تعال يابعيد النظر [الأرشيف]

فواز الشبيكان

06-09-2005, 12:18

ياجماعه بعيد اليومِ مدري علامه=البلى ياجماعه في معاني كلامه
ماعرف كيف يفرق حرها والنعامه=مايريس النجوم الا سهيل اليماني

يابعيد السوالف نوب تسحب مصيبه=والمصيبه عليك اليوم صارت ثقيله
كلِ رجلٍ لزوم اليومِ يدرى المعيبه=وقالوا الناسِ من لاعالِ تلفيه عيله
ِ

((بعيدالنظر))

06-09-2005, 15:12

ياجماعه ليا إنقاد الجمل من خطامه=مالحقنا عليه من القديمي ملامه
والغشيّم تثور رصاصته في حزامه=مايريس النجوم ألا سهيل اليماني

يالقديمي لعل الجرح يلقى طبيبه=نحمدالله نمشيها على أهون وسيله
المعيبه مهي منا ومنكم قريبه=كل واحد مع الأيام يبدي حصيله

فواز الشبيكان

06-09-2005, 16:34

يابعيد الهقاوي ياقريب الهقاوي=عاذرينك ترانا مالقيت المداوي
اخخخ بس اخخخ بس اخ يابعير الشواوي=مايريس النجوم الا سهيل اليماني

الدواء ياعبيد حمود يمك يجيبه=والمخيله ترانا فوقِ راسك نخيله
والمعيبه معك الكلِ منا دري به=وانت دايم على ربعك تجيب الفشيله

حمود الشمري

06-09-2005, 17:46

القديمي والعرابي كلكم شعرا جزلين

ارتفعو الى المكان الي يلوق امقامكم

ويحبب فيكم جماهيركم

((بعيدالنظر))

06-09-2005, 18:08

يالقديمي بخور العود ماهو بجاوي=وآنت رجال من راس الجبل جيت هاوي
والبديوي عرف سر البعير الرغاوي=مايريس النجوم ألا سهيل اليماني

لو غلط صاحبي درب الغلط مارضيبه=أنت لاتشعل النيران راس الفتيله
هرج ماله ثبوت يموت وش ترتجي به=أبرهه كم نوى الكعبه ولافاد فيله

((بعيدالنظر))

06-09-2005, 18:12

صح لسانك ياحمووود .. وأبشّرك القلوب يغلفها ويلفها البياض . ونحن في إرتفاع . ماشاء الله عليييك ياحمود صرت نصّاح وعلومك ملاح . أبشر بمايسرك ياحمود .

تحياتي لك يابطل.

الأصيل

06-09-2005, 20:10

حديييييييييييييييييييييييييييييييد:goooood:

بانين لي بيت شعر ...ومتابع:315r:

فواز الشبيكان

06-09-2005, 23:01

يابعيد النظر ذا اليومِ بانت علومك=ميرِ خلك على سطح القمر مانلومك
لابسٍ ثوبٍ اقشر ماتقدك كمومك=مايريس النجوم الا سهيل اليماني

انت جبت الغلط بين الطليب وطليبه=كيفِ شاعر ولاتفرق بعدله وميله
جاكِ سيلٍ على راسك يخرخر صبيبه=تنطح السيلِ في راسك ياراس الهبيله

((بعيدالنظر))

06-09-2005, 23:17

يالقديمي تعلّم كيف تقهر خصومك=أنت من فوق الأرض ولا تشيلك عزومك
كل مانمت ساعه قمت تحكي حلومك=مايريس النجوم الا سهيل اليمانـي

أنت مالك مع العُراف شي تدعي به=المجامل معك فالشعر مني جميله
أبك أنا اللي غَلبت ولا عليّه غليبه=القديمي سرى بالليل ينضح صميله

فواز الشبيكان

06-09-2005, 23:49

ودي اعطي بعيد اليومِ احلى علومي=انتِ ريس جماعه دايمٍ مخدومي
والدجاجه دجاجه ماتطير وتحومي=مايريس النجوم الا سهيل اليماني

كلِ شاعر سمعنا انتِ من يعتزي به=عايشٍ بين جمر النار وبين المليله
الذيابه تسيد وهذي ماهي غريبه=وكلِ حصني لاجاه الذيبِ ينصى زبيله

متأمل

07-09-2005, 01:05

يا سلام...يا سلام

كلام طيب...و حوار جميل

و النار حيّه...و المعاميل والمه

تحياتي للجميع

عبدالعزيز

07-09-2005, 01:47

كلِ شاعر سمعنا انتِ من يعتزي به=عايشٍ بين جمر النار وبين المليلـه
الذيابه تسيد وهذي ماهـي غريبه=وكلِ حصني لاجاه الذيبِ ينصى زبيله

تعانقت هالجبال يارجااااااااااااااال

متابع:thumb:

سلطان الشمري

07-09-2005, 02:42

الله الله

يابعد .. هذا الكلام :) الله لايهينكم

بالصفوف يالربع بالصفوف متابعين

بعدي والله

فواز الشبيكان

07-09-2005, 12:12

يااااااااااااااااااااااااااااااااااااااا ااااااااااااااااااااااا الربع وين شاااااااااااااااااااااااااااعرنااااااااا اااااااااااااااااااااااا

اللي يلقااااااااااااااااااااااااااااااااااااا اااااااااااوه يجييييييييييييييييييييييييييييبه مووووووووو مكبلللللللللل

وبسسسسسسسسسسسسس يجيييييييييييييبه مكلبشششششششششششش

عبدالعزيز

07-09-2005, 12:45

ايوالله انه عجبه .. البارح الى آخر لحضة كلكم متواجدين:232r:

و وخر عني شوي يالقديمي ابزعب الصوت:

