جوال غريب !!!!!

[المخاوي]

مسيتو بالخير ياوجيه العشيره :7ayyoh:

يالربع مهدن علي جوال هاليومين من هالجوالات اللي تكل حذوة فرس :) ولاأعرف بوه شين بالمره يعني مييييييييييح :( لكن هذي مهي مشكله محدن طلع على الدنيا متعلم :biggrin:
الورطه هي كيف احط رمز القفل هاللي يحطونه لقفل الجوال حتى لايعبث به المتطفلون :awink:

حاولت اكثر من مره ولابوه فايده لاتقولون لي حط رقم القفل الاساسي 12345 حطيتوه ولانفع
وبعدين فيه رمز pin هذا معروف هو الرقم السري ولكن pin 2 وش سالفته بعد؟



أين ذوو الخبره في هذا المجال ؟

[ابو ســـــيف]

مسيتو بالخير ياوجيه العشيره :7ayyoh:







<<<< داخل بالصبح..

هلا صبحك الله بالخير.. :)




هههههههههههههههههههههههههههه



المخاوي طحت من السماء ولا تلقفك غيري :)








يالربع مهدن علي جوال هاليومين من هالجوالات اللي تكل حذوة فرس :)









وش لك بووه..

اقوول مشينا مشينا نبيعه :)




شف حنا يانبيعه..
ولا تعرفن على اللي مهديه عليك ..!! :)

<<<<< قاطن معك به :)







الورطه هي كيف احط رمز القفل هاللي يحطونه لقفل الجوال حتى لايعبث به المتطفلون :awink:







هذا ياطويل العمر برنامج..

تنزله من الانترنت.. اذا عندك وصله..


واذا ماعندك شف اقرب محل اتصالات..

ينزله لك وانت واقف ... لا ويضبطه لك بعد..

ومايجي له خمس ريالات..










حاولت اكثر من مره ولابوه فايده لاتقولون لي حط رقم القفل الاساسي 12345 حطيتوه ولانفع







لالالالا هذا رمز الحمايه :)

ماله دعوه بالقفل..








وبعدين فيه رمز pin هذا معروف هو الرقم السري ولكن pin 2 وش سالفته بعد؟







الله من الذهاانه :)


يعني الرقم السري الثاني :)









أين ذوو الخبره في هذا المجال ؟






هههههههههههههههههههه

المخاوي تقطعوووه بالعافيه.. :)

[المطنوخ]

الريّس بكبروه بلشان؟؟

هزلت :)

بالنسبه للجوال انت قصدك اكيد

الباندا الجديد

او

6630

وهذا جهاز مروح وخرطي وخذ الحتسي من خبره

عليك بجوال الدمعه القديم

اللي يجي لونه احمر مع اسود عرفته؟

هذا اطلق جهاز

شحن+سيرفس=ادعيلي


الورطه هي كيف احط رمز القفل هاللي يحطونه لقفل الجوال حتى لايعبث به المتطفلون

اذا قصدك تبي صورة فتحة المفتاح اللي تصير على حجم الشاشه

هذي الطريقه

امش معاي خطوة خطوة ياحلالي انزين؟

-خيارات
-الضبط
-الحمايه
-الهاتف وبطاقة sim
-مدة القفل الآلي
-(اختر يحدده المستخدم)
-(تحط المده اللي تبيها وبعدها موافق)
-اذا تبي تغير رمز القفل..(روح على رمز القفل وتكتب <اذا كان جهازك جديد> 12345 راح يطلع مربع ثاني يقول لك دخل الرقم الجديد عاد تدخل الرقم الجديد
وراح تكرره مره ثانيه
-تضغط موافق

وبشرني يالعشير

[شريف روما]

ماقصر المطنووووووخ
بس لي ملاحظه صغيرونه
افضل جهاز 6600 << جهااااااازي :) <<< وفرحاااان اوووي :(

[المخاوي]

ابو سيف

يالله حيوه


الرجال اللي اهداني اياوه يسلم عليك ويبي يهدي عليك جوال العنيد :biggrin:

الا هو كم يسوى يافلان حنا مالنا ومال هالجوالات >> تسني طمعت :)

[المخاوي]

اخو طنخه

الجوال اللي عندي الظاهر انوه حول ذكرك :)

الوكاد
اني اتبعت الخطوات خطوه خطوه وعند ادخال الرقم 12345 طلع لي خطأ في الرمز :232r:

حاولت اكثر من مره ولافيه فايده وش الدبره ؟

[المطنوخ]

سهالات يالعشير

خلن ازبط لك الامور وارجع لك

[الحنشل]

ااااايه حيا الله الامير

وشلونك وشلون اهل الفله

ايا بعد حيي هالخشه والله يا إني مشتاق لكم حيل








بس الشكوى للي ماتنام عينه

محجوب عن الضحك شهر <<تهون تهون
















المخاوي امانه معك سلم لي على اهل الفله

قل اكالرجال يقول وحشتونن أوي أوي:106r:

[المخاوي]

الزقروطي-
افضل جهاز 6600 << جهااااااازي


تبدل وتزودن :)

[شنقل]

ياعله خير

[المخاوي]

سهالات يالعشير
خلن ازبط لك الامور وارجع لك

انا داري منذ مبطي مالي غير اخو طنخه :7ayyoh:

زبط الامور يالعشير وانا داقن الوتد بهذا بس لايدري ابو ثوب يفضحنا :)

[المخاوي]

ياهلا وغلا ببو الحناشل :7ayyoh:

تصدق عاد انك وافي يالغالي والقصور مني :)

وتشتاق لك العافيه واهل الفله يسلمون عليك تسثير السلام :good1:




بس الشكوى للي ماتنام عينه
محجوب عن الضحك شهر <<تهون تهون

حسبي الله على التأمين :)





المخاوي امانه معك سلم لي على اهل الفله
قل اكالرجال يقول وحشتونن أوي أوي

ابشر يالغالي وعسى الله يفرج عنك ويطلع سالم غانم :g:
ياخوي والله لو انك مسجون انت وش جاك :)

[المخاوي]

ياعله خير


ماتشوف شر ياهالوجه :)