اول قصائدي فهل ترقى الى مسامعكم؟

[المسعودي]

السلام عليكم ورحمة الله وبركاته

اخواني اعضاء منتد شبكة شمر

هذه اول قصيده لي واتمنى ان تحوز على اعجابكم

وهذه القصيده في خالي ذهب للدراسه للخارج

نبدأ:


يــاخــالـي يالـلـي ابعـدتـك الدراسه=يــالـعـن ابـو دراسه تبعدك عنا
مـن عـقـب ماكـنـا بـفـرح وبـوناسه=صــرنـا لايـام الفـرح انـتــمــنـا
أيـام الـفـرح صارت علينا تـعـاسـه=وانقلبت الايــام وحـنـا اندمرنا
ياما شربــنا من شقــا المر كاســه=ومن بعد ايام الضحك انجرحنا
يـفـديـك كـل الكون مع كل نـاسـه=ويفديك كل الشعر مع كل معنا
حتى الفرح من بعدك انهد ساسه=والضحك فارق مبسـم الكل منا
يــاخـــوك ارجـع مابعـد هالتعاســه=من روحتك ترى الليالي ادفنـنا
واخرها اصلي على ناهي النحاسه=واطلب عسا الله يقرب الكل منا


المسعودي

والسلام عليكم ورحمة الله وبركاته

[((بعيدالنظر))]

حتى الفرح من بعدك انهد ساسـه
..................والضحك فارق مبسم الكل منـا


ياسلام ياسلام .
المسعودي : شعور جميل والخال والد مثل مايقولوا وأحياناً كثيره يكون أكثر حباً .
فهذا الشعور الجميل كنت أتمنى أن تدعوا له في غربته هناك وأن تبتعد عن اللعن في قولك يلعن أبو دراسه .. إلخ
لأن الدراسه هي مستقبله ولو لم تكن كذلك لما ذهب في طلبها . ولكن هي المشاعر أحياناً تكون بهذا التجاوز وبهذه الحده وهي تعبّر عن مدى شوق الأحبه .
صح لسانك يالمسعودي ..
وأسأل الله أن يعيد خالك إلى ارض الوطن وإليكم جميعاً سالماً ومعافى وقد حصد من العلم ما يصبوا إليه وأن يكون معكم قريباً إن شاء الله .

[علي الشهراني]

اخوي المسعودي


قصيده جميله تحكي ما للفراق من آلام


الله يجيب خالك بالسلامه


صح الله لسانك



علي الشهراني

جريح الحـــــــــــــــــــــــــــــــرف

[هاني العجل]

صح لسانك

والله يرجع كل غالي لمغليه



وافي أخوي المسعودي



تحياتي









.

[الدغيشم الشمري]

من عقب ماكنا بفـرح وبوناسـه
,,,,,,,,,,,,,,,,,,,,,صرنـا لايـام الفـرح انـتمنـا
أيام الفرح صارت علينا تعاسه
,,,,,,,,,,,,,,,,,,,,وانقلبت الايام وحنا اندمرنـا



أخوي المسعودي,

قصيدة رائعة مليئة بالاحاسيس الصادقة,,

أشكرك على مشاركتنا بها.

وهذه المشاركه الأولى لك, ونتمنى ان لا تكون الاخيره,
واستغرب ان هذه اول مشاركة لك منذ تسجيلك قبل أكثر من سنه!


وتقبل تحياتي,,

باسل الدغيشم المسعودي الأسلمي,,

[المسعودي]

هلا وغلا اخوووي بعيد النظر

صحيح ان الدراسه مستقلبه

بس خذته منا

ولاهنت على الرد

ولك مني احلى تحيه

[المسعودي]

هلا وغلا اخوووي علي الشهراني

ولاهنت على الرد

ولك مني احلى تحيه

[المسعودي]

هلا وغلا اخوووي هاني العجل

ولاهنت على الرد

والله يسمع منك

ولك مني احلى تحيه

[المسعودي]

هلا وغلا اخوووي باسل الدغيشم المسعودي الأسلمي,,

وعشت الرد ياولد العم

ولاهنت يابعدي

ولك مني احلى تحيه

[عجايب بنت الشايب]

اخوي المسعوووودي قصيدتك رقت ورقت

وركبت السطح بعد


بس طاحت





تدري ليش


لاني برائيي


لا احبذ اللعن بالقصيده


حتى بالتوقيع الله يصلحك




على العموم

الله يسترمنك


ذي بدايتك


اجل نهايتك


وشي؟


اكيد بالجنادريه!!









طحياتي .....,

[بتول آل علي]

أخي الفاضل
المسعودي


هو أوّل غيث
و ينذر الكثير القادم

ألف صح لساااانك

و عسى الله يرد كلّ مغترب إلى داره



أختك
الدهور

[المسعودي]

هلا وغلا : كلي بكم اعجاب

مشكووور على الرد ولاهنت

واما اللعن ياخوك من القهر والله من القهر

ولك مني احلى تحيه

[المسعودي]

هلا وغلا اختي الدهور

ومشكووووره على الرد

ويعطيك الف عااافيه

ولك مني احلى تحيه

[المسعودي]

مشكووووورين

ويعطيكم الف عاافيه على التعقيب والنقد الرااائع

وان شاء الله استفيد من نقدكم

ولكم مني احلى تحيه

[سيدة القـــــلم]

قصيدهـ جميله اخي المسعودي..




صح لسانك ..

وعذب هتانك..







ღ
ღ
ღ
تحياتي
عشـق القصـيد

[المسعودي]

هلا وغلا اختي سيدة القلم

ومشكووور على الرد

ولك مني احلى تحيه