المساعد الشخصي الرقمي

مشاهدة النسخة كاملة : يالأصمعي جابك الله لاتقلْ ما أسمع ولا أشوف!!!!!!


((بعيدالنظر))
08-09-2005, 14:16
يالأصمعي جابك الله لاتقل ما أسمع ولا أشوف=ثلاث مرات والشرده على مثلك كبيره
إن كان ماجيت من نفسك تجي مرغم ومكتوف=حتى ولو ما أنت ماخذ فاللقا حبة شعيره
ابو خليف
08-09-2005, 14:19
الله يعينك يابو خالد


القدر مايرسي الا على ثلاث

والضاهر انه رسى
وصح لسانك يالعرابي ومتابع لكم
هايس الشمري
08-09-2005, 14:21
صح لسانك يالعرابي


و بانتظار الاصمعي
((بعيدالنظر))
08-09-2005, 20:47
الإخوه المشرفييييين
ياليت بدون أمر عليكم واحد يتفضل ويراسل الأصمعي ويقول له حضر هنا يالأصمعي بأمر ((بعيدالنظر))..

على شان لايقول ماكنت أدري مثل نبرااس يقول ليش ما راسلتموني رساله خاصه؟؟

الله لايهينكم يامشرفين اللي يلقى فرصه يبلغ الأصمعي .
((بعيدالنظر))
08-09-2005, 20:49
ابو خليف لاهنت على مرورك وصح قلبك ياطويل العمر .

ومثل ماقلت القدر مايرسي إلا على ثلاث .

لكن وين ثاااامر يابو خليف أنت وعدتنا تجيبه .
((بعيدالنظر))
08-09-2005, 20:51
((الذيب))

صح قلبك ولاهنت دائماً تتوّج بعيد النظر بمرورك المهيب .
لو إنك بس تقول أنا في صف بعيد النظر ياسلااااااام .
هههههههههههههه
تحياتي ومعك ننتظر الكبير الأصمعي
المخاوي
08-09-2005, 21:31
صح لسااانك يابعيد النظر :goooood:


وماشاء الله عليك عيني عليك بارده :d:

بس انتبه لاتصير مثل اللي ياكل بيدينوه كلهن همن غص :p:

اما الاصمعي
ماعليك اما يبي يهجدك او يصبحك وحده بهن :)


بانتظااار الاصمعي >>> اشور عليك تاخذ لك يومين اجازه :7ayyoh:
الاصمعي
09-09-2005, 09:53
حياك الله يا بعيد النظر واستلم لا هنت


[poem=font="Simplified Arabic,5,white,bold,normal" bkcolor="transparent" bkimage="" border="groove,4,gray" type=2 line=0 align=center use=ex num="0,black"]
يا مرحبا بالعرابي بعد صار الأمر مكشوف=في نفسك الي تشوف انها لما تطمع جديرة
المشرفين اِلقطوا حبك واتم النقص ملقوف=وطفيت يالشمعة الي كنت بالماضي منيرة[/poem

يا مرحبا بالعرابي بعد صار الأمر مكشوف=في نفسك الي تشوف انها لما تطمع جديرة
المشرفين اِلقطوا حبك واتم النقص ملقوف=وطفيت يالشمعة الي كنت بالماضي منيرة
الاصمعي
09-09-2005, 10:26
يالربع جهازي مهو صاحي:(

هالحين القصيدة ما تطلع وليا سويت إقتباس الا هي موجودة!!!

على العموم كتبته مرة ثانية هنا وعليكم بالهنا:)



يا مرحبا بالعرابي بعد صار الأمر مكشوف**في نفسك الي تشوف انها لما تطمع جديرة
المشرفين اِلقطوا حبك واتم النقص ملقوف**وطفيت يالشمعة الي كنت بالماضي منيرة


الذيابة (الذيب وأبو خليف والمخاوي)

يا مرحبا بكم وحضوركم يسر النفس وتشجيعكم يعفس العرابي عفس:)<<عسى بس منتم بصفه:)

المخاوي يقول تركي الميزاني ((أما تغديتك غدا ولا تريقتك فطور) وأنا الظاهر أبي أتريق العرابي:thumb:
شموخ
09-09-2005, 14:48
أما تغديتك غدا ولا تريقتك فطور :)
صبحه يابو خالد :)
تحياتي
شموخ
((بعيدالنظر))
09-09-2005, 19:16
أبشر بالسلامه يابعيدالنظر .

يالأصمعي إستلم


الله يبقيك ياللي مالقيت لمثلك وصوف=مادام جيت إستوْت يالله عسى فالأمر خيره
أنا ((بعيدالنظر)) يالأصمعي شاعر ومعروف=والأصمعي لايخالف ماتحرّك في ضميره
الـمـحـروووم
10-09-2005, 00:11
) وأنا الظاهر أبي أتريق العرابي:thumb:


هههههههههه

الأصمعي


تريق العرابي


هههههه

بعيد النظر لا أوصيك عليه تكفى

تراه متولجن مع أهل الأدب العربي


أبغاك تظهر الشيب برموشه:):)

وتقبل تحيااااتي
أخوك المحروم
بصفك للأبد
الاصمعي
10-09-2005, 11:51
استلم يا بعيد النظر



يا صاحبي تختلف جياتنا تبع اختلاف الضروف=أنت فظلامٍ تجي وصاحبك ياتي بالسفيرة
.
بعد النظر يا ولد حارث ما يدفع سهام الحتوف=يا شاعرٍ مجتهد لكن ما اشوفه راح ديره
الاصمعي
10-09-2005, 11:57
.


