المركزيه وما أدراك مالمركزيه!!! [الأرشيف]

مشاهدة النسخة كاملة : المركزيه وما أدراك مالمركزيه!!!

مناكد

11-11-2005, 15:17

لا للمركزيه...

من هذا العنوان يشك البعض ان الموضوع سياسي...او إداري...او إقتصادي...

ولكن انا هالموضوع يعني لي اكثر مما سبق...

الموضوع الله يسلمكم...

مركزية سخان الماء...

الله يجيركم بعد ماجيت من الإجازه (التي قضيتها في مكه, الطائف والرياض) وكنت مستعجل لأنني على نية اني ابسافر لحايل وأجلس مع الشيبان لي يومين...لقيت السخان منفجر...

ولحسن الحظ انه بالسطح!!!وبفضل من الله الكهرباء مطفيه والا تسان صايرن علوووووووووووووووووم...

ولكن قدر الله وما شاء فعل...

سبب الإنفجار من زين الماء اللي عندنا!!!مياه أبار مالحه جداً!!!ماتقل اننا بالظهران!!!والعزيزيه (التحليه) مامن بعد عنا...والأدهى والأمر انه بفلوس حالنا حال اللي يجيهم من التحليه...
لا والبلا ارامكو تتولى الإنشاء والتشغيل والصيانه لهالأبيار...والدفع للمصلحه!!!

مامن صلاح!!!

وقررت بعدها ان لامركزيه حتى في السخان!!!

يعني اركب لكل حمام (وانتم بكرامه) سخان لوحده والمطبخ كذلك...

وهالحين لي ثلاث ايام وتمديدات الكهرباء ماخلصت...وباقي المواصير والمظلات...

والغرض من هالوضوع تنبيه للي يبي يبني بيت جديد يتجنب المركزيه في تسخين المياه لأنه ياخذ وقت حتى يوصل من السخان...

وكذلك التكييف المركزي يحاول ان يجزء المنزل لثلاثة اقسام على الأقل...حتى لو طاح قسم يبقى إثنان...

والله يخارجنا ويبعد عنا المركزيه!!!

وسلامتكم...

.

الشبث

11-11-2005, 19:24

الا يا حبيبي هكا الوجه

لا وحقين مصلحت المياه هاليومين صايرين مثل حقين المرور

تلقا الواحد معوه دفتر القسايم ويدوج بهالحارات

واذا شاف بيت طالعن منوه ماء لزخوه بقسيمه ميتين ريال

لعنبو بليسكم من زين ماكم هالحين

لا وسمعت انهم يبون يمنعون بيع الماء اللي بالوية اللي احلى من ماهم مية مره

بس ماقول الا الله يخارجنا

والله يعينك

وتقلد تحيتي

مناكد

11-11-2005, 20:22

هلا بشبوث...

تصدق انهم مايمرون من حولنا اهل هالقسايم...ولانعرفهم...

هم وينهم والله اني اتمناهم لو يمرون حولنا لو بالشهر مره...

الشوارع صايراتن خضر (طحالب) من كثر الماء...

واما عاد يمنعون الويت هذا اللي ماهي بعيده!!!

تدري ليه؟؟؟

علشان يعطون الإمتياز لواحد من ربعهم مثل زيد الحسين!!!

يعبي من التحليه ويبيع علينا والشرط اربعون!!!

.

ابو غازي

12-11-2005, 00:55

عظم الله اجركم بالسخاان :(

نحنُ سبقنااكم بااه :p:

اما التكييف الله يسلم الزامل ..... حنا لاهلحين على دقة الأشـــــــــدف :(

:p:

مناكد

12-11-2005, 11:59

الله يجزاك خير يابو غازي...

بس هذي مركزيه عن سبع من الصغار!!!

واللي اعظم وأدهى وأمر مفتاح سيارة العيال الرئيسي ضاع واليوم رحت للوكاله قالوا الجديد يكلف الف وأربعمية ريال!!!!!!!!!

ما أدري وش هالقراده؟؟؟

.

سيدة القـــــلم

12-11-2005, 13:43

^
^
^
يارب انا طالبتكـ لا تقردنــــا.. ..

مناكد

13-11-2005, 09:22

سيدة القلم...

تري بعض نتايج القراده إيجابيه حتى لو بدت من اول وهله انها سلبيه!!!

وشاكرا مرورك...

.

راعي الوقيد

13-11-2005, 10:24

حنا لاهلحين على دقة الأشـــــــــدف :(
دقة اشدف:a:

والله يامنه عطاك لك جمع الا انت من صيد قبل امس:)

مناتسد

مفتاح سيارة العيال الرئيسي ضاع
وشو مفتاحه:puzzled:

الا وش رايك بالغاز وتوزيعه مركزياً :chinese:

الله يستر اليا انفجر تقل غنبله نوووووووويه:good1:

توجيهات << :goooood:

سلاااااااام ...
..

الجازي

13-11-2005, 11:39

^
^
^
لاتقول ياشيخ فال الله ولا فالك :)

مناكد يقولون فيه حركة جديدة لاسخان مركزي ولا غير مركزي ,, فيه مواصير أو مواسير :) تسخن الماء بمجرد مروره عليها :) يعني أمان وضمان وتفتك من مراقب هاللمبة الحمرا حقت السخان متى تطفي :)

للتوضيح لمناكد فقط :) :

اذا ولعت معناها الماء بارد واذا طفت يعني حار الا اذا كنت ماشبكت السخانة أصلا فمعناها انه جامد :) <<< بحكم انك جديد في هالمجال وخبرتك ضعيفة :)

يالله ننتظر التقرير الإخباري عن حالتك بعد انتهاء موسم الشتاء القارس :)

الا وش نوعية سخاناتك :) ترى فيه ماركة اسمها "reem" :) لايعلى عليها :)

شام

13-11-2005, 13:14

مناكد

13-11-2005, 13:25

مناتسد

وشو مفتاحه:puzzled:

مفتاح السياره (هوندا) الله لايخسر!!!

