المساعد الشخصي الرقمي

مشاهدة النسخة كاملة : أيام فاتت...حلقه (1)....!!!!


المخاوي
28-09-2005, 06:18
مساكم الله بالخير ياوجيه الخير :7ayyoh:

يالربع صحيح ان ابن ادم ماهو شين يحسبن انوه وين راسوه وليافطن لحالوه ليامار اسيود راس :)
عاد بصراحه ياجماعة الربع ودكم ان الواحد كل ماهذا يراجع نفسوه زين مثل مراجعتنا ايام الثانوي لكتاب الادب العربي الفصيح >> أنا اقول كتاب الادب العربي ماهو مضيف الادب العربي يابو ثوب انت توووحي :315r: يعني اذا حصل لوه وقت فراغ لابد انوه يحشر نفسوه حشر على شان لاتتفاقم الامور وتخرج عن السيطره >>> دقه على اهل المضيف العام لاتعلمون أحد :awink:
أما انا ياطويلين العمر تروني كل ماهذا اعاتب نفسي واتشره عليه من حين الى حين ومن برهة الى برهه وايضاً من حقبة الى حقبه ماهي حقنه ياسرحان حقبه انت تشوف والا اكبر لك الكليمه لاتقوم تعذر ههههههه ياما اندبلت تسبده وتبلدت وهي هالنفس بنت الحلال ظليمته شينه ماهي رديه مار نوبن يحوفه هاللي مايتسمى ويحرفه ويلعب عليه وهي من طيبته تتبعوه اَه يانية الخير يابو مقرن >> على طاريع تروه يسلم عليكم جميعاً :)
المهم ياجماعه الخير لقيت لي سالفتن قديمه شوي اثناء محاسبة هذه النفس الظاهر انه منخشتن عني بحدى هالمعاليدز قلت خلن افضح بهالنفس على شان تتوب ولا تعود مثل هالسوالف :p:
هذا نوبتن من ( المرات ) انا وعشيرن لي ومعنا ثالث صديق عزيز على قلبي عندنا دوره باحدى المدن الراقيه وتعتبر من أهدى المناطق على الكوره الارضيه ولا تسمع غير نعيق الغربان :( وليلتن من الليالي الشيطانيه راح هذا الصديق لديرتن مجاوره لنا للسلام على عمتوه طبعا هذا عذروه والا حنا عارفينن انوه رايحن ينذخ عند بنت العمه المذهوب :) فجلست انا وعشيري نتجاذب اطراف الحديث سالفه بذنب سالفه وفعل جدي ومافعل جدك وغزينا وسطينا وهو بالمثل شوي الا بغينا نتكافخ بس اشوى انا مطفين النور مانشوف بعض :biggrin: الوكاد سرى ليلنا وحنا على هالحال وبنفس الوقت نتحرى هالنذيخ متى يرجع شوي الا خرفشة عند الباب قلت بس جاء الرجال خلنا نسوي انفسنا نوما >>> بدى عاد الشيطان يمارس هوايتوه بهالنفس المسكينه ههههه وهو يدخل واذا ببنت شفاه تقول أشوى نوما >> يبي الفكه دابلينن تسبدوه قلت ايه هين جنت على نفسها براغش :biggrin: والله وانا ازعج الصوت مهو سامري الا خليليه ودلي انوعر وابتسي وولول عشيري المسبوع فهمه ودلي يجاوبن بالصياح والنياح وهو يقمز ابن الحلال النذيخ اراخوا ابوي وشبلاكم ياعيال وش اللي جارين عليكم وكل مانشدنا زدنا بالصياح قال تكفون والله ان قلبي سقط حدري قلت عاد