عدوان الهربيد وبناخيه

[مشــــعل]

يالله حيهم

هذا عدوان الهربيد من السويد من سنجاره من شمر
رجل فارس وطيب وشاعر لكن شاعريتوه غلبت على باقي صفاتوه
فاشتهر بالشعر
واكثر ماشتهرت لوه قصيدتوه الشيخه اللي عد به اربعين رجل ممن اجتمعت بهم الفروسيه والكرم والشعر
كذلك لوه بيت الشعر المشهور اللي مشى مع الناس كمثل
اللي يقول بوه

ياصار بالدنيا صديقك معاديك=مامن ورا عوج النصايب صداقه

ننكس لسالفتنا
هذا عدوان لوه بناخي اسموه جريس ومقيمين مع بعض
المهم يقولون ان عدوان عقب ماكبر بالسن عشق وحده من بنات ربعوه اسمه "جمعه"
وانتي ياجمعه بنت مزيونه لكن صغيره بالسن يعني وغيده وعدوان شايب
يقول عدوان يسند القصيده على بناخيه جريس

ول يافريقٍ كتو السيف نجاع=تزجرهم النكبا ليالي التسيعي
شفي "بجمعه" لو كلت كل الاجماع=جمعي مع جموع الجماعه جميعي
وش عاد لو تاكل جموعي والاصباع=وجموع جمعات الشريف الرفيعي
جمعه فتاة من شراشيح الاقطاع=من لابة اللي مدلهين القطيعي
وقرون جمعه فوق الامتان شراع=يدلي بهن ياجريس خطو البديعي
ونهدٍ على المجمول لو تلمسه ماع=ياجريس مافرهد عليه الرضيعي
وان كان اهالي الترف يبغون الاطماع=انا بتوليف المصاري سريعي

اليا مار جريس يسمع ولا جازت لوه سالفة عموه
الاوله ان عدوان كبير وجمعه وغيده والثانيه ان عدوان باخر بيت يقول انوه يبي يجمع الفلوس
وجريس يخبر ان ماعندهم شي يعني حالتهم الماديه وسط
رد جريس على عموه عدوان رد رائع يقول:

ياعم ياللي من هوا البيض ملتاع=ياللي تقول اليوم قلبك فجيعي
ماشفت بيضٍ في شواربك نساع=شهبٍ لهن بين الشوارب لميعي
مثل المغلث شوفهن يخرع اخراع=يودعن مسطور النشاما هكيعي
وش لك بغروٍ تو ماجاك فزاع=يومي لجهال النشاما فريعي
يامعدل الليرات عن دق الارباع=اكسن عباةٍ عن ليالي الصقيعي


الغرو" عند اهل الباديه هي الفتاة المزيونه
عندك السامريه اللي تقول
"الله يجازيك ياغرو نطحني بايمن السوق>>عاد مادري وش تاليته:)

هذا اللي عندنا وعساه تجوز لكم
واعذرونا على القصور

[سيدة القـــــلم]

طيب تزوج عدواان جمعــه.. او لا..؟!!!


يعطيــك العافيه اخوي مشعلــ على الأيراد الطيب..


دائما تأتي بالممتـــع والمتميـــز.. ..








ღ
ღ
ღ
تحياتي
عشـق القصـيد

[شموخ]

اهلين بالأخ مشعل


عز الله خوش قصه وقصيده بس البلا حتى الشياب قلوبهم خضر وش بقوا للشباب أجل :)


تسلم على الاختيار ..

تحياتي
شموخ

[راعي الطيب]

صرت اليا شفت الشايب ونشيط تقول هذا توه متزوجن لوه بنت


يقولون هذولا مابهم شده وهذا تفكيرهم اجل حنا بس نجمع السوق ونزفهم ونقعد نخدمهم ما نعرس


عز الله انهم يستاهلون اللي يزوجهم ويقعد يخدمهم حتى لو ما اعرس

اخوي ابو ياسر عفيه عليك يالغالي انا اشهد انك ما تجيب الا الثمينه وانا قايلها من اول


تسلم يمينك على هالسالفه الرائعه ويعطيك العافيه


لا هنت يالغالي

[محمد الرويتع]

مشعل الغفيلي

أشكرك ويعطيــك العافيه على ماكتبت


ويوم جاء ذكر عدواان حبية أنى أذكرله هالقصه والقصيده


مع العلم أنها لاتخفي عليــكم


(عدوان الهربيد) من السويد من قبيلة شمر

اشتهر بالبر في أخيه والبر في عشيرته وهذه العادة

عادة حميدة والواحد لازم يتصف في شي من البر ...المهم...

