ابن جليغم والمهّاد

[خالد الشمري]

كان الامير محمد بن عبدالله الرشيد(المهّاد) امير نجد غزّاي جهة جنوب نجد على القبائل اللي هناك فعاد الى حائل فكان ممّن غزاهم واخذ ابلهم جماعه من قحطان القبيله المعروفه الكريمه وكان ممّن اؤخذت ابله من قحطان الشاعر تركي بن سعد بن جليغم من الفهر من قحطان فاتجه الشاعر الى حائل واخذ معه بعض من جماعته القحاطين طامعين بكرم الامير محمد الرشيد ان يرجع ابلهم فلما دخل الشاعر تركي على الامير محمد الرشيد (المّهاد) قال هذه الابيات :

ياراكب ٍ خمسة عشر مستعدّه =اوراك... تفعل على ماتريدي
مرباعها من عنز الى المستجدّه= وادي الرشا لازاف عشب ٍ جديدي
وميقاضها.. خشم الوحف يحدّه = وحل الصفاري شاربات الوجيدي
مقيال اهلها في وسوق الاشدّه = والعصر تمسي في بلاد العبيدي
منصاك من هو حاكم لي حد (جدّه)= اللي حكم نجدٍ بضرب الوديدي
ياما عطى من مصرفات الاشدّه=وجوخ البلنزا والزبون الجديدي
وياكم عطى من سابق ٍ مستعدّه = من دون صنع المغربي والمجيدي
وياكم سرى في ليلة ٍ مجرهدّه =من فوق .. مثل منحّفات الجريدي
يصبح قعود البدو يرثع بشدّه = قعدان بدو ٍ ناويات الشديدي
(الضيغمي) مانمدحه لأجل مدّه=غير ابن عم ٍ لي ..وفعله يزيدي
خمسة عشر مابين جدّي وجدّه = وعز الله ان عدّي وعدّه وكيدي

ولما سمع الامير محمد الرشيد قصيده تركي بن سعد امر بإرجاع ابل الشاعر وجماعته واكرامهم
فرحمة الله على الامير محمد رحمة واسعه

[مشــــعل]

تسلم والله يابو فراج

كعادتك

لاهنت يالطيب

[شريف روما]

(الضيغمي) مانمدحه لأجـل مـدّه==غير ابن عم ٍ لي ..وفعله يزيـدي
خمسة عشر مابين جـدّي وجـدّه==وعز الله ان عدّي وعـدّه وكيـدي

ابوفراج هالكلام صحيح ولا لأ
يعني الضياغم اللي هم فخذ عبده من شمر يرجعون لقبيلة قحطان!!
انا مااقصد قحطان اخو عدنان
اقصد قبيلة قحطان الحالية


منصاك من هو حاكم لي حد (جدّه)==اللي حكم نجدٍ بضـرب الوديـدي

رحمة الله على الامير / محمد المهاد واسكنه فسيح جناته
وتسلم يابوفراج على الموضوع الرائع
تحياااااااتي

[خالد الشمري]

تسلم والله يابو فراج

كعادتك

لاهنت يالطيب

ومن قال يسلم والله لايهينك ومشكور على المرور

[خالد الشمري]

(الضيغمي) مانمدحه لأجـل مـدّه==غير ابن عم ٍ لي ..وفعله يزيـدي
خمسة عشر مابين جـدّي وجـدّه==وعز الله ان عدّي وعـدّه وكيـدي

ابوفراج هالكلام صحيح ولا لأ
يعني الضياغم اللي هم فخذ عبده من شمر يرجعون لقبيلة قحطان!!
انا مااقصد قحطان اخو عدنان
اقصد قبيلة قحطان الحالية


منصاك من هو حاكم لي حد (جدّه)==اللي حكم نجدٍ بضـرب الوديـدي

رحمة الله على الامير / محمد المهاد واسكنه فسيح جناته
وتسلم يابوفراج على الموضوع الرائع
تحياااااااتي

حيّاك يالزقروطي معنى البيت اننا نلتقي فيهم بقحطان الام (قحطان وعدنان) وكل طي ترجع لقحطان الام مثلنا لكن ماهو قحطان القبيله الكريمه المعروفه الان
ومن قال يسلم ومشكور على المرور

[الكاسح999]

لا هنت يالشمري

[هايس الشمري]

تسلم يبو فراج على هالقصيدة اللي كنت ابحث عنها


و لا هنت


و يقولون يوم قال هالبيت

خمسة عشر مابين جـدّي وجـدّه
وعز الله ان عدّي وعـدّه وكيـدي

قال المهاد الله ياخذك و الله انه ادون


تسلم يبو فراج

[احـمد الـطـرقي]

يعطيك العافيه اخوي خالد ولاهنت



تحياتي اخوك احمد الطرقي

[سيدة القـــــلم]

يعطيـــك العافيه اخــوي خالد على الأيراد الطــّيب..





ღ
ღ
ღ
تحياتي
عشـق القصـيد

[خالد الشمري]

لا هنت يالشمري
ولاهنت يالشمري

[خالد الشمري]

تسلم يبو فراج على هالقصيدة اللي كنت ابحث عنها


و لا هنت


و يقولون يوم قال هالبيت

خمسة عشر مابين جـدّي وجـدّه
وعز الله ان عدّي وعـدّه وكيـدي

قال المهاد الله ياخذك و الله انه ادون


تسلم يبو فراج

ومن قال يسلم وحيّاك الله يالذيب ومشكور على هالمعلومه وعلى تواجداك اللي اسعدنا

[راعي الوقيد]

الله يعطيك العافية ياخااااال:)

ما يميّز حضورك هو إنتقاءك لقصائد نادرة وغير متداولة:thumb:

يقولون يوم قال هالبيت

خمسة عشر مابين جـدّي وجـدّه
وعز الله ان عدّي وعـدّه وكيـدي

قال المهاد الله ياخذك و الله انه ادون
((الذيب))
رد محمد عليه وقال :

لا بل ثلاث طعش جد بيني وبينك !!

قال القحطاني اعلم بس القصيده ماتركب الا على خمسة عشر :)

كل عام وانتم بخير ،، وعيدكم مبارك ،،،

تحية وسلااااااااااام ...
..

[خالد الشمري]

الاخ احمد الطرقي ومن قال يسلم وحيّاك الله ومشكور على تواجداك اللي اسعدنا

[خالد الشمري]

الاخت سيدة القلم ومن قال يسلم وحيّات الله ومشكوره على تواجدات اللي اسعدنا

[خالد الشمري]

الخال راعي الوقيد ومن قال يسلم وحيّاك الله ومشكور على هالمعلومه وعلى تواجداك اللي اسعدنا