قصيدة العزى ابن عبيد راعى البرة في (وقعة الصريف)

[رعد النفود]

بعد ما أحس ابن صباح بالهزيمة هرب من المعركة وعاد أدراجه مع نفس طريق قدومه و وصل الزلفي وعلم به أميرها وقدم أليه على مشرفة منها وقال ابن صباح هذا الصديق في وقت الضيق هذا قدم يستقبلانا وصاح عليهم أمير الزلفي من هناك الطريق من هناك الطريق وش جابكم من هنا الطريق من هناك قال ابن صباح هو عرفنا قال أنا ابن صباح أنا خويك قال خويي يوم انك قازي ولا المنهزم ما هو خويي ازعلت علينا ابن رشيد و يقص اثرك ويلقك عندنا مايجينا صبح وجاءهم خيال وهم يتناقشون قال فيه خيل جاية الضاهر انه تقص ابن صباح فال خيل وقمز لهو على ذلول وبدون شداد وقالو فرسك قال الفرس تجيني قالو السيف يدل عليك وجدع السيف وخذ عصا وهام حتى وصل الكويت تسعين يوم وهذه الحادثة وردة في قصيدة العزى ابن عبيد راعى البرة وفيها مدح لا ابن رشيد :ــ

يا مزنة غرا نشت من مــــــــــــغيبه ........... تـــرعد وتبرق ساقها رب الارباب
ترمى السخط قيدت على من تصيبه .......... باركانها تسمع كما ضرب الاطواب
همت ودمت وادلهمت غـــــــــضيبه…..........وستثقلت باللى للأرواح جــــــذاب
تبقى الحريب اللى دنا من حـــريبه ........... ابن صباح اللى تعرض للاسبــــاب
من كل غواص وسيب يــــــــــجيبه ............ وباللى يحدقون السمك زام حراب
وعريب الدار وكل من يلتجي بـــه ….......... وراع النفاق ومارج الدين ما غـاب
ومجموعة العـجمان واللى حضيبه ............. مع الدويــــــــش واتلاهم والاجناب
والمنتفق وبن شــــــريم ونـــسيبه …........ وسكانة النقرة وســـــالم وغصـاب
حل المناخ اللى عليهم دعى بــــه............ من ديرته يحده جــــــلاب الاجـلاب
والله مــا صده عن الدار هيبــــــة ..........… مير انهم ياتايه الرى جـــــــــــناب
إلى البلوى عــلى من بــلى بـــه ….......... ينفك للمبلى من الله مية بــــــــــاب
عنده نزل حوض المنية طليبـــــــه............. عوق الحريب اللى زار ما هــــــــاب
سير عليهم بالجـموع الصليبــــــه …........... جيشه مع المسوق يحـــاديه الآداب
ثار الدخن والعج ونقاد سـيبـــــه ........…. والشمس عنهم كنها تقل بحـــــجاب
يذكر لنا فرز الــوغى شق جيبـه ….......... والذخر حرم عقب جدع الأــــــلاب
يا ذيب ســـفوه ناد ذيب الزريبـه ….......... وقرب من السلمان للـــجوف وابواب
وباقى السباع الغايبه وين هى به........... اقـرب لها يا ذيب في كل مرقــاب
ولا تفرس ألا كل بيضا تريبــــــه …........... وافرس مشا كيل وزلبات واركــاب
والضبعة العرجــــا قدتبه ريبـه .........….. وكل السباع القابيه قدابها كيفها طاب
برض الصريف إلى وطاء ما وطيبه ..…...... شرق وشمـــــال وجبلة عنه مــعذاب
حظر الجبل ردو لهندا عجيـــبه ….............…عـند مــفاتيح الكرم عـند ألا كــراب
في ســـاعة ودع بيب حبيـبه......... …... وردو باقي العمر مخطاه ما صــــاب
والذود خـلى ما لغا من يجيبــه .........……. يـــــــوم حصل للمتفق عتق الارقاب
وبن صباح وشلته مع صحبتــه ................ ما عاد يظهر بيرقه من وراء البـاب
حتى لذيذ النوم مــا يهتني بــه …............. باللــــيل زامــات ورا بابه أبواب
والليل ما ينزل مجارى شعيبـه ................. ما يشبع الرجال من عشب عشــاب
وخلوه بالنقرة كبـير المصيبـه ...........….. تسعين يوم ومقعد الشيخ ما طـــاب
والقوج خلى ما لقا من يجيبـه ............… عند ابن بادي ما لقا القوج ركــــاب
مدلبحة تحت الرجــاء ما دريبه .…........... ذب السلاح وبدل السيف مشـــــعاب
لا تأمن الدنيا ولا ترتهي بــــه …............ تقبل وتعطى عقب الإقبال عـــرقاب
أن أدبرت قصت بحوض قضيبه …........... وان سألفت ادنى شريط لها جــــاب




