يا أهل المضايف / نادوا الأصمعي !!!!

[((بعيدالنظر))]

أخي : الأصمعي .
كل عام وأنت بخير / وعيدك مبارك بإذن الله
إستلم لاهنت .
.
.
.
.


بالله يا أهل المضايف نادوا الأصمعي=نبي نهني بعيد الفطر ونعايده
شاعر ليا جات للميقاف ياقف معي=وليا طلبناه محضاره على فايده

[الأصيل]

نداء إلى مضيف الأدب العربي

نرجو إن تكزون لنا الأصمعي على جناح السرعه:d:






مطلوب للقاء بعيد النظر في




مذبحة العيد:good1:

[الاصمعي]

^
^
يقولون فيه طريقة أنك ترسل الرسالة ولا تحتفظ بنسخة منه عشان ما تضطر تحذف من رسايلك ال299 المهمة شي:)

يخي وش مدريه الاصمعي انه مطلوب حيا أو حيا:)

حياك الله يبو ثوب..


العرابي يالله حيه يا مرحبا وعيدك سعيد ومبارك


يا مرحبا بالعرابي الشاعر الألمعي=وأعياد ربي عليك بخيرها عايده
وأنا معك لأي أمرٍ يا فتى تزمعي=طاعة صحيبٍ ، لا جندي معَ قايده

[((بعيدالنظر))]

أبوثوب : وإن غداً لناظره لقريب . لكن حضورك له نكهه خاصه وله علامه فارقه .
الله يديمك يابطل وعساك دائماً في الوجود . إنتظرني فقط قريباً .:)


الأصمعي : لاهنت يالغالي وعيدك سعيد
إستلم عساك سالم



بقيت ياشاعرٍ محتار وش يدعي=يميّز الناقصه عن حيّز الزايده
فالدار فارس ورعيان وحلال ورعي=أجيال تلعب بورث العالم البايده

[سلطان الشمري]

الله الله الله الله

كبااااار ..


متابعين سجلونا .. تعال ابو عثمان ابيك جنبي

[الاصمعي]

نبراس

يا مرحبا وحيا الله

لا تباعد:)



الشاعر بعيدالنظر استلم لا هنت

الله يطيب لنا ولْكم يخوك السعي=وللي يتابع نقدم طيب المايده
فالدار فرسان عبده واسلم وزوبعي=والورث ياحي ورث العزوة السايده

[فـارس الحـرف]

ياسلالالالام

شهاده لله انكم اساتذه

ولا يهونون بقية اخونا الفطاحله

[((بعيدالنظر))]

لاصار الإنسان مايمشي بفكر وعي=يبي يصيد النمر وأثر النمر صايده
فالدار لادار حول أسمع صياح ونعي=تهمل دموع العرب وعيوني محايده

[((بعيدالنظر))]

نبراااس شرفت يالغالي واسعدت بحضورك ونورك الجميع .
دمت دمت دمت يالقلب .

ربي يحفظك يابو النباريس لنا .




بدر . هلا بالبدر المنير هلا بريح النفل والخزاما . هلا بشاعرنا المبدع .
شرفتنا يابدر وسعادتي بك لاتوصف .
لك القلب يابطل

[الاصمعي]

يا هلا ومرحبا بالبدر

حياك ولا عليك زود


استلم يا بعيد النظر


لكن ليا صار عارف أبجدي ودرسعي=يحل الألغاز لو هي بالمثل كايده

حيه بأهلها وبيت لضيفها مشرعي=مثلك وشرواك يبن الحارثي رايده

[سلطان الشمري]

يابعيد ..


انت بالقلب .. والله ..بس انا اشجع الاصمعي تدري ليه



لأن ابو خالد .. واسطه وانت منتوف هههههههههههه


كلكم بالقلب والله .. وبالصف مع البدر




عشتوا الله لايهينكم

[تواصيف]

صح لسانكم جميعا
على الابداع هذا ماقصرتو



تحياتي
اختكم
تواصيف

[((بعيدالنظر))]

لاني بمنكر ولاعندي شجاع أقرعي=خل القريبه تروح وقرّب النايده
وش لون أبعمي نظر عيني براس أصبعي=وأنا أصدر أحكامها وأقوامها سايده

[ابو غازي]

عااااااااااااااااااااااد عيدكم جميعاً

واسف على التاخير لي كم يوم مادخلت المضاايف

صـــــــــــــــــــــــــــــــــح السنكم جميعاً

عاااااااااااااااااشو الشعار :c:


:858:

[حمود الشمري]

فالدار فرسان عبده واسلم وزوبعي
والورث ياحي ورث العزوة السايده
ياسلام عليكم
وش لون أبعمي نظر عيني براس أصبعي
وأنا أصدر أحكامهـا وأقوامهـا سايـده

[الاصمعي]

يا مرحبا يا مرحبا:hala1: :7ayyoh:

نبراس ومتابعة تسر الخاطر

تواصيف يا حياك الله


عميدنا ابو غازي يا مرحبا بك وحياك الله

مشرفنا وشاعرنا ابو عيد يا مرحبا بك
ومتابعة وملاحظة مثلك تزيدنا حماسا

لا هنتوا جميعاً على الحضور الطيب:)


بعيد النظر استلم لاهنت:goooood:



صلف الهبايب يحرك راسي الأشرعي=ما تمشي السفن دام أرياحها هايده
خلك على المنهج المعروف لا ترجعي=وان جاب اخو مرَّه شورٍ قله معايده

[((بعيدالنظر))]

حكمتها بالفشق والنار والمدفعي=وأرسيت قصرٍ على سيسانه الشايده
وين آنت يوم الفزوع تزوع ماتفزعي=وليا أنكر الأصمعي ماقصدي إنكايده

