وصلـــة Ir.. لو كانت امرأه لقتلهــــا [الأرشيف]

سيدة القـــــلم

10-11-2005, 23:08

مساء الخيـــر ياخوان..

ولله مدري شقولـ بالمقدمــه .. لكن بدخل بتله بالموضوع.. .. وولله مالجأت لكم إلا بعد ماضاقت

فيني الوسيعه .. وقلت حيلتي .. وخنقتني العبره<-- شووي وبتصيح :g:

وصلــه اي ار .. شغلتها على جهازي وثبتها وثبت التعريف وكل شي اوكـــي..

وقدرت بقدره قادر وبعد جهــد جهيــد اني ارسل ملف من الجوال للكمبيوتر..

وبعدهــا ماقدرت .. ارسل يقولي الملف غير صالح ذا اذا بغيت ارسل من الكمبيوتر للجوالــ

واذا ابرسل من الجوال للكمبيوتر يقولي فشلـ في الأرسال..

وايقونـــه اي ار على سطح المكتب جننتني .. شوي تطلع وشوي تختفــي..

ومن البارح ونا احاول فيها .. ماهيب راضيه تشتغل معاي.. ..

اعدت التشغيل ميه مره مانفع..

الغيت التثبيت وثبتها من جديد برضوو مانفـــع.. ..

لاحد يقولــي استعملي كيبلـ usb لانها ماتنفع حق جهازي..

وش الدبره..؟!!

وش اسوي مع هالعلــه..؟!!

انتظر مساعدتكم على احر من جمـــر الغضــــــى..

المطنوخ

11-11-2005, 00:59

طيب ليش ماتجربين وصلة البلوتوث؟

اسهل واسرع واحسن

عموما شوفي اعدادت الوصله اذا ثبتيها

يمكن فيها شي يمنع عملية الوصول

أتمنى انها تنحل مشكلتك

سيدة القـــــلم

11-11-2005, 01:21

جهــازي رقمــه 7260 ومافيه بلوثوت والذاكره ماتتغيـــر..

ومافيه الا وصله اي ار..

وتأكدت من الأعدادات وكل شي اوكــي..

شكراً لك مطنوخ افندي..

سيدة القـــــلم

11-11-2005, 12:57

الحمد لله..

بفضل من الله ومنــّه وكرمـــه وبفضل جهودي المبذوله استطعت الأنتصار على وصله اي ار..:thumb:

والأقتصاص منها لما سببته لي من مغثه ورفع ضغـــط وانتقمت منها شر انتقام ..

<00 توها سامعه خطبه بشار الأسد ومتاثره.. .. :(

ووه بس عسى الله يقويهم وينصرهم على من عاداهم.. .. ..

نرجع لموضوعنا .. ووصله اي ار

جيتها يمين .. وادرتها شمال لين شغلتها .. وقدرت ارسل من الجوال للكمبيوتر والعكس..

بس بوه مشكله .. :g:

:g:

:g:

:g:

الجوال يستلم الملفات المرسله له.. واحفظها بالصور ...

وبعدين ارجع لها مالقاها..

مدري وين طارت..؟!!n)

ماستغني عن خبرتكم .. ومساعدتكم..

وشكراً لكم ..

( المسك )

11-11-2005, 14:37

راعيت القلم n)

تبين الفزعه :)

ركزي معي زين

روحي يم خانة البحث

وسوي بحث وحطي بخانة الي تبين تبحثين عنها امتداات الصور الي بجهاز يعني زي ( jpg او GIF )

وسوي بحث

يطلع لك جميع الصور الي بجهاازك

ملاحضه : بالعااده امتداد الصوره اذاا نك مرسلته من الجوال لجهازك هو ( jpg )<<<< انسخ هالامتداد وسوي بحث عليه تطلع الصور الي تبين اسرع لك

يامنها طلعت قدامك جميع الصور

روحي يم خصائص الصوره بالماوس الايمين ورحي يم البحث عن الهدف يطلع لك وين محفوضه بجهاز

وبس :) :)

انشالله اني سااعدتك ياراعيت القلم n)

شكل جووالك ابو بصمه :) :)

مناكد

11-11-2005, 15:35

اختي سيدة القلم..

تلقين الصور اللي تحملينها مع صور خلفيات الشاشه...

او بأحد الحافظات...

.

سيدة القـــــلم

11-11-2005, 21:05

مــرحبا المسك.. ..

الصوره ارسلتها من الكمبيوتر للجوالــ مو العكــس.. ..

وبعدين جهازي مو ابو بصمه.. ظلمت حظك يالشيـــن.. :p:

ولله انوه جديد شريتوه من اربع سنوات.. والى الحين ولله الحمد والمنه يعمل بشكل ممتاز :thumb:

شاكره لك تعاونك معــاي..

وتراني ماستغني عن خبراتك. .

