افزعوا يا اهل التصاميم .... [الأرشيف]

الشبث

23-10-2005, 03:32

ادري والله انكم منتم راديني بوجه هالعيد

مع اني مالي وجه اجيكم

بس والله اخوي الدغيشم الشمري كسر ابو خاطري

عاد قلت ابي افزع لوه وانخا اهل القلوب الرحيمه

ت ك ف و ن

تكفووووووووووووووووووووووووووون

دبرولوه توقيع

الرجال يحسبن اسوي تواقيع

عاد انا قلت لوه مارحت بعيد انا اطر تواقيع

ههههههههههه

تكفون لا تفشلوني عند هالشمري

وتقلدوا تحيتي

شريف روما

23-10-2005, 03:41

هيهيهيهيهيهيهيهيهي
الشبث عند لك خوش حل
بما أن الحين العشر الاواخر والناس شاده حيله بهالايام
روح اقعد عند اي مسجد تقابلوه وطر توقيع
وعلى فكرة هم انا ابي توقيع بس مو الحين بعد كم اسبوع اقول لك عشان تطر لي
ههههههههه

مشــــعل

23-10-2005, 04:36

تطرون وشلون تطرون>>>اييييه يعني تشحذون

انا هذا متجود بشليل حديكم
طرو لي
بس ماهو اللحين عقب العيد

سيدة القـــــلم

23-10-2005, 04:52

مــحد هنــا يفهم بالتصميـــم كوويس الا المجد او ريم شمر او غيداء..

وابن جشعم ماجبت طاريه لأنه مشغولــ ماهوب فاضي..<<--- تتوقع تسذا

فا اكيد ان الأخوات ماراح يقصرووون.. ...

وخاصه المجــد عليها تصميــم ماهوب صااحي..

شكرا لك الشبث ولله انكـ اجودي وراعي فزعات..

دومـــُت طراراً..

ღ
ღ
ღ
تحياتي
عشـق القصـيد

مجد

23-10-2005, 05:05

اهلاااااا ومرحباًً
يمين بالله الذي لا اله الاهو
أني هالايام هالايام جالسة اتفقد التواقيع.. لأن كرمي زايد..
وخفت عليه من الفيضانJ
فقررت
أن أصمم للي لايملكون تواقيع
من ضمنهم
الدغيشم + الغفيلي
واليوم للتو خلصت من توقيع الغفيلي لكن ما اقتنعت بالتصميم وقشعته J
وكنت انا قد نسخت هذا البيت من توقيعه
مـاكل رجّـــال يـعــوضــك برجّـــال
ولاكــل من ركب المطيــه يــدلّي

ولاكل من ركب الفرس صار خيّال
ولاكــل من جـر الربــابه يــسلّـي

لكن انت يالشبت دايم تحرق المفاجأت

سلاااام
اختكم المجد

الشبث

23-10-2005, 07:12

الزقروطي

بالله رح طر لنفسك

سنع عمرك وغير هالتوقيع اللي مثل وجهك

وتقلد تحيتي

الشبث

23-10-2005, 07:15

مشعل

جايك الخير

وتقلد تحيتي

الشبث

23-10-2005, 07:18

شكرا لك الشبث ولله انكـ اجودي وراعي فزعات..

افا عليتس يا اختي

تدرين اني مقدر انام لين تنامون كلكم هههههههههههههههههه

ايه هين

دومـــُت طراراً..

اشكرتس من اعماق قلبي

صراحه توني حسيت انكم تقدرون هالدور اللي اقوم به

سيدة القلم

تدرين احسن مافيتس وشو

قراعيطتس

وتقلدي تحيتي

الشبث

23-10-2005, 07:21

قطراوي

23-10-2005, 07:29

8

8

يا فظيحتك..والله ما تعرف تصمم بس تطر كفو..والله

تعلم تصمم..يا شيــــــخ...هههه

احمد الهاجرى

23-10-2005, 08:34

بعد تسبدي شبيثان

اسمع حبيبي انت تطر توقيع لدغيشم وفتحت الباب لي على مصاريعه

ابي توقيع يامجد تكفين يامجد لا تخليني ابيه قبل الشبث

والدغيشم

ماعليه تحمليني شوي تراني ثقيل دم

شكرا للشبث وسيده القلم لفتح الموضوع واخبارنا عن الأخوات المصممات للتواقيع

مشعل بن حويد

23-10-2005, 09:07

جاي اكشخ بتوقيعي:goooood:

