هذا رجاي وبسمع الرد ذ الحين::::::اما اقهري الانذال والا قهريني

[فقط]

ماعاد يمديني

لمي شتات وشتتتي ما تلمين
لو كنت صعب الململة لملميني

لو كنت صعب الململة تستطيعين
لواني اصعب مسالة حاوليني

لو كنت صعب الحل واحد من اثنين
ياجمعيني صح ياجمعيني

لاني كذا والا كذا شايف الشين
لصرت متعذب كذا عذبيني

لا تحرقين بجمرة البعد والبين
انت بقربك قادرة تحرقيني

لاتسمعين الحاقدين الحسودين
اللي لهم يسراي كنها يميني

ماعاد يمديني ادور مزايين
سدي فراغ اللي بقى من سنيني

ماعاد يمديني وعمري ثلاثين
ازعلك وارضيك وتزعليني

هذا رجاي وبسمع الرد ذالحين
اما اقهري الانذال والا قهريني

//////////
\\\\\\\\\\
قصيدة للشاعر عبدالله بن علوش
وهذا رابط صوتي بصوت الشاعر


http://members.lycos.co.uk/mkalkayyoumi/up/pic/ra.ra

[المهرة]

لاتسمعين الحاقدين الحسودين
اللي لهم يسراي كنها يميني

هذا بلا ابوك ياعقاب / الحاسدين
وتلك القلوب المليئة بالاحقاد
الله يكفينا شرها


صح الله لسان / شاعرها
وسلمت الانامل / على الفاتنه اعلاه
وننتظر مزيداً من الحضور

دمت بخير
اختك/ المهرة

[احمد الهاجرى]

اشكرك اخوي فقط على نشر هذه الرائعه لشاعر رائع


هو عبدالله العلوش


شاعر متمكن ومن الشباب الرائعين

هذا ونا شهادتي فيه مجروحه


تسلم ولاقصرت

[سلطان الشمري]

فقط لاغير


رايقه بقوه والله / ياخي هذا مظلوم اعلاميا

رغم انه افضل من اخيه سعد


شكرا لك

[سيدة القـــــلم]

نقـــل موفــق .. وقصيده رائعـــه ..

الله لايهينكـ اخوي فقــط على النقلـ الجميل..


ღ
ღ
ღ
تحياتي
عشـق القصـيد

[مجد]

لاتسمعين الحاقدين الحسودين
اللي لهم يسراي كنها يميني

قصيدة رائعة جدااااااا
واختيار اروع ..
والشاعر عبدالله بن علوش + سعد بن علوش
من الشعراء المميزين


لاهنت فقط

مع تحيات اختكم المجد

[تواصيف]

تسلم يمينك اللي نقلت
القصيده الرائعه لشاعر رائع بالفعل
صح لسانه مليووووون
تحياتي
اختك
تواصيف

[فقط]

صح بدنكم
دمتم بخير