المساعد الشخصي الرقمي

مشاهدة النسخة كاملة : راعي الوقيد .....عندي سويليفه وبويتين ...تنفع !!


ريم شمر
14-10-2005, 01:46
يقولون ياطويل العمر والسلامه

انه في ذيك الايام ايام الملك عبدالعزيز

كان فيه بدوي راكبن ناقته

وجاي لقصر الملك عبدالعزيز

يوم انه وصل بعد مجهود وتعب

كان على الباب عبد من عبيد الملك يقاله (خريمس)

خريمس اول ماشاف البدوي قام عليه وتوطى ببطنه :a:

المهم ان خريمسووه ماخلاه الا وهو حول ينقطع نفسه

قام البدوي وركب ناقته وجادت قريحته بهالبويتين

يافاطري ذبي الفرجه ...خلي خريمس على بابه
العبد راسه كما الزرجه ...يضرب ضيوفه بمشعابه


وسلامتكم

مشاركه رمضانيه يابو فيصل
ارجو ان تكون قد المقام
سلطان الشمري
14-10-2005, 01:52
احلى يالقويه


والله عندك علوم رجال ..

مشكوره ريم .. ايه اول البدوي ماله كرت

الا عند البدو


شكرا الف


" برايفت"
بو فيصل ثبته دقيقه واقشعه


احترامي
الكاسح999
14-10-2005, 02:05
العبد الله يكفينا شره

اذا تسلط محد يمنعه

شكرا على هالسويلفه

يعطيك الف عافيه
شريف روما
14-10-2005, 02:07
معقولة الملك عبدالعزيز ماسمع بهالسالفة

عزالله مسك منصب يناسبوه هالعبد وفسق
مال يمسكون خريمس ويخلون الدنيا بعيونوه خرمس

مشكوووورة على القصة
ابو غازي
14-10-2005, 02:08
ماشاءالله عليتس / ياام طلال

فعلاً حصلت هذه السالفه ويقولون إن الملك عبدالعزيز يوم دري بالسالفة والقصيدة وطى على بطن العبد
ياما غفى
وانا والله ماني ضابط ن السالفه ولا كان أوردتها لعل فيه من يعرفها بيننا ويوردها كامله

لك كل الود
راعي الوقيد
14-10-2005, 02:38
راعي الوقيد .....عندي سويليفه وبويتين ...تنفع !!

تسيـــــــف ما تنفــــــــع يا ريــــــــــم شمـــــــــر:)

خريمس اول ماشاف البدوي قام عليه وتوطى ببطنه :a:

عوووووووذأ:(

اكيــــد ما اعجبه شكله:)

إلا تسان البدوي مطلوب امنيا ً :a:

على كل ٍ ،،،

سالفة هالعبد ذكرتن بإمارة القنصعــي:)

وبزعمي ان الملك عبدالعزيز ما يرضى بهالسواة ..!! خاصة انه وقت تأسيس دولة

حتى لو اي واحد من عامة الناس ما يرضى ان يضرب الإنسان اللي عانيٍ له:(

يافاطري ذبي الفرجه ... خلي خريمس على بابه

العبد راسه كما الزرجه ...يضرب ضيوفه بمشعابه

ياحبيبي يالبدوي خووووش إستقبال تلقاهـ من خريمس

سدهـ بوجهه العبد الله يسدهـ بوجه العدو .. وخرمس له دنياهـ !!

ريــــــــم !!

تسلميــن ايتها الأخت الكريمــة على هالسويليفة والبويتين :)

عاااااد ننتظــر من البنااااااخي واللي شرواهـ اغديهم يعطوننا القصيــدة كاملــة:)

لك التحيـــــــــــة اختــي ،،،

والسلاااااااااااام ...
..
ريم شمر
14-10-2005, 04:57
نبراس

حياالله اخوي نبراس


احلى يالقويه

والله عندك علوم رجال ..

اجل هذي اللي تسمونها علوم رجال؟!!