لاتنسون زر التشغيل اللي على يسار الشماغ:) :) :)

احمد الهاجرى

23-10-2005, 10:43

راز خشمك يابو صدوووووووووووووووووووووووغ على شان عندك توقيع زين

اصبر تسم يوم واختي المجد تصمم لي توقيع كويس

ولا خلي شي تكتب انت فيه الا اجي ورز خشمي مثلك

يعني شوفو توقيعي هين هين يابو صدوووووووووغ

وين القصيده الي بترسله

الظاهر ماورى بيشه عيشه

تقلد تحياتي

ريم شمر

23-10-2005, 11:05

مرحبا شبيثان

تسلم ياروبن هود المضايف:thumb:

ما قصرت والاخوان يستاهلون كل خير

سبقتني المجد وهي دوم سباقه

وشغلها طبعا اكثر احتراف مني

الله يعطيها العافيه

مجوده اي مساعده انا موجوده:smileyb:

شريف روما

23-10-2005, 17:06

الزقروطي

بالله رح طر لنفسك
افااااااااا والله-- الحين تطر لكل الناس ويومن طلبتك تزفن
ماهقيته منك ياشبيثان :(

سنع عمرك وغير هالتوقيع اللي مثل وجهك
يعني قصدك توقيعي حلووو اشكرك من صميم قلبي :)

وتقلد تحيتي
انا لو بيدي امسك تحيتك هذي واحذفها بره المضايف

وعلى قولت سيدة القلم
دمت طرارا هههههههههههه

حبيبي عطيب الضرايب
خوش توقيع .
يبيله واحد
شخبارك ياعطيب الضرايب هههه

شقاعد تدور ياخبل
ناطر تتقلد تحيتي انسى خلاص
كسرت العصا معاك :)

قطراوي

23-10-2005, 18:54

هههههههه...والله فظيحتكم فظيحه انا اعرف اصمم

بس مشكله...تصاميمي مثل ويهي..بس تفي بالغرض..:)

زقروطــــــــــــي...تبي اوكل لك طرار ترى اعرف واحد..<-- وهب هين بعد..:)

شريف روما

23-10-2005, 20:51

^
^
قطراوي ياحبيبي انت :)
شلونك ياعمري ان شاء الله بخير :(
شوف حبيبي سوو لي توقيع حلو واذا مااعجبن اكسروه فوق راسك ههههه

قطراوي

23-10-2005, 21:01

8

8

8

هاهاهاهاهاااااااي...المشكله انه التوقيع ماينكسر فوق الراس....:):):)

بـــــــــس..تبي قول شنو المواصفات وعطني الي تبيه فيه بالتفصيل عشان

ما تكســـــــــره..فوق راسي بعدين من يتم حق امي وابوي اذا انكسر راسي..:)

الدغيشم الشمري

23-10-2005, 23:27

أخوي الشبث,

أخجلني كرمك الطراري,

ولا أدري وشلون أرد لك معروفك,

أبد ياللي هنا كلكم,
كسروا راسي كان هالرجال, شبيثان, طلبن شئ ورديته,

والله ما ازيد عليكم,

أرسلتله رسالة,

ومن باكر يوم فتحت المنتدى لقيت هالموضوع,,

وأأسف على ردي المتأخر,.

تحيات أخوكم,

الدغيشم الشمري

23-10-2005, 23:30

أختي مجد,

أشكرك على ردك السريع على طلب الشبث ومشاركتك بالموضوع,

ولا تستعجلين,

خوذي راحتك,

ومتى ما خلص,

ابد خلصي من الغفيلي, اللي يبون لهم تواقيع, وردي لي.

لك كل الشكر والتقدير,

الدغيشم الشمري

23-10-2005, 23:36

أخوي عطيب الضرايب,,

توقيع رائـــــــــــع فعلاً,

والمتميز يستاهل التوقيع المتميز,

تقبل تحياتي,وخلنا نشوفك يالقطوع,,ههههههههههه

الدغيشم الشمري

23-10-2005, 23:39

شقاعد تدور ياخبل
ناطر تتقلد تحيتي انسى خلاص
كسرت العصا معاك
________

الزرقوطي,

أين تلك التحية المنتظره,..,؟؟؟؟؟!!!!!!

