المساعد الشخصي الرقمي

مشاهدة النسخة كاملة : طااااااروق والمجااال مفتوووح


فـارس الحـرف
08-11-2005, 00:18
عدد مالاح براق المزوون ودندن الرعاد=هلا يامرحبا بهل المظيف ومن يزوروونه
نبى شاعر مهيا للمعارك عنده استعداد=لاشاف الذيب لسحم مايجى خلفه ولا دونه
بتول آل علي
08-11-2005, 01:13
صح لسااانك بدر

و بانتظار الفارس :)





الدهور
( المسك )
08-11-2005, 01:32
الدهور سييي يووووووووو


صح لساانك

وبالانتضاار
((بعيدالنظر))
08-11-2005, 16:38
عدد ماطاح همّال السحاب وجا بلاميعاد=يدوم إلك البقا ياشاعرٍ تعجبني لحووونه
وصلنا ياالمنادي وآنت بادي في ثياب جداد=تفضّل يابدر هات الخبر للي يشوفونه
احـمد الـطـرقي
08-11-2005, 16:49
صح لسانك يابدر وبعيد النظر



متابع


وكل عام وانتم بخير
فـارس الحـرف
08-11-2005, 21:27
وجودك يالعرابى يثرى الملعب ونورك زاد=نقوله والعرب من قبلنا هذا يقولووووونه
ابقدم لك الدله وبقدم لك البراد=وبذبح لك سمين وينطح الظلعان بقررررونه
فـارس الحـرف
08-11-2005, 21:30
الدهور
المسك
الطرقى
يشرفنا مروررركم

العراااابى مرحبا ومرحبا وحده ماتكفى
الله يطول بعمرك ويجعلك نور للدار ونور اهلها دايم فيهم
((بعيدالنظر))
08-11-2005, 21:56
مرحبا أستاذنا الرااائع / بدر والنور نورك يالغالي وعسى عمرك طويل .
أشكرك على جمال روحك وهنيئاً لنا بك يابدر .
بس لو يعدلون إسمك بالعربي ههههههههههه

إستلم يابطل




وجودي من وجودك في صدور العلم والميراد=ومن قدّم وفا يملا من الخيرات ماعونه
أنا سامعك يوم تقول مادوّر شراب وزاد=وأنا مثلك موفّر قهوة العزّام وصحونه
((بعيدالنظر))
08-11-2005, 21:59
الدهور
المسك
الطرقى

الأحبه جميعاً : كل عام وأنتم بخير
كما قال أخي الغالي / بدر
يشرفنا مروررركم ويزيد من تألقنا عبر هذا اللقاء الذي لايكتمل إلا بتواجد الرائعين أمثالكم .
فـارس الحـرف
08-11-2005, 22:20
انا اشوف المطوع ينشر الدعوه لاكن بواااد=وله نيه وله سنه ماهى لدين مسنووونه
وانا خايف على حامد وانا خايف على حماااد=ماهم مثل العرابى والعرابى مايغرررونه
فـارس الحـرف
08-11-2005, 22:22
هلا بالعراااابى
الاسم هههههههههه والله بعثت رساله لحمووود مادرى وصلت ولا لا

بما انك اتعرفهم خلهم يغيررروونه انا ابى اسم بدر بدووون ارقاام صااافى

يالله توسط لنا ههههه
((بعيدالنظر))
08-11-2005, 23:03
ههههههههههههههههههههه
الله يسعدك يابدر . حمود مايقصّر لكن تغيير الإسم يبيله واسطه جامده مثل المشرف العام هو اللي بيده خاصية تغيير الإسم.
لكن تبي العلم ؟
إرسل للمشرف العام رساله وإبشر بالخير ز أنا راسلته لكن الظاهر ما أطلع على الرساله أو إنه ينتظر منك خبر هل هي رغبتك ولا لا ..
عموماً كأني أتحاور مع شكسبير لين ربك يفرجها ههههههههه


إستلم يالغالي

ليا شفنا النوايا تختلف نعلن عليه جهاد=سيوف الحق عن درب الخطا لازم يردونه
من أول كانوا العالم جموع يقابلون أفراد=تجي من كل صوب وتعرف الخايف من عيونه
فـارس الحـرف
08-11-2005, 23:51
عذرا يالعرااااابى على التاخير
لعدم وجود الفرصه المناسبه

والنسبه للاسم انا مووافق بس بدر صافى بدون ارقااام :smileyb:




انا خابرك واقف فالدعاوى والسيووف احداااد= ولو السالفه متخالفه ماهيب مامووونه
من اول كان ياماكان عصر وراح مع لجدااد=وهالحينه رحاة وتطحن وحبوووب مطحووونه
((بعيدالنظر))
09-11-2005, 00:15
خذ راحتك يابدر الوقت اللي يناسبك وتجد الوقت حياك .
القضيه تسليه يالغالي ..