.


.



يا هلا بالشامخة شموخ

أجل أعجبك بيت هالميزاني:)

صبحناه ولا ندري وش وراه:)

تسعدنا متابعتك







يا هلا بالمرحوم وخليك يا فندم رحوم:)

يخي أنت شانن علينا حمله هناك وبهذا:(

شف إذا ما شجعتن ترى بستدعي أهل الفصيح عليك ويعودونك عوايدك:)


حياك الله ولو شجعت عبيدالله:)


تحياتي
عبدالعزيز
12-09-2005, 13:11
ياماشاء الله ...

الله يستر من تواليه

متابع معكم ورا اظبّط المكرفونات:)
((بعيدالنظر))
13-09-2005, 21:26
هههههههههههههههههههههههههههههه
لاإله إلا انت سبحانك إني كنت من الظالمين
يالأصمعي هداك مولاك غن القصيده تراك بديت تغيّر اللحن . ولا أعطيك جوالي وأغني لك اللحن؟؟؟؟؟

عفواً على التأخير لظروف منتداكم قبل يومين لاقي السيرفر فيه مشكله .

المحروم .. فديت عمرك ياراعي الوفا والجود أن أشهد إنك تضيء المتصفح يابطل لاعدمتك للأبد.
لكن إستلم يالأصمعي

عزالله إن التعب مع صاحبي ماهو بمخلوف=غيّر لحون القصايد وإحترق سلك الضفيره
اللي يبيع الذهب واللي يبيع القطن والصوف=إثنين راعي طويله ماحسب راع القصيره
بتول آل علي
13-09-2005, 21:52
الاساتذة


بعيد انظر

و

الأصمعي



نحن في الصفوووف


الدهور
الاصمعي
14-09-2005, 07:46
يا بعيد النظر طاح عليك راعي قطر:) تسان لياهالحين تشوف لحني مختلف عطنا رابط لهاللحن تسان عندك,,

بس ما يكون بصوتك:)<<يقولون الي سمعوه إنه يبتسي:)


استلم يا صاحبي

لحنك أعوج عواج ولاش يعبيدالله اصفوف=تشيله وتضبط ألحانه على دقاة زيره
.
يا لابسٍ فوق جلد الذيب جلد الخروف=العود في سوقنا والمسك يا نفَّاخ كيره




هلا والله ببو فهاد

خل عنك الميكرفونات واضبط الصف:)

تاليه ربيع بس دور لنا ثامر يجلس احتياط عن اصابات وشبهه:)

متابعة ممتعة



هلا بالدهور

حياك الله وشكراً ع المتابعة والتشجيع
حمود الشمري
14-09-2005, 15:34
ياسلام عليك يا الاصمعي مبدع


بعيد النظر شفت نفسك خسرت امام الاصمعي وقعدت ادور اعذار

العب في المنتديات على الوزن والقافيه والحن ماهو ضروري
يعطيكم العافيه الجميع
((بعيدالنظر))
15-09-2005, 02:43
يالأصمعي طيع شوري مامعك فالجيب مصروف=الظاهر إنك لياغنيت تشرب كاس بيره
إذا سعى صاحبي لايعتمد مسعاه ويطوف=وحمود لايحرق الجمره على راس تعميره
الاصمعي
15-09-2005, 17:50
حيى الله حمود
تسلم على المتابعة والتوضيح,,


استلم يا حارق الجمر:)

أنا غنيٍ قادرٍ ولا انت يا بو زيد منتوف=ضامي وأنا الي اشرب من طرف جمة غزيرة
يا حارق الجمرات! بيتك طايح منه اسقوف=لو كان نعتمده ترى نجهل مصيره
((بعيدالنظر))
15-09-2005, 21:18
الله يجعلك للجنه ياحمود :goooood:



لاتدعي بالغنا مادم بك من وقتك حفوف=عاين دراهمك ماجابت ولا قطعة مضيره
لو إن وجهك يبان يصير متغيّر ومخطوف=أنا أعرف أهل البصر وأشوف عميان البصيره
الاصمعي
16-09-2005, 14:11
آمين:)

لو إن وجهي يبان تضيع منته ناطق حروف=تبلش بعمرك وريقك نشف وعيونك كسيره
لا تعاند الي بحالك يا ولد عارب يحن ويروف=وتطير من العش والعش طيرتك ماهي تضيره
((بعيدالنظر))
16-09-2005, 19:58
ماني برد النظر مهما حصل لقليّل الشوف=والأصمعي من خشب تمثال ورصاصي يطيره
لولا الكتب فالمكاتب ماعملنا لوح ورفوف=يمديك تلقى الكتب في وضعها المزري نثيره
الاصمعي
17-09-2005, 03:34
صلتك نار وذبت يا تمثال فيه الشمع مرصوف=وطنب رغا جملنا شعيل عقب اسمع هديره
قالوا قديمٍ إعرف الرجال قبل لحاه مظروف=ثم ينكشف بالطرق ويبين الذي تخف السريرة
منيره
17-09-2005, 13:31
يا سلام عليك يا الأصمعي