انا الله يرحموه الله يرحموه!!!! قال عشيري ياعلوه بحل ياعلوه بحل والله يوم ضاعت علوموه قال انا داخلن على الله ثم عليكم انكم تعلموني ركبي عجزن لايشيلنن وصفط ههههه وهو يقع ابن الحلال ويغدي لوه مناشقه قال منهو اللي مااات قلنا ياملا الجنه ياهكالوجه !!!!! قال منهو قلنا اذلف وراك ماحنا يمك ويوم شافنا هاللون وقطع الامل مننا وهو ينطلق مع الباب وهو يتعوذ ويسبح ويصفق يد بيد .... ويوم طلع وحنا يذبحنا الضحك وحنا نفتح الدريشه اللي من يم الشارع الا وهو يركض لعمارتن بجنبنا به خويانلنا عندهم مجلس وكل ليله يتعللون وحنا بهالحتسي جايينن منهم عقب العشاء وهو الله يجيركم يرثع بهم :p: قالوا سلامات يحسبونوه اما مطروح والا سارين بهالليل وهو مايدري بروحوه :) وهو يصوت لواحدن بهم قال تعال ابيك وهو يطلع معوه برا قالوه وش بلاك يافلان عسى ماشر اشوف براطمك طالعاتن شبر على غير عادتهن :a: قال الذيب بالدزليب !!! وش العلم قال هاللون وهاللون وتركتهم وحالتهم مزريه ولاودك الصديدز يشوفهم هو ميتن احد من اخويانا ؟؟!! قال فال الله ولا فالك ماسمعت شي ياخوي هذولا العشاء وهم سارينن من عندنا مابهم خلاف قال هذاك العشاء!!! قال يالله معي نبي نشوفهم قال فكن يافلان والله ما أقدر اروح معك انا ابي اتحراك بهذا وهو يمشي من عندوه متجهن يمنا سريع الخطى :eek:....!!!!!
حنى بهالحزه ضبطنا الامور ولعنا النور وسخنا القهوه والشاهي وقمنا نتضحك تسن ماعندنا من الشيطان طاري جانا الرجال وحنا نرحب ونهلي بوه ويوم شافنا على هالوضع طارت بوهتوه :eek:وياخذ لوه شوين وهو مفهي قال انا ماشميت معوه شين قلنا منهو قال فلان ماجاكم قلنا ابد حنا نتحراوه ولا بغينا ننام وهو ماجاء قال الظاهر ان الرزل جاين من البحرين :rolleyes: قلنا ياولد انت وش سالفتك وهو يدزفي من عندنا ,, ويوم جاوه وهو يستلموه يالفاجر ياللي بك مابك يالسربوتي الظاهر ان عقلك مخليه ورا الجسر :p: شوي الا رفيقنا جاينا طاير وحنا على طول نطفي النور ودلي نصيح ههههه وهو يدخل علينا ليامار على وضعنا اللي خلانا بوه وهو ينجن الله لايبلى ياملعونين تراكم رثعتوبي والله ان عقلي يبي يطير علمونن وش السالفه بصراحه حنا ذلينا عقلوه يملص صارت السالفه خطيره :a: وحنا نقوم ونضحك قلنا يافلان سالفتنا مزوح تجي وتروح وهو يشتمنا ولاخلى كلمتن شينه ماقاله ونقمز حبة خشم ومطالب :448r: الا زعلان الرجال وهو يطلع من الغرفه نبيه نبيه مار ماش وهو يدق الموتر سلف ويروح ونجلس اسبوع من الطلبات والزورات ونعزموه على السيف على مشوي سمك وروبيان وقباقب ماهو بس انتم ياأهل الكويت :) ويالله سمح ....!!


