المساعد الشخصي الرقمي

مشاهدة النسخة كاملة : ((( * * * اخوان سعدى * * * )))


راعي الطيب
16-10-2005, 01:55
اخواني واخواتي واعزائي الاعضاء والمشرفين والاداريين

السلام عليكم ورحمة الله وبركاته
اسف على التاخير وانتم تعلمون بالسبب واعذروني

اليوم جيت و معاي هديه بسيطه ولاهي قد المقام
لاخواني (اخوان سعدى) فخذ الجنده الله يخليهم ويطول باعمارهم جميعا
(ولا يهونون البقيه)
والهديه عباره عن قصيده واتمنى انهم يعذروني على التقصير :


مساء الخيرات يا ديرتن بها الطيب موجود=وبها من الطيبيين اللي طيبهم خجلني
وان ذكرت فعلهم قالو عني قليل فود=غرقوني بالطيب والرديه منهم ما جتني
اخوان سعدى هل الطيب بدون حدود=وان ما ذكرهم القاف قولي له ما يشرفني
لو قلت الطيب زاد .. عندهم يزود زود=ورشفة الطيب من كاسهم يوم الظما سقتني
الطيب يرجع لاخوان سعدى وعليهم يعود=ماانسى جميل(ن) معي يوم الشدايد نصني
عسى المولى يوم الغراغر عليكم يجود=بجنات الخلد .. وبخيرها عليكم يدني
يمين(ن)تعطي وما يردها كثير الذود=ويسار(ن)تهدي وكل هداياها فدني
ونفسن بالطيب تطيب وما يردها مردود=من عبدالله اللي طيبه بالقاع شبثني
عرفت الطيب من شبيثان ياهل الكرم والجود=اللي بوحدتي واساني وبشوفته فرحني
يالله انا طالبك يارب يا حي يا معبود=تفرجها على اللي غلاه وسط الحشا سكني
ادعيك يا رب على عبدك بالخير تجود=عبدالله اللي بحلايا الطيب منه فتني
وابو احمد اللي بالطيب ما ينقص لكن يزود=وسهم الغلا منه بداخل الجوف طعني
واليا شفته ذكرت راعي الصيت جدي حمود=اللي بفعل الطيب مع الناس يتفنن فني
واستبشر الخير بوجه فايز اليا صار موجود=واقول للروح(ياروح بغلا فايز تهني)
حضنه قلبي ونزله منزل(ن) عوود=وعليه من اصوات الغلا قلبي يرني
ادعي لكم ربي بالجنه وقت السجود=انتم اللي سهام الغلا منكم وسط الحشا صوبني
وختامها صلاة وسلام على اللي بالجنه موعود=الحبيب اللي حبه وسط قلبي تمكني


اعتذر عن اخواني اللي ما ذكرتهم بالقصيده
واللي ذكرتهم والله تستاهلون اكثر من كذا والوعد بعدين
وانتم ما حلفتوني يالربع اللي يشوف الشبث ويقعد معه يقول هذا ميه وثمانين درجه عكس صورته بالمضايف واللي يمشي معه ويخاويه يتشبث بوه صحيح ولولا الحيا اقول يعشقه

ولكم جزيل الشكر على كل ما قدمتوه لي وللوالد من اهتمام ورعايه
الله لا يحرمني منكم
شام
16-10-2005, 02:06
أهلاً بعودتك يا راعي الطيب
و نحن اخوة بإذن الله تعالى ,,, مصابك مصابنا وفرحك فرحنا ...
والله يشفي والدك وكل مرضى المسلمين ..
نورت المضيف أخي الكريم وعودتك فرحة والله لا يوجد كلام يوصفها ...
الكاسح999
16-10-2005, 02:11
هلا راعي الطيب

وحمدالله على السلامه
ابو غازي
16-10-2005, 02:14
والله والف نعم باخوان / سعدى

يستاهلوووون الأجواد وعسى الله مايخلينا من الطيبين مثلهم

صح لسانك / يامخاوي الطيب
راعي الطيب
16-10-2005, 02:15
أهلاً بعودتك يا راعي الطيب
و نحن اخوة بإذن الله تعالى ,,, مصابك مصابنا وفرحك فرحنا ...
والله يشفي والدك وكل مرضى المسلمين ..
نورت المضيف أخي الكريم وعودتك فرحة والله لا يوجد كلام يوصفها ...