إستلم لاهنت


هل الأمثال قالـوا ماينال من البعير قراد=وناس تسدد ديون الزمان وناس مديونه
أنا ماشفت لا هتلر ولا عنتر ولد شداد=ثلاث سنين والدلاّل بيضه جوف كرتونه
فـارس الحـرف
09-11-2005, 00:38
والله اللعب معاااك شرف

وننهل من خبرتك يا استاذنا العرااابى



استلم
ليا منك سلبت التمره الى فى بيوت اجواد=يبا يقفاك 100 عود وينوخك حااااجووونه
لاكن الاصمعى ترا وانيته يمسح العداااد=صميدع والصميدع يدحم البيبان بمتووونهالاصمعى جبنا اسمك لانه يزيدنا شرف والمعنى فى بطن الشاعر ههههههه:smileyb:
((بعيدالنظر))
09-11-2005, 16:45
ماعليك زود أخوي وشاعري الجميل (بدر) وآنت ايضاً ذو .أفق واسع فكراً وذو . نسق رائع شعراً
والفائده بلا أدنى شك متبادله .

على هونك ترى المعنى بعيرٍ له رسن وشداد=وأنا ماني حرامي وآنت وصفك ضاع قانونه
وشعّار المضايف مستواهم ماعنه نشّاد=لو أطيبهم حلم يقضم صخور الضلع بسنونه
فـارس الحـرف
09-11-2005, 17:22
هو كما هو:smileyb:





ترا رمحك رميته بالخطى ياولد ابن عباااد= لا يحرفك المثل بالسان اهله الى يقولونه
تحسب ان السوالف عندنا لاكن تراها ابعاااد= ياهذاك المعزب والرجال يشاااااكووونه




ويكفينا شرف الوقوف بجانبك
ابو غازي
09-11-2005, 18:00
يســــــــــــــلموووووووووو / الشعار

الشاعر / بدر

والشاعر / العرابي

وافين وربي والله إنكم أمتعتونا بالحيل لله دركم وصح لسان كل واحد ن منكم ألف :thumb:
((بعيدالنظر))
09-11-2005, 19:37
أنا راصد هدف ماهي صدف يالكاتب النقّاد=وكلمة سلب تمر البيت كلمه غير موزونه
أحطك في يميني وآنت ما تقدح بغير زناد=تفنن فالمعارك والمشارك يفقد فنونه





أنا الذي أتشرف بمعرفة مثلك ووقوفك إلى جانبي فخر لايوازيه فخر
ما أعدمك إن شاء الله يا (بدر)
على فكره مبروووك على الإسم المضيء .
وراجع بريدك لك رساله
((بعيدالنظر))
09-11-2005, 20:02
هلااااااااااااااااااااا ملايين يابو غاااازي
يارجل إنت والله اللي لك وحشه ووجودك يعني لنا الكثير .
والمتعه نجدها تتدفق من بين ثنايا حروفك المورقه .
لاحرمنا الله من تواجدك أيها الرجل الخلوق صاحب القلب الكبير .

الحقيقه نحن من يحق له أن يفخر بهذا الإسم الذي رسخ في ذاكرة كل من يعرف من هو ابو غااازي هذا الرجل البهي بكل ماتعنيه هذه الكلمه .

الله يحفظك ولا ننحرم من تواجدك .
الاصمعي
09-11-2005, 21:15
لا هنتوا على هالطاروق الحلو:goooood:

متابعين ومشجعين:)



الاصمعى جبنا اسمك لانه يزيدنا شرف والمعنى فى بطن الشاعر ههههههه:smileyb:
ما عليك زود يالغالي بس لا يكون ربعك بحارنه:thumb:
فـارس الحـرف
09-11-2005, 21:55
تراك انت الزعيم الى قصدنابه ومير ابلاد=نبا انصاحبك ونحااربك حسب الى تسوونه
انا مانى براعى دلتن ماقندت بقناااد=عسى نومك يطير وتغسل اعيونك بصابوونه


