المساعد الشخصي الرقمي

مشاهدة النسخة كاملة : حمود والقديمي +المشعل وبعيد النظر


فواز الشبيكان
21-09-2005, 22:33
سلامِ مني والرجال الطيبه لها مقدار=عدد مايمطر الهمالِ والرايه سعوديه
حمود الشمري معه ابنِ وايل حاكمين الدار=ولانسمع لقيل وقالِ والرايه سعوديه
حمود الشمري
21-09-2005, 22:54
صحيح الي تقوله وفوق ا هاذا نحكم الشعار=ولابه فارس وخيال والرايه خليجيه

تحالف ياعبيد الله مع الكفار ولانصار=نبا من يشرب الفنجال والرايه خليجيه
مشعل بن حويد
21-09-2005, 23:12
الله الله

عياااااااار ثقيل

في حروة المشعل والعرابي
((بعيدالنظر))
21-09-2005, 23:18
هلا يامرحبا في مرحبا من مبعد الأنظار=وفي عيون الحسود خلال والرايه سعوديه

أبتحالف مع اللي له جذور ومع طوال أعمار=عسى المشعل يجي فالحال والرايه سعوديه
سلطان الشمري
21-09-2005, 23:34
هلا هلا


الله الله الله / كبار وربي ..


معكم بالصفوف /

يابعدي والله عيار ثقيل حيل ..

متابع .. لكم



تعال يالاصيل بجنبي :)
سهير الليل
21-09-2005, 23:36
الله الله ويش هالهجوم

ابو سعيد تراني معك وانا توي ماعرفت خصمك

لكن الربع مليا القهاوي صفوف وحماهير

شد حيلك وازهل الباقي

اهب وانا ولدك يابو العلم ويش

سهيرالليل
سهير الليل
21-09-2005, 23:40
هلا يامرحبا في مرحبا من مبعـد الأنظـار
وفي عيون الحسود خلال والرايه سعوديـه

أبتحالف مع اللي له جذور ومع طوال أعمار
عسى المشعل يجي فالحال والرايه سعوديـه

ياسلام
ياسلام

كفو بك وبزملائك الشعراء

القديمي

المشعل

حمود

وانت عاد ماننساك

الليل

الليل

سروها تكفون خلونا نستمتع معكم
ابو خليف
22-09-2005, 00:35
صح لسااااااااانكم جميعناااا

ومتابع معكم
المشعل
22-09-2005, 01:03
الله الله الله

وينك من زمان يالقديمي غيبت وغابت الطواريق الحلوه

بس شد احزامك انت وحمود مادام العرابي معي


هلا يامرحبا ترحيبتٍ تقطع كما المنشار=وتنشر من يضيق البال والرايه خليجيه

فلسطين الحبيبه ماحكمها كون ابو عمار=ولا هي تنشرى بريال والرايه خليجيه
فواز الشبيكان
22-09-2005, 03:09
المشعل ماعليك زود

استلم


انا وحمودِ ياالمشعل نعرف الوردِ والمصدار=ونعرف وجهة المنزالِ والرايه سعوديه
فلسطين الحبيبه يحكمه دايم ولدها البار=جعل شارون للشيال والرايه سعوديه
حمود الشمري
22-09-2005, 11:48
هلابك ياالشريف انكان تعرف بيص ويش الصار==على خشم البعير اهلال والرايه خليجيه

تشرف يا الشريف اليا قريتو نشرة الخبار==تبي تعرف من البطال والرايه خليجيه
((بعيدالنظر))
22-09-2005, 14:17
تقوله ياحمود ولانبدّل فالبعير حمار=ولا جا للعقيم عيال والرايه سعوديه
ليا منّك لبست الثوب حاسب لايطقّ زرار=شماغك ماعليه عقال والرايه سعوديه
المشعل
22-09-2005, 21:04
انا شوف القديمي له جناح ولا بعد هو طار=وعينه فالعرب خيال والرايه خليجيه

علامك يالقديمي من محلك تطرد الزوار=وجدك يكرم الرجال والرايه خليجيه
فواز الشبيكان
22-09-2005, 21:46
طيب طيب