اختي ايمان قويدر
هلا فيكي وهلا فيكي زياده في متصفحي
والله ادري الحشم فيكم كبير وانتم اخواني والمضايف بيتي الثاني
وادري فيكم راعين اوله وقلوبكم معاي الله لا يحرمني منكم ومن
المضايف
مرور شرفتيني به وزودتيني شرف بردك العطر اختي ايمان
لا هنتي على هالمرور اختي ايمان
احـمد الـطـرقي
16-10-2005, 02:18
والنعم والله بالخوال


ولا هنت ياشاعر وصح لسانك



تحياتي اخوك احمد الطرقي
راعي الطيب
16-10-2005, 02:22
هلا راعي الطيب

وحمدالله على السلامه



هلا والله بك اخوي الكاسح يالغالي

نورت الصفحه بوجودك يالغالي

الله يسلمك من كل مكروه ومن كل شر يالغالي

لا هنت على تواجدك والله رسمت البسمه على محياي وكسحت الكدر
ومشكوووووووووووور على المرور
لا عدمناك يالغالي
راعي الطيب
16-10-2005, 02:30
والله والف نعم باخوان / سعدى

يستاهلوووون الأجواد وعسى الله مايخلينا من الطيبين مثلهم

صح لسانك / يامخاوي الطيب



يالله حيوووه بمحلوووه

يا هلا والله بالغالي اللي مسكنوه وسط قلبي عند حجاجك الايسر
يا مرحبا مليوووووووووون والله

نورت الصفحه بوجودك ووجود الاخوان كلهم يا ابو غازي
صح بدنك وانا اشهد انهم يستاهلووووووووون كل خير

لا هنت على هالمرور الطيب منك يالغالي ويا العشير ويا العزوه
شرفتني بمرورك يا ابو غازي

الف شكر لك يا بعد حيي
المخاوي
16-10-2005, 02:39
صح لسانك ياراعي الطيب

واخوان سعدى يستاهلون كل خير

وفعلهم طيب من قديم ولازال

وبشرنا عن الوالد عساه طيب
راعي الطيب
16-10-2005, 02:44
والنعم والله بالخوال


ولا هنت ياشاعر وصح لسانك



تحياتي اخوك احمد الطرقي


يالله حي ابو شهاب العشير الغالي

والله السبع تنعام باخوان سعدى
يستاهلون كل خير والشرف للي يعرفهم ويمشي معهم
ابوي يقول يا حيفا لهم

وصح بدنك يالغالي ولا هنت على مرورك اللي شرفتني وشوقتني لوه
من زمان

يا بعد حي انت والله يا ابو شهاب
ولك مني اغلا تحيه وتقدير
راعي الطيب
16-10-2005, 02:49
صح لسانك ياراعي الطيب

واخوان سعدى يستاهلون كل خير

وفعلهم طيب من قديم ولازال

وبشرنا عن الوالد عساه طيب






يالله حيووووووووه
يا هلا والله ومرحبا بالغالي

نورت هالمتصفح بوجودك ووجود الاخوان اللي هنا كلهم


صح بدنك يالغالي ولا هنت على هالمرور اللي طيبت بوه خاطري وونستن بوه (الحمد لله يا ربي السجين مو زعلان من سجانوه)

عز الله انهم يستاهلون كل خير وفعلهم من قديم واللي شفتوه منهم ماهو غريب عليهم

يا بعد حيي انت والله

وابشرك الوالد الحمد لله بخير وعافيه ويدور العرس هالحين يبي ثلاث بليله وحده

لا هنت على هالمرور اللي شرفتن بوه والله يعلم كم استانست ووناستي ما توصف
سيدة القـــــلم
16-10-2005, 16:35
صــح لسانكـ ياراعي الطيـــــب..


وبشرنــا عن صحه الوالد عساه بخير الحيـــن..






ღ
ღ
ღ
تحياتي
عشـق القصـيد
شريف روما
16-10-2005, 16:56
صح السانك راعي الطيب
واخوان سعدى يستاهلون اكثر

وحمدلله على سلامة الوالد الله يخليه لكم
ومتى عرسوه :)
ريم شمر
16-10-2005, 22:36
هلا فيك اخوي راعي الطيب

صح لسانك وسلم بنانك

واخوان سعدى يستاهلون


شكرا لك
محمدالشمري
16-10-2005, 23:17
وألف نعم بأخوان سعدى

وصح لسانك يالغالي
راعي الطيب
16-10-2005, 23:28
صــح لسانكـ ياراعي الطيـــــب..


وبشرنــا عن صحه الوالد عساه بخير الحيـــن..

