الجنـــــازة ؛؛ اين شعــــرهـ ..!؟ [الأرشيف]

مشاهدة النسخة كاملة : الجنـــــازة ؛؛ اين شعــــرهـ ..!؟

راعي الوقيد

14-10-2005, 17:23

http://www.shmmr.net/upload/up/up/5bs0.gif

بعـــد التحيــــــــــــة ،، والسلام ،،،

الكثيرين يقولون بأن الأمير / عبدالعزيز المتعـب آل رشيـــد " رحمه الله "

رجل حرب اكثر منه في اي مجال آخـر !!

قرأت كما قرأتم وتقرؤون اننا بين الحين والآخر نقف على ابيات من الشعـر تنسب الى

هذا الأميــر الفارس !؟ دون ان تكون هذهـ المعلومة مثبته بدليل او برهان :)

القصــد من هالديباجة اني قرأت القصيدة التالية ..

ويعرِّف الكاتب بأنها من قصائد الأمير ؟؟

بعد ان تقرؤها ..

انتظر منكم التعليق عن مدى مصداقية هذهـ الرواية !؟

http://www.altanaya.net/uplaod/files/mm-1129248693.jpg

من شعر الجنازة :-

البارحه يوم القبايل نعوسي= نزلت للقريه بسيف وفردين

لقيت مايزها جديد اللبوسي =قالت عني وقلت انا انتي تسدين

قالت اصيح وقلت منتي عروسي = والله لصيح ان كان ودك تصيحين

قالت يجونك قلت ماني نسوسي = والله ان يحظر ابليس وانتي تشوفين

قالت تعلِّم قلت ماني بلوسي = لحد بسائلني ولا قايل شين

قلبي يحب دقيقات العسوسي = هرج الخفا ماهو معالج بعارين

وش رايكم يالأخوان:)

والسلاااااااااااام ...
..

الكاسح999

14-10-2005, 19:56

لاياراعي الوقيد القصيده هذي مهي للجنازه

القصيده نشرت في مجلة المختلف في احد الاعداد السابقه ونسبت لشاعر لا اتذكر اسمه

اما بالنسبه للجنازه

فهو شاعر حداوي وليس قصائد

شكرا على اثارة هذا الموضوع

هايس الشمري

14-10-2005, 20:13

و الله يمكن :)

بس القصيدة شي :)

و انا لا استبعد ذلك :)

سلاااااااااااااام

سيدة القـــــلم

14-10-2005, 23:42

ولله مـــدري..

<-- كالعاده قليلــه فووود...

شكراً لكـ راعي الوقيد ..

ღ
ღ
ღ
تحياتي
عشـق القصـيد

راعي الوقيد

15-10-2005, 01:41

القصيده نشرت في مجلة المختلف في احد الاعداد السابقه ونسبت لشاعر لا اتذكر اسمه
المنســـــم999 !! << حتى يحصل لنا عراااش او تاعدنا عقب العيد:) اجراء متوارثينه ابا عن جد

ليتك تتحقق لنا عن القصيدة المنشورة تلك واسم شاعرها .. تسان العدد حواليك ؟؟

اما بالنسبه للجنازه

فهو شاعر حداوي وليس قصائد
خووش حتسي !!

وشن الحداوي اللي قالهن الجنازة .؟

اخبر ثنتين وحدهـ قالوا انه ماهي له والثانية نسبت له:)

راع الجمل ودهـ يطيح ** واللي على متنه رماهـ

يا عيال انا مالي نطيح ** مليت من تالي الحياهـ

الثانية

يابعدحيي ياهل لبدهـ ** ياللي على الجمع دلاّقه

النعم تستاهله عبدهـ ** والأسلم حماية الساقه

المهم .. يابعدحيي انت !!

تسان حولك من الحداوي غير المعروفة انك لاتذخر به على اخوانك:)

لك التحيـــــــــة ،،،

والسلاااااااااام ...
..

شريف روما

15-10-2005, 03:50

راعي الوقيد نسيت شعر الجنازة المشهور

ياهيه ياراكب المامون *** سلم على ساهر الليلي
قله صباح وابن سعدون *** وابن سعود وابا الخيلـــــي
كسرتهم والقضى ممهون *** بعيال شمر على الخيلــي
اركض كما شوشة المجنون *** سبحــان ربـي مســوينــي ( او / ودم الجنايز كما السيلي )

نتمنى ان واحد عندوه اي شعر للفارس الامير عبدالعزيز ابن رشيد رحمه الله
ان ينزلوه لنا اهنيه

ومشكور ياراعي الوقيد على الموضوع الرائع

الكاسح999

15-10-2005, 19:20

المنســـــم:p: 999 !! << حتى يحصل لنا عراااش او تاعدنا عقب العيد:) اجراء متوارثينه ابا عن جد
الاسم هذا سامعه وين مادري
ياراعي الوقيد الاسم اذا ماركبوه عليك اللي عندك مايرهم عليك ابد

ليتك تتحقق لنا عن القصيدة المنشورة تلك واسم شاعرها .. تسان العدد حواليك ؟؟
والله من البارح وانا احوس ماحصلت شيء

خووش حتسي !!