اخوكــــــــــم

رعد النـــــــــفود

[ابو يزيد]

ألأخ/رعد النفود

السلام عليكم

شكرا يااخي على طرح قصيدة الغزي بن عبيد راع البرة

وجهد يستحق الشكر ولاكن عندي ملاحظة وهي:

القصيدة معظم أبياتها فيها أخطاء أملائية وياليت

تراجها من المصدر الأساسي ومن ثم تعدل مافيها من أخطاء

تكرما لاأمرا .

وتقبل تحياتي

[ابوحلا]

الاخ رعد النفود
تشكر على المجهود على ادارج اكماله القصة والقصيدة لموقعة الصريف

[رعد النفود]

الاخ ابو يزيد


بعد الرجوع الى مراجعي الخاصة اتضح لي صحة القصيدة

ــ

يا مزنه غرا نشت من مــــــــــــغيبه = تـــرعد وتبرق ساقها رب الأرباب
ترمى السخط قيدت على من تصيبه = بأركانها تسمع كما ضرب الاطواب
همت ودمت وادلهمت غــــــــــضيه =استثقلت باللي للأرواح جــــــذاب
تبغى الحريب اللي دنا من حـــريبه = ابن صباح اللي تعرض للأسباب
من كل غواص وسيب يــــــــــجيبه = وباللي يحدقون السمك زام حراب r
وعريب الدار وكل من يلتجي بـــه= وراع النفاق ومارج الدين ما غـاب
ومجموعة العـجمان واللي حضيبه = مع الدويــــــــش واتلاهم والاجناب
والمنتفق وبن شــــــريم ونـــسيبه= وسكانة النقرة وســـــالم وغصـاب
حل المناخ اللي عليهم دعى بــــه= من ديرته يحداه جــــــلاب ألا جلاب
والله مــا صده عن الدار هيبــــــة = مير انهم ياتايه الرأي جـــــــــــناب
إلى حلت البلوى عــلى من بــلى بـــه = ينفك للمبلي من الله مية بــــــــــاب
عنده نزل حوض المنية طليبـــــــه= عوق الحريب اللي الى زار ما هـــــــاب
سير عليهم بالجـموع الصليبــــــه= جيشه مع المســوق يحاديه الآداب
ثار الدخن والعج وانقاد سـيبـــــه = والشمس عنهم كنها تقلّ بحـــــجاب
يذكر لنا فرز الــوغى شق جيبـه= والذخر حرم عقب جدع الأســــــلاب
يا ذيب ســـفوه ناد ذيب الزريبة= وقرب من السلمان للـــجوف وابواب
وباقي السباع الغايبه وين هي به= اقـرب لها يا ذيب في كل مرقــاب
ولا تفرس ألا كل بيضا تريبــــــه = وافرس مشا كيل وزلبات واركــاب
والضبعة العرجــــا غدتبه ريبـه = وكل السباع الغابيه قدابها كيفها طاب
برض الصريف إلىوطاء ما وطيبه = شرق وشمـــــال وقبلة عنه مــعذاب
حضر الجبل ردو لهند عجيبة =عـند مــفاتيح الكرم عـند ألا كــراب
في ســـاعة ودع حبيب حبيـبه= وردو باقي العمر ما اخطاه ما صــــاب
والذود خـلى ما لغا من يجيبــه = يـــــــوم حصل للمتنفق عتق الارقاب
وبن صباح وشلته مع صحيبـه =. ما عاد يظهر بيرقه من وراء البـاب
حتى لذيذ النوم مــا يهتني بــه = باللــــيل زامــات ورى بابه أبواب
السيل ما ينزل مجارى شعيبـه = ما يشبع الرجال من عشب عشــاب
وخلوه بالنقرة كبـير المصيبه = تسعين يوم ومقعد الشيخ ماطـــاب
والغوج خلى ما لقا من يجيبـه = عند ابن بادي ما لقا الغوج ركــــاب
مدلبحة تحت الرجــاء ما در يبه = ذب السلاح وبدل السيف مشـــــعاب
لا تأمن الدنيا ولا ترتهي بــــه =تقبل وتعطى عقب الإقبال عـرقاب
أن أدبرت قصت بحوض قضيبه = وان سألفت أدنى شريط لها جــــاب