ღ
ღ
ღ
تحياتي
عشـق القصـيد


يا هلا والله باختي سيدة القلم

وصح بدنتس ولا هنتي على المرور ومشاركة الاخوان بالرد على هالموضوع

واخوان سعدى يستاهلون كل خير

والله صحة الوالد الحمد لله زينه وتبشر بخير

يعطيتس العافيه اختي عشق القصيد
راعي الطيب
16-10-2005, 23:36
صح السانك راعي الطيب
واخوان سعدى يستاهلون اكثر

وحمدلله على سلامة الوالد الله يخليه لكم
ومتى عرسوه :)



يا هلا والله بهالزول

يالله حي اخوي ابو حميد

صح بدنك يالغالي واخوان سعدى يستاهلون اكثر بس وش نسوي
هذا المقسوم واللي قدرنا عليه والجاي اكثر ان شاء الله

الله يسلمك يالغالي ويجزاك كل خير يا وجه الخير

العرس ...... والله ننتظر امي هي لقت لوه بنات ثلاث او لا ؟؟؟؟

لا هنت يالعزوه على المرور الطيب والله يزوجك وحده لا تصوم ولا تصلي ولا تولد

§¤~¤§¤~¤§قـــــــل امــــــيـــــــــن§¤~¤§¤~¤§
راعي الطيب
16-10-2005, 23:43
هلا فيك اخوي راعي الطيب

صح لسانك وسلم بنانك

واخوان سعدى يستاهلون


شكرا لك


اسعدني وجودك بيننا يا اختي

صح بدنك وتسلمين

ولا هنتي على المرور وعلى المشاركه وعلى هالرد

العفو ما سويت شي.........
راعي الطيب
16-10-2005, 23:50
وألف نعم بأخوان سعدى

وصح لسانك يالغالي



والسبع تنعام باخوان سعدى

يالله حي اخوي محمد ويا مرحباااااااا بووه

لا هنت على المرور الطيب هذا منك يالغالي وصح بدنك

والله يعطيك العافيه
شنقل
18-10-2005, 01:33
راعي الطيب

صح لسانك

ولاهنت ياخوي على هالقصيده والاهداء


وحناااا ماسوينااا الا الواجب

وبعد ترانا مقصرين بحقك

ومايشوف شر الوالد

وان شاء الله يقوم بالسلامه


اخوك/ فايد الجبهان
المطنوخ
18-10-2005, 01:55
عـــــزالله يستاهلون وبيض الله وجيههم

يستاهلون أخـــــــوان سعدى...

صح لسانك ياراعي الطيب...

عسى الله يتم على الوالــــــد الشفــــــــاء والعافيــــــة

دمتم
اخو سعدى
18-10-2005, 02:22
والله مقصرين بحقك وبحق الوالد

وماسوينا الا الواجب ..

واصلا حنا اخوان والاخوان مابينهم رسميات هههه

وهذا كله بفضل الله ثم بفضل شبكه شمر ومشرفها
ابــــــــــــــــــو سلطان ..

اللي خلينا نعرفك ولايهونون بقيه الاعضاء ...
الشبث
18-10-2005, 05:31
مهو صح لسانك




تسذوووب



اصلا ماواجهتوه الا مره






ياربي هالناس تسذب برمضان





الوكاد خل عنك المهايط





ولو انت مقضين هالوقت اللي كتبت بوه هالقصيده بدعاء للوالد ابرك لك





ويستاهلون اخو سعدى وشنقل



وبيض الله وجيههم






وجزاك الله خير




وتقلد تحيتي
( المسك )
18-10-2005, 20:03
راعي الطيب

والله لا اعلم عليك العيال الي بالشقه مالهم طاااري بالقصيددددددده

بعدين ترااانااا ماسووينا شي انت منا وفينااا


ومشكوور على القصيده
المشرف العام
19-10-2005, 04:02
بيضّ الله وجهك ..

قلت فأجدت ، وشهادتي بهم مجروحه

لا فض فوك ياراعي الطيب
راعي الطيب
21-10-2005, 01:42
راعي الطيب

صح لسانك

ولاهنت ياخوي على هالقصيده والاهداء


وحناااا ماسوينااا الا الواجب

وبعد ترانا مقصرين بحقك

ومايشوف شر الوالد

وان شاء الله يقوم بالسلامه


اخوك/ فايد الجبهان


صح بدنك يالغالي ويالعشير ومن قال ما هان

حشاكم القصور والله وانتم كفيتوا ووفيتوا والقصيده ماهي قد المقام

white faces
وجزاك الله كل خير على هالدعوات الطيبه هذي منك يالغالي
راعي الطيب
21-10-2005, 01:49
والله مقصرين بحقك وبحق الوالد

وماسوينا الا الواجب ..

واصلا حنا اخوان والاخوان مابينهم رسميات هههه

وهذا كله بفضل الله ثم بفضل شبكه شمر ومشرفها
ابــــــــــــــــــو سلطان ..

اللي خلينا نعرفك ولايهونون بقيه الاعضاء ...



