سلطان زمان
30-09-2005, 21:13
يمر شهر رمضان الله يشرفه صعيبا على العزوبيه ...
وبدال ما اتبرع بتذكرة افطار صائم .. .. وعلشان ما يتعبون شباب الفله العزوبيه من الخطرات يتلحوسون عند جماعاتهم واخوياهم .. ابي اعلمهم طبخات تغنيهم عن الخطرات ...
واليكم الطبخات التالية .....
التمر مع قشطة المراعي ..... اقول يحول ياللي ماعنده قشطة مراعي .. هذي القشطة ولا بلاش .. تدهن الكبد بعد الجوع... وش تبي بعده .. اقول قم صل عقبه بس ...
كورن فليكس ... خلوكم من الخرابيط وتضييع الاوقات .. خذ لك يابعد حي .. كورن فليكس ابو ديك .. ونقعه بالحليب .. وازرط على كيفك .. ممكن يكون الحليب ساخن او بارد .. اللي يبي يضيف سكر يضيف ..
الشربيت .. وما ادراكم ما الشربيت .. يلطف الكبد ويذهب الضمأ ويفرح القلب .. وماذا تريد اخي الصائم بعد هذه الثلاث .. وتتم تسوية الشربت بخلطه بالماء البارد المسرسح.... ما يبي له شيء ياها الفدغان....
اللبن .. يصب في كوب او قلاص كبير او صغير .. ومن ثم يقردع قردعه ... وقرب الوساده ..
الماء .. يسكب الماء في ماعون او طاسة او سحله .. ويجغم جغم...
طاش ما طاش .. شغل التلفاز على محطة عيال البراهيم .. واتركها قليلا حتى تنتهي الدعايات .. ثم اجهز عليها بعيونك الثاقبة..
الشاي .. مخمخ على كاسة شاي وسيجارة ملبورو .. والعن ابو الشيطان...
بعد وش تبون اكثر من كذا .... عسى ما تبون لكم هريسه ولا يمكن مشتهين جريشه .....
أي بالله فيدة على ماقيل ....
وبدال ما اتبرع بتذكرة افطار صائم .. .. وعلشان ما يتعبون شباب الفله العزوبيه من الخطرات يتلحوسون عند جماعاتهم واخوياهم .. ابي اعلمهم طبخات تغنيهم عن الخطرات ...
واليكم الطبخات التالية .....
التمر مع قشطة المراعي ..... اقول يحول ياللي ماعنده قشطة مراعي .. هذي القشطة ولا بلاش .. تدهن الكبد بعد الجوع... وش تبي بعده .. اقول قم صل عقبه بس ...
كورن فليكس ... خلوكم من الخرابيط وتضييع الاوقات .. خذ لك يابعد حي .. كورن فليكس ابو ديك .. ونقعه بالحليب .. وازرط على كيفك .. ممكن يكون الحليب ساخن او بارد .. اللي يبي يضيف سكر يضيف ..
الشربيت .. وما ادراكم ما الشربيت .. يلطف الكبد ويذهب الضمأ ويفرح القلب .. وماذا تريد اخي الصائم بعد هذه الثلاث .. وتتم تسوية الشربت بخلطه بالماء البارد المسرسح.... ما يبي له شيء ياها الفدغان....
اللبن .. يصب في كوب او قلاص كبير او صغير .. ومن ثم يقردع قردعه ... وقرب الوساده ..
الماء .. يسكب الماء في ماعون او طاسة او سحله .. ويجغم جغم...
طاش ما طاش .. شغل التلفاز على محطة عيال البراهيم .. واتركها قليلا حتى تنتهي الدعايات .. ثم اجهز عليها بعيونك الثاقبة..
الشاي .. مخمخ على كاسة شاي وسيجارة ملبورو .. والعن ابو الشيطان...
بعد وش تبون اكثر من كذا .... عسى ما تبون لكم هريسه ولا يمكن مشتهين جريشه .....
أي بالله فيدة على ماقيل ....