[ابو يزيد]

أخي الغالي /رعد النفود

ماشاء الله عليك انا استبشرت بانظمامك لنا وارحب بنزولك بهذا المضيف الف ترحيبه

واقولك :

الف شكر لكل جهودك ولكن هذه بعض الأخطاء التي اردت منك ملاحظتها علما باننا جميعا نكمل بعضنا

ولو وجدت علي أخطاء أخرى فلا تبخل علي بتوجيهاتك يحفظك الله.

................................................................................ .............................



تبقى الحريب الى دنا من حـــريبه ........... ابن صباح اللى تعرض للاسبــــاب

أخي الكلمة الأولى تبقى الصحيح((تبغى)) ياليت تعدلها.
.
والله مــا صده عن الدار هيبــــــة ..........… مير انهم ياتايه الرى جـــــــــــناب

هنا خطأ مطبعي يرجى تعديله ( الري الى الراي وهو يعني الشور)


إلى البلوى عــلى من بــلى بـــه ….......... ينفك للمبلى من الله مية بــــــــــاب

هنا سقطت كلمة (حلت) ليكون

إلى حلت البلوى عــلى من بــلى بـــه ….......... ينفك للمبلى من الله مية بــــــــــاب

عده نزل حوض المنية طليبـــــــه............. عوق الحريب اللى زار ما هــــــــاب

هنا سقطت أيضا كلمة ((إلى)) ليكون الشطر /عوق الحريب اللى إلى زار ما هــــــــاب

سير عليهم بالجـموع الصليبــــــه …........... جيشه مع المسوق يحـــاديه الآداب

الصحيح : جيشه من الماسوق يحاديه الآداب.

يذكر لنا فرز الــوغى شق جيبـه ….......... والذخر حرم عقب جدع الأســــــلاب

هنا سقط حرف يكسر بيت الشعر وهو /والذخر حرم عقب جدعه للاســــــلاب

يا ذيب ســـفوه ناد ذيب الزريبـه ….......... وقب من السلمان للـــجوف وابواب

هنا خطأ مطبعي والصحيح /واقنب من السلمان للـــجوف وابواب (واقنب أي يريدأن يعوي الذئب للذئاب الأخرى))

والضبعة العرجــــا قدتبه ريبـه .........….. وكل السباع القابيه قدابها كيفها طاب

البيت السابق الصحيح هكذا :

والضبعة العرجــــا غدت به ربيبه .........….. وكل السباع الغايبه ا كيفها طاب

برض الصريف إلى وطا ما وطيبه ..…...... شرق وشمـــــال وجبلة عنه مــعذاب

االصحيح /باارض الصريف إلى وطا ما وطيبه ..…...... شرق وشمـــــال وقبلة عنه معزابr

حظر الجبل ردو لهندا عجيـــبه ….............…عـند مــفاتيح الكرم عـند ألا كــراب
البيت بعد التصيح:
(حضر الجبل ردو لهند(ن) عجيـــبه ….............…هند(ن) مــفاتيح الكرب عـند ألا كــراب

