المساعد الشخصي الرقمي

مشاهدة النسخة كاملة : قولوا لبو سلطان وش عند الثلاثه والثنين!!!!!!


((بعيدالنظر))
04-09-2005, 16:26
قولوا لبو سلطان وش عند الثلاثه والثنين=المشرفين الميتين ألا حنوط ومقبره
حمود مشرف مايحفّظ فالمراعي نعجتين=يا صبر أبو سلطان في مضياف شمّر ما أصبره
سلطان الشمري
04-09-2005, 19:25
ياليل:)
حمود الشمري
04-09-2005, 19:37
حياك الله العرابي وبوسلطان ونعم فيه لاكن على ماسمعت انه مهو شاعر محاوره ونا اكتابتي فيها اخطا مطبعيه ونت شاعر وتقراها
حمود الشمري
04-09-2005, 19:53
عند الثلاثه وثنين الى عبيدالله حاجتين== بعض المعاني ماتشوفه لو تحط امكبره


حنا نرحبك ولاكنك تزود حبتين== الو اله لك نجبره وثانيه مانجبره
ابو خليف
04-09-2005, 21:34
ههههههههههههه
هه
هههههههههه
العرابي صح لسانك
عزالله انه مصبره على الثلاثه والاثنين
((بعيدالنظر))
04-09-2005, 22:55
هلا ياحمود ..
أنا ماني بغشيم لاعدمت خشمك أدري ابو سلطان رجل ماله في المحاوره .
لكنّي أوصيه فقط .
لكن إستلم لاهنت

حمود ماهو شمّري مسلم وظمن المسلمين=بعض المعاني مثل فيروس الكبود المدبره
أنته ترحب مير انا بعطيك راس وركبتين=وأردك لدربٍ من أول جيت منه وتخبره
حمود الشمري
04-09-2005, 23:12
نعرف طراطير العرب وعلوجها وظالمين== والبادي اظلم والطريق ابعيد لازم تسبره


مادامني مسلم ومشيها على مذهب ودين==عندي قلم ياراعي الدكان جيب المحبره
الـمـحـروووم
04-09-2005, 23:21
لله درك


يالعرابي


تراني بصفك


والمشعل يسلم عليك سلام واااااااااااااااجد
حمود الشمري
04-09-2005, 23:24
تسلم على مرورك الشاعر نبراس

مشرف الترحيب حياك الله ابو خلف

المحروم الله لايحرمك من الجنه
الأصيل
04-09-2005, 23:40
أنا أخو العيااال






مع حموووووود

ومن غير حياديه:goooood:
















أنا أدري .. تعليقي يبي يشعلل بعض الناس الغالين:315r:









العرابي

لاتحرث النار :a:



















تناطحت الجبال:goooood:
((بعيدالنظر))
04-09-2005, 23:45
هل الدموع اللي براسك وإسمع السر الدفين=عزالله إنك عودٍ أعوج ماطلع فيه ثمره
رد القلم في محبرتك وجتك من راسٍ ذهين=يالهامل الدواج مالك في المعارك مقدره
((بعيدالنظر))
04-09-2005, 23:51
هلا بنبراس مليوووووووووووووووووووون ..


خليف لاعدمتك هذا اللي تشوف لكن أصبر عليّ هههههههههههههههههه


المحرووووووم يابعد قلبي أنت .. أنت لاجيت بصفي قل على حمود السلام هههههه
لاعدمتك وسلمت وسلم المشعل الرااائع . بلغه التحيه والتقدير



هلا بالأصيل . مراحب إلا نبيها القاضيه .. يالأصيل .
ماعليك القلوب بيض والنوايا زينه
الأصيل
05-09-2005, 00:21
انجز ياحمووووووووووووود انجز

أشوف اسمك موجووووود:goooood:



*******************

نبراااس

يابعد خشمي

توقيعك وهالعصافير يخلن الواحد يبتسي

يابن الحلال .. غيّر هالتوقيع:puzzled:

مدري منين تجيبهن :eek:

*********************




العرابي .....شد حيييييلك:315r:
سلطان الشمري
05-09-2005, 00:36
العرابي



انتتعرف من انا بصفووووه :)



الله يعينك ياحمود /


الاصيل.. التوقيع هذا غير شكل بالله ضيق صدرك..؟



ياحبي لك قلبك رهيّف:(
الأصيل
05-09-2005, 08:13
أبو النباريس

نبي نسولف شوين .. يما يجون الشعار:goooood:


.

.
بهالمضايف الطويله العريضه ...