سيدة القـــــلم

11-11-2005, 21:10

اهــــلاً منــــاكد.. ..

الجوال يستقبلـ الصور واحفظهــا بالصور.. ..

اجي بعدين ابغاها.. ماااااش ماحاصلها..

استدار راسي ونا ادور عليها ..

ولله حتى دورت عليها مع التسجيلات والألعاب وحتى ساعه المنبـــه..

فص ملح وذاب ...:g:

والي يضيق صدري زود .. اني اجلس ساعه على مايتم ارسال الملف للجوال ...

واذا استقبلتوه مدري وين يذلف.. :a:

شاكره لك تعاونك معاي..

وياليت تفيدني بالي تقدر عليه.. .. واكون لك ممنونه

مناكد

12-11-2005, 12:04

احسبه مثل جوال الفيصليه...

يوم صار هاللون ماعندي بوه علم!!!

الا ماهو اللي يسمونوه بيبي باندا؟؟؟

.

سيدة القـــــلم

12-11-2005, 13:48

هـــذي صوره الجوالــ ...

واسموه بيبي دمعــه..

http://www.alhnuf.com/u/26/alhnufcom12_11_2005_01_42_28_PM.jpg

ابن جشعم

12-11-2005, 21:16

الذاكرة عندك به البلاء..

غيري من إعدادت الجوال في حفظ الصور بالجهاز مو بالذاكرة..

او غيري كرت الذاكرة ... شكله معطوب..

سلاام

المتوقد

12-11-2005, 21:40

اتوقع ان الذاكره مليانه

من لي فتره وانا ..أحاول بجوالي يستقبل صور رسائل

ماااقدرت ..ووصرت افتح الصور اللي تجيني عن طريق موقع الاتصالات

مع اني ماخليت طريقه ماسويتهااا جوالي قديم 3100 >>بيني وبينه عشره

المهم أمس قلت خلني ياااولد أخفف من صور هالربيع اللي بجوالي>>على شان تخف الذاكره>>>ووومسحت تقريبا أكثر الصور

بعدهااا فجأه ووأول مره أستقبل صوووره>>>آآآثري الذاكره مليانه وفي كل مره يحولننن على موقع الاتصالات على شان أشوفه

عااااد يمكن المشكله مشكلة ذاكره !!

سيدة القـــــلم

12-11-2005, 21:55

الذاكرة عندك به البلاء..

غيري من إعدادت الجوال في حفظ الصور بالجهاز مو بالذاكرة..

او غيري كرت الذاكرة ... شكله معطوب..

سلاام

المشكــله كرت الذاكره مايتغــير .. .. وماعتقد انه معطوب لأني استقبل عليه رسائلـ وسائــط وتنحفظ فيه عـــادي..

لكن الصور الي ارسلها من الكمبيوتر للجوالــ يستقبلها جهازي ويحفظها .. لكن مدري وين تختفــي..

يعطيـــك العافـــيه اخوي ابن جشعــم.. والله يجزاكـ خيــر.. ..

سيدة القـــــلم

12-11-2005, 22:01

اتوقع ان الذاكره مليانه

من لي فتره وانا ..أحاول بجوالي يستقبل صور رسائل

ماااقدرت ..ووصرت افتح الصور اللي تجيني عن طريق موقع الاتصالات

مع اني ماخليت طريقه ماسويتهااا جوالي قديم 3100 >>بيني وبينه عشره

المهم أمس قلت خلني ياااولد أخفف من صور هالربيع اللي بجوالي>>على شان تخف الذاكره>>>ووومسحت تقريبا أكثر الصور

بعدهااا فجأه ووأول مره أستقبل صوووره>>>آآآثري الذاكره مليانه وفي كل مره يحولننن على موقع الاتصالات على شان أشوفه

عااااد يمكن المشكله مشكلة ذاكره !!

فضيت الجوالـ من الرسائلـ ومن الصــــور .. . . لكن مانفــع.. ..

يعطيكـ العافيه اخوي المتوقد على المرور.. وعلى الأفــــاده.. ..

المطنوخ

13-11-2005, 01:47

تبيعينه على خرابه:)

( المسك )

13-11-2005, 14:29

تبينهااا من قاصررهاا ياراعيت القلم

اشتري لك جهاز جديد به بلوتوث بدون كمره اذا حبيتي

يمدحون جوال الاميره هيك اسمه

سعره اربع ميه وخمسين اذا ماني واهم

واشتري وصلة البلوتوث بتسع وستين ريال من جرير

وريحي راسك من عوار الراس ومن وصلة ال اي ار مدير شسمهااا

هااه عسااني حليتهااا بس

يالله مع السلامه وسلميلي على وصلة ال اي ار

ههههههههههههههههههههههههههههههه

الدغيشم الشمري

13-11-2005, 14:55

ابد اشتري جهاز جديد,
وحنا ياللي بهالمنتدى نتقاط, ونشري لتس وصلة بلوتوث!!!

