المساعد الشخصي الرقمي

مشاهدة النسخة كاملة : ابن جشعم .. الحاله هذي وش سنعه ..؟


سلطان الشمري
08-09-2005, 04:10
السلام عليكم


ابن جشعم ..سلخير .. وانت ومن يقرا هالماضوع


يابعد خشتي عندي مشكلةبالجهاز او بالتصفح او بالاتصال مادري وين بالزبط


وانا اتصفح عادي, يعلق الاتصال ..واحاول اقطعه يرفض ..مايستجيب لازم اسوي رستارت للجهاز


توي مفرمتن المطشي :(

وش الحل والا وش المشكله ؟


جربت كذا شركة اتصال نفس المشكله ..للاسف..!!



اعصر مخك ومخيخك شوي وشف وش يطلع معك تشخيص للحاله وهل هي مستعصيه تستوجب الترقيد قصدي الفرمته؟


انجز لا تبطي والا ابي اصفق بالمطشي اقرب جدار :(


<<<<طيب لاتدف :)
ابن جشعم
08-09-2005, 07:10
وعليكم السلام والرحمة

انا ملاحظ هالشي حتى عندي اليامنّي شبكت على ايزي نت وطقّته.

اللي ملاحظة انّي اذا سويت قطع اتصال يبيلك وتقعد دقيقة او زود

حتى يقطع معي الإتصال....

انت عط سدّاح فرصة قبل تسوي ري ستارت للجهاز وشف وش يصير معك.

طيّب خلاف هذا وش عندك من مشاكل بعد الفرمته ؟؟
سلطان الشمري
08-09-2005, 19:52
يابعدي انت


ابدا مامن مشاكل تذكر :) بس اللي مفرمته واحد من الشباب فاتحن للوه محل واستحي اروح لغيره:(

مار الظاهر انه من جنب القده :)


ابدا بس التهنيق هذا ولو تركته مهو دقيقه اتركه اكثر بس سيم سيم

بتله على التعليق (بتله كلمة قصيميه ) بكسر اللام:)


عاد يابعد خشتي ايزي نت هذي لعبة لعبوه علينا الضحى اسند النهار :)


بس الحين صايره تطلع لي ايقونه مربعه تقول ارسال الخطاء لمايكروسفت او مادري وش تقول بس علامة انه بوه بلا :)


يعني هذي هي اللي صايره تطلع لي من تالي ؟
ابن جشعم
09-09-2005, 11:48
اووه يابعدي دعواك تسبيرة مدام على قولتك تجيك:,
{ ايقونه مربعه تقول ارسال الخطاء لمايكروسفت }

فرمت جهازك مزبوط عند محل موثوق وتأكد من تركيب

الــ سيرفس باك1 مع الوندوز اللي هي معالجه اخطاء نسخة الوندوز :)

الشغلانه ماتكلفك الا 35 ريال مع تركيب كم هائل من البرامج..


سلاااااااااااااام
سلطان الشمري
09-09-2005, 17:39
8
8
8
اويطي لاتحتسي بالقروش احتس لي بالمرض ؟



الفرمته ياعلهن عْشرَه .. او صح تقول خمسه وثلاثين ريال


طيب المشتكى لله وحسبي على عبدالكريم ومحلوه :)










بس تعال

وش تنصحن ارتب من برامج وبالذاتالحمايه مابي واحدن غثيث ابي واحدن سمح وجيد


وغيروه وش تنصح بوه ؟؟ طبعا الفلاش ماني حولوه لكن هل له دور بثقل الجهاز ؟


الفوتوشوب ابي اتعلم عليه وجالس اطقق بوه :)

وش بعد ؟؟


اعطنا مما اعطاك الله ..وش افضل برنامج لتسجيل الاصوات؟


عاد بالمره :) مارسل لك الجهاز تسوي لوه فورمات؟؟:)






<<<<<الله يخلف على اهلك


سي يو
راعي الوقيد
09-09-2005, 21:56
هونت:)

بس كان لي رأي آخر !!!!؟
سلطان الشمري
10-09-2005, 01:31
ليه تهون ..؟!!!


وش رايك الاخر ...؟ اخبر لك نظره ثاااااااغبه يُبه شنو عيل ليش ترد هنيه؟؟؟:)