صح لسانك

معك معك


خيتك منيره
((بعيدالنظر))
17-09-2005, 15:26
إذا بدالي بشمسك ياضعيف السيره كسوف=إركب بعيري وغيري فالسرى بارك بعيره
أبشرك طحت من نفسك قبل يعصفك عاصوف=أرضك من اول دهر واليوم من غيمي مطيره
الاصمعي
17-09-2005, 20:12
أبي أرفع النفس عن علم الردى والشين وردوف=رابي مع قروم كان فلان رابي في حضيرة
الطايح الدايح الي في خبيث اللفظ مشغوف=ما يتبع المصطفى فيما رواه أبو هريرة
((بعيدالنظر))
17-09-2005, 21:46
ميّز كلامك ولا تصبح مع العراّف مشعوف=وإضحك وصفّق بعد ماجات في صفك منيره
مادام دربك وسيع وجانبين الدرب مرصوف=ياراعي البندق اللي ثار في بطنه ذخيره
الاصمعي
17-09-2005, 22:30
يا هلا ومرحبا بك يا منيرة
نورتي وشرفتي أختي الكريمة

استلم يا بعيد النظر وترى مرصوف ومنيرة سرن الله يرد نظرك:)

منيره أختي وأنا أتعزوى لاجلها يالرجوف=إن هلهلت أطرد العدوان وآاصد المغيرة
فيك البلا يالعرابي لو نصف هرجك حلوف=لكن صف النوايا قبل أولع بك سعيره
((بعيدالنظر))
18-09-2005, 15:20
عساك ما أنت الكريم اللي لفاه الوقت بضيوف=عنده شطيره وقام جاب له ربع الشطيره
ياراعي الطبل بعد وقبل وآنته راعي دفوف=والاصمعي مايمر الا وانا حايس مريره
منيره
18-09-2005, 17:37
النور نورك اخوي ابو خالد

صح لسانك الله لا يهينك

معك معك

خيتك منيره
الاصمعي
18-09-2005, 19:23
رهيب يا بعيد النظر:thumb: والأفضل لو جبته قبل كم بيت:)


جبته صحيحٍ والأفضل لو هي قبل حن نطري خشوف=يا معطي الضيف ربع وباقي السفرة لغيره
يالفارس الي حصانه صعب ولاهو قبل الغزو معسوف=لا والله الا رماك الله بقوم ياولد ما طار طيره

أختي الكريمة منيرة أسعدتنا متابعتك فلك من اخوانك جزيل الشكر والتقدير
الأصيل
19-09-2005, 09:32
معاااااااااك يالعراااااابي






















ومع الأصمعي







ومعي دله مبهره

متابع ومبسوووووط...:315r:
((بعيدالنظر))
20-09-2005, 17:13
ياليت وإنك جمعت من الخشوف ميات وولوف=يمديك يالأصمعي قايد وفي راس المسيره
يمكن نحصّل معك ياصاحبي قلبين فالجوف=وتصير الأنعام عندك يابعد حالي وفيره
الاصمعي
20-09-2005, 21:48
هلا بهالطلة يا راع الدلة:)

شرفت خيوووووووووووووو

يامرحبا بك




إستلم يا بعيد النظر




ياليت وإنك تعدَّل ما يجي في مشيك اجنوف=نرفعك فوقٍ وأنته من جريفٍ لدْحَريرة
في دراتك كل خير وعندنا للخايب سيوف=الي يغش المعزب والصحب وأيضا خشيرة
بتول آل علي
20-09-2005, 22:02
و مازلنا متابعين بكل حماس


صح السنتكم



الدهور
منيره
21-09-2005, 00:20
الأصمعي وبعيد النظر

صح لسانكم ،،،،، الله لا يهينكم http://www.asmilies.com/smiliespic/128pxl-smilies/ADORE.GIF (http://www.asmilies.com)

طبعا الكونتيسه منيره مع أبو خالد http://www.asmilies.com/smiliespic/128pxl-smilies/BYEBYE.GIF (http://www.asmilies.com)

خيتك منيره

http://www.asmilies.com/smiliespic/128pxl-smilies/SMILE.GIF (http://www.asmilies.com)
((بعيدالنظر))
23-09-2005, 19:56
صح لسان يالأصمعي وشكراً على هالمحاوره التي قضيناها معاً .وأشكر الخت منيره على متابعتها الجميله والشكر ايضاً للأخت الكبيره فكراً وشعراً // الدهور .. والشكر لكل من تابعنا في هذا اللقاء مع الشاعر الكبير الشاعر الذي أسهم معنا ليس في هذه المحاوره فحسب بل وفي كل اللقاءات . أشكره شكراً يلسق به ولكم أنتم أحبتي جزيل الشكر والتقدير ..

أخوكم // ((بعيدالنظر))