مايستفاد من القصه الاًنفة الذكر .....
ان كل واحد الله لايهينوه يحاسب نفسوه ويحشره مثل حشرتيله ويطلع لنا سالفتن نتونسبه واتركوا عنكم الشات والسوالف في بعض المواضيع وتمغيطه الى اكثر من 6 صفحات :)


تحياتي واشواقي الحاره لجميع اهل الفله :hala1:
مناكد
28-09-2005, 08:41
المخاوي...



بغيتوا تملصون عقل هالمسكين!!!


احمدوا ربكم انه جت الزعله على انه طلع من الغرفه...




واشوى انه بوه وساعة صدر...والله لو انه حمقي تسان صايرن كلامن ثاني!!!








اما هالمدينة الراقيه...اللي بلابله غربان واهدى مدينه ياهي شي!!!




على فكره اي عام كان هالكلام وبأي عماره كنتم؟؟؟













الله من الذكريات اللي تضيق الصدر بأطراف ر...ض...و...ى!!!



والله لا يعيده من أيام...



كل ماهنا احشر هالمسكينه!!!



وانتظر ليما احشر فيدتي!!!

.
أبوريانه
28-09-2005, 09:28
هههههههههههههههههههههه

صراحه بعض المقالب مصيبه

ناس تزعل زعلتن ولا يرضون أبد وناس تنجلط وناس تموت:)

الحمد لله ماطار عقلوة

ومن كلامك واضح انه أبن حلالـ

راح احاولـ أحشر نفسي غدينن أطلع شي(ن)


:

يسلموووووووووووووووووووو
المخاوي :)


تحياتي
الشبث
28-09-2005, 10:43
طبعا هذا عذروه والا حنا عارفينن انوه رايحن ينذخ عند بنت العمه المذهوب

ذكرتن بقول الشاعر

لو البلا العود ماجينا علشانه ... واجد عواد الجماعه ما نزاورها

ههههههه




مايستفاد من القصه الاًنفة الذكر .....
ان كل واحد الله لايهينوه يحاسب نفسوه ويحشره مثل حشرتيله ويطلع لنا سالفتن نتونسبه واتركوا عنكم الشات والسوالف في بعض المواضيع وتمغيطه الى اكثر من 6 صفحات

عزالله انك صادق

ونبي هالسوالف الحلوه اللي به فايده

والمواضيع الشاتيه فيها سلبيات وشد


وحنا المفترض نوسع بالنا ويصير البساط احمدي







تسلم يالمخاوي

وعزالله انه خوش سالفه






وتقلد تحيتي
احمد الهاجرى
28-09-2005, 11:54
بعد تسبدي مشرفنا المخاوي


تسيف الحال ذيتس الايام عزيتنا انا وخويي ولاردينا عليك لانا مصدومين وزعلانين


ولكن تحملنا راحت السكره وجات الفكره


الله يسلمك ولاهوب عقبالكم


اما القصه والمقلب شي فضيع


شوف شبيثان والبيت الحلو





ذكرتن بقول الشاعر

لو البلا العود ماجينا علشانه ... واجد عواد الجماعه ما نزاورها

يابعد خشمي والله بيت من الحجم الثقيل
راعي الطيب
28-09-2005, 12:58
[align=center]ههههههههههههههههههه
تشكر على هالسالفه ونبي نقعد مع نفيساتنا غدينا نطلع بشي من هالقبيل
لا هنت يالغالي
راعي الوقيد
28-09-2005, 13:10
المخاوي !!

الله يرجمكم والله يا انتم ضبطتوا الدور على سنغة عشرة:)

ونعزموه على السيف على مشوي سمك وروبيان وقباقب ماهو بس انتم ياأهل الكويت ويالله سمح ....!!
ههههههههه

عاااااد قباقب الله يجزاك خير << خووووش عزيمة:)

http://www.hamaden73.com/qbqb009.jpg

عشت يالطربة على سالفة النفس ومحاسبتها:)

لك التحيـــــــــــــة ،،،

والسلاااااااااااااام ...
..
المخاوي
28-09-2005, 19:26
هلا يالله حي مناكد :7ayyoh:



المخاوي...بغيتوا تملصون عقل هالمسكين!!!


تصدق ان اثاره بادزين لياهالحين :)


92 / 78 تفتح غرب ههههههه ونوبن نسج يم العماره اللي شرقن من السينما عندهم فنجالن طيب :wink:




الله من الذكريات اللي تضيق الصدر بأطراف ر...ض...و...ى!!!

ههههه



ياضيقة الصدر حياتس = ياهلابتس يم غرفتنا



أيام وفاتت بلا رجعه :biggrin:





وانتظر ليما احشر فيدتي!!!

اي والله احشره ولاتاويله خابرن علومك زينه :)


تسلم يامناكد وسلم لي على اللي لفاكم من ابو سعفه :cool:
المخاوي
28-09-2005, 19:31
هههههههههههههههههههههه
صراحه بعض المقالب مصيبه
ناس تزعل زعلتن ولا يرضون أبد وناس تنجلط وناس تموت:)
راح احاولـ أحشر نفسي غدينن أطلع شي(ن)
يسلموووووووووووووووووووو
المخاوي :)
تحياتي


اييه بس انتبه ماهو اي واحد تحطبوه مقلب خلك ذهين لاتوهق :)


وبانتظار حشرتك لنفسك :thumb:


تسلم يابو ريانه على المرور والتعليق
المخاوي
28-09-2005, 19:36
لو البلا العود ماجينا علشانه ... واجد عواد الجماعه ما نزاورها

هههههههه

ياحلو هالبيت هو منهو لوه :)




عزالله انك صادق
ونبي هالسوالف الحلوه اللي به فايده
والمواضيع الشاتيه فيها سلبيات وشد
وحنا المفترض نوسع بالنا ويصير البساط احمدي


صحيح وهذا هو المطمع


تسلم يالشبث ونفسك ماوصيك به :)
المخاوي
28-09-2005, 19:42
احمد الهاجرى

يالله حيوه معوضين خير ان شاء الله :hala1:

الا رفيدزك وش عمل مع سيارتوه هو مااكتشف السيل من وين :biggrin:


والشبث يبي بس اللي يحركوه علوموه حول العشق واجد :)


تسلم يابو هاجر ومرورك كنسيم الهواء العليل :7ayyoh:
المخاوي
28-09-2005, 19:50
يامرحبا براعي الطيب :7ayyoh:

والله يافلان فكنا الله لو هو واحدن غيروه تسان كرفتنا بالفرن وشوانا :p:

الا اقعد واقعد واقعد تره تستاهل هالنفس القعده معه :)

بانتظار ماتجود به يالغالي



العذر والسموحه منك ابي اقتبس كلامك وارد عليه ضغطت زر التعديل وكتبت ردي ويوم فطنت الا صااار بردك هههههه
المخاوي
28-09-2005, 20:02
وأنا أشوف الفله منوره اليوم :7ayyoh:




المخاوي !!

