خلاص ,, قفلوا مطبخ الأسرة

[الجازي]

بنوتة ,, هدي السرعة لايطق طبلونتس :)




خلاص يابنات بلا طبخ بلا نفخ :)

الحمد لله شهد شاهد من أهلها ,, أحد الرجال الميامين :) يكتشف أن الطعام المطبوخ مضر بالصحة والأفضل الحرص على تناول الأطعمة الطازجة أو المطبوخة طبخ بسيط !!

الدكتور فرانسيك بوتنجر << الله من زين الاسم بعد :)

أجرى تجارب وأبحاث أثبتت أن اللي يحرصون على تناول الأطعمة الطازجة اللي ماتحتاج لطبخ عاشوا بصحة جيدة ولم يصابوا بأمراض السكر والضغط والكوليسترول والفشل الكلوي وغيرها من أمراض العصر بينما الذين يعتمدون على الطعام المطبوخ أصيبوا بتلك الأمراض ,,

ووزارة الصحة السعودية تحذر الأمهات من مادة خطيرة تظهر في بعض الأطعمة التي تطبخ لفترة طويلة وهالمادة تسمى " أكريلاميد " تساهم في ظهور السرطان وتلف الأعصاب :thumb:

وكان الطبيب الأمريكي إدوارد هويل أول من لفت الانتباه «في ثلاثينيات القرن العشرين» الى خطورة الطبخ على صحة الانسان وعمره المتوقع. واثبت أن جهازنا الهضمي يعاني من هضم الأغذية المطبوخة بسبب تدمير الأنزيمات الموجودة فيها.

يعني من منطلق حرصي على الجنس البشري من الانقراض أعلن لكم من منبري هذا :) إني قررت أعتزل الطبخ وأعتمد على الطعام الطازج في تغذية الأجيال الماضية والحاضرة والقادمة :)

والحمد لله جت من معشر الرجال ماجت مني :)

وبهذه المناسبة السعيدة أزف أسمى آيات التهاني والتبريكات لأخواتي الزولات وعلى رأسهم ريم شمر وأنا عاد على رأس ريم شمر :) وأتمنى لهم حياة خالية من الكوليسترول :)

ودعواتكم لي ياصبايا على هالفتح المبين اللي فتحه الله علي :)

يالله عاد شوفوا لكم اسم ثاني لهالمضيف مانبي شيء يذكرنا بالطبخ :)

وش رايكم نسميه مضيف " فرانسيك بوتنجر " تيمناً بالمكتشف والباحث العبقري اللي فكنا من هالورطة :)

وداعاً يافرن البوتاقاز :)

[بـنـت النـور]

الله يبشرك بالخير :)



وش رايتس بهالاسم .. مضيف الطازج :)

[( المسك )]

هههههههههههههههههههههههههههههههه


رايقه الاخت الريم


بكن بكن مامنه فكه


الا على الطااري


به له دختور مصري


اكتشف له علاج


يقوول انه عباره عن حبوب


تبلعهاا المره


وتزاول روحات السووق


يامنها بلعتهن كنا رايحه لعزرائيل مو للسوق


شرايك بهالاخترااع بعد يالريم



اشك انك تويديني على هالخبر

[ابو غازي]

غرررررررريبه من / ااااااااااااااالريم n)

لا والله من الزواله / ياخاله n)

بعدين / شوفي وجه العنز واحلبي لبن .... شوفي اسموه / الدكتور فرانسيك بوتنجر << الله من زين الاسم بعد

بعدين / علم ن ياصلنكن ويتعداكن ويتقطع عن أذان كل وحده منكن يابنات مخينق n)

اللي تســـــــــــــمع كلام / هالخراط / تعتبر نفسها / طاااااااااااااااااالق من زوجها :(

انا / وكيل عن جميع معشر الرجال :)

كلللش ولا / دق الخمس / ياخاله n) / لاوبعد اذا فيه مصااااااااالي على هامة الصاج :(



هذولا الثنين متى جو / بسم الله / ماشفتهم :p:

[الجازي]

بنوتة ,,

ياحبيلتس والله هذي السنعة ,, تعرفين تدعمين الأفكار الفريدة النادرة :)