بس لا يضيق صدرتس على شي ما يسوا مثل هالبالية اللي يسمونه الجوال!!!

تقبلي تحياتي!!

سيدة القـــــلم

16-11-2005, 00:22

تبيعينه على خرابه:)

يااااشين الأبتزاز .. :a:

ابيعوه .. مقابل تنازل عن احد تواقيعك لي هالي انت صافهن تحت .. .. :d:

ممكن سؤالــ ...؟!!! n)

صفحتك الشخصيه بأيش مصممها.. وكيف حصلت على المساحه.؟
..

سيدة القـــــلم

16-11-2005, 00:28

تبينهااا من قاصررهاا ياراعيت القلم

اشتري لك جهاز جديد به بلوتوث بدون كمره اذا حبيتي

لا ابغااا كاميرا بدون بلتوث.. :(

البلتوث ماهوب عياف له بس ماهوب حااصلــ من المحظورات بالبيت :g:

يمدحون جوال الاميره هيك اسمه

اايه حلوو وانيق شكله

سعره اربع ميه وخمسين اذا ماني واهم

واشتري وصلة البلوتوث بتسع وستين ريال من جرير

وريحي راسك من عوار الراس ومن وصلة ال اي ار مدير شسمهااا

هااه عسااني حليتهااا بس

يالله مع السلامه وسلميلي على وصلة ال اي ار

الله يسلمك ... ياصل ان شاءلله سلامك للأنسه وصله اي ار .. ..

ههههههههههههههههههههههههههههههه

...................................

سيدة القـــــلم

16-11-2005, 00:31

ابد اشتري جهاز جديد,
وحنا ياللي بهالمنتدى نتقاط, ونشري لتس وصلة بلوتوث!!!

دام الدعوى فيها قطيـــّه ... امممم :surprised
الأعضاء اكثر من ثمانيه الأف .. ابغاا كلن يقط عشره ريالــ .. .. وابشتري عماره ..:p:

بس لا يضيق صدرتس على شي ما يسوا مثل هالبالية اللي يسمونه الجوال!!!

تسلم عسى عمرك طوويلــ

شاكره لك مروركـ
تقبلي تحياتي!!

...................................

المشرف العام

16-11-2005, 02:17

http://www.nokiamena.com/arabic/support/phones/7260/index.htm

بقسم البرامج : برنامج For Windows XP and 2000) PC Suite)

بعد تحميله ، استخدمي الكيبل للاتصال بالجهاز وتمتّعي بمميزات البرنامج

بدل وصله IR

ملاحظه :
( عادة البرنامج يباع مع الجهاز بقرص سي دي )

تششششششاو

المطنوخ

16-11-2005, 04:49

صفحتك الشخصيه بأيش مصممها.. وكيف حصلت على المساحه.؟

مادخل فيه ولا برنامج
لكن هي خدمه عن طريق الهوتميل ...طبعا مجانيه

الشرح يطول ويبيله قعده

لكن اذا انتي جاااازمه
انا مستعد افرد له موضوع كاااااامل باللي سويته

ها جااازمه؟

سيدة القـــــلم

16-11-2005, 21:12

http://www.nokiamena.com/arabic/support/phones/7260/index.htm

بقسم البرامج : برنامج For Windows XP and 2000) PC Suite)

بعد تحميله ، استخدمي الكيبل للاتصال بالجهاز وتمتّعي بمميزات البرنامج

بدل وصله IR

ملاحظه :
( عادة البرنامج يباع مع الجهاز بقرص سي دي )

تششششششاو

يعطيك العافيــه ابو سلطــان.. ..
البرنامج موجود عنــدي وهو فعلا رائـــع.. وسهل الأستخدام.. .. واستخدمته مع وصله اي ار ..

والكيبل الي تقول عنه اعتقد انك تقصد يو اس بي .. .. هي اسهل بالأستخدام من اي ار..

لكن جهازي ماينفع معاه إلا اي ار .. وماتنفع معاه اي كيبل ثاني لا وصله بلوتوث او ليزر او يو اس بي..

شاكرهـ لك تعاونك الله يحفظكـ

سيدة القـــــلم

16-11-2005, 21:20

مادخل فيه ولا برنامج
لكن هي خدمه عن طريق الهوتميل ...طبعا مجانيه

الشرح يطول ويبيله قعده

لكن اذا انتي جاااازمه
انا مستعد افرد له موضوع كاااااامل باللي سويته

ها جااازمه؟

يعيشك ربي يامطنوخ.. ماتقصر ..

لكـــن الحمدلله .. عرفــت كيف مسويها ..حصلـــت على طريقتها بأحد المواقــع... ..

مع انها صعبه شووي ..لكن بعد الأختبارات بحاولـ اسوي لي ..

<-- غارت منووه.. :(

الف شكر لكـ ..والله يجزاكـ خير ..