مدام اني ماطرت اشوفِ في راسك بقايا غبار=تشوف الجدي ولاانتِ دالِ والرايه سعوديه
كرم جدك ياابن مره وصل حده لسابع جار=مصيبه يتبعه زلزالِ والرايه سعوديه
حمود الشمري
22-09-2005, 22:13
يقولون اليمن سبت غرقها يا العرابي فار== عساك اتفسر الموال والرايه خليجيه

انا شوف العرابي واقفن مابين غار ونار== عليك اجاوب الاسال والرايه سعوديه
((بعيدالنظر))
23-09-2005, 00:22
يقولونه وانا أقول الحذر مايدفع الأقدار=ولابه شمس دون ظلال والرايه سعوديه
ملايين البواخر فالبحر لو تسأل البحار=على سطح البحر تختال والرايه سعوديه
شريف روما
23-09-2005, 00:33
صح السانكم يالشعاااااااااااااار
مبدعين والله
ومتاااااااااابعكم مع الربع
المشعل
23-09-2005, 02:01
احمّد الله واشّكره دام انا حاضر مع الحضار=وبابي ماغفل بغفال والرايه خليجيه

يقولون القديمي مشتري له عود دون اوتار=ويجمع حوله الجهّال والرايه خليجيه
سرحــان
23-09-2005, 03:01
عــــــــــــــــــــــــااااااااشو الشعاااااااااارررر



الله يعطيكم العافيه


متابع لكم ولبداعكم
فواز الشبيكان
23-09-2005, 14:41
طيب طيب


مع الحضارِ ياالمشعل ولاتدري وش اللي دار=يوشوش عندك الارسالِ والرايه سعوديه
اليامنك سمعت العودِ ياالمشعل يجيك الزار=وتجمع حولك العمالِ وارايه سعوديهيه
حمود الشمري
23-09-2005, 15:31
مادامنك تجاهل ونت جاهل ليه ماتختار= الاياثعلب المحتال والرايه خليجيه

ملاين البواخر جابت الاخشاب لانجار=عسالله يستر الحمال والرايه خليجيه
((بعيدالنظر))
23-09-2005, 20:04
ألا يا أصحابنا اللي تعرفون الربح والمخسار=أبتجاهل مع الجهال والرايه سعوديه
صدقت وضمنها ماجبت ماتدري عن التجار=ولا نلقي لهرجك بال والرايه سعوديه
فواز الشبيكان
24-09-2005, 23:35
عسى المانع خير اشوف المشعل تأخر ماهي عاده له انشاء الله المانع خير
((بعيدالنظر))
25-09-2005, 19:20
القديمي حفظه الله
أنتظر أخي المشعل وأقوم مقامه إلى أن يعود بإذن الله طيباً معافى .
أرجو من لديه خبر عن المشعل أن يطمئننا عليه مشكوراً أسأل الله له الخير أينما ذهب . وللجميع

إستلم يالقديمي
مع الحضار والمشعل تشعّ بحرفه الأنوار=وخرّج للقصيد أجيال والرايه سعوديه
ترى المشعل قريّب سبع يبدي لك مع المسبار=ريالك خذ بدله ريال والرايه سعوديه
((بعيدالنظر))
25-09-2005, 19:33
الأحبه :
عطيب الضرايب
نبرااس
ابو خليف
الزقروطي
سرحان
سهير الليل
مروركم يعني لنا الكثير .
اشكركم جميعاً على الإهتمام .
أرجو من الشاعرين القديمي وحمود مواصلة المحاوره إذا أرادوا ذلك والمشعل سيعود بإذن الله . وشهر رمضان على الأبواب أسأل الله أن يعيده على الجميع بالخير والبركه والمغفره والرحمه والعتق من النار . اللهم آآآآمين ..
وتعلمون أحبتي ان المحاوره ستتوقف خلال الشهر الكريم إحتراماً لمكانة هذا الشهر . لذلك سنواصل هذين اليومين وبعدها نقفل باب المحاوره إلى وقتٍ آآآخر ..
حمود الشمري
27-09-2005, 22:47
صح السان الجميع

وللجميع تحياتي
فواز الشبيكان
27-09-2005, 23:25
تحياتي للجميع وللشعراء