وشن الحداوي اللي قالهن الجنازة .؟
اخبرلي ثنتين
قولو لنزال الحدود** عن حدنا ينزح وراه
عاداتنا جدع العمود**والطامح نلحقها هواه
والثانيه اللي ذكرت انت

راع الجمل ودهـ يطيح ** واللي على متنه رماهـ

يا عيال انا مالي نطيح ** مليت من تالي الحياهـ

وثلاث مسجلهن بدفتر عندي بالبيت وانا بديرةٍ ثانيه "عزابي"

الثانية

يابعدحيي ياهل لبدهـ ** ياللي على الجمع دلاّقه

النعم تستاهله عبدهـ ** والأسلم حماية الساقه
لا هذي لبنت ابن ناقادان من المره قالتها بعد ماشفت فعل شمر بمعركة الصريف وكانت راكبه عطفيه لابن صباح "هودج" وحولوبه شمر

المهم .. يابعدحيي انت !!

تسان حولك من الحداوي غير المعروفة انك لاتذخر به على اخوانك:)

ابشررررررررررررر
..
سلامممممممم

خالد الشمري

15-10-2005, 22:30

احـمد الـطـرقي

19-10-2005, 09:54

لي عوده وان شاء الله مع اشعار

تحياتي

راعي الوقيد

22-10-2005, 22:05

((الذيب))

القصيدة شي :)

ولا يستبعــــــد انها للجنازة:)

سلاااااااااااااام

وعليكم السلااااااام

سيدة القـــــلم

<-- كالعاده قليلــه فووود...

هههههه

لا الا الفووووود كله:)

العفو خيتي

الزقروطــي

راعي الوقيد نسيت شعر الجنازة المشهور

ان انسى انا فأنت لا تنسى:) بعدحيي والله

ومشكور ياراعي الوقيد على الموضوع الرائع

العفو ياجدي وش دعواااااا

خالد الشمري

بالخير ياخال

بالخيرااات

الظاهر انه للامير عبيد الرشيد ماهي للجنازه

الظاهــــر !!؟

وان شاء الله اتأكد لك بسؤال احد هالشيبان هاليومين بإذن الله وارد عليك

راح الشهر يالبنااااخي .. وينك .؟

احـمد الـطـرقي

لي عوده وان شاء الله مع اشعار

ونحن بإنتظار العودة والتي نتمنى ان لاتطول:)

الله يحييكم الجميع على المرور

لكم التحيــــــــة ،،،

والسلاااااااااام ...
..

بعيد المدالي

24-10-2005, 04:07

ه
الاخ راع الوقيد قريت القصيدة ومالضاهر انة للجنازة
لاكن الجنازة له قصيايد علي طرق الهجيني منها

ابن سعود وبن سعدون = وبن مهنا وبل خيلي
كسرتهم والعدو مهيون = بعيال شمر علي الخيلي

وشكرن

راعي الوقيد

24-10-2005, 18:33

^
^
عفووووووووون:)

وتسلم على الهجينية يالعزوة

وسلااااااااااام ...
..

شريف روما

15-11-2005, 19:42

وين التفاعل مع الموضوع !!

شاعرنا ( موعود ) ناطرينك .. تراك ابطيت علينا :)

في شعر من بيتين تذكرتهن قريتهن قبل فترة بجريدة الراي العام
للامير عبدالعزيز الجنازة يقول بوه :-

مهبول ياداير منيرة=دونه مزاريق الرماح
مادام راسي بالهوى=والله ماتشرب سماح

وبانتظار اضافات اخرى واسألوا شيبانكم ياجماعة يمكن يعرفون شي

تحيااااااااااتي

راعي الوقيد

18-11-2005, 16:59

مهبول ياداير منيرة

مهبول ياداير منيرة

مهبول ياداير منيرة

:goooood:

راعي الوقيد

18-11-2005, 17:00

مهبول ياداير منيرة

مهبول ياداير منيرة

مهبول ياداير منيرة

:goooood:

شريف روما

21-11-2005, 04:10

^
^
اعجبتك :)

اقووول ماعندك اضافة

يعجبن شعر الجنازة مدري شينقال لوه هالنوع من الشعر

وبانتظار اضافات للامير

ابو مرشد

21-11-2005, 14:56

أسال الله العفو و العافيه

الصيرمي

22-11-2005, 03:43

امين:)

العبد .. لله

14-12-2009, 00:57

بالخير ياخال الظاهر انه للامير عبيد الرشيد ماهي للجنازه ولقد وجدت معلومه في كتاب اسمه (قالت الصحراء) لمؤلفه بدر الحمد ويذكر فيها القصيده اللي جبته لنا ياخال بس مطلعه شوي مختلف :

البارحة يوم الخلايق نعوسي**حذرت للديرة بسيفن و فردين

يقول انه للامير عبيد الرشيد

وان شاء الله اتأكد لك بسؤال احد هالشيبان هاليومين بإذن الله وارد عليك

الأخ الكريم خالد الشمري
كتاب قالت الصحراء للمؤلف بدر الحمد الشمري لا توجد فيه هذه المعلومة لا من بعيد ولا من قريب .
وأنت لم تطلع على هذه المعلومة في كتاب قالت الصحراء ، بل قرأت في أحد المنتديات افتراء على المؤلف وعلى شخصية الأمير عبيد الرشيد بأن نسبوا له هذه الأبيات وأوهموا القارئ أن المصدر كتاب قالت الصحراء .
ولو أطلعت على موضوع عبيد الرشيد في كتاب قالت الصحراء لوجدت أن لا أساس لهذه الأبيات .
لذلك يجب عليك أن تكون دقيقاً فيما تكتب ولا تأخذ الأمور على ظاهرها .

ولك مني المحبة والتقدير