أنا متابع للمحاوره والفله والأدب العربي ولتواقيعك:315r:
حمود الشمري
05-09-2005, 12:47
انت اتعرفني لازعلت احتلكم في ساعتين== انا غصن وسط اشجره ولانت مندون اشجره



احذر من العيدان الاصلت الفجر ركعتين==انكان انا عود البخور انته تصير المبخره
((بعيدالنظر))
05-09-2005, 15:19
ليتك تحرّر خلْ تحتل الفوارس يالفطين=بعض الخبول يطلّع السكين وتطير نحره
أنا أعرف إن حمود لامنّه زعل سف الطحين=ماغير هذي وإن بدا للهوش تستاقه مره
حمود الشمري
05-09-2005, 19:46
يفوز ابو نيه على الي في ظميره نيتين==ليت العرابي يقصر الخطوه ويتعشا 000


خل المره تسوقن ونا سوقك على شرع اليمين==والمصخره انته تحبه طول وقتك مصره
((بعيدالنظر))
05-09-2005, 20:15
هذا قدر لحيتك شيله من يسارك لليمين=لو إنك أصل وفصل شمّر جدرها ماتدمره
وليا زعلت إضرب براسك في حصاةٍ ماتلين=لاترتفع بإسم الرجال اللي بناها تعمره
((بعيدالنظر))
05-09-2005, 20:17
لاتضع فراغااات ياحموود مابه شي يختفي ..
حمود الشمري
05-09-2005, 22:26
العام ظاعن منكم يابن العرابي بكرتين== وسط الجبال المضلمه والعلم بالك تنكره


مادامك تعرف المعاني خلنا خشمن وعين== الحاجز الي بيننا اما كسره ولاكسره
((بعيدالنظر))
05-09-2005, 23:50
ماني بفاكر غير ناقه من بلاد الرافدين=ولا عليها وسم واللي يحمد الله يشكره
أنا رضي في والديني ياغضيب الوالدين=الطيّب أذبح له حصاني والردي كيف أذكره
سرحــان
06-09-2005, 00:12
العرابي ......................حمود



مساكم الله بالخير

الله يعطيكم العافيه


لاتبعدون اكثر من كذا


تقبلو تحياتي

اخوكم

سرحان
متأمل
06-09-2005, 01:55
يا ترى...وين تبونا نوصل يا الشعراء الكبار

وش خليتوا للمتعلمين...

اذكروا الله...و العنوا ابليس اللعين...

تقبلوها من قلب مخلص و منصح...

و امنعوني من الردا يا بني عمي..امنعوني

تحياتي...
حمود الشمري
06-09-2005, 12:10
سرحان ومتامل غالين وطلب رخيص

حاضر انهيها لان العرابي البادي
حمود الشمري
06-09-2005, 12:26
هو ليه ماتحسب حساب اللي بوطنهم صامدين== هاذا العرابي لاغصلته جاه محروم اعصره


انته عميت اناس كله ماخصيت المشرفين== ابياتك الي قلتها مع القديمي معبره
حمود الشمري
06-09-2005, 12:29
صح السانك بعيد النظر وشكرك على خلاقك انبيله

وسراحه انت لك فضل على مضيف المحاوره

اعتبرك الدينمو المشغل والشاعر العملاق

وتحيه لكل من شاركنا وسموحه من الجميع
((بعيدالنظر))
06-09-2005, 15:30
يالربع .

أخوي / سرحان

أخوي / متأمل

الحقيقه أنا منكم ياشمّر ولو إني ماني بشمّري لكن تلزمني اللزوم أكون معكم . واللي يسيء لكم يسيء لي . من أجل هذا أقول راجعوا جميع محاوراتي مع كل الشعراء سواءً في مضايف شمّر أو غيرها من المنتديات . وإنتم من يحكم لي أو عليّ .
أنا أقدّر الأخ / حمووود . وأحبه يعلم الله ولا تعتقدون أن ماحصل يسيء لي لو إنه إستمر في عدم وضع النقاط مكان الكلمات التي يكرم عنها الجميع . ولكن ربما الرجل فهمني خطأ والمشكله تكمن في تلقي المعنى بطريقه إرتجاليه والبناء على أسوأ الأوجه . وهذا من أكبر العيوب التي تجدها في المستعجلين في حكمهم على المعنى .
قول مابدالك من معاني ولكن التصريح بأشياء لاتخدم المعنى هذا لايسيء للخصم المقابل بقدر ما يسيء لنفس الشاعر ..
وتأكدوا تماماً أنني كنت قد أنهيت المحاوره سواءً رد حمود أم لم يرد .
وأترك لكم جميعاً مراجعة المحاوره وإذا وجدتم في أبياتها مايسيء للسناعيس ورجال شمّر أبشروا بما يرضيكم لكم الحكم وعليّ التنفيذ . وكل شمّر هم ربعي ورفاقتي وعيب الرجال تقدرني ولا أقدرها .
وأشكر أخي حمود على رأيه ونقاء أخلاقه ورده الجميل وتفهمه للموضوع وحساسية ما أشار له الأخ متأمل والأخ سرحان .
والمعذره ياشمّر العز والناموس . ولكم تحياتي