المساعد الشخصي الرقمي

مشاهدة النسخة كاملة : دعواتكم للشاب اللي بيقصونه باكر..


احساس طفلة
02-11-2005, 06:53
السلام عليكم ورحمة الله وبركاته ..


والله احترت وين اكتب الموضوع هذا .. بس قررت اكتبه هنا . لأنه صراحه الموضوع هذا بالنسبة لي مشكلة ولكن لا يوجد لها حل سوى الدعاء..


مشكلة الشاب اللي قتل صديقه .. وأهل القتيل طلبوا من أهل القاتل إنهم يدفعون 9 ملايين ريال سعودي ثمن لروح ابنهم القتيل .. وإلا إنه ينفذ عليه الحكم و يقصوه .. بالمعنى يعدموه ..

وطبعاً فيه كثير من الناس ساعدته جزاهم الله خير ..لكن ما استطاعوا يجمعوا المبلغ المطلوب لأنه مبلغ كبير جداً جداً !!

والشاب له فترة طوييلة مسجون .. وهو في السجن حفظ القرآن كامل..
وتاب ورجع لربه..


لكن بما إنه ما جمع المبلغ المطلوب .. حكموا عليه بإنهم يقصوه بأول يوم العيد..
اللي هو باكر ..

وما حيلتنا غير الدعاء له..


ارجوا كل من يقرأ الموضوع هذا إنه يدعي له ربي ينجيه من الاعدام .. وإنه اهل القتيل يسامحوه حتى لو بآخر لحظة..

والله قلبي على أهل القاتل وشلون يعيدوون وولدهم بأول يوم عيد بيموت !!!


دعواتكم اخواني.. دعواتكم اهو اخونا في الإسلام حتى لو أذنب ..والله سميع الدعاء ..
( المسك )
02-11-2005, 07:03
الله يفرج كربته انشالله

ماعلى الله عسيرر يااحساس طفله


يمكن بكراء بدال مايقصوونه يمكن يتنازلون عنه حقهم ويصيرر عيدهم عيدين

كل شي بيده سبحااانه
شموخ
02-11-2005, 08:31
كم المبلغ اللي ناقص ؟
سيدة القـــــلم
02-11-2005, 10:36
والشاب له فترة طوييلة مسجون .. وهو في السجن حفظ القرآن كامل..
وتاب ورجع لربه..

لا تبتئســــي عزيزتي احساس طفلــه .. ولله هو الرابــح وهو الفائـــز لحفظه للقران..

سيبدله الله بأهل افضل من اهلـــه .. وحياه افضلـ من حياه الدنياء الزائلـــه.. ..

الخير الكثير ينتظـــره.. .. ولا خير في دنياء نعيمها زائلــ .. ..

اسألــ الله ان يتغمـده برحمتـــه ويجمعه مع الأولياء والصالحيـــن
احساس طفلة
02-11-2005, 22:59
والله المبلغ الله يعلم وين وصل..
لكن قبل عشرة أيام كان باقي له بس مليون و600 ألف..
الحزين
02-11-2005, 23:59
الله يفك اسره ويعتق رقبته

ولكن اختي الفاضله

لو تضعي رقم لكفيله وذالك للمساعد
وتكوني بذالك فعلتي خير
قيصر العرب
03-11-2005, 01:40
اللهم فرج همه واعتق رقبته

اللهم تب عليه واغفرله وارحمه واسكنه فسيح جناتك

احساس طفله

تطمني اهل الخير واجد اللي بيدفعون

وان شاالله ماينفذ الحكم غداً

ونتباشر بالخير بان راح يفرج عنه

تمنياتي لك بالتوفيق
احساس طفلة
03-11-2005, 02:40
تم فتح حساب مشترك لتلقى تبرعاتكم ومساهماتكم


في (الراجحي )

باسم الشيخ/ عبدالله المبارك مدير فرع وزارة الشؤون الاسلامية بتبوك

والشيخ/ سلطان العمري امام وخطيب جامع الملك عبد العزيز بتبوك

والشيخ /عوده صالح البلوي


رقم الحساب 3/21848 رقم الفرع 366



وهذا موقعه أهله عملوه له .. وفيه كل المعلومات عنه وارقام حسابهم وكل تتأكدون منه ..
http://www.alaa.bluwe.com/


ارجوكم تدخلوا ..
والحمدلله إنه أجلوا تنفيذ الحكم إلى مدة 10 / 10 يعني بعد عشرة أيام تقريباً ..

