مايبيلها خبير

[الجازي]

مساء الخير جميعا >>>>>> يقطع ابو الاتيكيت :)

عندي مشكلة صغيرة جدا جدا ولا تحتاج خبير عشان يحلها والا تسان حليتها أنا :) :)

هذا الهوتميل الله يسلمكم اللي من عرفتوني وأنا أغثكم به وبمشاكله :)

كل ماحاولت أفتح ايميلي بعد ما أسجل كلمة المرور مايطيع يفتح معي وتطلع لي بعد طول انتظار صفحة " لايمكن العثور على الملقم " :(

وهالمشكلة كانت تصادفني بعض المرات بس ماتجلس أكثر من يوم !! لكن هاليومين تسنه مصخها شوي ولي يومين وأنا أحاول أدخله وعجزت :)

الغريب ان الآوت لوك شغال عال العال !!

لاتقولون لي خلاص يكفيك الآوت لوك لأنه خاص بايميل ثاني :)

هاه يمديكم تسعفوني والا أستعين بخبرتي الطويلة في هالمجال :)

[المطنوخ]

انشهد انه ضيقه للصدر

<--قاعد يقرى الايميلات ويقول الله لا يبلانا مثل مابلى الريم:)

[ابن جشعم]

مجرّد ضغط على الشبكة وضغط على الموقع فقط لاغير...

طيّب جربتي ايميل ثاني ...

[ريم شمر]

ريوووم

عطيني ايميلك وانا ادخل عليه من جهازي :)

وكلميني بالجوال اعلمتس وش فيه

من طقطق لسلامو عليكم:smooch:

حل سريع اتحدى اكبر خبير يجيبه لتس:tongue:

[المطنوخ]

يمكن مشكله بالسيرفر من كثر الضغط عليه صار يشكّل

جربي ادخلي من موقع الهوتميل

<--لازال يقرى الايميلات :)

[الجازي]

المطنوخ ,,

وشلون أدخل من موقع الهوتميل !!؟

أجل أنا من الصبح من وين أدخل؟؟ :)

عشان بس ما أفشلك عطني رابط الموقع الرسمي خلني اشوف شكله ,, وأجرب حظي معه !!

ابن جشعم ,,

ماهقيت انه مجرد ضغط على الشبكة لأنه بدا يزحف لضغطي :)

طيب ليه ايميلي أنا والباقين ماشي معهم تمام التمام !!؟

بصراحة بديت أشك في جهازي انه بادي يطب الفيضة :) :)

يعني هل ممكن يكون السبب برنامج من البرامج الموجودة في جهازي !!؟ تتوقع ماله علاقة ؟؟

ريومة ,,

تراتس أنتي صاحبة العرض :) يعني تتحملين مسؤولية الموجود في ايميلي من طلبات وخلافه :)

يعني بعطيتس ايميلي وانتي عليتس تردين على كل الرسايل اللي فيه :)

ويعطيكم العافية جميعا على الفزعة ,,

[المطنوخ]

www.hotmail.com

انا اللي اقصد يمكن تكون المشكله بالماسنجر اللي تحاولين الدخول منه

[الجوهرة]

قلتيها وانا اختس مايبيلها خبير...!!!

انا اقول ورى ماتجرين تدخلين على الصندوق الوارد حقتس من المسنجر لاني قد صارت لي مثل حركتس وانغثيت...

لكن نصحتني وحدة من صديقاتي اني تدخل من المسنجر ...

لانه آمن من الدخول للوارد من الموقع نفسه ( آمن من الهاكرز)

انت جربي وردي لنا...

مع الصلامة

[لحن الحياة]

خخخخخخخخخخخخخخخخخ

أما رد ريم شمر الصراحة خطيييييييييييييير

مشكلتك سببها مثل ما قال أخونا ابن جشعم

[الجازي]

المطنوخ ,,

الحين أنا قايلة لك اني داخلة من قوقل !!!؟

عموما جربت رابطك ونفس النتيجة !!

الجوهرة ,,

بعد ماحليت كلماتس المتقاطعة وفكيت شفرة حتسيتس وركبت الحروف الناقصة اكتشفت انتس تقولين ادخلي للايميل عن طريق الماسنجر :)

وعقب هالتعب كله أبشرتس الماسنجر كله بكبره مايفتح معي بعد :)

يعني البلا في جهازي الله لايعوق :) بس وين فيه بالضبط مدري ؟؟

لحن الحياة ,,

ماجبتي جديد :)

والا داخلة تتشمتين :)

مشكورين جميعا وما قصرتوا ,, ويا أنا ياهالجهاز في هالبيت الليلة :)

[ابن جشعم]

طيب ايميل ثاني غيروه ... جربتي !!

