إهداء لكل أعضاء الفلة ... [الأرشيف]

مشاهدة النسخة كاملة : إهداء لكل أعضاء الفلة ...

المسافـر

07-09-2005, 10:24

بسم الله الرحمن الرحيم

هذا مجرد اهداء بسيط خالي من الكلام المنمق والمزخرف والزخرفات

خصوصا الزخرفات لاني ما اعرف لهن << اللي يبي يعلمن ماهي مشكله :goooood:

اخواني و اخواتي الاباء والامهات الاخوان والاخوات بما اننا مقبلين

على العام الدراسي الجديد فوالله لايوجد افضل من ان ترى ابنائك يذهبون الى المدرسة

خصوصا من كانت هذه اول سنه له و انت حينما تذهب به الى المدرسة

فانت منفقعة ن تسبدك منفقعه من الضحك بمعنى الكلمه

مثل مايقول الحجاجيون

لانه ان بتسى راح تضحك عليه :315r:

وان سكت راح تضحك على هالوغدان اللي تبتسي :p:

وانا يامحدثكم اهديكم هذه اللحظات التي اتمنى ان تمر السنين سريعا

حتى اشعر بهذه السعاده فاغتنموا هذه الفرصه واستعدوا لها

فوالله انها من اجمل لحظات العمر ...

يالله ياسميع الدعاء ارزق كل عقيم ذرية صالحه
و اصلح اولادنا واولاد المسلمين
انك القادر على ذلك

اخوكم : المسافر راح

تعاليل

07-09-2005, 10:52

ههههههههههههههههههه

بخصوص هالموضوع .. .
تعــــــــــال وشوفنا العام ... كان أخوي أول ابتدائي
ابوي كان يمسك معاه شفت الصباح من السبعه لين التسعه
ويرجع البيت .. ويروح اخوي الكبير من التسعه للوحده /..
وعلى هالحال لمده شهر ... بعد الشهر خلوه يداوم وحدوه ...

الحصه الأولى متصل مدير المدرسه .... يقول

:147r: تعـــــــــــــالو خوذو وغدكم .. زهـــد من البتساء

هالسنه لا ... يقول لأبوي .. " يبه تراني صرت تسبير ..
لا تروحون معاي للمدرسه انا اروح وحدي ... نبي نشوووف "

تعاليل

ريم شمر

07-09-2005, 19:02

هلا والله بالمسافر

حياك اخوي وهديتك من اجمل مايكون

يكفي انها تلقائيه وبسيطه

تسلم وماقصرت وتمنياتنا بالتوفيق لكل الطلاب

وخصوصا المستجدين :)

[لوحة]
شكـــــــــــرا المســــــــافر [/لوحة]

المخاوي

07-09-2005, 19:31

المساااااااافر :7ayyoh:

هديه ثمينه وغاليه علينا لانها منك :hala1:

اما اول سنه دراسيه وخاصه الايام الاولى فهي قمة الوناسه لدرجة انك تقدم على اجازه لتستمتع بهذه المواقف الشيقه :thumb:

يالله ياسميع الدعاء ارزق كل عقيم ذرية صالحه
و اصلح اولادنا واولاد المسلمين
انك القادر على ذلك

اَمين

شريف روما

07-09-2005, 19:34

الله يسلمك يالمسافر
لاتذكرن بأيام الابتدائية
اذكر دايما ابي اغيب وامي ماترضى :)
واقعد ابكي وابكي واخر شي امي تطقن واروح غصبن علي:)
اثاري الوالده الله يطول بعمره تبي مصلحتي :)

وين اللي وصيتك عليه :)
تحياااااااااااتي

المسافـر

08-09-2005, 04:16

هالسنه لا ... يقول لأبوي .. " يبه تراني صرت تسبير ..
لا تروحون معاي للمدرسه انا اروح وحدي ... نبي نشوووف "

اصبروا عليه يومين يجيكم منحاش حاط رجله :18_3_110:

:goooood:

مشكوووووووووره اختي تعاليل

و عقبال ماتفرحين باولادك انهم راحو للمدرسه

اللهم امين

المسافـر

08-09-2005, 04:30

هلا والله بالمسافر

اهلا بكي اختي نورتي مطرحك ( مضيفك ) و الحته كلها << متاثر بالسودان :315r:

حياك اخوي وهديتك من اجمل مايكون

بل تشرفك بالرد هو الأجمل

يكفي انها تلقائيه وبسيطه

اجمل مافي الحياة البساطه :goooood:

تسلم وماقصرت وتمنياتنا بالتوفيق لكل الطلاب

وخصوصا المستجدين :)

خذيت اجازه على شان عيال اخوي ابي اداوم معهم

ابي اضحك ياما تنفقع تسبدي و ابي ازرط من هالريكو معهم << مولي مع الريكو لي قصة معه