تقبل تحياتي,

الدغيشم الشمري

23-10-2005, 23:40

قطراوي,

اذا خلصت من التصاميم,
نزلهن هنا,

خلنا نشوف ابداعاتك, لا تحرمنا منهن@@@!!!!

الدغيشم الشمري

23-10-2005, 23:45

أختي سيدة القلمــ,

أشكرك على اهتمامك,

وهذا غير مستغرب منك,

والمجد مصممة رائعه, وانا واثق بان تصميمها سوف يعجب به الكل,,

تقبلي تحياتي,

شريف روما

24-10-2005, 04:42

الدغيشم لاتفهمن غلط الكلام اللي قلتوه انا
اقصد الشبث بوه بحكم الميانة معاه وانا ماكنت اقصدك

ابن جشعم

24-10-2005, 12:15

الله يهديك يالدغيشم يالشمّري...

وش تبي بالشبث مراسلوه وحنّا هنا ولا يهونون المصممين الثانين..

آمر تدلل بس قل وش تبي ... تخيّل التوقيع اللي تبيه ونفذوه لك بالفلاش

انتظرك:)

الدغيشم الشمري

24-10-2005, 14:06

ابن جشعم,

تخجلنا كذا بكرمك الله يهديك,

ودايما وافي ماشاءالله عليك,,

واللي يجي منك زين,

أهم شئ يكون به يا صقر,يا خيل,يا دله, أو اية شين من علوم الرجال,
ولازم يكون به ابيات عن الكرم ولا الرجولة,,, الله لا يهينك

....وابد تنق اللي تشوفه يصلح لي وقل بس,,,, هاذا!!!

ولو تخليه لنا مميز يكون أفضل,

بحيث انه لا صار واحد عندك باخر الغرفة,
ولمح التوقيع,

يقول أيـــــه,,,,هاذا توقيع الدغيشم.

والله يجزاك خير,
ويكثر من أمثالك,
وان بغيت منا اية خدمة,
حنا والمين,

تقبل تحياتي,

الدغيشم الشمري

24-10-2005, 14:08

أخوي الزرقروطي,

معنا علم انك تعني به الشبث,

بس حبينا نمازحك شوي,

ونوريك ان ردودك مــــــهـــــــمه جدا لنا,
وله معنى عندي, وناخذ لهن حساب

ولا شرواك ما يجي منه الا العلوم السنعه!!!

وننتظر ردك المتواضع

تحياتي,

شريف روما

24-10-2005, 16:41

شرواك الطيب يالدغيشم
والحمدلله انك مافهمتن غلط
لاني مااحب احد يزعل لي
بس بالرد الاول انت كتبت (( الزرقوطي )) قلت يمكن زلة كيبورد :)
لكن هم بالرد الثاني كتبت الزرقوطي معقولة زلة كيبورد !!
الظاهر انت مو ملاحظ اسمي عدل :)
وامسك يالدغيشم احلى باقة ورد لك
http://images.google.com/images?q=tbn:3Bj4Leb2DaEJ:www.moveed.com/data/media/56/41_2_1058166168.jpg

الدغيشم الشمري

24-10-2005, 21:23

تسلم على هالباقة الجميلة يا بعد حيي,

وأسمك ينتلخبط به,

خاصة اللي يكتب بسرعه..

ابن جشعم

25-10-2005, 21:59

تفضل تجربه لتوقيعك يالدغيشم والعمل باقي على قدم وكراع:)

طبعاً تسان هو جاز لك امحط بالأبيات اللي تبي احطهن بدال اللي انا حاط..

مادري وش بغيت من ابيات وحطيت لك مثال للعمل:)

ازعج لي ايميلك تسان تبي احطّوه اك بإيقونه الإيميل..

WIDTH=490 HEIGHT=234

عقبين احط لوه برواز وحركات واللازم منّوه تسانك بغيتوه ..

راعي الوقيد

26-10-2005, 00:08

افزعوا لشاعــرنا مشعــــــل الغفيلـــــــي بتوقيـــــــع:)

وتقلدوا تحية الشبث !!

والسلااااااااااام ...
..

الدغيشم الشمري

26-10-2005, 02:16

عيا يشتغل الفلاش عندي!!! عيا يكمل التحميل!!!