اخى العرااابى لقد اطلعت على رسالتك لك منى جزيل الشكر والامتنان

وانت ساهمت وكرمتنى فى تغيير الاسم شكرا لك ولبو سلطان
فـارس الحـرف
09-11-2005, 22:34
الاصمعى مدحناااااك

لاكن المثل يقول اتق شر من احسنت إليه
فـارس الحـرف
09-11-2005, 23:03
العرابى لك منى رساله على الخاااص
((بعيدالنظر))
09-11-2005, 23:12
لياشفتك نقدتك كاش ماعندي مهل واقصاد=وصحبتك وحروبك سكر الظامي وليمونه
أنا لاقلت قلب وصدر يعني بدر شي معتاد=وأنا ما أسل سيفي لالقيت اللي على شونه





لاشكر على واجب يابدر المضايف .
وهذا اقل مايقدمه أخ لأخيه .
ممنون لك ياشاعري المبدع
فـارس الحـرف
10-11-2005, 00:54
صحيح ان العرااابى يابنى شمر ولد لولاد=كما البيت المسيس لو تهب الريح بركووونه
لاكن الى قرا قصة ثمود يعرف قصة عااااد=ومن عاااش الزمااان يشووف صاحيه ومجنوونههههههههههههههه
والله يالعراابى مانخليها لبد فييييها:hala1:


ملاحظه: يتم تجاهل نقض بعض البيوت عمدا
وذالك يعوود لتغيير فى دفة سير المحاوره وفتح افق اخرى
((بعيدالنظر))
10-11-2005, 02:30
أنا والعجمي أحلاف وعلى العدوان سم أكباد=شيوخ وكل شيخٍ جمرته من فوق غليونه
سنين العمر بالهجري حسبناها وبالميلاد=وما نسمع من الأحداث بعضه صوت بالونه





الله عليك يابدر . رااائع بمعنى الكلمه ..
مايهمك التكتيك الحربي له تغيرات وهذا اللي محلي القاف ..
:goooood:
((بعيدالنظر))
10-11-2005, 02:35
اشكرك على تواصلك بالرسائل وصلتني رسالتك .. سعيد بك جداً
لك القلب ياقلب .
فـارس الحـرف
10-11-2005, 03:27
هلا بالغالى


بيوت المجد ترسى فالمثايل لو بدون اعماااد=وانا ويا العراابى مجدنا تاريخ يقرررونه
حسبناها من اكبرها ليا اوسطها ليا الاحاااد=ومن عاش ابحمانا مايبيح الوقت مكنوووونه
لاهنت يالعرااابى والختام عندك
((بعيدالنظر))
10-11-2005, 10:03
كلامك مابعْده ألا نحارب شلة الإلحاد=وقايدهم نبيّح مزهبه وتضيع قبسونه
ولا نطلب من العدوان عون ولانريد امداد=ومن عاش بحمانا للصديق جبال مزبونه




ألف شكر للشاعر المبدع / بدر العجمي . على هذا النفس الجميل وعلى هذه المحاوره التي شرفني بأن أكون إلى جانبه طوال هذا المشوار الممتليء ببهاء شاعرنا حفظه الله ورعاه
والشكر موصول لكل من تابع وشجّع وكان يذكي شعلة اللقاء بجميل إطراءه وتعليقه ..

لكم جميعاً كل الشكر والتقدير

(بدر) .. كن بخير ياصديقي . وأستودعك الله
فـارس الحـرف
10-11-2005, 10:42
شكرا لمن شرفنا مرورهم هنا جمعيا بدون ذكر اسماء



والشكر الجزيل للشاعر العملاق الاستاذ بعيدالنظر الذى ننهل من خبرته ونستفيد بالاحتكاك معه
هذا الشاعر الذى اكتشفة فيه عدة اشياء كثيره وعلى راسها الاخلاق الحميده وتواضع النفس
هذا الكلام وجدته لازاما على انه اشهد به لا لشى ابدا ولاكن كلمة حق والحق احق ان يقال

الشكرا للجميع
وجعل الله هذا المنتدى الراقى دائما فى رقى وتقدم واخواننا شمر فى عز دائم اطال الله فى اعمارهم جميعا
((بعيدالنظر))
11-11-2005, 17:50
ماعليك زود يابدر ..
وأنت أيضاً بدون أدنى مجامله مثل اعلى يحتذى به في الأخلاق وفي منظورك للشعر والأدب.
شكراً على إطرائك الذي لايستحقه سواك .
وشكراً لكل من تابعنا وداخلنا وتشاكس معنا بحب .

سلمت لي يابدر