الا وش رايك بالغاز وتوزيعه مركزياً :chinese:

أكبر خطاء لأننا لانملك الشركات التي تنفذ التركيبات الداخليه للمنازل بكفأة عاليه...فقط بشكل تجاري!!!

الله يستر اليا انفجر تقل غنبله نوووووووويه:good1:

مع العلم اني اكثر من 22 سنه أشتغل بالغاز الا اني ما أدانيه ومن كثر الأفلام اللي شفتها تتكلم عن مخاطره...اليا جا طاريه دليت ارمز قل ممسوس وسامعن قرآن!!!

سلاااااااام ...
..

حيا الله ابو فيصل...وانتبه لاتضيع مفاتيحك!!!

وخلي بالك من لغاليغك!!!

.

عبدالله الجعيثن

13-11-2005, 13:37

ايا بعد كبدي

عليك والله بالابريق وصخن وارشق ولا كهرباء ولا هم يحزنون

مناكد

13-11-2005, 13:41

^
^
^
لاتقول ياشيخ فال الله ولا فالك :)

هو وشو؟؟؟

مناكد يقولون فيه حركة جديدة لاسخان مركزي ولا غير مركزي ,, فيه مواصير أو مواسير :) تسخن الماء بمجرد مروره عليها :) يعني أمان وضمان وتفتك من مراقب هاللمبة الحمرا حقت السخان متى تطفي :)

هذي حركات!!!نص ردن...

بس وين هي بوه؟؟؟

للتوضيح لمناكد فقط :) :

اذا ولعت معناها الماء بارد واذا طفت يعني حار الا اذا كنت ماشبكت السخانة أصلا فمعناها انه جامد :) <<< بحكم انك جديد في هالمجال وخبرتك ضعيفة :)

الريم...ارامكو تحتاج مدربين مشغلين!!!لمعامل الزيت والغاز...

وش رايتس تقدمين عليهم...

صراحه ماباقي الا مدربات تشغيل ماوظفهن عبدالله جمعه!!!
اذا صار وظفوتس انا ابطلب اعادة تدريبي من جديد لأن معلوماتي السابقه كلها مغلوطه!!!

الا وش يقال للمدربه ابله او تيتشره او انستركتره؟؟؟

يالله ننتظر التقرير الإخباري عن حالتك بعد انتهاء موسم الشتاء القارس :)

انطري لياما يقضي شتيان!!!

الا وش نوعية سخاناتك :) ترى فيه ماركة اسمها "reem" :) لايعلى عليها :)

لا والله الا السياره اللي اسمه ست ريم (Stream) ماهو السخانه!!!

الست ريم شرفني مرورتس...

.

مناكد

13-11-2005, 13:55

أخونا الكريم مناكد ..
يعني بمعنى ثاني تدعونا إلى اللامركزية .. حسناً .. ومنكم نستفيد ..
والله نحن ما عندنا هذه التكنولوجيا .. ما زلنا على الوقود والمدافئ القديمة أيام الجد والجدة وأبشرك في ناس وكي يحافظوا على البيئة التي هي غير ملوثة يستخدمون الحطب .. تصور دام فضلك ..

هلا بأختي إيمان...

المركزيه صارت ممقوتة بكل أشكالها!!!

فما بالك بسخان الماء؟؟؟
حيث انه يأخذ وقت حتى يصل من السخان...

وتصدقين التدفئه اللي تتكلمين عنها انها اصرف وأوفر...

وأنا لاحظت عندكم ان السخانات يمكن ان تكون بالكهرباء او بالكيروسين ولا اعلم السبب!!!

مع العلم ان الكيروسين من ملوثات البيئه!!!

والذين لا يزالون يستخدمون الحطب الله يكون بعوننا وعونهم...

تسلمي على هالمرور...

.

مناكد

13-11-2005, 14:02

ايا بعد كبدي

عليك والله بالابريق وصخن وارشق ولا كهرباء ولا هم يحزنون

هلا بعبدالله...

انتهى وقت الإبريق والرشق من زمان!!!

وتصدق اني شفت بأحد المنتديات مسوين إختراع ماء مضغوط داخل قاروره رش مبيدات للإستخدام في البر لتجنب الرشق!!!

http://www.mekshat.com/pix/upload/images6/mk1112_285282852.JPG

والإختراع الثاني سخان للبر!!!عبارة عن سخان مكيف سياره وتعريضه للنار...

http://www.geocities.com/any_1q/sakh1.jpg

شكرا لمرورك...

.

شنقل

13-11-2005, 14:27

مناكد

13-11-2005, 15:36

منااااااااااااكد

هي سححححححححبت عليك يافلااااان

سخاااااان

مفتاااااح السياره ( اكسر القزازه ارخص من 1400)

انا اول ماشفت كلمة مركزيه بماااضوعك

طرى على مديري بالدواااااااام

ياهو باعـ............ على تسبدي

هلا بابو أحمد...

اللي ضايع المفتاح اللي به الريموت والا الثاني عندي يالله اني لقيته...

اما مديرك يبي له دوره عن الإداره الحديثه وأسس التفويض...

اما تسان انه باعـ............. مثل ماقلت عليك بالفيري مزيل الدهون!!!

الله يكون بعونك على بلواك...

شكراً للمرور...

.