الله يرجمكم والله يا انتم ضبطتوا الدور على سنغة عشرة:)
ههههههههه

عوذا رجم مرتن وحده :a: اكيد ان الميم اعترضت لك :)


عاااااد قباقب الله يجزاك خير << خووووش عزيمة:)


كلن ومايشتهيه هو يدوخ عليهن واغريناوه :biggrin:



عشت يالطربة على سالفة النفس ومحاسبتها:)


ومن قال بالله ماتحاسبه لنا ولك قبقب مشوي :thumb:



لك التحيـــــــــــــة ،،،

والسلاااااااااااااام ...


ولك بالمثل ولا تحرمنا وجودك وتعليقاتك الظريفه :hala1:



..
الأصيل
28-09-2005, 21:06
مساكم الله بالخير ياوجيه الخير :7ayyoh:

مساك الله بالنور والسرور .. قهوه ياعيال :7ayyoh:



لكتاب الادب العربي الفصيح >> أنا اقول كتاب الادب العربي ماهو مضيف الادب العربي يابو ثوب انت توووحي :315r:


أوحيك يابعدي .. وقام يمغصن بطني كل ما سمعت طاري هالعرب:d:


يعني اذا حصل لوه وقت فراغ لابد انوه يحشر نفسوه حشر على شان لاتتفاقم


منين لك (( تتفاقم ؟؟؟ )) أثريك منت بسيط :d:



الامور وتخرج عن السيطره >>> دقه على اهل المضيف العام لاتعلمون أحد :awink:




أيوه ياكبييييييييييير :thumb:





أما انا ياطويلين العمر تروني كل ماهذا اعاتب نفسي واتشره عليه من حين الى حين ومن برهة الى برهه وايضاً من حقبة الى حقبه


وربي إنك خطييير ..ياخي تصلح مدرب حراس مرمى:315r:




اَه يانية الخير يابو مقرن >> على طاريع تروه يسلم عليكم جميعاً :)


عليك وعليه السلام .. والله إني قطعت الاتصال بوه منذ فتره وبرهه من الوقت:goooood:




أهدى المناطق على الكوره الارضيه ولا تسمع غير نعيق الغربان :(


يالمخاوي .. وش هالأسلووووب ... تحس إنك على شواطي كاليفورنيا:d:




وليلتن من الليالي الشيطانيه


يلعن أبو مدري منو :p:


جنت على نفسها براغش :biggrin:



وينكم ياأهل الأدب العربي وينكم ؟؟:c::c:



تحياتي واشواقي الحاره لجميع اهل الفله :hala1:









ترا لي عودة أخرى

لاتحسب أبي أترك الموضوع

للحين ما شبعت اقتباس:315r:
عيون السروق
28-09-2005, 21:45
ههههههههههههههههههههههه


الله يرجكم ياكثر عجكم ،،


لو انا منوه تسان محرمدكم بمتسانكم ،،


مار مبين عليه انملص قلبوه ،،



بس عندي سؤال هو منهو اللي مات ،، :)




ودمتم،،،،،،،،،،،،،،،،،
سلطان زمان
29-09-2005, 01:51
على هالسالفه .. انت ميه ميه صعيدي .. اتوقع الجزء الثاني جادعلك واحدن بقليب .. وهلمو جرجرو.....

بس على طارئ ابن ادم اسيود راس ... وشو ابن ادم لو ياطا لغم كبر الذبانه غدا قطع تحوم عليه الذبان.... انا اعرف ابن ادم لو ينقطع نسمه شمام يموت....
اي بالله .. فيدة على ما قيل ... تسلم على هالسالفه ..