يمكن ايميلتس هاه اللي بوه البلا والجلا :)

ماعندك ايميل .. سوي ايميل جديد للتجربة..

[ابو غازي]

خالتي / اااااااااالريم n) / عيدك مبارك

الحقيقة ترى دايم يصنج وحسب كلام بعض الخبراء كله ناتج عن الضغظ فقط

تريهم كلهم هكر / حتى أم / طلال ... ويبون يسرقون ايميلك :(

لاتستعجلين اصبري شوي ..... خابرك مطفوقه ههههههههههههه :p:

[المطنوخ]

يالله تبشرنا الريم بسرقة ايميلها :)<--حاقد من سالفة كارلوس:)


الفال لريم شمر :)

[الجازي]

ابن جشعم ,,

جربت كل ايميلاتي حتى الايميل اللي على الآوت لوك اذا فتحته مايفتح معي :)

يعني كل الدنيا فيها بلا وجلا :)

خالي أبو غازي ,,

حياك الله وكل عام وأنت بخير ,,

سالفة انه دايم يصنج مايبيلها كلام بس عاد ضغطي ارتفع من هالتصنيجة اللي ماطاعت تزين :(

خلاص أنا أرخصت بايميلاتي كلها :) خل اللي يبي يهكر ياخذ راحته ابتداء بأم طلال وانتهاء بي :)

المطنوخ ,,

والله من قرادة هاللي سارقه المسكين :) ماهو لاقي الا الدجة والكرف :)

[راعي الوقيد]

شرهتكم على اللي عمرهـ فتح ايميلوهـ:m:

اليا صارت المضايف تشتغل وعال العال بكيف الإيميل ياعله يعلق:) بفتح اللام

ابو سليمان !!

شلونكم حيي؟

كنت اباقول سالفة بس هونت اخاف احد يزعل او المطنوخ يهنق والاشين:)

كفى بجسمي نحولا أنني رجل ******* لولا مخاطبتي إياك لم ترني

سلاااااااااااام ...
..

[الجازي]

راعي الوقيد,,

بالنسبة لي أنا أحب افتحه عشان أخفف من حدة دخولي للمضايف :)

يعني اذا مريت عالايميل قبل وشفت بعض الردود ماعاد أدخل للمضايف وأنا مطبدزة على قولتكم :)

بس الحين أحس اني فيني شفقة على المضايف وكل ساعة والثانية وأنا داخلة تسني مضيعتن لي أحد :)

باقي ردك نحيله على الأخ أبو سليمان لأنه من اختصاصه :)

[عبدالعزيز]

أيّه :thumbup:

[كحيلان]

الاخت الفاضله الريم ...

ما عندي خبره في هذي الامور تعرفين الشياب يالله يدخلون بس :)

بس من باب الفزعه سألت لك وافتوني ..

اعملي استعاده للنظام للفتره قبل حدوث المشكله في جهازك ...

و ان شاالله بيرجع جهازك والمشاكل التي حدثت لطريقتها الاولى ...


اتمنى اني جبت المفيد لك ...

تقبلي فائق احترامي وتقديري لك ِ

[الجازي]

عبدالعزيز ,,

الله يرضى عليك لاتزيد همومي هم :(

الحين ماعرفت حتسيك تجي تحاتسيني بالشفرة السرية الخاصة بك :)

بالله وش معنى " ايّه " المشددة :) هذي؟؟

[الجازي]

جرح الأيام ,,

يعطيك العافية الظاهر مالي الا إني أستعيد النظام السابق وأدحر قوات الاحتلال :)

كل الشكر لك على الفزعة

[الفاضي]

انحاشوااااااااا جاكم الغبار
طاااااااااااااااااااااااط


لحوووووووووووووووووووول لهالحين هذي كمبيوتره خربان
ولا بعد كل مره الخراب من الهوتميل
عني ان الهوتميل يتعوذ منتس باليوم عشر طعش مره

روحي للياهو وفكي الهوتميل من شرتس

بس بغيت اسلم لا اكثر ولا اقل ههههههههههههه


تحياتي الفاضيه
طاااااااااو

[سلطان الشمري]

8
8
8


انت حي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[الدغيشم الشمري]