خلاص نسميه مضيف الطازج ونصير كل يوم نتكلم عن فاكهة من هالفواكه أو أي شيء ينوكل طازج :)

بس ياخوفتي يجيتس واحدن من هالشنبات ويحط لتس صورة وجبة من وجبات مطعم الطازج :)

يسلمو خيتو ,,

[( المسك )]

مجاورات القبور يابو غااازي


ماعليكن منهن بهن بهن

[ابو غازي]

مجاورات القبور يابو غااازي


ماعليكن منهن بهن بهن

ـــــــــــــــــــــــ

انت منين نخشته / هالقصة :(

انا اسمع به ولا ادري من راعية انت تعرفوه :p:

[( المسك )]

ابو غازي

مدري منهيله

سدحتهاا عند ابو فيصل بمضيف القصه

اقرهااا






سوري يالريم نسوي دعايه لموضيعناااا

[أريام]

الريم تسلمي على هل خبر
بس وين المؤيدين له

عني انا اويدة 100%
ياليت يطبق كقرار جازم

[( المسك )]

ودك تشكر الريم على هالموضوع


طلعن مجاورات القبور الي بهن عرق الزواله

ههههههههههههههههههههههههههههه

[المشرف العام]

الدكتور فرانسيك بوتنجر (من جامعة كاليفورنيا) أول من أجرى تجربة موثقة للكشف عن أي فوارق محتملة بين تناول الطعام المطبوخ والطازج. فبين عامي 1932 و1942 قام بمراقبة ثلاث مجموعات رئيسية من القطط لعشر سنوات متتالية.. المجموعة الأولى أطعمها أغذية مطبوخة وحليباً مبستراً بشكل دائم، والثانية أطعمها أغذية طازجة مع حليب غير مبستر، أما الثالثة فخلط لها بين النوعين.. وخلال أربعة أجيال اتضح أن المجموعة المرفهة (التي تناولت أغذية مطبوخة على الدوام) عانت من الأمراض المزمنة وماتت في سن مبكرة. أما المجموعة الثانية فلم تعان من أي أمراض مزمنة وعاشت لسن متقدمة ومارست حياتها بنشاط كبير.. أما المجموعة الثالثة (التي تناولت خليطاً بين الاثنين) فتفاوتت في عمرها ونسبة إصابتها بالأمراض - ولكنها لم تكن أحسن حالاً من المجموعة التي عاشت على الأطعمة الطازجة!!


جرّبها الرجّال على القطط ، عاد شوفي النتائج :(

وما صدّقت خبر خالتنا الزّووووله :)

مالكن إلاّ المطبخ ، اجل وش نبي بكن :)


تششششششششششاو

[الجازي]

المسك ,,

والله تسان تخبر لك دكتور مصري مخترع حبوب بعكس الحالة تراك تسوي خير فيني :)

الله من مرة تمنّاني السوق بس مدري ليه اذا ذكرته ذكرت الموت :)

وان تسانك بعد تخبر حبوب تخلي اللي يشطح بالموضوع بعيد ويسوي دعايات لمواضيعه يتسمر بمكانه ترى ماهيب شينة :)

ودي أحطها عند مداخل مواضيعي :)

يسلمو عالمرور أخوي المسك ,,

[ريم شمر]

الحمد لله انا سبقت بوتنجر الله لايهينه على هالغكره

ومطبقتها من زمااااان :thumb:

وشعاري دائما

لصحتك ابتعد عن المطبخ


وش فيها اذا عشنا على الفواكه والخضروات الطازجه

الا كبسه والا ماتعيشون :rolleyes:


انا معتس يالريم قلبا وقالبا..... بس عاد انزلي عن راسي ترى تعبت :242r:


ماقول الله يسلم بوتنجر عز الله ان نشمي :)


°ˆ~*¤®§(*§*)§®¤*~ˆ°فرانسيك بوتنجر في قلوبنا°ˆ~*¤®§(*§*)§®¤*~ˆ°

[الجازي]