بس وبسيس .. وش صار عقبين على عشيقته بنت العمه .. اريت هو اعرس عليه..
سرحــان
29-09-2005, 02:14
مساكم الله بالخير ياوجيه الخير :7ayyoh:

حقبه ماهي حقنه ياسرحان حقبه انت تشوف والا اكبر لك الكليمه لاتقوم تعذر ههههههه


تتبعوه اَه يانية الخير يابو مقرن >> على طاريع < هذي انا مافهمت معناها


تروه يسلم عليكم جميعاً :)




المهم ياجماعه الخير لقيت لي سالفتن قديمه شوي اثناء محاسبة هذه النفس الظاهر انه منخشتن عني بحدى هالمعاليدز قلت خلن افضح بهالنفس على شان تتوب ولا تعود مثل هالسوالف :p:
هذا نوبتن من ( المرات ) انا وعشيرن لي ومعنا ثالث صديق عزيز على قلبي عندنا دوره باحدى المدن الراقيه وتعتبر من أهدى المناطق على الكوره الارضيه ولا تسمع غير نعيق الغربان :( وليلتن من الليالي الشيطانيه راح هذا الصديق لديرتن مجاوره لنا للسلام على عمتوه طبعا هذا عذروه والا حنا عارفينن انوه رايحن ينذخ عند بنت العمه المذهوب :) فجلست انا وعشيري نتجاذب اطراف الحديث سالفه بذنب سالفه وفعل جدي ومافعل جدك وغزينا وسطينا وهو بالمثل شوي الا بغينا نتكافخ بس اشوى انا مطفين النور مانشوف بعض :biggrin: الوكاد سرى ليلنا وحنا على هالحال وبنفس الوقت نتحرى هالنذيخ متى يرجع شوي الا خرفشة عند الباب قلت بس جاء الرجال خلنا نسوي انفسنا نوما >>> بدى عاد الشيطان يمارس هوايتوه بهالنفس المسكينه ههههه وهو يدخل واذا ببنت شفاه تقول أشوى نوما >> يبي الفكه دابلينن تسبدوه قلت ايه هين جنت على نفسها براغش :biggrin: والله وانا ازعج الصوت مهو سامري الا خليليه ودلي انوعر وابتسي وولول عشيري المسبوع فهمه ودلي يجاوبن بالصياح والنياح وهو يقمز ابن الحلال النذيخ اراخوا ابوي وشبلاكم ياعيال وش اللي جارين عليكم وكل مانشدنا زدنا بالصياح قال تكفون والله ان قلبي سقط حدري قلت عاد انا الله يرحموه الله يرحموه!!!! قال عشيري ياعلوه بحل ياعلوه بحل والله يوم ضاعت علوموه قال انا داخلن على الله ثم عليكم انكم تعلموني ركبي عجزن لايشيلنن وصفط ههههه وهو يقع ابن الحلال ويغدي لوه مناشقه قال منهو اللي مااات قلنا ياملا الجنه ياهكالوجه !!!!! قال منهو قلنا اذلف وراك ماحنا يمك ويوم شافنا هاللون وقطع الامل مننا وهو ينطلق مع الباب وهو يتعوذ ويسبح ويصفق يد بيد .... ويوم طلع وحنا يذبحنا الضحك وحنا نفتح الدريشه اللي من يم الشارع الا وهو يركض لعمارتن بجنبنا به خويانلنا عندهم مجلس وكل ليله يتعللون وحنا بهالحتسي جايينن منهم عقب العشاء وهو الله يجيركم يرثع بهم :p: قالوا سلامات يحسبونوه اما مطروح والا سارين بهالليل وهو مايدري بروحوه :) وهو يصوت لواحدن بهم قال تعال ابيك وهو يطلع معوه برا قالوه وش بلاك يافلان عسى ماشر اشوف براطمك طالعاتن شبر على غير عادتهن :a: قال الذيب بالدزليب !!! وش العلم قال هاللون وهاللون وتركتهم وحالتهم مزريه ولاودك الصديدز يشوفهم هو ميتن احد من اخويانا ؟؟!! قال فال الله ولا فالك ماسمعت شي ياخوي هذولا العشاء وهم سارينن من عندنا مابهم خلاف قال هذاك العشاء!!! قال يالله معي نبي نشوفهم قال فكن يافلان والله ما أقدر اروح معك انا ابي اتحراك بهذا وهو يمشي من عندوه متجهن يمنا سريع الخطى :eek:....!!!!!
حنى بهالحزه ضبطنا الامور ولعنا النور وسخنا القهوه والشاهي وقمنا نتضحك تسن ماعندنا من الشيطان طاري جانا الرجال وحنا نرحب ونهلي بوه ويوم شافنا على هالوضع طارت بوهتوه :eek:وياخذ لوه شوين وهو مفهي قال انا ماشميت معوه شين قلنا منهو قال فلان ماجاكم قلنا ابد حنا نتحراوه ولا بغينا ننام وهو ماجاء قال الظاهر ان الرزل جاين من البحرين :rolleyes: قلنا ياولد انت وش سالفتك وهو يدزفي من عندنا ,, ويوم جاوه وهو يستلموه يالفاجر ياللي بك مابك يالسربوتي الظاهر ان عقلك مخليه ورا الجسر :p: شوي الا رفيقنا جاينا طاير وحنا على طول نطفي النور ودلي نصيح ههههه وهو يدخل علينا ليامار على وضعنا اللي خلانا بوه وهو ينجن الله لايبلى ياملعونين تراكم رثعتوبي والله ان عقلي يبي يطير علمونن وش السالفه بصراحه حنا ذلينا عقلوه يملص صارت السالفه خطيره :a: وحنا نقوم ونضحك قلنا يافلان سالفتنا مزوح تجي وتروح وهو يشتمنا ولاخلى كلمتن شينه ماقاله ونقمز حبة خشم ومطالب :448r: الا زعلان الرجال وهو يطلع من الغرفه نبيه نبيه مار ماش وهو يدق الموتر سلف ويروح ونجلس اسبوع من الطلبات والزورات ونعزموه على السيف على مشوي سمك وروبيان وقباقب ماهو بس انتم ياأهل الكويت :) ويالله سمح ....!!