السلام عليكم ورحمة الله وبركاته,,


قومت النايم,
وفتحت محلات مسكره,
وابلشت اللي اخذن راحته,

هذا كللللللله صار,
سألت اللي لهم خبره بهالأمور,
واللي قالو لي:

انك المفروض اذا حملتي التحديثات حقات الويندوز يضبط كل شئ معك,

الظاهر أن السبب كون التحديثات حلالات مشاكل,

بس الغالبية اللي سألتهم عندنا بجامعة البترول اللي انا ادرس به:
وقالوا لي ان المشكلة ضغط شبكة, ولا اعدادات بروكسي,,
بس مالظاهر,,


المهم حبيت بس نكون وفينا,
وما نكون قصرنا بحقك.
أو طلبك للفزعه,

وتقبلي خالص تحياتي,

أخوك:
باسل الدغيشم الشمري..

[الجازي]

الفاضي !!!!!!!!!!!!!!

الحين بس عرفت من اللي راثعن بإيميلي :)

أبشركم فتح الهوتميل بعد ما تم القبض على الفاضي وسيارته وهم يفحطون فيه :)

الفاضي ,,

حياك الله ,, والله يسلم ايميلي هاللي خلاك ترجع للمضايف :)

أخوي باسل ,,

تسلم على هالفزعة اللي مامثلها ,,

بس أبشركم قبل ما أسوي استعادة للنظام شغلت برنامج "كاسبر سكاي أنتي فيروس" :) ومن عقبها والهوتميل كذا :thumb:

الظاهر ان فيه فيروس مستلمن ايميلي وأنا مدري :)

الله يعطيكم العافية جميعا على فزعتكم ,,

[ابن جشعم]

يقفل المحظر بتاريخوه وساعتوه...

[الفاضي]

لا يا شيخ

عسى ما تمصعت

شكلك متابع فلم مصري:) :)

انا اسف خخخخخخ

[غاده]

8
8
8
8

فضييييييييييييييييييييييييع بقوه 000 واجتمع مع الريم فظاعه بقوه بقوه :)

تبون الصدق موتوني ضحك مع اني ما رديت ع الريم بس ادخل اضحك ع الردود
كل عام وانتي بخير الريم والي بالي بالك ينتظرك بعد واحد من اخوانا المتهمين :)
حنا خليناكي على راحتك وانتي طلبتي مهله الين بعد رمضان:d:

بااي

[الفاضي]

والي بالي بالك ينتظرك بعد واحد

اتحداكم تكررونه عشر مرات
انواع التنسيم

[غاده]

خلاص بقفل المضايف انا بقفل جهازي قصدي

ايش جالك انت والريم اليوم :)

من كثر الضحك خايفه دمعتي تنزل 00 بااااي

سوري ابن جعشم ع الردود برا الموضوع

[الفاضي]

8
8
8
حتى انا يابن جشعم اسف على الردود الي برا الموضوع ماهو بس غيداء
بس تخبر الفاضي الا يشطح بعيد


طااااااو

[الجازي]

مع إن المحظر اقفل بتاريخوه وساعتوه :) إلا إني برد عليك ياغيداء لدواعي أمنية مصيرية :)

كل عام وأنتي بخير يالغالية وبالنسبة للي بالك بالي تراني قلت بعد رمضان بس ماحددت أي رمضان :)

يعني تقدرين تقولين إني فاضية في رمضان لعام 1485 هـ :) في هالرمضان أقدر ألقى لتس وقت أرد فيه على اللي بالي بالتس :)

ياحي الله ملوكة :)

[الجازي]

آسفين عالإزعاج :)

بس قبل ما يقفل المحظر حبيت أبشركم إن المشكلة رجعت مرة ثانية :)

وصار السبب ماهو الفيروس :)

السبب في الاتصال المملوح :)

اذا غيرت اتصالي ورجعت للأول مايفتح معي الايميل :)

يعني برنامج الأنتي فيروس ماله معروف علي ,, والفيروس ظلمناه :)

والحين تقدرون تقفلون المحظر بكل أمان وطمأنينة :)

[الفاضي]

8
8
8
يا عله اوله
اخيرا انحلت المشكله
مع اني اشك انها انحلت نهائيا


الف الف الف مبروك يالريم ان مشكلتس انحلت بس الظاهر مؤقتا

واحب ابارك للفيروس برائته

تحياتي
طاااااااااااو

[المطنوخ]

يعني برنامج الأنتي فيروس ماله معروف علي ,, والفيروس ظلمناه

حســـــــــافه:(