يا هلا والله بابو فنِان نورت يالغالي بوجودك ووجود كل الاخوان اللي هنا

حشاكم القصور والله وكفيتوا ووفيتوا الله يعطيكم العافيه

white faces

والله ان ابو سلطان يستاهل كل خير مننا على هالجمعه وعلى هالوجيه الطيبه
هذي وكل الشكر لووه






يا بعد حيي والله انت وكل الاخوان اللي بهذا ولا هنت يالغالي
راعي الوقيد
21-10-2005, 01:50
صح لسانك ياراعي الطيب

واخوان سعدى يستاهلون كل خير

وفعلهم طيب من قديم ولازال

وشلون حايـــل:)
راعي الطيب
21-10-2005, 02:07
مهو صح لسانك


افااااااااااااااا


تسذوووب

افاااااااااااااا

اصلا ماواجهتوه الا مره

اييه هين ما شفتن الا مرتن وحده وانت اللي قاعدن تمرابي بالمستشفى
وين ما اروح الا وانت قدامي متولجن لك مستخدم تسالوه عن هالوظايف


ياربي هالناس تسذب برمضان

يعني كذااااااااا
اجل انت بعدين شغلك معي انا اوريك


الوكاد خل عنك المهايط


ولو انت مقضين هالوقت اللي كتبت بوه هالقصيده بدعاء للوالد ابرك لك

الوالد ما غفلت عنوه لحظتن وحده وهو على بالي من قبل لا اعرف هالدنيا
وانا مقصر بحقوووه لو ادعي لوه الليل مع النهار ياليت بس اقدر ارضيه



ويستاهلون اخو سعدى وشنقل


وبيض الله وجيههم

وانت طلعت منه انت ووجهك هين
تبي تبين للاعضاء انك ما واجهتن وانت اللي عرفتن على اكثر الاعضاء وخليتن
اقابلهم هذا غير اللي كلمتهم اجل تحرا الموضوع اللي راح ينزل بالفله ومدعم بالصور بعد
وخل الشباب يحكمون عليك هيــــــــــــــن


وجزاك الله خير

ومن قال يجزاه ربي اكثر

وتقلد تحيتي

ابي اشخص به واحطه فوق العقال

اخوي عبدالله لو اكتب عنك انت ما وفيتك حقك
وما عرفت ارد لك وقفتك معاي ومع الوالد
وان شاء الله اللي سويته غير القصيده اقل القليل معاك
واصبر انا اوريك شغلك بس خلن ارجع للرياض
راعي الطيب
21-10-2005, 02:22
راعي الطيب

والله لا اعلم عليك العيال الي بالشقه مالهم طاااري بالقصيددددددده

بعدين ترااانااا ماسووينا شي انت منا وفينااا


ومشكوور على القصيده



اخوي محسن

اخوك انا تعلمهم علي وتخليهم يتولجوني ليش؟؟؟؟؟؟؟

عاد هم مثل اللي ما شرب ماء من عشر ايام
عطشانين قصيد

والله انكم كفيتوا ووفيتوا وحشاكم القصور يالغالي

والله يعطيك العافيه ولا هنت
والعفو ما سويت شي
راعي الطيب
21-10-2005, 02:39
بيضّ الله وجهك ..

قلت فأجدت ، وشهادتي بهم مجروحه

لا فض فوك ياراعي الطيب




ووجهك يالغالي
نورت بوجودك بيننا يابو سلطان
وتشكر كل الشكر على هالتواجد ولا هنت عليه

انت على راسهم وواحدن منهم يا ابو سلطان يا شيخ قبيلة المضايف العنكبوتيه
ولا تهون عنهم يالغالي
راعي الطيب
21-10-2005, 02:43
عـــــزالله يستاهلون وبيض الله وجيههم

يستاهلون أخـــــــوان سعدى...

صح لسانك ياراعي الطيب...

عسى الله يتم على الوالــــــد الشفــــــــاء والعافيــــــة

دمتم



يالله حيه
واخوان سعدى يستاهلون كل خير من جميع الاعضاء

وصح بدنك يالغالي
وجزاك الله الف خير على هالدعوه الطيبه ولا هنت
راعي الطيب
21-10-2005, 02:52
صح لسانك ياراعي الطيب

واخوان سعدى يستاهلون كل خير

وفعلهم طيب من قديم ولازال

وشلون حايـــل:)




يالله حي ابو فيصل

صح بدنك يالغالي وانا اشهد انهم اهل للطيب من قديم ولا زال


وتسلم يالغالي ولا هنت
اما بالنسبه لحايل فهي برد وجميد والحمد لله والفريوه لا تنسى تلبسه
من تعدى القصيم وجهك لحايل