والذود خـلى ما لغا من يجيبــه .........……. يـــــــوم حصل للمتفق عتق الارقاب

(لغا) الصح (لقا)

اما هنا:

وبن صباح وشلته مع صحبتــه ................ ما عاد يظهر بيرقه من وراء البـاب
الصح:
وابن صباح وشلته مع صحيبه................ ما عاد يظهر بيرقه من وراء البـاب

والليل ماينزل مجارى شعيبـه ................. ما يشبع الرجال من عشب عشــاب
الصح : والسيل ماينزل مجاري شعيبه......... ما يشبع الرجال من عشب عشــاب
.....

والقوج خلى ما لقا من يجيبـه .............… عند ابن بادي ما لقا القوج ركــــاب
الصح :والغوج خلي مالقا.....الخ

مدلبحة تحت الرجــاء ما دريبه .…........... ذب السلاح وبدل السيف مشـــــعاب
الصح: مدلبح(ن) تحت الدجا ....الخ

أن أدبرت قصت بحوض قضيبه …........... وان سألفت ادنى شريط لها جــــاب
الصح:
أن أدبرت قصت محوص(ن) قضيبه ….......... وان سالفت ادنى شريط لها جــــاب

أخي الغالي رعد النفود هذه بعض الأخطاء وتصحيحها وذلك للتاريخ ولمن يقرأ هذه القصيدة علما بان ذلك لايقلل

من جمال طرحك ومشاركاتك وحفظك الله ياالغالي وبانتظار ماتتحفنا به من مشاركات.

[الاديب]

شكر

[بنت ليوا]

الاخ رعد النفود



موضوع جيد وقصيدة

[فلاح الشمري]

لأخ/رعد النفود

السلام عليكم

فعلا مجهود تشكر عليه

ولاخطاء ليست عيبا

فكلنا خطاء مع العلم انها املاءيه يعني وارده

وانا لي عاده :)

[رعد النفود]

الاح العزيز ابو يزيد
اشكرك على التعقيب وهناك اخطاء املائية تم تصحيحها ...

ولكــــــــــــــــن
هناك اخطاء اريد ان اصححها لك ....

سير عليهم بالجموع الصليبه.............. جيشه مع المسوق يحاديه الآداب

انت تقول (جيشه من الماسوق)
ومعنا المسوق :ـ وهو البل التي سيغت مع ابن صباح حيث انه اتي مع ابله منه قزو ومنه مرباع حيث انه كانت نجد فى ذلك الوقت ربيع واتا جيشه مع المسوق
............

ياذيب سوة ناد ذيب الزريبه............. وقرب من السلمان للجوف وابواب

انت تقول ( واقنب من السلمان )
البيت الذي كتب في القصيدة الذي اوردتها انا صحيح ولكن ايهم اقرب للمعنا (وقرب ــــ اقنب )
............

والضبعة العرجاء قدتبه ريبه.......... وكل السباع الغايبه قدتبها كيفها طاب
انت تقول ......( وكل السباع القايبه كيفها طاب ) اين ( قدتبها )
البيت صحيح لدي وانا لااعرف لماذا احتصرته
................
برض الصريف الي وطاء ماوطيبه .......... شرق وشمال قبلة عنه معذاب
انت تقول (ياارض لصريف)
الشاعر لا يخاطب ارض الصريف ولكــــــــــن يحددهـــــــا



اخي العزيز ابو يزيد ارجو ان يتسع صدرك لنا كما اتسع صدرنا لك
وكما قلت نحن نصحح كلنا لبعض وشكرا

[ابو يزيد]

