مشــــعل
06-09-2005, 01:10
قالوا تمنا يالغفيلي على خير=عسى الولي يقبل لمنهو تمنّا
ويمشي الحاله على خير تدبير=يوم البشر لربٍ خلقها تعنّا
قلت اسمعوا ياللي تبون التعابير=ابي تمنا والولي مايمنا
(((اول))) مناتي يالنشاما بتيسير=ذودٍ عسى من فضل ربي يجنا
وضحٍ كما وصف الوضيحي مغاتير=ياما حلا منزاعهن يالفنا
وياما حلا تدويجهن بالمخاضير=وسط الفياض اليا نمت في وطنا
واليا تبارت بالسلف والمظاهير=ياما حلا شوفة مرابع ظعنا
بارقابهن من وسم ربعي تصاوير=هل البيوت مشمرخاتٍ تبنا
ماطببوها وسط بياع ومشير=ولاهي على ورد السواني تحنا
مبطي كسبناهن بصك الطوابير=يوم الرجل من فعل خصمه يونا
اليا سمك بالجو عج المعاصير=ومن بينهم شلف القنا يطعننا
كم هجمةٍ نودع جنابه شعاثير=وكم ديرةٍ للقوم غصبٍ سكنا
مزبان من صكة عليه المعاسير=حنا سناده يابغى العز حنا
((وثاني)) مناتي عاليات المقاصير=قصرٍ تصاميمه على كل فنا
ابي جنابه مدهلٍ للمسايير=مدهال منهو يابغانا تعنا
اليا لفانا من بعيد المشاوير=يلقى معازيبه على خير ظنا
نقوم بالواجب على غير تاخير=يوم الردي عند اللوازم يكنا
يقلط على صفر الدلال المباهير=كيفه على فنجال هيلٍ وبنا
مولماتٍ للنشاما بتقدير =طباخها عن طبخته ماتونا
((والثالثه)) بنت الرجال المناعير=بنت الذي علومهم ماطمننا
بنت الذي ماحسبوا للمخاسير=عادات اهلها بالكرم يورثنا
مزيونةٍ تسوى جميع الغنادير=فوق الجمال اخلاق والعرف فنا
ثوب الشرف بنت الكرم نية الخير=لها على كل المكارم مسنا
هذي مناتي والشريعه تياسير=وعسى الولي في رحمته مايمنا
مشعل الغفيلي
ويمشي الحاله على خير تدبير=يوم البشر لربٍ خلقها تعنّا
قلت اسمعوا ياللي تبون التعابير=ابي تمنا والولي مايمنا
(((اول))) مناتي يالنشاما بتيسير=ذودٍ عسى من فضل ربي يجنا
وضحٍ كما وصف الوضيحي مغاتير=ياما حلا منزاعهن يالفنا
وياما حلا تدويجهن بالمخاضير=وسط الفياض اليا نمت في وطنا
واليا تبارت بالسلف والمظاهير=ياما حلا شوفة مرابع ظعنا
بارقابهن من وسم ربعي تصاوير=هل البيوت مشمرخاتٍ تبنا
ماطببوها وسط بياع ومشير=ولاهي على ورد السواني تحنا
مبطي كسبناهن بصك الطوابير=يوم الرجل من فعل خصمه يونا
اليا سمك بالجو عج المعاصير=ومن بينهم شلف القنا يطعننا
كم هجمةٍ نودع جنابه شعاثير=وكم ديرةٍ للقوم غصبٍ سكنا
مزبان من صكة عليه المعاسير=حنا سناده يابغى العز حنا
((وثاني)) مناتي عاليات المقاصير=قصرٍ تصاميمه على كل فنا
ابي جنابه مدهلٍ للمسايير=مدهال منهو يابغانا تعنا
اليا لفانا من بعيد المشاوير=يلقى معازيبه على خير ظنا
نقوم بالواجب على غير تاخير=يوم الردي عند اللوازم يكنا
يقلط على صفر الدلال المباهير=كيفه على فنجال هيلٍ وبنا
مولماتٍ للنشاما بتقدير =طباخها عن طبخته ماتونا
((والثالثه)) بنت الرجال المناعير=بنت الذي علومهم ماطمننا
بنت الذي ماحسبوا للمخاسير=عادات اهلها بالكرم يورثنا
مزيونةٍ تسوى جميع الغنادير=فوق الجمال اخلاق والعرف فنا
ثوب الشرف بنت الكرم نية الخير=لها على كل المكارم مسنا
هذي مناتي والشريعه تياسير=وعسى الولي في رحمته مايمنا
مشعل الغفيلي