افاء عقب مااملص قلبوه سمح وراحة رشفةماء
والله ياهي اكله وطافة عليك
مايستفاد من القصه الاًنفة الذكر .....
ان كل واحد الله لايهينوه يحاسب نفسوه ويحشره مثل حشرتيله ويطلع لنا سالفتن نتونسبه واتركوا عنكم الشات والسوالف في بعض المواضيع وتمغيطه الى اكثر من 6 صفحات :)


تحياتي واشواقي الحاره لجميع اهل الفله :hala1:










وتحياتي لك وتسلم والله
المخاوي
29-09-2005, 04:01
الأصيل
ترا لي عودة أخرى
لاتحسب أبي أترك الموضوع
للحين ما شبعت اقتباس


حيا الله ابو ثوب :7ayyoh:

طالعن من الشر :hala1:

واقتبس لين تنبشم :d:




وربي إنك خطييير ..ياخي تصلح مدرب حراس مرمى

وانت اخطر :)... منهو اللي ضاحكن عليك وقايلن اني اسد المرمى :a:




بانتظار عودتك الميمونه :)
المخاوي
29-09-2005, 04:06
ههههههههههههههههههههههه


الله يرجكم ياكثر عجكم ،،

الله لايرجك :d:

لو انا منوه تسان محرمدكم بمتسانكم ،،

اشوى انوه ماهو انت :(

مار مبين عليه انملص قلبوه ،،

الفال ماهو لك :)

بس عندي سؤال هو منهو اللي مات ،، :)

عقل الرجال :315r:


ودمتم،،،،،،،،،،،،،،،،،


وسلمت ,,,,,,,,,,,,






عاد مانويت تخطف نفسك وتحاسبه :7ayyoh:
مشــــعل
29-09-2005, 04:07
المخاوي


عزي لوه والله

عزالله هذي اللي تمرش العقل

وكل ماهذا حاسب نفسك
غدينا نطلع بسالفة هالون

لاهنت
المخاوي
29-09-2005, 04:13
على هالسالفه .. انت ميه ميه صعيدي ..

صعيدي بس ثوبي غير ثيابهم :)

اتوقع الجزء الثاني جادعلك واحدن بقليب .. وهلمو جرجرو.....

بقليبن مابوه مااااء :biggrin:

بس على طارئ ابن ادم اسيود راس ... وشو ابن ادم لو ياطا لغم كبر الذبانه غدا قطع تحوم عليه الذبان.... انا اعرف ابن ادم لو ينقطع نسمه شمام يموت....
اي بالله .. فيدة على ما قيل ... تسلم على هالسالفه ..

فيدة يابناخي :)


بس وبسيس .. وش صار عقبين على عشيقته بنت العمه .. اريت هو اعرس عليه..