أخي العزيز/رعد النفود

تحية طيبة ومساء اطيب

أخي الغالي شكرا لقبول تعديل الأخطاء الأملائية

وانا هنا لم ارد عليك واعقب لأتصيد عليك الأخطاء واقلل من شأن القصة

حشا لله ان يكون هذا اشرافا ولكن كل ماقمت به هو حفظ حقوق الآخرين وخوفا

من ان تنقل من منتدانا وترمى الأخطاء علينا هذا هدفي يااخي رعد النفود
ولا تنسى اننا نعتبرك مكسبا

كبيرا لهذا المضيف وليس هناك انسان لايخطيء وهذا ردك بعض ماقلت صحيحاذا عندي اخطاء وليس عيبا ابدا انا اقول الف شكر

وعسى الله يكثر من امثالك .

ارجع للموضوع:

انا لعلمك عدلت بناء على ذاكرتي ولم ارجع لمرجع لأني سامعها من راوي بشريط كاسيت ولما رجعت للمرجع وجدت مايلي:

سير عليهم بالجموع الصليبه.............. جيشه مع المسوق يحاديه الآداب

((شكرا ياالغالي كلامك هو الصحيح المسوق والعتب على الراوي ))
............

ياذيب سفوة ناد ذيب الزريبه............. وقرب من السلمان للجوف وابواب

هذا البيت في المرجع عندي هكذا(أحدب من السلمان)ولس لأحدب معني الا ان يكون (واجذب ) ولكن البيت الثاني هنا هو الخطا:

وباقي السباع الغايبه وين هي به= اقـرب لها يا ذيب في كل مرقــاب

الصح هنا :

وباقي السباع الغايبه وين هي به= اقنب لها يا ذيب في كل مرقــاب

............

والضبعة العرجاء قدتبه ريبه.......... وكل السباع الغايبه قدتبها كيفها طاب

أخي رعد النفود بالمرجع عندي البيت هكذا:

والضبعة العرجاء غدت به ربيبه.......... وكل السباع الضارية كيفها طاب

من دون ((قدتبها))
...............

برض الريف الي وطاء ماوطيبه .......... شرق وشمال قبلة عنه معذاب

فعلا البيت كما ذكرت واقدم لك اعتذاري عن أي خطأ فانا قلت اذا انا اخطأت فوجهني فلك الشكر فاالتعاون مطلوب والهدف هو حفظ هذا التراث خاليا من الشوائب .

أخي المرجع عندي هو :

عيون من الشعر النبطي

والمؤلف هو :

عبدالله الحاتم طباعة 1376هـ الكويت

اخيرا لك خالص الشكر والتقدير على جهودك ولا تنسى أن هذه التعقيبات زادت الموضوع نكهة أخرى وزادته

توثيقا ايها الرائع ولا تنسى أن القصيدة لدي عدد ابياتها 57 بيتا فلذلك بدي لو اكملت القصيدة تكرما لاامرا فانت راع الأوله .

وتسلم ياالغالي.

[برزان]

الاخ العزيز رعد النفود
السلام عليكم ورحمة الله وبركاته


اشكرك كل الشكر على المجهود المميز الذي امل ان لا يتاثر
باي شي ؟؟
وان تواصل امتاعنا برواية ونقل القصص والاشعار التاريخيه
الى مضايف شمر
وتقبل تحياتي,,,,

[رعد النفود]

الاخ ابو يزيد

فى البداية انا لم اتهمك بانك تتصيد على الاخطاء على الطلاق ونحن جميعن نبحث عن الحقيقة ولسنا هنا لنضع الوم على بعظنا البعض ولكن نحن مكملين لبعض اما اختلاف الراى فاني استند فى معلوماتي على ذكرتي لما سمعته من منهم قبلنا وما وصلني من اشرطة و اخبار عن ماضينا العريق واما بنسبة للمراجع منحيث الكتب فانه لم تاتي الى من الروات ولكن انا استند على عدت كتب

1- مسائل من تاريخ الجزيرة العربية
2- الزهار النادي من اشعار الباديه
3- نبذه تاريخيه عن نجد

[أبن علي]

الاخ العزيز


رعد النفود

لك خالص شكري وتقديري لجهودكم الملموسة بالمنتدي وبداية موفقة ياعزيزي


اخوك أبن علي

[ابو يزيد]

أخي/رعد النفود

كل عام وانت بخير ومن العايدين

تسلم والله على كل ماذكرت

وانا لايلحقني شك في شعورك وباننا مكملين لبعض لخدمة هذه الشبكة

والآن نحن بانظار جديدك فلا تتأخر علينا.