.أن عدوان الهربيد له أخ اكبر منه وكان عدوان يعزه ويغليه ومع مرور الزمن

توفى الاخ الكبير وخلف وليد وحيد صغير أسمه ((جريس)) ....

وبعد ماتوفى أبو جريس اللي هو أخو عدوان الهريبد الكبير

بغت ام جريس تتزوج ... وخاف عدوان على ولد اخوه من العيلة وسوء التربية

وقال انا أتزوجها علشان احافظ على الولد ويراعيه وفعلن تزوج عدوان الهربيد

ام جريس وقام عدوان يربي ولد اخوه جريس تربية حسنة ويعتني به .

....المهم ....كبر جريس وصار رجال يشد به الظهر وصار عمه عدوان الهربيد

شايب يالله يقوم ويتحرك ولكن الغريب أن جريس بدأ ينكر عمه ويعاملة معاملة

ماهيب زينه بس العم ماله الا ان يصبر ويتحمل أبن اخيه...

ووجهه عدوان الهربيد الى ابن أخيه جريس هذه القصيدة التي يقول فيها :



ياجريس يامشكاي شاكن واشاكيك

=...........وأشوفها من يم الاصحاب ضاقه

ياجريس أخذت أمك على شان تاليك

=.............مامعجبن زينه ولاهي عشاقه

عمك ولو بي تنشده كان ينبيك

=............وش حق من رباك طفل حواقه

ياما على متني تعقبت بيديك

=...............تنقل كما تنقل خطاه العلاقه

وياما بعدلات الشبايا نعشيك

=........واعطيك من زود الخزيزه لحاقه

بارباعى لي ثار حسه يشويك

=...........في ليلة ذوق العشا به شفاقه

...الذي بدقون ربعك ظهر فيك

=...........واظن في نبت الللحى افتراقه

واليوم أشوفك يوم كبرت علابيك

=..........جمعت مع خبث الطبايع نزاقه

ولعاد بالدنيا صديقك يخليك

=.....مامن ورى عوج النصايب صداقه

ياجريس مالى بالاداني واقاصيك

=............لاهل فوقى محزم من دقاقه

سبع العوذ ياجريس خلن واخلي

ك=......ياجريس مابعيال الاخوان فاقه

تيس يحطه وال الاقدار بيديك

=.... أحلى من الشرشوح عند الرفاقه


وقد سمع واحد من اهل بقعاء

قصيدة عدوان الهربيد وقال :


ياليت بالدنيا صديقـــــــك يخليك=== وكفاك شر ماتبي له صداقه

ميرالبلا لى جنب الحق ناصيك=== تومي ركابه ماعليها علاقه

دلى يبيعك بالمكاتب ويشــريك=== ويحط دون الله علوم دقاقه

[المسعودي]

مشكووور اخووي مشعل

ومشكوور اخوووي محمد على الاضافه

ولك مني احلى تحيه

[المتوقد]

يامشعل الغفيلي



وعدوان شايب

وووالله أني أتضايق اذا سمعت ان شايب يتزوج بنت>>ووالله اني ما أدري ليش


ووأدري أنوووه ما أحد درى عني>>>لكن أبقى يمكن أيام ووأنا بحاله نفسيه تعبانه>>>>>وووأدي القى علاج لهاااالحاله النفسيه وووعجزت

وووالحاله النفسيه تصاااااحبها عصبيه >>>>ماصارت قصه ...انقلبت الى عيادة نفسيه


اااااالله يعطيك العافيه

[مشــــعل]

هلابك ياسيدة القلم"عشق القصيد"

اما زواجهم مادري عنهم
لكن اللي متاكد منوه انهم ماتوا كلهم:)


تشرفنا بمروك
وسعدنا بحضورك

[مشــــعل]

وبك المهلا ياشموخ

والخوش والله مرورك

وبلاك من اللي قلوبهم خضر

دمتي اختا

[مشــــعل]

والله مايستاهلون اللي يزوجهم
حنا مازوجنا انفسنا نبينا نزوجهم


خلهم يولون:)

هلابك ياراعي الطيب
والثمين والله مرورك يالطيب

لاهنت ياشوق نشميه**ياشوق من قرنها ضافي

[مشــــعل]

هلابك يامحمد
وشاكر اضافتك
والله تمنيت لو هي بموضوع مستقل حتى تجد المتابعه

اهلا وسهلا
وكل مره سير علينا

[مشــــعل]

هلابك يالمسعودي

ابرك الساعات مرورك

لاهنت

[مشــــعل]

المتوقد

ههههههههه

ايه هاللحين تضايق
مار يامنك شيبت ماتضايق
الا تدور العروس

سعدنا بمرورك

[ريم شمر]

تسلم مشعل الغفيلي

والله يعطيك العافيه

بس وش بلاكم على الشياب :)

بعض الشياب ابرك من مليون شاب

وبعض البنات ماتطالع من عمره تحت الثلاثين او الاربعين

حتى ولو كانت بعمر 16 سنهn)

[راعي الوقيد]

الله يحيي نباك .. حياك الله وبياك

هذي سالفة جديدة على عدوان الهربيد السويدي الشمري !!