خالي أبو غازي ,,

ومن قال لك انه مافيه دق بالخمس !!؟

دق على كيف كيفك بس وهو ني :)

يعني لاتشيل هم الدق أبد :)

يعطيك العافية ياخال ,,

[الجازي]

أريام ,,

أفا عليتس بس ,,

أنا أول المؤيدات والمطبقات من الحين :)

لا وأبشرتس بعد ريم شمر صارت مطبقته من زمان بس هالعفريتة ماعلمتنا تخاف ننظلها :)

يسلمو ياعسل على هالطلة الحلوة ,,

[الجازي]

أبو سلطان :)

وش دعوى شايفني ما أفرق بين التماسيح والقطط :)

ترى الموضوع أكبر من كذا :) بس مراعاة لأحاسيسكم ماجبت منه الا هالمعلومة الخفيفة :)

وبعديم فرانسيك مسوي تجارب كثر التراب شيء على القطط وشيء على التماسيح والنتيجة كانت فتاكة :)

يعني لاتحدني ارجع لمصادري واجيب كل البلاوي اللي فيها :)

وابئى سلم لي على سي عامر :)

[الجازي]

ريومة ,,

يابعدي أنتي وراستس :) والله نسيت أنزل من فرحتي بهالاكتشاف :)

ريومة ياختي ماتلاحظين ان حنا الوحيدات من بين بنات خلق الله اللي مضطهدات بالطبخ والنفخ :) وليته طبخن خفيف :) الا شيء يفقع القلب ويفضخ المرارة ويجيب الاكتئاب :)

يعني عندتس الأكلات الشامية والمصرية وكل شعوب الأرض طازج في طازج :)

أكلف ماعليهم انهم يقطعون لتس الخضرة على بعض وتطلع طبخة :)

وحنا نعجن ونلتّ "" ولو اني مدري وشو اللت بس اسمعها في الامثال :) " وليته مرضي عنا :)

خلاص أنا قررت أوقف في وجه الاضطهاد النجدي :) ونويت أعرض فرننا في المزاد العلني :)

الا ماودتس تشترينه :) تراه تسنه جديد نظيف وكل عيونه تشتغل الا أربع منها بس متسددة :) :)

يسلمو ريمو على الفزعة :)

[ريم شمر]

ياريوم يابعد تسبدي او ل شي ارجعي اقعدي على راسي :tongue:

تسنه اوجعني يوم نزلتي

الريم اكسترا مشاء الله عليتس :d:


ثاني شي

شوفي انا حسب خبرتي في تطنيش الواجبات الحريميه

فانا اقولتس ان الاحتجاج العلني والمظاهرات وجلب الادله

لايكفي للتخلص من هذه الواجبات اللي مالامها داعي

طبخ وغسيل وكوي وهلما جرا

لا واخرتها يطقتس بحرمه ثانيه

يقول ابي وحده رقيقه (مسقفه) تجلس معي وتناقشني

مو شغاله

حسبي الله عليك مو انت اللي مخليها شغاله :puzzled:


الزبده ريومتي ولو اني كذا بكشف الخطط النون نسويه

بس عاد مانعجز عنها نطلع خطط جديده :thumb:


ياقلبي انتي بدال ماتعترضين بشكل مكشوف

اذا مثلا ( احد ) طلب منتس كبيسه من ايداتس الحلوين

قولي له ابشرررررررر من عيوني احلى كبسه لاحلى ( احد :) )

بسسسسسسس



المشكله ان الكبسه علشان تكون زينه تبي لها ماجي

والماجي مخلص

بيقولون لتس بسيطه نجيب ماجي


انتي عاد على طول قولي :الظاهر حتى الزيت مخلص :tongue:

بيرجعون يقولون مو مشكله الحين نجيب زيت

لاتعطينهم فرصه

قولي ايييييييه ذكرت مافيه رز الا رز مصري

عاد تخيل اسوي كبسه برز مصري :)


يطلعون الورقه والقلم ويقولون لتس وش بعد ناقص البيت علشان بالمره نجيبه

انت طلعي اخر اسلحتك

قولي الغاز مخلص :smooch:

وانتي عارفه ان شعبنا السعودي اكره ماعليهم تعبيه الغاز :thumb:


ساعتها تكونين محضره طبق فاكهه من كل شكل ولون

ولايمنع سندويشات جبن كرافت :7ayyoh:


مثلا مره طلبوا منتس جريش<<<<مزاج شيبان :a:


انتي قولي : هاه وش تقوووووووول ,,,,,,,نتعشى بالمطعم

طيب مافيه مانع خمس دقايق واجهز n)

وطيري والبسي عباتس واركبي السياره


عاد يمكن ردة الفعل تختلف من شخص لاخر

تسان انه اقشر بينزلتس من السياره ويحطتس قدامها ويدعستس

الين تصيرين جريش :a:


باقي الدروس على موقعي الخاص

( حياتن بلا طبخ ولانفخ ....حياتن وش زينها ) :luvlove:

[بـنـت النـور]

( حياتن بلا طبخ ولانفخ ....حياتن وش زينها )

يابعد تسبدي ريوومه :goooood:


:)

[الجازي]

ياريوم يابعد تسبدي اول شي ارجعي اقعدي على راسي :tongue:

تسنه اوجعني يوم نزلتي

الريم اكسترا مشاء الله عليتس :d:

من قال لتس اني نزلت أصلاً :)



المشكله ان الكبسه علشان تكون زينه تبي لها ماجي

والماجي مخلص

بيقولون لتس بسيطه نجيب ماجي

:(

طيب وش أسوي أنا أصلّح كبستي بدون ماجي :)

<<<<<<<<<< على نياتها :)


انت طلعي اخر اسلحتك

قولي الغاز مخلص :smooch:

وانتي عارفه ان شعبنا السعودي اكره ماعليهم تعبيه الغاز :thumb:

ريومة :(

غازنا مركزي مايخلص :)

<<<<<<<<< والله البلشة :)



مثلا مره طلبوا منتس جريش<<<<مزاج شيبان :a:


انتي قولي : هاه وش تقوووووووول ,,,,,,,نتعشى بالمطعم

طيب مافيه مانع خمس دقايق واجهز n)

وطيري والبسي عباتس واركبي السياره

الحين تبيني أعيي عليهم لاأطبخ بحجة ان الطبخ مضر بالصحة وآخرتها أوافق على المطعم !!؟ :)

هالخطة ماتصلح جيبي غيرها :)


باقي الدروس على موقعي الخاص

( حياتن بلا طبخ ولانفخ ....حياتن وش زينها )

ياحبيلتس ومواقعتس ياشيخة :)

الا هالبيت كم لتس وانتي تكتبين فيه :) <<<<<<<< أنواع التحطيم :)

ريومة ,,

خلي عنتس عاد ,, أنا بايعتها بايعتها ,, والفرن لايزال معروض للبيع في حراج ابن قاسم مايهديتس الله وتاخذينه لو على الأقل تعتبرينه ذكرى صداقتنا :)

[الجازي]

بنوتة ,,

ترى مافيه مانع تدخلين في المزاد العلني على فرني :)

[شام]

أخت الريم ..
الله يبشرك بالخير ,, ليتهم اكتشفوا هذا الأكتشاف من زمان ..
وبلا طبخ وبلا نفخ .. والله ترى مللنا .. من الوقوف ساعات طويلة في المطبخ .
وبعيداً عن روح الدعابة .. فعلاً أثبت العلماء ان تناول الخضراوات الطازجة و غير المطهية جداً يعني بشكل خفيف أو على البخار تكون مفيدة لتكوين العناصر الأساسية من الفيتامينات والمعادن التي يحتاجها الجسم .
شكراً أخت الريم ,,, موضوع حلو ويستاهل أن أطبعه وأوزعه على ستات البيوت والموظفات ..