[الاصمعي]

يا بعدها عن جنابك ، طيعني واسمعي=لا نلتفت لك ثم تصيبك الزايدة*

وشو له أفزع وأنا محدٍ قرب موضعي=وحرب الحوارث كما فُقاع من تايده**



* الزايده الدوديه:)

**فقاقيع صابون:)

[فـارس الحـرف]

هههههههههه

صح الله اللسنتكم الاصمعى وانيته يمسح العداااد مديحه ترا فاهمها الاستاذ بعيد النظر

تحياااااااتى للفطااااااحله الكبار الاصمعى وبعيد النظر

امتااااع

[شموخ]

الاصمعي

وشو له أفزع وأنا محدٍ قرب موضعي.......وحرب الحوارث كما فُقاع من تايده


هههههههههههههه


والنعم فيكم كلكم ( شمّر وابن الحارث )

تابعوا وحنا متابعين :)


تحياتي
شموخ

[((بعيدالنظر))]

وش لون أطيعك وعينك كضت المدمعي=ياالفارس اللي لحد السيف لقاّ يده
ممشاااك بأمري ولا تقلع ولاتزرعي=والهاشمي لافعل ماتقدر تزايده

[الاصمعي]

أبك العصافير للأغصان ما تهزعي=ولا استفز الإعرابي معن ابن زايده*
والهاشمي زارنا بجموعٍ تجمّعي=ذبحت رجاله وخيله عندنا قْلايده**

*قصة الأمير الحليم معن بن زايده والإعرابي الذي حاول استفزازه قصة مشهورة أوردها سميي:)
**كون الشريف على شمر بمضيف راعي الوقيد:)

[الاصمعي]

يا هلا ببدر ومقبول كل ما تأتي به:) متابعتك أسعدتنا يا بدر


حيالله الشامخة شموخ شرفتي ولا عليك زود

بركه الي أعجبك عهالبيت:)

يا مرحبا بجميع المتابعين والشكر الجزيل لأبو نظر وكله نظر:thumb:

[((بعيدالنظر))]

ههههههههههههههههههههههههههه
ياسلام يالاصمعي . انا أقول بمن متأثر .
لكن الأعرابي غير العرابي يابعد حيي أنت .
ولاّ سميّك بعد قال هم مثل بعض؟؟

أبك أنت عامين يابو بطن ماتشبعي=لو تلحس القدر مايشبعك بكْدايده
الهاشمي جا لحاله مامعه تبّعي=حكم مضيف الشعر وأذعنت لقْصايده

[((بعيدالنظر))]

نبراااس .. ياخي تحضّر شوي ودع عنك العصبيه الجاهليه هههههههههههه
الله محييك يانبراااس ووجودك يسرنا جميعاً

اوبو غااااااااازي إنت الخير والبركه ووجودك له طابع خاص .


بدر الشاعر المبدع // الحقيقه أنت لحضورك رهبه..
فانت ترى بعيني لذلك افضل تواجدك المستمر بل اتمنى تواجدك ايها القلب ,,


وصايف // اللخ محييك يابنت الرجال ..
حضور العنصر النسائي يهمنا كثيراً لأن هناك فكراً بوعي لامثيل له .

للجميع كل الشكر وكل التقدير . على هذا التواجد

[الاصمعي]

إستلم يالهاشمي رضي الله عنك:)


إمدح وبامدحك وإنفعني وتستنفعي=سياسة هنود أظنه مدري صعايدة
ياتي ويذهب أبو تركيه اللوذعي=من عرض طيرٍ تظلل في ذرا جرايده

[((بعيدالنظر))]

صلى الله على محمد النبيّ الهاشمي :)


يالاصمعي مايجي طولك ثلاث أذرعي=وراع الصقر بطل المسباق لهدايده
والله لتبطي تحس بظربي الموجعي=والضلع باقي على مرساه بحْوايده

[فـارس الحـرف]

مممممممم

الاصمعى وش تقووووول:p:


يسعدنا ويشرفنا المرور هنا والاطلاع على مايستجد من ابدااااعااات العمااالقه




الاصمعى



وبعيد النظر



تحيااااتى

[الاصمعي]

استلم يبو عبيد:)


صقر الحوارث بتال الوقت متضعضعي=ماهو مثل ما مضى صيدته فرايده
لا للضرورات يابو عبيد لا تركعي=ترى حلاة الفتى ما يخالف عوايده



يا بدر يا مشكاي هب الهوى غرب:)

حياك الله يالبدر:thumb:

[((بعيدالنظر))]

الناقه أم الحوار حوارها يرضعي=ياصبرها في سموم الوقت وبْرايده
الراعي اللي حسابه يطرح ويجمعي=والذيب فرّق حلال البدو وأشفا يده

[الاصمعي]

إستلم يا بعيد النظر:)


الاصمعي كلاش كوفٍ وأنته مقمعي=وفشقه حارق وخارق مالي جْنايده
العن خويك وأطيع الشور ثم اخضعي=وامشي مع الاصمعي بلي إهو رايده

[((بعيدالنظر))]

صح لسانك يالغالي . لله درك
واسعدني اللعب معك ومشاكسة أمثالك تحلو لي .
أتعلّم منها واستفيد .
بيّض الله وجهك يابطل .
وسامحني على التقصير والزله .
وإلى لقاءات أخرى بإذنه تعالى استودعك الله.

أخوك / (بعيدالنظر)

[الاصمعي]

صح بدنك ولا عليك زود يا معلم:thumb:

أمتعت وأفدت ولا قصرت..

لك جزيل الشكر ووافر التقدير على ما تقدم من ابداعات شهد له الجميع..

والشكر موصول لكل متابع ومشجع ..

تحياتي