هو وين يعرس عليه الا الرجال صمل لياهالحين ما أعرس :)





أقول انا متوقعن عن عندك شين ادهى وامر عقب (...... زمان ) :hala1:

لاتوفر شي اللي يطري عليك هاتوه :7ayyoh:
المخاوي
29-09-2005, 04:19
سرحان
تتبعوه اَه يانية الخير يابو مقرن >> على طاريع < هذي انا مافهمت معناها

:(:(:(

لقطته يالشويب وانت بس تشكى راح شوفي ماشوف :)

الا وش اخبار هالسيل اللي جاك كم ماتأثرتوا :rolleyes:
تصدق اول مره اشوف سيلن خضر هههههه
المخاوي
29-09-2005, 04:23
المخاوي
عزي لوه والله
عزالله هذي اللي تمرش العقل
وكل ماهذا حاسب نفسك
غدينا نطلع بسالفة هالون
لاهنت


يالله حي شاعرنا مشعل :7ayyoh:

اسفرت وانورت الفله بوجودك :hala1:

القهوه ياعيااال :)

هذي الساعة المباركه اللي جابتك والسوالف واجد بس هيف علينا كل ماهذا وراح تلقى سعة الصدر والوناسه من اهل الفله :thumb:
بو رائد
29-09-2005, 14:43
هلا والف مليون هلا باخي الغالي المخاوي
عين الصواب فوالله الشات مابه فايده ابد
وكما قلت بعضا من المواقف الطريفه افضل
راعي الوقيد ماجرب القباقب بس يطبخ
من هالدسيس والا مايقول عليه هلون
وش رايك ارسله شنطه ربيان وقباقب لهارمضان
يجرب ويرد لي تسلم اخوي المخاوي
عجايب بنت الشايب
29-09-2005, 18:58
الا انا اللي عندي سؤال


وشلون قدرتوا تبكون وتصايون وتحستون بدون ماتضحكوون

خاصه لما شفتوا وجهه ؟؟






يهبوا شياطين












الف شكر على السالفه

جعلها بعد سوالف ....... << اخاف اكتب تسوي تعديل !!

خخخخخخخخخخخ





طحياتي << حتى للمدير يهبي ؟؟!!
راعي الطيب
29-09-2005, 23:23
العذر والسموحه منك ابي اقتبس كلامك وارد عليه ضغطت زر التعديل وكتبت ردي ويوم فطنت الا صااار بردك هههههه

[/align]

هالحين ردي وينه وين قلعتوه الله يقلع العدو
وبعدين ليش تعذر يا عشيرنا

انت تمون حتى لو تحذف الرد كلوه
حنا كم عندنا واحدن يونسنا بمثل هالسوالف
لا هنت وتشكر
المخاوي
29-09-2005, 23:56
هلا والف مليون هلا باخي الغالي المخاوي
عين الصواب فوالله الشات مابه فايده ابد
وكما قلت بعضا من المواقف الطريفه افضل
راعي الوقيد ماجرب القباقب بس يطبخ
من هالدسيس والا مايقول عليه هلون
وش رايك ارسله شنطه ربيان وقباقب لهارمضان
يجرب ويرد لي تسلم اخوي المخاوي


يالله حيوووووووووه :7ayyoh:

يامرحبا ببو رائد وين هالغيبه مالك شوفه ,, متلاحقين ان شاء الله :)

راعي الوقيد اجل واقعن بهالدسيس ههههه بلاوه ماعرف القباقب :a:

لالالالالا ترسلوه أخاف يجزن لوه همن نبلش بوه كل شوين ارسلولي جيبولي واذا ماجبنالوه فضحنا نغدي باتسر بفام خلق الله خل اللي عندوه ينفعوه :p:

بس تدري وشلون عز الله يستاهل ابو وقيد نبي نرسل لوه أم الربيان :thumb:


تسلم بو رائد وبانتظار سوالفك الطريفه :hala1:
المخاوي
30-09-2005, 00:14
الا انا اللي عندي سؤال
وشلون قدرتوا تبكون وتصايون وتحستون بدون ماتضحكوون
خاصه لما شفتوا وجهه ؟؟

كان طافي النووور :d: بس هالحييييين ضحكت ههههههه

يهبوا شياطين

اشوى طلعنا براءه :(


الف شكر على السالفه

جعلها بعد سوالف ....... << اخاف اكتب تسوي تعديل !!

خخخخخخخخخخخ


تم التعديل خخخخخخخخ :)


طحياتي << حتى للمدير يهبي ؟؟!!