مدري وراه أخوي ابن جشعم

ابن جشعم

26-10-2005, 10:11

ياهلا وغلا براعي الودزيد ياهلا

يامر الشبث امر ولا تهون ومن يسمع:)

ابد بس يزعج المواصفات والمقاييس ويزهل الباقي.

تقلّد تحيتي

ابن جشعم

26-10-2005, 10:20

هلا بالدغيشم

غريبه مع ان الفلاش حجمه ماهوش حول التسعين KB

هذا هو حملته لك من موقع جيران...

WIDTH=490 HEIGHT=234

او من رابط html هنا اذا الفلاش ماشتغل (http://fssush.jeeran.com/dgaishm.html)

راعي الوقيد

27-10-2005, 02:14

WIDTH=490 HEIGHT=234

خوووووش توقيــــــــــع يالـدغيشـــــــم :)

تواصيف

30-10-2005, 05:29

تسلم يمينك يابن جشعم
على التوقيع المميز
حلوووو مره
يستاهل باسل
تقطعه بالعافيه على قولتهم

تحياتي
تواصيف

الدغيشم الشمري

08-11-2005, 08:47

أخوي ابن جشعم,,
أأسف على التأخر بالرد,

بس تعرف الناس عيد وعطله, وراجعينن للأهل,,,وولازم عاد!!!

وانا هالحين على جهازي الخاص بالبيت..
والمشكله قبل كانت من استخدامي لكمبيوتر جامعه البترول, لانه الظاهر يمنع تحميل الفلاش بطريقته الخاصه,,

وحبيت أقولك ان التوقيع روووووووووووووووووووووووووووووووووعه
والللللللله يسلمك, ويسلمن هلاانامل,

وهو جازلي..

بس لو بطريقة يكون الاسم يطلع لحاله بطريقة جميلة, بدون وضع الماوس فوق الحروف,,

ومن ناحية الابيات,,
ابي ذولي:

أشكي لـكم قلبي غطا عليه الهم واجتاحه يوم الثلاثاء بتالي الـلـيـل والــناس نايـمــين
يوم أن العنود بخطته سلبت مني الراحه تتحسسن بالغيرة قومت خوياي الـدايـخــين
أبلشتهـم وأقعدتهـم وهم طردون للبراحه قالوا وش دخلك للبترول أنت حدا المجانين

بما انهن جايزات لاختنا تواصيف..

وولا عليك أمر,
حط الايميل كالتالي:
b0506956106@hotmail.com

ولو يكون ظاهر بدون ما يضغط عليه الواحد يكون أفضل,,

ومقدر لك جهودك,,

ووالله أحرجنا,

وما نقول الا اللله يجزاااااااك اللللللف الفففف خير أخوي,

وتقبل خالص تحياتي,,

الدغيشم الشمري

08-11-2005, 08:52

أخوي راعي الوقيد,

أشكرك على مشاركتك,

وكل اللي من اخونا ابن جشعم زين

وتقبل تحياتي

الدغيشم الشمري

08-11-2005, 09:07

أختي تواصيف,

أشكرك على ردك الجميل الغير مستغرب من عضوه متميزه مثلك,

وابن جشعم رجال يقدر طلب الرجال,
وكذلك أختنا مجد ما قصرت أبببببد معنا,

الله يعافيهم..

واتمنالك كل خير,

ولا تحرمينا من كيبوردك المتميز!!

وتقبلي تحياتي

ابن جشعم

10-11-2005, 21:09

وش هالأبيات يالدغيشم :)

شطر البيت لحالوه يبيله طريق ابو حدريّة يالله ييزيه:)

ماش عيّا يركب على التصميم يابعدي..

شف غيرهن او اختصرهن وبشر:)

الدغيشم الشمري

12-11-2005, 13:10

أخوي ابـــــن جــــشـــعــــم,

ما ودي أزعجك زيادة,

وابد حط الابيات اللي تجوز لك,
عى ذوقك,

وفخر لنا أننا نحط أبيات انت مختارهم
,,,,عاد يالله تنق لنا أبيات سنعه, علشان يدرون انك تعرف تختار..

وتقبل خالــــص تحياتي,,

ابن جشعم

12-11-2005, 21:39

ابشر ...اجل خلّن ادوج بهالكتب اتنقا لك كم بويت...:

اغدي ابو غازي يفزع تسان حولوه شين:)

الدغيشم الشمري

21-11-2005, 22:30

...................................