وتقبل خالص تحياتي

اخوك ابو يزيد

[الخوير]

الاخ رعد النفود



لك الشكر على جهودكم المبذولة في انجاح المنتدى

[الحاكم]

الاخ رعد النفود

تسلم موضوع جدا رائع



وشكرا على المجهود

والتعقيبات التي حضى بها الموضوع

لا تنقصه اهميته

[همس الخوافي]

قصيدة العزى ابن عبيد راعى البرة في (وقعة الصريف)

اخي رعد النفـــود
اشكرك على نقل القصيده ولكن يوجد خطا في اسم الشاعر
والاسم الصحيح هو: العزي ابن عيـــد راعي البره
وليس ابن عبيـــد

وتقبل تحياتي

[شمالي]

بسم الله الرحمن الرحيم
السلام عليكم ورحمة الله وبركاته

تسلم يالغالي
على هالموضوع
ولا تحرمنا من المزيد

[هايس الشمري]

ما قصرت اخوي رعد النفود

والله يعطيك العافيه


انا لي تعقيب بسيط ولا ادري والله

عن صحته

هو انه قاموا يحشون لمبارك من العشب

ويشوون له من الجرابيع يومه يقول

آكل المغابي يحسبه نوع من انواع الجرابيع

ما يدري ان المغابي اللي مهو بجحره


اخووووك
ذيب2002

[راعي البره]

السلام عليكم:

قصيدة العزى ابن عبيد راعى البرة في (وقعة الصريف)
تراكم غالين يا شمر مبر انكم اتعبتونا ,مرن تحطونه ابن عبيد ومرن تحطونه الغزي ومرن تحطونه من مطير ومرن تحطونه من حرب,افنى الاجودي عمره وهو يمدحكم ولا بعد عرفتوا اسمه!!!!!
اسمه:عبدالعزيز ابن عيد الملقب بال(عزي) مطرفي من هذيل.من اهل البره(حوالي 120 كيلو شمال غرب الرياض)

والله يعطيكم العافيه

[خالد الشمري]

راعي البره
مـسـيّـر
الجنس : ذكر
تاريخ الانتساب: 29-08-2005
مشاركات: 1
وللعضو: 0 موضوعا

الستايل المعتمد:

الاخ راعي البره اهلا بك بين اخوانك وخصوصا انها اول مشاركه لك في مضايف شمر

على العموم احيلك الى القصه وهي موجوده بالمنتدى تحت موضوع لي بعنوان ((قراءه سريعه للصريف)) واكذالك عنوان ((معركه الصريف الكبرى)) لاخ المشرف راعي الوقيد ...اتمنى ان تتطلع عليهما