للاستزاده راجعو فلة الحجاج حلوه للاستزاده تشوفون ياهل الفصيح هاللي تضحكون علينا نعرف

نحتسي بعد عندي لكم حاجةن حلوه ( بتصرف ) وشرايكم :goooood:

[لوحة]
شكـــــــــــرا المســــــــافر [/لوحة]

\/
\/
\/

وشلون الحركه هذي :p:

شكرا لقدومك وتشريفك للموضوع مره اخرى

المسافـر

08-09-2005, 04:46

المساااااااافر :7ayyoh:

تحيا وتدوم ياطويل العمر ياشيخ مخاوي << متأثر بالأفلام البدويه خصوصا

( الحواج والسبع بنات ) :315r: :thumb:

هديه ثمينه وغاليه علينا لانها منك :hala1:

أحرجتن ياملي :eek:
اما اول سنه دراسيه وخاصه الايام الاولى فهي قمة الوناسه لدرجة انك تقدم على اجازه لتستمتع بهذه المواقف الشيقه :thumb:

هذا اللي صار ياطويل العمر وحنا نلقى

هكالمقيض اللي مايلاحن بس ودك تنجضع بدياره :goooood:

تشريفك اسعدنا

المسافـر

08-09-2005, 04:53

تقول امك تطقك لو انا منه افضخ دماغك:eek:

هذا علم يا افندي اشوا انك كبرت وتعلمت :goooood:

على الله عاد تعلم عيالك ولا تطقهم تعال لهم باسلوب

انت يالكويتيين مشهود لكم بالاسلوب :cool:

وين اللي وصيتك عليه

ان شاء الله جاك بالرسالة

مشكور على التشريف الجميل

ريم شمر

08-09-2005, 08:10

[لوحة]
شكـــــــــــرا المســــــــافر [/لوحة]

\/
\/
\/

وشلون الحركه هذي :p:

تابع الصور وبتفهم وشلون :)

بس لو ماكان الشرح واضح
ابشر بمزيد من الشرح

http://www.uparab.com/File/1126155714.jpg

http://www.uparab.com/File/1126155449.jpg

http://www.uparab.com/File/1126155632.jpg

ريــــــــــــــم

المسافـر

08-09-2005, 08:39

بس هاللون ثريه مهي شين

عاد ليشناتس

[لوحة]عساتس على القوه [/لوحة]

بـنـت النـور

08-09-2005, 08:43

( المسافر )

يعطيك العافيه هديه جميله

قهر

08-09-2005, 21:20

المسافر يعطيك العافيه اجمل هديه شفته بحياتي

لاني مريت بهالمرحلة والطفل يحتاج لوالده او والدته

بمثل هالمواقف للتشجيع و من ناحية الوناسه

[لوحة16]راح تستانس ولا اوصيك بالريكو[/لوحة16]

ابو ســـــيف

09-09-2005, 13:45

اهلين عبقرينو ... تسيف انت..!؟ :)

تغير اسمك ولا ماتغيروووه... عبقرينو بك بك :)

هههههههههههههههههههه

الله لايهينك موضوع حلووو

ههههههههههههههههههه

بخصوص هالموضوع .. .
تعــــــــــال وشوفنا العام ... كان أخوي أول ابتدائي
ابوي كان يمسك معاه شفت الصباح من السبعه لين التسعه
ويرجع البيت .. ويروح اخوي الكبير من التسعه للوحده /..
وعلى هالحال لمده شهر ... بعد الشهر خلوه يداوم وحدوه ...

الحصه الأولى متصل مدير المدرسه .... يقول

:147r: تعـــــــــــــالو خوذو وغدكم .. زهـــد من البتساء

هالسنه لا ... يقول لأبوي .. " يبه تراني صرت تسبير ..
لا تروحون معاي للمدرسه انا اروح وحدي ... نبي نشوووف "

تعاليل

هههههههههههههههههههههههههههههههه

ههههههههههههههههههههههههههه

تعاليل.. ههههههههههههههههه

انا صارلي نفس الموقف مع عكس السيناريو :)

السالفه صارت العام..

به واحد قريبً لي بالقصيم.. وبيته ماهو بعيدً عن شقتنا..
حنا مجموعة عزوبيه :)

المهم هو موظف بالشرطه وله منصب زين ماشاءالله عليه..

واكبر عياله درسه العام..

ماله قرايب بالقصيم الا انا :)

ويدري اني طالب يعني دوامي بيدي

قال اسمع ابي منك خدمه...
قلت من عيوني...<<<< ماهو لله ابيه يفزع لنا لاتقاضبنا الشوش مع القصمان :)

المهم قال ولدي ابي ادرسه وبلشان...

