المساعد الشخصي الرقمي

مشاهدة النسخة كاملة : فولتير.. يمل فرقى العين


سلطان زمان
20-09-2005, 00:33
هلحين شبيثان يحسب اني اقصد فلتر الزيت.. وانا رشاي طويل .. فولتير هذا الله يسلمكم اعظم شعراء فرنسا ولد في القرن السبعطعشر الميلادي.. ولهلحين ما انجبت فرنسا واروبا مثله...

سالفته سالفه هالشاعر .. هذا ياحول كان قاعد مطعم يشرب ببسي او يتقهوى جعه .. يمار هكا البنت المزيونه راعية الوجه اللي مالحه ربي قاعدتن قدامه تفنجل له قهوه.. وهو يتمقله بعويناته الثاقبه له شوين.. بهرته هكا اللحظه وما امداه يقرر وش يبي يقوله.. الا لقرادة حظه يوم انه طلعت من المقهى بسرعة البرق..

قال فولتير بسيطه .. بكرا تجي .. وكان فولتير عمره هكا الوقت عشرين سنه.. جاء بكرا وهو يتحراه يومه كله ولا جت... ومن عقبه ولا جت .. اسبوع ، اسبوعين ، شهر.. وهو يمل فرقى العين يتحراه ولا جت .. وهو يستدني دفتر اشعاره وهاتك ياقصيد وهاتك ياقصيد وهلن يادموعه يمل فرقى العين ..

مرت سنين .. وكل بنات فرنسا واروبا يتميلحن عنده غديه يعشقهن مثل عشقته لهكا البنت.. وفولتير ما بعينه الا عشيقته اللي شافه خمس دقايق .. يمل فرقى العين..

مرت السنين والدهور .. وصار فولتير شويبن متحرول .. وهو يقصد بعشيقته .. ودموع عينه تهلي.. يمل فرقى العين...

عاد انا .. متاثر بفولتير .. واعتبره شاعري المفضل.. لان قصائده اقدر اسميها زلزاليه تزلزل الكيان البشري واحاسيسه الجياشه.. ولعل ثقافتي الفرنسيه .. وقراءتي للادب الفرنسي بكثره اتاحت الفرصه لي بترجمة معظم قصائده الى العربيه..

ولحبي لاهل الفله .. جعلني اتبرع بترجمة قصيده من اروع قصائده .. ونظرا لان كمبوتري الحالي لا توجد فيه حروف فرنسيه .. فانني اضطررت اضطرارا لان اكتبها بحروف عربيه .. وهذي مهي عادتي ابدا قط...

القصيده بعنوان كوغابيه سوكغيه

فرنسو متيغان دي غو فيليه ...

راحت مشت وعيوني تتبعها

سيه ليفغ ايتاموا ست كليه ايتانو

ليتني شبث .. وانشب بعلابيه الورديه

سيه لا دغيس ديه ماغي لا فغانس بغوبغيياتيغ

ونيت ونه زلزلت فرنسا وقصر برزان

الا ميز ديه جون ايه تيسي كابيتال لا ميزو

العشق ملعون ابو الصلايب








اهم شيء عندي حقوقي الفكريه بالترجمه... واذا اقتبس احد شيء لا بد يشير للمترجم.. والا فانني سالاحقه قضائيا.. اجل تحسبون الدعوى خذني جيتك...
شريف روما
20-09-2005, 00:40
هههههههههههههههههه
وانت مالقيت مثلك الاعلى الا فولتير عزالله انك ماعينت خير يامال فرقى العين :)
سلطان زمان الا فولتير شعرفوه بقصر برزان هو جاي من قبل ضيف عند ابن رشيد !! :)
والله يالغالي سالفتك غامضة :)
على العموووووم نطوفه لك
وتحياااااااااتي :)
سلطان زمان
20-09-2005, 00:50
زين اني زقطتك يالزقروطي قبل ما اطفي الجهاز... عشان احييكك تحية الاسلام


يعني ما تدري ان قصر برزان تمم تأثيثه من فرنسا .. كنبات وكراسي كلاسيكيه .. والصدفه ان اخو فولتير .. متغان هو مهندس الديكور..


وترى عاد السالفه مابه غموض .. قصة الشاعر حقيقيه بس ثقافتك انجلو سكسونيه بعذرك ما تعرف فولتير..
الشبث
20-09-2005, 02:07
ليتني شبث .. وانشب بعلابيه الورديه


العن ام الشهره حتى هالفرنسيين يعرفونن




والله ماني بسيط

ههههههه



سلطانوه


والله اني مادري وشو فلتر هذا


ولا بي اعرفوه



يكفي انوه يعرفن










تسلم يالغالي وعزالله ونستنا





الله يونسك




وتقلد تحيتي
المخاوي
20-09-2005, 13:45
قال فولتير بسيطه .. بكرا تجي .. وكان فولتير عمره هكا الوقت عشرين سنه.. جاء بكرا وهو يتحراه يومه كله ولا جت... ومن عقبه ولا جت .. اسبوع ، اسبوعين ، شهر.. وهو يمل فرقى العين يتحراه ولا جت .. وهو يستدني دفتر اشعاره وهاتك ياقصيد وهاتك ياقصيد وهلن يادموعه يمل فرقى العين ..