[( المسك )]

توووووووووبه

ثم توووووبه


يابنات مخينق


مابه اختراع للي طلبتي



به اختراع يكثر الي يسوون دعاايه شررايك تبين منه

[أريام]

( حياتن بلا طبخ ولانفخ ....حياتن وش زينها )
ريم شمر من زمان وانا اردد ذا المقوله بس الحمد لله مهب انا الحالي ومتقيده بها ون بغيتن من اساليب سده النفس ابشرن لعشان تحلو المقوله
تسلمين والله

[( المسك )]

يقولوووون على ذمتهم مو على ذمتي

طبخن طبختيه قوومي ياالرفله كوليهn)



:7ayyoh:

[الجازي]

أمونة ,,

خلاص اطبعيها ووزعيها ومافيه مانع لو تنظمون مظاهرات سلمية :)

المسك ,,

عطنا من هاللي يكثر يسوون دعاية لأننا هالحين محتاجين مندوبين لحملتنا الدعائية واحتمال نفتح فرع في الشام :)

أريام ,,

خلي باقي سدة النفس للخطة الخمسة الثانية :) هالمقالة الحين توفي بالغرض :)

[غاده]

يعني عندتس الأكلات الشامية والمصرية وكل شعوب الأرض طازج في طازج

أكلف ماعليهم انهم يقطعون لتس الخضرة على بعض وتطلع طبخة

تبولي وفتوش ومن الزي هوا هههههههه بس صحي ع الاقل


وحنا نعجن ونلتّ "" ولو اني مدري وشو اللت بس اسمعها في الامثال " وليته مرضي عنا

خلاص أنا قررت أوقف في وجه الاضطهاد النجدي ونويت أعرض فرننا في المزاد العلني

الا ماودتس تشترينه تراه تسنه جديد نظيف وكل عيونه تشتغل الا أربع منها بس متسددة



:)

:)
يرجك رررررررررررررررررررررررررربي بقووووووووووه يخررب عقلك بنت
تبي نصيحه اخت ؟
طنشي ولاتقومي من النوم 00 واي احد يقول وينك قولي نايمه :)

بلا طبخ بلا بطيخ يخربون يدينك وبشرتك

اجل ليش الشغالات موجودين ؟ ايش فايدتهم ؟

باااي وانتبهي من تحذير ريم لاتصيري جريش <<<<< يرجكم ربي انتو الثنتين سوا :)

[الجازي]

تبولي وفتوش ومن الزي هوا هههههههه بس صحي ع الاقل

هذا القهر انه على سهولته صحي وحنا طبخ ونفخ وقص ظهر ووقفة في هالمطبخ طول اليوم وآخرتها يطلع طبخنا سام وضار ويجيب السرطان :(

والله الحظ الأقشر بعد :)


يرجك رررررررررررررررررررررررررربي بقووووووووووه يخررب عقلك بنت

هذا وأنتي محسوبة علي صديقة طلعت منتس كل هالدعاوي !!

أجل لو انتس عدوة وش بتدعين علي به !!؟ :)

أما سالفة التطنيش ماهيب شينة للي ماتحس بتأنيب الضمير :) بس مثلتس عارف أنا انسانة مرهفة الأحاسيس والوجدان والمشاعر :)

ولا أقدر أطنش :) <<<< مدري وين طست الزوالة !! :)

ملوكة التطنيش يسبب لتس صجة ولجة وكل يوم وهم فوق راستس يبلشونتس ,, يعني لازم نخليهم هم اللي يعيون علينا لانطبخ ويكتفون بالفواكه والتبولة والفتوش والجبنة والزعتر واللازم منو :)

يالله شدي حيلتس وهاتي وحدة من الأفكار الجهنمية اللي في دميجتس :)

[ابن جشعم]

هااا اححححححححححم

اخبار الجريش ياريم :)

الحمدلله الذي شرّع لنا اربع..n) n) n) n)

وخلّن اللي مادري وشو اسموه راعي البساسة ينفعكن حزّته..:)


يسلموااا

[الجازي]

^
^
^
الجريش ناقصه مرقوق :) ماودك تتبرع به !!؟ :)

الله يخلي لك الأربع بس ترى مخططنا اننا نضم هالأربع كلهم لحزبنا الليكودي :)

يعني ولا وحدة من هالاربع بتطبخ لك :)

وراعي البساسة هاللي أنت حاقره بكرة يطلع راعي تماسيح :) وتشوف النتائج الفتاكة :)