جيت اخذ اجازه وعيوو

يقولون بداية دوامات والشوارع استنفار...يعني اجازه انس..

قال ابيك تاخذ الليد يم المدرسه وهي ماهي بعيده عن البيت...

قلت بس كذا..؟
... ابشر بعزك.. انت غالي والطلب رخيص..

المهم قالي كلمه ما انتبهت له الا بعدين..

قال الولد ماهو خلي مليقيف..

رحت من بكرا الصبح ادربي راسي يم بيتهم..

وجي الا والولد يجرجونه من فراشه..يبي النووم <<<< قلت اخس ياا .. انا اول يوم ادرسه ماجاني نووم !!

المهم يالله يزلبونه.. وقام

وازقحه معي بالسياره

وتخبرون اعطيه من النصايح ومن هالرخيص.. :)

انا يوم انا كبرك مابتسيت.. ولا اعرف البتسا :)

واذاكر... وما اطلع الا الاول...!؟

ويراعيلي بعويناته تقل ناقدن علي :)

وصلنا المدرسه وننزل انا ويااوو وتخبرون الطابور الصباحي :)

الوكاد ان الليد ملقوووف من قلب

ادوره من بين الوغدان مادري وين ذلف

كل الوغدان ضرب طوااقي :) وشنطه على الظهر مابه الادفترين :)

ياولد .. وين راااح الماخوذ..!!

وادوووره ويالله لقيته صاف مع طابور ثالث

قلت لا وين ..!؟

مطفي النور انت وحلاياك..!!

امش امش وجرجروه يم فصله ..

والقى مدرس واقف عند الباب وسلم عليه

قال ادخل يابابا ... يعني الليد

تسفت ونسيته....
دقيته حنتس(1) .. مع المدرس عند الباب

شوي الا والفصل لجه..

دخلت الا ولقيته عاضن ولد معنطن به :eek:

والوغد له صياااح طول حسوووه :106r:

وشبلااااك وشبلاااااك

يقول انا ابي اجلس هنا وهو يقول مكاني..!؟

ويالله سكتنا المعضوض :)

ويجيني ابووه... يقول رب ولدك :) ..

بغيت اضحك بس خايفن من ابووه عليه جسم ولا تايسون :)

قلت ابشر ابشر

الوكاد ان الدبه بغت تصير براسي :)

وكل شوي مضيعه

اخر شين اختفى

قلبت المدرسه فووق حدر

ابد مامن احد

كل وغد اويق بوجهه

شوي الا ويكلمن ابوووه

قلت بس بس يبي يتطمن على الوضع

وارد ..قلت سم...

قال وشلونك..على بالي يقول وشلون الليد

قلت لا لا ماعليه

هذا هو قدامي ..ماشاءالله عليه

قال وين قدامك..؟؟

قلت بالمدرسه..

قال بالمدرسه...!!

انت متأكد..؟

قلت ليش وشبلاك..!؟

قال لا بس امووه توه كلمتن تقول الولد جاهم بالبيت ... مايدرون الدوام خلص ..!؟ :485r:

والله وهو يطيح وجهي... وانا اتلعثم :(

قلت هو هاه هينا بس هاه تخانق ووووووووو

قال اقول رح رح الله لايهينك للبيت ورجعه للمدرسه<<<< يانهار مش فايت ..؟ :100r:

وارجع له واخذه ..

وطردي انا وياااو بالمدرسه ...

شوي ويختفي..!؟

اروح للبيت القاوو :)

قلت هييه انت ياملعون ابو الرقبه..

وشبلاك..!؟

هاه تهريب من اول يوم..!؟

ماتستحي..

انا وهو انا ماطحت بالتهريب الا بأولى متوسط :)

وانت من اوله !!

الوكاد ان هاك الترم داومته كله بالمدرسه..

يشوفوني ربعي ...

يقولون ماشاءالله ابوسيف... تعينت هناا..!؟ :)

بعض الوغدان تشوف بعيونهم براءه.. :192r:

هذا ماتشوف بعيونه الاقراده :)

تجيني اخباره من ابوووه.... يقول مقومن المدرسه على رجل :)

ولا يهرب الامن عند الاداره!!

يقول اخر شين باب الاداره سكرووه علشانه :)

(1) دقة حنتس :: تقال اذا واحد مسكت معوووه غلط وبس يسولف... من سالفه لسالفه....وهو مصطلح متداول في حائل بكثره :)

واسمحولي على الأطاله...!!

الشبث

13-09-2005, 19:13

جزاك الله خير اخوي المسافر

بس هالاهداء للي عندهم عيال

واللي مثل حالتي لا ولد ولا تلد و يسوي

الله كريم

الله كريم

الله كريم

مافيه مشكل

وتقلد تحيتي