الظاهر انوه نظله بهالنظره الثاقبه وفوات ماتت :)



ونيت ونه زلزلت فرنسا وقصر برزان

يكفي هذا من القصيده كله :)


سلطان زمان

سوالفك والله انه تونس وتفل الحجاج :thumb:

والترجمه لك محفوظه :)
سلطان زمان
20-09-2005, 23:18
شبيثان وش تبي بالشهرة عند الفرنسيين ... اللي علابيهم ورديه ...... خلك يمل الغنيمه مشهور عند العلابي الشهب...





وبعدين ...... تراك كربت وجهي بمداخلتك اللطيفه.. يامونس الفله
سلطان زمان
20-09-2005, 23:26
يالمخاوي لا تبطي علينا .. ترن دايم اتحراك بالمقدمه...

والله انك جبته .. اثري فولتير نحوت .. هذي يبي له رسالة دكتوراه .. وانا ابي الهط الفكره منك .. لانك ما حطيت حمايه للحقوق الفكريه .... شفت كيف .. انك منت حويط
شام
20-09-2005, 23:43
الأخ سلطان زمان ...
حياك الله على النهفة الحلوة ..
ولكن بربك من أين أحضرت هذه القصة فلقد درست الأدب الفرنسي 4 سنوات ولا مرت علي هذه الحكاية ...
ومثل ما قال الزقروطي القصة غامضة ...
دمت بخير أخي
سلطان زمان
21-09-2005, 00:05
خلي الزقروطي على جنب ... هو انجلو سكسوني ... بس شرهتي عليتس كبيرة .. هل كيف تدرسين الادب الفرنسي ولا تعرفين قصة فولتير....

وثانيا ابو زقرط قال قصة غامضه .. ..... الغميضه والله انك تصدقينه ...

وبعدين وشي النهفه الحلوه ... انا اخبر النهقه .. هل بينهن قرابه...


وياهلا والف هلا بايمان قويدر ...
شريف روما
21-09-2005, 00:09
شنو الل انجلي سكسوني
اقول سلطان اضبط لي حالك فاهم ولا لأ
لانك












لانك



















والله اعلم














قاعد
























تسبن بالفرنسي :)
:goooood:
سلطان زمان
22-09-2005, 00:29
افا يابو زقرط .. مهي هي ..

انا اعتبرك من الخاصين اللي بديت امون عليهم ..

اما من ناحية كلمة الانجلو سكسوني .. فمعناها تقريبا الاسد .. يعني انت اسد .. محد يقدر يسفك زي السلام عليكم .. حسب ما يدعي المطنوخ باحد ردوده...

وبعدين .. تراك عزيز وغالي بالحيل يالبناخي .....
شام
22-09-2005, 01:45
الأخ سلطان ...
ستجعلني أذهب لمكتبة الجامعة وأبحث عن قصة حياة فولتير لأنها فعلاً ما مرت معي ...
أما النهفة بالسوري أخي يعني نكتة - طرفة -
ولكن شو هي النهقة هذه غامضة على رأي (((الزقروطي )))
ودمت بكل الخير ....
au revoir
شريف روما
22-09-2005, 02:01
افا يابو زقرط .. مهي هي ..
انا اعتبرك من الخاصين اللي بديت امون عليهم ..
اما من ناحية كلمة الانجلو سكسوني .. فمعناها تقريبا الاسد .. يعني انت اسد .. محد يقدر يسفك زي السلام عليكم .. حسب ما يدعي المطنوخ باحد ردوده...
وبعدين .. تراك عزيز وغالي بالحيل يالبناخي .....

لاتفهمن غلط ياسلطان والله اني قاعد اتغشمر معاك :)
وهم انت عزيز وغالي
وانت والله لو تغلط علي بموضوعك ماارد عليك :)
الظاهر فهمتن غلط ياسلطان انا اسف وحقك علي

_________________________

الاخت / ايمان
ترى سلطان بموضوعه قاعد يتغمشر وهو نوع من الدعابة
والسالفة ليست حقيقية بل هي من نسج الخيال :)
ولاتدورين وتتعبين نفسك ها انا اعطيك الزبده
_________________________





سلطان قرب ابيك بسالفة


























بعد قرب شوي















خشمك :smooch:
عيون السروق
22-09-2005, 13:22
الله يعطيك العافيه اخوي سلطان على هالسالفه الطيبه ،،




الا ميز ديه جون ايه تيسي كابيتال لا ميزو

العشق ملعون ابو الصلايب







اخوي شبيثااااااااان ،، :172r:


انت تشوف اللي اشوفه والا نيم على ودانك ،، :)


فولتير سارقن موضوعك العشق ملعون الصلايب ،،


ومسوي منوه قصيده ،،


بالله ماتروح تقاضيه واللي يطلع لك منوه النص بالنص ،، :)


ومشكور اخوي سلطان مرتن اخرى على هالسولافه الطعمه كتيييير ،،




ودمتم،،،،،،،،،،
سلطان زمان
22-09-2005, 14:19
عيون السروق .. ياهلا بك والف هلا .. ياعزوتي يالغالي..

بس لا تعب روحك .. شبيثان لاهين بالشات .. الله يرفع عنه ولا يبلانا..
سلطان زمان
22-09-2005, 14:27
_________________________

الاخت / ايمان
ترى سلطان بموضوعه قاعد يتغمشر وهو نوع من الدعابة
والسالفة ليست حقيقية بل هي من نسج الخيال :)
ولاتدورين وتتعبين نفسك ها انا اعطيك الزبده
_________________________

اذا بغيتي تصدقينه هالمره .. صدقيه .. لان ابو زقرط عنده حس بوليسي عالي..



خشمك يابو زقرط ..