أتمنى يساهمون جماعة الخير ونكون جمعنا المبلغ المطلوب ..
شريف روما
03-11-2005, 04:19
لاحول ولا قوة الا بالله


شنو اللي 10 ملايين


استغفر الله العلي العظيم

الله فرج همه واعتق رقبته وافرح اهله في هذا العيد المبارك
اللهم اميــــــــــــن
ابو غازي
03-11-2005, 04:28
اللهم فرج همه واعتق رقبته

اللهم تب عليه واغفرله وارحمه واسكنه فسيح جناتك

احساس طفله

تطمني اهل الخير واجد اللي بيدفعون

وان شاالله ماينفذ الحكم غداً

ونتباشر بالخير بان راح يفرج عنه
سنين
03-11-2005, 09:22
الله يفك اسره ويعتق رقبته


سنين
المتوقد
04-11-2005, 16:46
الله ...يفك أسره انشاءالله



انا أقول مادام ان تنازلهم مربوط بالمال فهو يعتبر تنازل كامل>>لانها مسألة وقت مع المال



أهل الخير مايقصرون اشاء الله

وجزاك الله خير
احساس طفلة
05-11-2005, 03:37
جزاكم الله خير..


وآسفة على الغلط .. ما كان باقي له بس مليون.. المبلغ اللي جمعوه فقط مليون :(
يعني باقي لهم 8 تقريباً ..

والله حتكون معجزه من الله إذا بيقدرون يجمعوا المبلغ الباقي خلال اسبوع ..

بس انشالله يعفو عنه حتى لو بآخر لحظة ..
شيخ قطر
05-11-2005, 18:44
خيــــــــــر..الحين شنو صـــــااار

مـــــاات الولد...!!
احساس طفلة
13-11-2005, 02:55
سلااااااااااااااااااااااااام ..

والله لسه الزمن بخييييييييييير ..

الحمدلله المبلغ كمل :)

فيه فاعل خير جزاه الله ألف خير دفع 8 ملايين ريال !!!!!


يا الله وكإنها معجزة الاهية .. 8 ملايين ريال مرة وحده ..


الحمدلله ..
شيخ قطر
13-11-2005, 17:42
يــــــــــااا الله..والله على بالي مااات..الحمدلله والشكر لك يا رب

والله..كان قلبي معورني عليه.. يالله الله كاتب له عمر..تسلمين..ماقصرتي..
ابو غازي
13-11-2005, 18:03
الحمد لله الله يبشرك بالخير / ماقصرتي

والله يجزاء من دفع هالمبلغ كل خير ويخلف عليه ماقصر اعتق رقبه وإن شاء الله يلقاها عند ربه
احمد الهاجرى
13-11-2005, 19:47
جزاه الله خير الجزا وجعلها في ميزان حسناته


ونفعه الله بها يوم لاينفع مال ولابنون


هكذا الافعال الى ترفع راس كل مسلم نعم ترفع روسنا


شكرا لك ايها الفاضل انك والله لمن خيرة اخواننا المحسنين


ولو كل التجار يسون مثلك كان انحلت جميع المشاكل الموجوده في المجتمع



شكرا ياحساس طفله على نقل الخبر اولا باول
الرحـــــــــال
04-12-2005, 04:51
يا سبحان الله ..
شريف روما
04-12-2005, 05:03
ياسبحااااااااااااااااااااااان الله

عزالله انه بشااااااااارة طيبة

ولو ان ردي متأخر لكن عزالله خبر يفرح

الله يجزاه خير وان شاء الله مايضيع له هالمبلغ

والله راح يعوضوه
مرزوق الشمري
13-12-2005, 14:47
الحمد لله على جمع المبلغ واهل الخير كثار يعلمهم رب العباد

والله يجزيهم الخير

وان شاء الله اعود لاهله سالم
احساس طفلة
15-12-2005, 02:00
انا اتصلت امس على رقم هم حاطينه في الجريدة للاستفسار عن القضيه هذي..

رد علي واحد يقول إنه أخوه .. يقول إنه المتبرع اختفى وقاعدين يدوروا عليه للحين :(

والمحكمه تنتظر المتبرع لحد ما يلاقوه ..