوي شنقل

ابعطيك نصيحه العمر

وهي

اذا الفلوس زود عندك ولا انت بحاجتهن اشتر بالبلاد وارتكهن فتره طويله

واذا كان عندك زواج او رغبت شراء سياره هذاك الوقت بعهن

وبالتوفيق ان شاء الله

..

.

شنقل

04-12-2005, 03:16

اسلم......

الزوااااج ..... وانتهى امره

والسياره...... الله يخلي لي اللومينا

شاكر لك مداخلتك

الا انت وينك

يخي لارحت على وجهك

لاتقاطع:7ayyoh:

عبدالعزيز

04-12-2005, 04:48

هات كفيلك وخذلك ددسن

والقسط الف وخمس:7ayyoh:

أنا اباخذ وكفلاي ابوخليف أو الشبث وش قلت؟:)

شنقل

06-12-2005, 02:36

^
^
^
عز الله ابدوخ من كثر مراجعة الحقوق المدنيه