الفزعه [الأرشيف] - مضايف شمر

مشاهدة النسخة كاملة : الفزعه

ابو غازي

12-10-2005, 22:52

السلام عليكم

ياخاااال ... الله لايهينك هي ويش اسمها
الدعوى تر بها حق ونبي الفزعة منك ومن الربع والربعات

سميهـا اللـي يلبسـون الغلاميـن ::: مايلـبـس إلا نـهـار الكـيـانـه
ماقلت من باقي العذاريب به شيـن ::: عذروبها يا حسين قـل أحصلانـه

هايس الشمري

12-10-2005, 23:26

هلا ابو غازي

هالقصيدة الظاهر انه لعبدالله بن رشيد بمرته اللي اوله

ارم النعول لمغيزل العين يا حسين***و اقطع لها من راس ردنك ليانه

و تسانه هي.. فمرته اسمه نورة بنت عيسى العلي

سلااااااااااااااااام

شريف روما

12-10-2005, 23:35

وعليكم السلام ابوغازي

الذيب القصيدة هي نفسه ارم النعول

الكاسح999

12-10-2005, 23:53

هلا ابو غازي
القصيده هذي للتبيناوي

الخد قرطاسّ قروه المصلين =شفته مع اللي يقبلون الديانه
او زبد يشبهله بياضٍ مع اللين= قطنٍ مع اللي يندفونه بعانه
سميهـا اللـي يلبسـون الغلاميـن = مايلـبـس إلا نـهـار الكـيـانـه
ماقلت من باقي العذاريب به شيـن = عذروبها يا حسين قـل أحصلانـه

وهي مشابهه لقصيدة عبدالله بن رشيد ارم النعول
زي ماتفضلوا الاخوان

مع الف تحيه
والله اعلم.....................

راعي الوقيد

13-10-2005, 00:02

سميهـا اللـي يلبسـون الغلاميـن ::: مايلـبـس إلا بي نـهـار الكـيـانـه

هلا والله بالبنااااااخي ومسسسسسهلا:)

فهمت وش تبي يابعدي:)

اللي يلبسون الغلامين بنهار الكون اما الدروع او التوامين والفارس البارز يلبس المجوّخ:)

والله العالـم ان سمي البنت هو درع:) وهي اقرب ماله انه يكون اسمه درعه:)

هاااااااهـ يالبناااخي فزع لك خاااالك والا من جنبها:)

وسلاااااااااام ...
..

الكاسح999

13-10-2005, 00:22

اجل انا دخلت عرض

السموحه يالربع

كحيلان

13-10-2005, 00:23

الاخ الفاضل ابو غازي ...

هذي القصيدة لعبدالله ال الرشيد ...

طش النعول لداعج العين يا حسيـن
وأشلق لها من ردن ثوبـك ليانـه

لابد ماحنّـا عـن الضلـع مقفيـن
ولابـد ماناطـا النفـود و ليـانـه

جنب حثاث القاع و أضرب له اللين
و أقصر خطا رجليك و أمش مشيانه

ياحسين و الله مالها سبـت رجليـن
ياحسين شيـب بالضميـر هكعانـه

و أن شلتها يا حسين ترى مابها شين
ترى الخوي ياحسين مثـل الامانـه

مايستشك ياحسيـن كـود الردييـن
ولا تـرى الطيـب وسيـعِ بطانـه

الخـد قرطـاسٍ قـروه المصليـن
شفتـه مـع اللـي يقبلـون الديانـه

أو زبد يشبه له بيضـا مـع الليـن
قطـنٍ مـع اللـي يندفونـه بعانـه

سميهـا اللـي يلبسـون الغلاميـن
مايلـبـس إلا نـهـار الكـيـانـه

ماقلت من باقي العذاريب بـه شيـن
عذروبها يا حسين قـل أحصلانـه

اتمنى ان تكون ما تبحث عنه يا ابو غازي ...

تقبل فائق احترامي وتقديري لك

ابو غازي

13-10-2005, 00:53

الاخوان

الذيب .... تسلم لمرورك والظاهر انت الشطر الاول كفيل بإسم زوجة الامير عبدالله
اسمها غير يافلان خلنا نشوف الربع

الزقروطي .... الظاهر انك متسثر من الشوربه الليلة .... مخمخ بااه

المنسم 999

ترن والله زعلت يوم راعي الوقيد طلع اليوزر اللي انت كنت تتمنااه
اما القصيدة فهي للامير عبدالله الرشيد لاغبار عليها حنا نبي نعرف اسم زوجته واللي قاله بالشطر الاول
وعذرك مقبول

راعي الوقيد

سميهـا اللـي يلبسـون الغلاميـن ::: مايلـبـس إلا بي نـهـار الكـيـانـه

اللي يلبسون الغلامين بنهار الكون اما الدروع او التوامين والفارس البارز يلبس المجوّخ

والله العالـم ان سمي البنت هو درع وهي اقرب ماله انه يكون اسمه درعه

الله لايحرمنا من ذكاك يارائع
الحقيقة انا قلت اسمها درعا أو درعه إلا إذا طلع أحد ونورنا