اهبيييييي هبيتييييييي :tongue:



الظاهر انتس راعية نكبات وجريات مار هلي ماعندتس :hala1:
المخاوي
30-09-2005, 00:18
هالحين ردي وينه وين قلعتوه الله يقلع العدو
وبعدين ليش تعذر يا عشيرنا

انت تمون حتى لو تحذف الرد كلوه
حنا كم عندنا واحدن يونسنا بمثل هالسوالف
لا هنت وتشكر


ههههههههههه
يارجال العجله ماهي زينه :)

الله لايهينك وهذا من طيبك ياراعي الطيب :thumb:
ابو غازي
30-09-2005, 00:41
عوذا :rolleyes: والله يالو انوه انا تسان مارجن عقلي :359r:

خالي فككم الله من العلتسييه لو انا منوه تسان مريخكم الثنين :(

:p:
الحقيقة انك :thumb:وربي مافاتن ولا حرف
اما عاد حنا يخال ترنا متابعين لقلمك انت واللي شرواك
واسف على التاخير :smooch:
شنقل
30-09-2005, 00:56
نتجاذب اطراف الحديث سالفه بذنب سالفه

هههههههههههههههايي

حسبي الله عليكم
لعبتوهااااااااا صح

<<<< زود شفايه
الاهو منهو هالنذيخ:eek:



نبيه مار ماش وهو يدق الموتر سلف ويروح ونجلس اسبوع من الطلبات والزورات ونعزموه على السيف على مشوي سمك وروبيان وقباقب ماهو بس انتم ياأهل الكويت ويالله سمح ....!!

عاد ماطريت عليك انا:315r:


دمت عشيرااااا لي:242r:
المطنوخ
30-09-2005, 05:47
اشي بالله دزرب لي ضلعك الثاني الايمن ....لا لا اللي حدروه....اي اي هذا...
اممممططططح آآآه ايا حبيبي هكالضليع اللي نخش لنا هالسويلفه

بسم الله يا ابليس اثريه مرات يونس الخاطر:)

مخاااااوي والله مادري وشو اخلي بغيت اقتبس الموضوع مار خفت الايقونات يستنكرن لحالهن :)



مار والله عدو عيني منهو يقع بين يدينك ليا صرت مخمخ
ههههههههههههههههههههههههههههههههههه ههههههه
ههههههههههههههههههههههههههههههههههه ههههههه
ههههههههههههههههههههههههههههههههههه ههههههه

قسم بالله اني اتخيل الرجال
اهبووووا تقل برق بساع تغيرون قعدتكم

هههههههههههههههههههههههه
انشهد انكم ناوووينوه وجبتوووه على جنب:)

تلقاااوه يقول هذي نفس العشيقه انه خلاها ودزابلكم:)


يعل الله يونسك بالعافيه اللذيذه

المخاااوي
موضوع ذهبه من عيار 24 دقة عبدالغني

لاخلا ولاعدم ياابطل
المخاوي
30-09-2005, 23:42
عوذا :rolleyes: والله يالو انوه انا تسان مارجن عقلي :359r:
خالي فككم الله من العلتسييه لو انا منوه تسان مريخكم الثنين :(

أجل فكنا الله منك :(


الحقيقة انك :thumb:وربي مافاتن ولا حرف
اما عاد حنا يخال ترنا متابعين لقلمك انت واللي شرواك
واسف على التاخير :smooch:


ونحن يشرفنا ويفرحنا مرورك وتعقيبك :thumb:






تسلم يالبناخي ولاعدمنا تواجدك بيننا
المخاوي
30-09-2005, 23:49
<<<< زود شفايه
الاهو منهو هالنذيخ:eek:


ماهو معنا بالمضايف :)


عاد ماطريت عليك انا:315r:

ياخوي انت ماتطري علي الا عقب الاكل مادري ليه :d:


دمت عشيرااااا لي:242r:


ودمت انت عشيراً لاينافسه أحد :)
المخاوي
01-10-2005, 00:05
اشي بالله دزرب لي ضلعك الثاني الايمن ....لا لا اللي حدروه....اي اي هذا...
اممممططططح آآآه ايا حبيبي هكالضليع اللي نخش لنا هالسويلفه

ياخوي ضلعي ابلشن يبي شوفتك :)

بسم الله يا ابليس اثريه مرات يونس الخاطر:)

ومرات يقلب المواجع :biggrin:

مخاااااوي والله مادري وشو اخلي بغيت اقتبس الموضوع مار خفت الايقونات يستنكرن لحالهن :)

تسان مقتبسهن هن أبدى :)

مار والله عدو عيني منهو يقع بين يدينك ليا صرت مخمخ

هذاك اول اما هالحين ابي الفكه :)





تسلم يالمطنووخ وماعليك زود :hala1:
الـمـحـروووم
01-10-2005, 13:42
مخااااوي

ههههههههههههه


حسبي الله على أبليسكم


وش السواة

الرجال وينه ألحين

أنت متأكد إنوه صاحي وحي يرزق