الله يسلمك هالسالفه سمعتها من شايبن
عنده من هالسوالف واجد
بس يبي له من يتفرغ له:)



مشكوره ريم .. ايه اول البدوي ماله كرت

الا عند البدو شكرا الف

الكروت كلها للبدو :smileyb:
العفو نبراس وشكرا لحضورك




" برايفت"
بو فيصل ثبته دقيقه واقشعه

:10_9_208:

===========

الكاسح

هلا فيك اخوي الكاسح


العبد الله يكفينا شره

اذا تسلط محد يمنعه

الله لايسلط من به شر على مسلم


شكرا على هالسويلفه

يعطيك الف عافيه

العفو ويعافيك ربي ويبقيك
شكرا الف لحضورك
سيدة القـــــلم
14-10-2005, 05:10
يعطيـــكِ العافيه على الأيراد الجميلــ والممتــع.. ..



ღ
ღ
ღ
تحياتي
عشـق القصـيد
ريم شمر
14-10-2005, 05:16
الزقروطي

حياالله اخوي الزقروطي


معقولة الملك عبدالعزيز ماسمع بهالسالفة

على مسؤليه العم ابو غازي انه سمع ورد الصاع صاعين لخريمس
بس انا هذا اللي سمعته من غير زياده ولانقصانn)



عزالله مسك منصب يناسبوه هالعبد وفسق
مال يمسكون خريمس ويخلون الدنيا بعيونوه خرمس

الا تتوقع انه حي الى الحين:)



مشكوووورة على القصة

العفو وانت اخوي اللي مشكووووور على الحضوووور
يعطيك العافيه الضافيه

==========

ابو غازي

هلا ومليوووووون مسهلا
عم الجميع حياك الله



ماشاءالله عليتس / ياام طلال

فعلاً حصلت هذه السالفه ويقولون إن الملك عبدالعزيز يوم دري بالسالفة والقصيدة وطى على بطن العبد
ياما غفى
وانا والله ماني ضابط ن السالفه ولا كان أوردتها لعل فيه من يعرفها بيننا ويوردها كامله

لك كل الود

شكرا لك ابو غازي على الاضافه القيمه
وياليت فعلا من يجلب لنا السالفه بكل حذافيرها
مؤكد (الشيبه) اللي انا اخذتها عنه فوت منها امور

وانا رجعت له مره ثانيه وقالي انه في روايه
يسمى خريمس وفي روايه اخرى حريمس

بالحاء وليس بالخاء:surprised

كذلك اضاف بيت ثالث للبيتين

,,,,,,,,
يافاطري ذبي الفرجه ...خلي خريمس على بابه
العبد راسه كما الزرجه ...يضرب ضيوفه بمشعابه
لابد الايام منفرجه ... والحر ياكل بمخلابه

الظاهر اني كل مارجعت له بيذكر شي :a:

تسلم ابو غازي شرفني هذا الحضور البهي
والمشاركه القيمه
المطنوخ
14-10-2005, 05:16
ابوفيصل

ريم شمر دفعت الضريبه ولا لا؟

الظاهر ياريم ماتدرين ان ابوفيصل فارض ضريبه على كل موضوع ينزل:)

اما هالعبد يهييب
تلقينه متعافي ولا لقى اللي ينطحه ولقى هالمسيكين وبلعوه العافيه:)

ريم شمر
اغسلي موضوعتس بماء حار اغديه يطول شوين:)
شام
18-10-2005, 02:45
الأخت ريم :
دائماً تحضرين الجميل ... وفي جعبتك مخبأة حكايات ... اعذريني لأني لا أعرف السوالف ولكن ... من خلالكم امتلكت كنز سواليف ... والله إنهم كلهم نافعين ...
اختي ريم :
الله يعطيك العافية ... وبارك الله بك يا غالية
احـمد الـطـرقي
18-10-2005, 02:59
يعطيك الف عافيه اختي ريم