بارك الله فيك ماقصرت

جرح الايام

نعم اخي القصيدة للامير عبدالله

خالد الشمري

13-10-2005, 03:31

ابو غازي

13-10-2005, 03:41

الاخ ابو غازي اللي اعرفه ان الابيات اللي جبتهن انت هن للتبيناوي واسم مرته درعه بنت لويش
بس الناس يخلطون بينه وبين قصيدة الامير عبدالله الرشيد لان مناسبتهن كلهن بالحريم التبيناوي يقصد بدرعه بنت لويش ويتغزل به والامير عبداالله الرشيد يقوله بمرته ام متعب لانه كانت حامل وهي رايحه معه متجهين للجوف وبعدين راح للعراق.....والله اجل واكرم واعلم

8
8
8
حياك الله اخونا / خالد
لااعلم ولاكن البيتين هن موجودات بنفس قصيدة الأمير / عبدالله ال رشيد
قديكون هناك تشابه بالابيات للتبيناوي وياليت تطلع على قصيدة الأمير عبدالله
السؤال / ماإسم زوجته
وكم أتمنى بأن ينورنا أحد الحافظين من الشعار أو الرواه

لك كل الود

خالد الشمري

14-10-2005, 02:35

الاخ ابو غازي :
عندما غادر الامير عبدالله الرشيد حائل متوجها للعراق كانت معه زوجته وبعض خوياه فقال قصيدته هذي عندما كانت مرته حامل بالامير متعب وزوجة الامير عبدالله بن رشيد هي منيرة بنت عبدالرحمن الجبر الرشيد وابنائها ( طلال و متعب ) يقول الامير عبدالله :

إرم النعول لمغيزل العين يا حسين =واقطع لها من ردن ثوبك ليانه

ياحسين والله ما لها سبت رجلين **ويا حسين شيّب بالضمير هكعانه

جنب حثاث القاع و أتبع بها اللين**و أقصر خطاك شوي و أمش مشيانه

وان شلتها يا حسين تر ما بها شين **ترى الخوي يا حسين مثل الأمانة

يا حسين ما يشتك كود الرديين **والا ترى الطيب وسيع بطانه

ولابد ماحنّـا عـن الضلـع مقفيـن**ولابـد ماناطـى النفـود و ليـانـه

وفي قصيده ثانيه لحسن التبيناوي بمرته درعه بنت لويش (وهي مشابهه لقصيده الامير عبدالله بالوزن والقافيه والمعنى لانهم كلهم يقصدون بحريمهم ) بقول حسن التبيناوي :

الخـد قرطـاسٍ قـروه المصليـن**شفتـه مـع اللـي يقبلـون الديانـه

أو زبد يشبه له بيضـا مـع الليـن**او قطـنٍ مـع اللـي يندفونـه بعانـه

سميهـا اللـي يلبسـون الغلاميـن**مايلـّبـس إلا نـهـار الكـيـانـه

ماقلت من باقي العذاريب بـه شيـن**عذروبها يا حسين قـل أحصلانـه

والله اعلم واجل واكرم

ابو غازي

14-10-2005, 03:49

طش النعول عبدالله بن حمود الرشيد
قالها الشاعر رحمة الله عندما رأى زوجته و هي آتية إليه و كان
مختبأَ في احد الجبال فاراً من اعدائه و اشفق على زوجته من

السير في الطريق الجبلي الوعر .

طش النعول لداعج العين ياحسين
واشلق لها من ردن ثوبك ليانـــة

لابد ماحنا عن الضلع مقفيــــــــن
ولا بد ما ناطا النفود وليانــــــــه

جنب حثاث القاع واضرب له اللين
واقصر خطا رجليك وامش مشيانه

يا حسين والله ما لها سبت رجلين
يا حسين شيب بالضميرهكعانـــــه

سميها اللي يلبسون الغلاميــــــن
ما يلبس الا نهار الكيانــــــــــــــــة

ما قلت من باقي العذاريب به شين
عذروبها يا حسين قل احصلانــــــه

8
8
8
8
والله مادري يالحيب بلشنا كلن يعفج على كيفوه
اتمنى من ابو عبيد الرواي المشهور أن ينورنا بما لديه فهو راعي الكلمة
ومستغرب وشلون ماتواصل معنا مع العلم انه متواجد على الشبكة
محتاجينك يابو عبيد

راعي الوقيد

14-10-2005, 04:18

عبدالله بن حمود الرشيد !!!!!!؟؟؟؟

البنااااااااخي !!

عسى ماشر يابعدحيي انت فالفرّة:)

منين جبت حمود .؟

الصحيح هو / عبدالله ابن علي الرشيـــــد

وبصراحة انا مع كلام البناااااااخي ابو فرااج:)

وفيه فرق بين الموقفين من ناحية التغزل بالزوجة

من حيث ان عبدالله الرشيد في ضيق من امرهـ وماهو مجال للتغزل ؟؟

والتبيناوي يمكن انه يتغزل وهو في سعة من امرهـ:)

وزبدة كلامي :)

سميها اللي يلبسون الغلاميــــــن ** ما يلبس الا نهار الكيانــــــــــــــــة

وزوجة التبيناوي اسمه درعه حسب ماجاء بالقصيدة ،،،

والله اعلم

والسلاااااااام ...
..

هايس الشمري

14-10-2005, 21:29

خالد تسلم والله

سلااااااااام

عبدالله الجعيثن

16-10-2005, 10:29

الاخوان الاعزاء

تسلمون على هذا الطرح الجميل

كلام الاخ العزيز

خالد الشمري 100% صح

لاتخلطون بين القصيدتين.