ابن جشعم

21-11-2005, 22:40

...................................

قلت لك التصميم مثل مانت شايف جاهز.......

الياهالحين ماعينت لي بويتات احطّهن...

تسان حولك شين ينفع للتصميم هاتوه ويجهز بساع...

الدغيشم الشمري

22-11-2005, 12:59

ايه,,

خذ راحتك,,
وازعجناك بهالطلبات,

ولا تستعجل,

وانا ابدور ابيات تصلح..

قطراوي

22-11-2005, 19:15

ههههه..ابن جشعم..شكلك متوهق..ولا اشلون..:)

ابن جشعم

23-11-2005, 06:49

ههههه..ابن جشعم..شكلك متوهق..ولا اشلون..:)

ايه متوهّق !!!! والدليل ان تصميم الرجال جاهز ويبي ابيات معيّنه ولا عندي :)

اذا عندك ابيات احطّهن بالتصميم الفلاشي افزع لوه يالقطري:)

راعي الوقيد

23-11-2005, 09:57

سقى الله منازل نور عيني شمال اركان:)

إذا تصلح تلقون الباقي بالسامريات المقرؤة:)

سلاااااااااااااام ...
..

قطراوي

23-11-2005, 13:29

ايه متوهّق !!!! والدليل ان تصميم الرجال جاهز ويبي ابيات معيّنه ولا عندي :)

اذا عندك ابيات احطّهن بالتصميم الفلاشي افزع لوه يالقطري:)

تـــدري الي يتأخر يبين عليه..زين ابيات عن وشو

مثلااان..حدد ..وايبلك ولا انا ماني ويه شعر..:tongue:

الدغيشم الشمري

28-11-2005, 22:19

مع السلامه أتعب القلب فرقــــاك *** مع السلامه رح وأنا غصب أبكـــــي :(
سافر عسى المولا يازين يرعاك *** سافر وأنا بقضي العمر في طواريك

.,.,.,.,.,.,.,.,.,.,.,.,.,.,,.,.,.,.,.,.,.,.,.,.,.,.,.,..,.,.,.,.,.,.,.,.,.,.,., .,.,.,.,.,.,.,.,.,.,.,.,.
ياما حلى عقب المطرشبت النار
يم الشمال بين ضاعاأوقطار
أبخوت اللي لهم بالقلب مقدار
رجال اقرومن مايهابون الأخطار

.,.,.,.,.,.,.,.,.,.,.,.,.,.,,.,.,.,.,.,.,.,.,.,.,.,.,.,..,.,.,.,.,.,.,.,.,.,.,., .,.,.,.,.,.,.,.,.,.,.,.,.
شف تسانهن يصلحن ولا لا؟

واختر اللي يجوز لك!!

ولاهن من شعري..

الدغيشم الشمري

28-11-2005, 22:22

إليا احتمى الموقف وصدوا وخلوك....وضاقت بك الدنيا ولا فيه فــــــزاع
ابشر بعزك لعنبو من تحــــــــدوك....تامر على روحي وأنا أجيك بيــــاع
لا تشكي الدنيا وانا حي يا خوك.....يفداك راسي وكل كلي لك انضاع

الدغيشم الشمري

28-11-2005, 22:42

وباكر اجيب زود

...,,

ابن جشعم

29-11-2005, 21:55

تفضّل يالدغيشم ... حطيت لك الإبيات اللي طلب..

وأي خدمة حاظرين ومن غير واسطة الشبث نقوم باللازم:)

WIDTH=490 HEIGHT=234

الدغيشم الشمري

30-11-2005, 20:49

تسلم والله ورجال تقدر الرجال,,

وطلبناك ووفيت,

لك مني جززززززززيل الشكر,

وحنا تحت أمرك,
ان احتجت منا شئ,,ما عليك الا كبسة زر الكيبورد وحنا عندك...

وجهاز الكمبيوتر حق جامعة البترول, اللي انا عليه, ما يظهر الفلاشات,
لكني سوف أطلع عليها من أحد المقاهي,وأعطيك رأيي,,

..واذا كان لديك صلاحية بأن تضعها في التوقيع,,,,
فأرجو منك ذلك...

أخوك الصغير,
باسل الدغيشم