تحياتي اخوك

احمد الطرقي
سلمان النبهان
18-10-2005, 03:08
حضور طيب لريم شمر يعطيك العافية على القصه والقصيدة
وننتظر غيرها بشوق وترقب وشكرا مقدما ...
خالد الشمري
19-10-2005, 01:50
الاخت الفاضله ريم شمر الله يعطيت العافيه وتسلمين على هالموضوع الجميل
ريم شمر
20-10-2005, 04:36
راعي الوقيد


تسلميــن ايتها الأخت الكريمــة على هالسويليفة والبويتين

الله يسلمك ويحفظك يابو فيصل



عاااااد ننتظــر من البنااااااخي واللي شرواهـ اغديهم يعطوننا القصيــدة كاملــة



اغديهم


تسلم اخوي راعي الوقيد وزين ان سويليفتي جازت لكم




==========


سيدة القلم

شكرا والله يعافيك

======

المطنوخ


ابوفيصل

ريم شمر دفعت الضريبه ولا لا؟


وش ضريبتوه بعد:a:



الظاهر ياريم ماتدرين ان ابوفيصل فارض ضريبه على كل موضوع ينزل

والله البلشه

طيب ورا ماعلمتني قبل اتوهق وانزل مويضيعي :(





ريم شمر
اغسلي موضوعتس بماء حار اغديه يطول شوين


خير الكلام ماقل ودل
هايس الشمري
20-10-2005, 19:36
ريم شمر


سلمت يداك


و شكرا


الذيب
ريم شمر
21-10-2005, 04:03
ايمان


اختي ريم :
الله يعطيك العافية ... وبارك الله بك يا غالية

يعافيك ربي ويخليك ياغاليه

تسلمين امونه

اجمل ماقد اصادفه
اسمك مقرونا بموضوع لي


===========

احمد الطرقي


يعطيك الف عافيه اختي ريم

الله يعافيك ويسلمك اخو ي احمد

شرفني حضورك


============

سلمان النبهان


حضور طيب لريم شمر يعطيك العافية على القصه والقصيدة
وننتظر غيرها بشوق وترقب وشكرا مقدما

الاطيب والاجمل حضورك ابو نبهان
حياك ربي
اما سالفة انك تنتظر غيرها فاخشى ان يطول انتظارك :smileyb:

سواليفي مثل الفقع ماتطلع الا بالسنه مره :)


===========

خالد الشمري


الاخت الفاضله ريم شمر الله يعطيت العافيه وتسلمين على هالموضوع الجميل

هلا فيك ابو فراج
والجميل تشريفك هنا
فشكرا لك

===========

الذيب


ريم شمر


سلمت يداك


و شكرا


هلا فيك اخو ي الذيب ويسلمك ويحفظك ربي

لاهنت على هالحضور الطيب
راعي الطيب
21-10-2005, 11:06
والله عندك مثل هالسالفه

وخبيته علينا يا اختي الفاضله ريم شمر


ليش ما نشوف لك مشاركات واجد بهذا دام هذي وحده منهن

تسلمين على السالفه وصدق اخوي نبراس البدو ما عندهم كرت عند الحظر

يعطيتس العافيه اختي ريم
ريم شمر
24-10-2005, 23:49
هلا ومسهلا اخوي راعي الطيب

حياك الله وشكرا لحضورك الطيب ياراعي الطيب كله
الدغيشم الشمري
25-10-2005, 00:22
الله يعافيك أختي ريم على هالسالفة الجميله,


وننتظر منك المزيد من السوالف


تقبلي خالص تحياتي,
ريم شمر
25-10-2005, 00:36
هلا فيك اخوي باسل

حياالله حضورك البهي

وشكرا لك
عبدالله الجعيثن
25-10-2005, 08:02
يافاطري ذبي الفرجه=خلي خريمس على بابه

العبد راسه كما الزرجه=يضرب ضيوفه بمشعابه

العبد عبد ماهو عرجه=بس الملك ليه يرضابه

لابد الايام منفرجه=والحر يشبع مخلابه
ريم شمر
26-10-2005, 08:03
عبدالله الجعيثن

هلا فيك اخوي

وشكرا لك على اكمال الابيات

حياك الله اسعدني قدومك