جيبوووووووووووه لنا مكلللللللبش:puzzled: <-------- ابوك يامع من غلب:)

فواز الشبيكان

07-09-2005, 16:08

انت تشوف ياعبدالعزيز عجبتن ياخي:c:

عبدالعزيز

07-09-2005, 16:15

لاصارت المحاورة هاليومين مشتبّة يالقديمي خلوه وداعتكم متشبّة.ن على وجه اصبح .. عندك للمنفاخ هذاهو ماعنده احد على النار واستندن لك شاعر تلعب معوه:)

فواز الشبيكان

07-09-2005, 16:22

ياعبد العزيز والله القلوب صوافي وبعيد النظر مدري وش بلاوه منتفض هليومين وحرك المضيف
والا اول ماانتفض علينا ادور الفريسي غديه (يقرا) عليه

عبدالعزيز

07-09-2005, 16:29

اهههههههه براك خبري بوه يدوّر اللي يقرا عليه عقب احتراف التجارة:)
والقلوب مابه شك انه صوافي ياجدي هالوجه .. هذا المبدى وعليه نمشي من وراكم يالكبار انت والعرابي وتلية الشعار كل.ن باسموه:thumb:

سلطان الشمري

08-09-2005, 00:50

العرابي وين انت..؟

اكيد عندوه شيء../ القديمي الغايب حجته معوه ..بس العرابي محد يكلبشوه :)

انت تسمعن ياعبيد...؟

((بعيدالنظر))

08-09-2005, 04:09

يالقديمي ترى قسمك مابين القسومي=لاتحسب البحر مثل الغدير وتعومي
أنت غصنٍ ليا هب الهوى قمت تومي=مايريس النجوم ألا سهيل اليماني

شب جمرك ليا شا الله تبي تصطلي به=لاتجيب الكديش مع الخيول الأصيله
أنت رجال ترمي والهدف ماتصيبه=واحليل القديمي لافرح واحليله

((بعيدالنظر))

08-09-2005, 04:13

آآآآآآآآآآآآآآآآسف على الإنقطاع .. لكن للظروف أحكام وهذا أنا بعون الله رجعت وشكراً لكل من سأل وتمنى أتكلبش هههههههههههههههههه لكن عاد تأكدوا من حبي وتقديري لكم جميعاً مهما صار ومها حصل القلوب كما قلت ناصعة البياض ,

فواز الشبيكان

08-09-2005, 13:33

تدرج ياعبيد اليومِ وانت مكلبش=والمعاني تراها خلفِ وانت تهبش
قلتِ لك اخخ مافادت وخاطركِ بشش=مايريس النجوم الا سهيل اليماني

انتِ عندك على ماقيلِ جندٍ رقيبه=موهبة شعركم ياعبيدِ والله قليله
لو غدا الشعرِ رجلٍ يلزمك بالضريبه=اوزن الشعر بالمفعولِ والا الفعيله

((بعيدالنظر))

08-09-2005, 13:59

القديمي من الذله يعاين ويرمش=أشهد إنه من أول مابدا راح قرمش
صك باب القراش وفكه لمن يقرّش=مايريس النجوم ألا سهيل اليماني

القديمي غداله من حلاله ذهيبه=إنتزعها الزمان من اليدين البخيله
أنت رجليك مابين القبر والنصيبه=ميتٍ في حياه وكيف تصلح دليله

فواز الشبيكان

08-09-2005, 17:16

دامِ شاعر وتعرف تنقد اهل الملاما=تدري الضربِ بالميت حرامٍ حراما
وانتِ شاعر وميت واعليك السلاما=مايريس النجوم الا سهيل اليماني
الذهيبه لكم واليومِ حاله كئيبه=وان طلع علمها يزعل زميل وزميله
قصةٍ يعرفونه الرجال العريبه=لوسمعها بعيد اليوم زادت غليله

((بعيدالنظر))

08-09-2005, 19:59

إيه شاعر وشيخ ولي مكان ومقاما=وأنت واللي معك ناسٍ ضعوف ويتاما
يالقديمي كثير الطق فك اللحاما= مايريس النجوم إلا سهيل اليماني

أنت ما أنته بفارس للخيول النجيبه=ولا أنت صاحب مقام ولاأنت صاحب فضيله
أعطنا قصتك يمكن يصير إلك هيبه=من تبلاّ العرب يشتالها في شليله

المخاوي

08-09-2005, 21:40

القديمي

((بعيدالنظر))

لاهنتوا محاوره من الوزن الثقيل حدييييييييد :goooood:

متابعييييييييييييين مع اللي فوووووووووق :)

فواز الشبيكان

08-09-2005, 22:37

مانت شاعر ولاانت اليومِ شيخ هنيا=الوصايف عليكم ماتجوز وتهيا
فرقكم عنهن فرق الثرا والثريا=مايريس النجوم الا سهيل اليماني
لو يشيخ الولد الشمسِ جت من مغيبه=حلمِ ضبعه علومك قومه من مقيله
كلِ شيخٍ بقصره وانتِ وسط الزريبه=ومن سكن بالزريبه دومِ يومي بذيله

فواز الشبيكان

08-09-2005, 22:39

تحياتي لك يابعيد واهنيك على سعة صدرك الرحب

((بعيدالنظر))

08-09-2005, 23:01

ماطلبتك شهاده وأنت عايش بغيّا=لايميّعك حر الشمس روح وتفيّا
ياحليل القديمي ماطلبته وعيّا=مايريس النجوم ألاسهيل اليماني

كل شيٍ تقوله فالصدور الرحيبه=والقديمي نثر فالنار بنه وهيله
المضايف قصر معمور فايح بطيبه=والزريبه بدارك ياعيون الحسيله