mudbaj
16-09-2005, 13:49
يالله يالمعبود يالمستعاني = بامرك لقت الكون كيف وتحديد
بامرك نزل جبريل باعظم بياني = على الرسول المصطفى سيد السيد
وبين احكام الشرع للمودماني = شريعه لانقص فيها ولازيد
واقول قول يسبقن به لساني = وانا على مااقول ثابت ولاحيد
واسرجت سرجي وامتطيت الحصاني = وادليت دلوي مع دْلي القواصيد
واخترت للموضوع زين المعاني = مثايل غرد لها الطير تغريد
ياشيخنا الجربا حداني حداني = للقول ماظنيت يابن الاجاويد
ظنك خطا واطلقت فيه العناني = واوصدت باب العلم ياشيخ توصيد
تبغي الجهل يعم هذا الزماني = بناتنا ماتعرف مدٍ وتوكيد
وتبقى حبيسة بيت بين الصياني = تطبخ وتنفخ لاجل عنتر وابو زيد
بتهميش دور العلم تنشر اعلاني = شاركت للضبعان لكنك تزيد
والمدرسة خليتها خلق ثاني = شمتها واحزنتها في ضحى العيد
خليتهن هزلات ماهن سماني = ولايقمشه ياكود من هو مقيريد
واللي خذا منهن ربط بالعناني = يقفي ويقبل به على كيف ماتريد
وتعيب زين مخضبات البناني = واميتك مجدتها كل تمجيد
والمعلمه بالمجتمع له مكاني = واضح مكانه دون شرح وترقيد
تعلم فتاة اليوم تبني كياني = وتدرس التفسير واحكام تجويد
وخيره شمل من كان قاصي وداني = بالعلم ترفع له بيوت شواهيد
واللي خذاها ومقصده مطمعاني = يبي يحقق من وراها مقاصيد
هذاك يفشل وعند ربعه يهاني = ولاله من المحصول غير التناكيد
والعلم يبغى مخلص ومتفاني = يشد من وزره ويرفع له الإيد
ماهمه مدخول صاف الثماني = لو يسأل عن الراتب عنده مناقيد
يفزع اليا من جاله من الناس عاني = بليهان شيال الحمول المناضيد
ولك التحيه ياسهيل اليماني = ياشيخنا وابوك شيخ الصناديد
وصلاة ربي عد ماالنجم باني = على الرسول المصطفى سيد السيد
الشاعر / ابو عمر المفضلي
بامرك نزل جبريل باعظم بياني = على الرسول المصطفى سيد السيد
وبين احكام الشرع للمودماني = شريعه لانقص فيها ولازيد
واقول قول يسبقن به لساني = وانا على مااقول ثابت ولاحيد
واسرجت سرجي وامتطيت الحصاني = وادليت دلوي مع دْلي القواصيد
واخترت للموضوع زين المعاني = مثايل غرد لها الطير تغريد
ياشيخنا الجربا حداني حداني = للقول ماظنيت يابن الاجاويد
ظنك خطا واطلقت فيه العناني = واوصدت باب العلم ياشيخ توصيد
تبغي الجهل يعم هذا الزماني = بناتنا ماتعرف مدٍ وتوكيد
وتبقى حبيسة بيت بين الصياني = تطبخ وتنفخ لاجل عنتر وابو زيد
بتهميش دور العلم تنشر اعلاني = شاركت للضبعان لكنك تزيد
والمدرسة خليتها خلق ثاني = شمتها واحزنتها في ضحى العيد
خليتهن هزلات ماهن سماني = ولايقمشه ياكود من هو مقيريد
واللي خذا منهن ربط بالعناني = يقفي ويقبل به على كيف ماتريد
وتعيب زين مخضبات البناني = واميتك مجدتها كل تمجيد
والمعلمه بالمجتمع له مكاني = واضح مكانه دون شرح وترقيد
تعلم فتاة اليوم تبني كياني = وتدرس التفسير واحكام تجويد
وخيره شمل من كان قاصي وداني = بالعلم ترفع له بيوت شواهيد
واللي خذاها ومقصده مطمعاني = يبي يحقق من وراها مقاصيد
هذاك يفشل وعند ربعه يهاني = ولاله من المحصول غير التناكيد
والعلم يبغى مخلص ومتفاني = يشد من وزره ويرفع له الإيد
ماهمه مدخول صاف الثماني = لو يسأل عن الراتب عنده مناقيد
يفزع اليا من جاله من الناس عاني = بليهان شيال الحمول المناضيد
ولك التحيه ياسهيل اليماني = ياشيخنا وابوك شيخ الصناديد
وصلاة ربي عد ماالنجم باني = على الرسول المصطفى سيد السيد
الشاعر / ابو عمر المفضلي