اقول اثاري هالشيبان من هكالحين وهم واقعينن بالبنات

واحدهم يجمع من الدراهم ويطق له ام خمس طعش او ام ست طعشn)

شف يابعدحي وش يقول:

وان كان اهالي الترف يبغون الاطماع ** انـا بتوليـف المصـاري سريعـي


اليا مار جريس يسمع ولا جازت لوه سالفة عموه
الاوله ان عدوان كبير وجمعه وغيده
يعني راحمن جمعة رحمة والدين انت يا جريس !؟

والثانيه ان عدوان باخر بيت يقول انوه يبي يجمع الفلوس
وجريس يخبر ان ماعندهم شي يعني حالتهم الماديه وسط
ايه هين .. ماعندهم شين !!!

الشايب اليا بغى اللي مافرهد عليـه الرضيعـي ؛؛

صار بتوليف المصاري سريعـي :)

وبزعمي ما جازت لوه سالفة عموه لأنه آوين لميمته هذا من جهة:puzzled:

والشي الثاني ما يبيه يفرط بالمصاري << شكله يتحرى موتته على شان يارثه:)

يامعدل الليرات عن دق الاربـاع ** اكسن عباةٍ عن ليالي الصقيعـي

ابو ياسر !!

وش يقصد الشاعر ؟ يوم هو يقول :

شفي "بجمعه" لو كلت كل الاجمـاع ** جمعي مع جموع الجماعه جميعـي

وش عاد لو تاكل جموعي والاصباع ** وجموع جمعات الشريـف الرفيعـي

واخيرا ً وليس آخرا ً ...

قصة وقصيدة مثمّنه .. عوايــــدك يابالعوايــــد:thumb:

لك التحيــــــة ،،،

والسلااااااام ...
..

[المهرة]

ياصار بالدنيا صديقك معاديـك
مامن ورا عوج النصايب صداقه



اخي الفاضل /
مشعل الشعر


هنيئاً لمضايف شمر / وقع حضورك الزاهي

ومزيدمن التألق

دمت بخير
اختك/ المهرة

[مشــــعل]

ومن قال يسلم ويتعافى ياريم


بس وش بلاكم على الشياب


دابلين تسبدي
لا ابدا
هذولا هم الخير والبركه
ومثل ماقلتي والله يابعض الشيبان
يسوى مليون شاب لا واكثر

دمتي اختاً

[الصيرمي]

الله يعافيك ويسلمك اخ مشعل

موضوعك :thumb:

ما قصرت يالغفيلي:)

تحياتي:)

[مشــــعل]

هلا بك يابو فيصل

تقوله صادز انت بلاك من الاولين من قريب ياخذه

بالنسبه للقصيده

انا ماني متاكد بس على حسب فهمي
ماهو الاولين يقولون عند المغازي ايهم يغلب جمعنا او جمعهم
يعني استخدم اسمه كدلاله عليه واستخدموه على حسب معنى اسمه
يعني على جمعة الحرب
هاللي يقول شفي بجمعه لو كلت كل الاجماع
يعني ابيه لو سوت ماسوت

على حسب مافهمت

ماننحرم يابو فيصل

[مشــــعل]

هلا والله بشاعرتنا

شاكر مرورك يالطيبه

لاهنتي والله

[مشــــعل]

ومن قال يتعافى يالصيرمي

يالله حيوه

شاكر مروك يالطيب

[شريف روما]

الغفيلي الله يعطيك العافية على القصة الممتعه
ويسلم محمد الرويتع عالاضافة

مشعل تقول اللي متأكد منوه انهم كلهم ماتوا !!

كيف حالك ياطويل العمر :)


وبانتظار موضعك القادم وسالفة جديدة

تحيااااااتي

[خالد الشمري]

ابو ياسر تسلم والله يعطيك العافيه
وكعادتك يالغفيلي طيّب ولا تجي الا بالطيّب

[مشــــعل]

ومن قال يتعافى يالزقروطي

اقول ماكل سالفه تركز عليه فوت لنا

تسلم والله

[مشــــعل]

ومن قال يسلم

والله الطيب جنابك يابو فراج

ماتغيب الا عن الشر

لاتبطي