القصه :
بعد المعركه يقول العزي وهو عبدالعزيز عيسى الهذيلي راعي البرّه من قبيلة مطير (وله قصه طريفه انه قبل ماتشتبك المعركه قام مبارك الصباح يشاور شيوخ الجيش اللي معه فقال العزي انا طالبك ياشيخ ان صوتي هو التالي قال مبارك وصوتك هو التالي فشاور مبارك خوياه والتفت وقال هاه يالعزي وش عندك قال ياطويل العمر انتم تعرفون عبدالعزيز ؟ بكم احدٍ شافه؟ قالو حنا جايين نشوفه (الحرب) قال العزي ياطويل العمر انا شفته قطعت مرات الوجه اللي انا شفت هو يجيكم ماهو انتم تجونه يقولون ان مبارك بصق في وجهه على الفال اللي ماهو زين وما هي إلآ لحظات وتصدق فراسة العزي يوم الجنازه هو اللي غزاي عليهم) يقول العزي راعي البّره :
يامزنةٍ غرت ونشت من مغيبه.........تبرق وترعد ساقها رب الأرباب
ترمي الصخب شرّه على من تصيبه......بأركانها تسمع كما ضرب االأطواب
طمّت وعمّت وإدلهمّت غضيبه...........واستثقلت باللي للأرواح جذّاب
تبغي الحريب اللي دنا من حريبه..........ابن صباح اللي تعرض للأسباب
دوّر وجمّع من تردى نصيبه.........بأهل الكويت وكل من كان خشاب
ومن كل غواصٍ وسيبٍ يجيبه........واللي يحزمون السمك زام حرّاب
وبعريب دار وكل من يرتجيبه......وراع النفاق ومارق الدين ماغاب
وجموعة العجمان واللي حظيبه........مع الدويش ومن ولاه من الأجناب
والمنتفق وابن شريم ونسيبه..........وسكانة النقره وسالم وغصّاب
حل المناخ اللي عليهم دعيبه........كل ديرته يحذاه جلاب الأجلاب
يبغي مناصيبٍ تحدر غصيبه........وعنده مناصيبٍ تعلت بالأرداب
واللي دعاه وساعده مايخيبه..........يومه (........) وفي مامضى تاب
عنه السبايا والسرايا بغيبه...........واللي يروون المراييش غياب
والله ماصدو عن الدار هيبه..........مار انهم ياتايه الراي أجناب
عنده نزل حوض المنايا بطييبه.........عوق الحريب اللي اذا زير ماهاب
سيّر عليهم بالجموع الصليبه.........جيشه مع المسيوق يحداه الآداب
ثار الدخن والعج وإنجال خيبه........والشمس عنهم كنها تقل بحجاب
نوٍ يروّع بالخضيراء حنيبه.........خص الجموع اللي عليها السماء زاب
فيه الزلازل والمنايا تجيبه..........ومزن الغضب ضرن على كل منصاب
وفيها مخابيصٍ وبرقٍ مصيبه......وحتى الرعد به حس عدلات الإجهاب
ورمى بحمران النواظر حبيبه.........ضياغمٍ من فوق طوعات الأرقاب
رمى لهم مثل العساكر خشيبه.........بصمعٍ وثلاثٍ وللموت أسباب
إليا حلت البلوى على من بليبه........ينفك للمبلي من الله مية باب
يذكر لنا فرز الوغى شق جيبه.........ونذر وحرّم عقب رميه للأسلاب
حظر الجبل ردو لهندٍ عجيبه........هندٍ مفاتيح الفرج عند الأكراب
في ساعةٍ وادع حبيبٍ حبيبه........وردو خطاة العمر مخطاه ماصاب
تخالطو من كل كفٍ ضريبه..........لما غدا مابينهم تقل حنّاب
حريقةٍ مايبرد الماء لهيبه............مثل السعايف عندك الجمع لاعاب
وين القنيب اللي يميز قنيبه...........برقٍ ودخانٍ وعجٍ وسكاب
شيّب بها اللي مابعد حل شيبه........وغدا بها شبّان الاولاد شيّاب
يومٍ على الباغين ماينحكيبه ........عثا بهم طير السعد غوج الأطلاب
عجرٍ ثلاثٍ به والاخرى عطيبه......ماهاب والموت الحمر له تلهّاب
غريو هلا النقره مع شلة دبيبه........لومك على اللي أدبرو عنك هرّاب
جابوك شمر ياطويل الذويبه........بين السبايا وبين عذبات الأنياب
ياللي تقوده قل حقه غديبه...........مع وقعة البرّه ومن كان طلاب
ومن لاعليهم حجةٍ يدّعيبه........ذا موسم اللي حاضره سد من غاب
ياذيب سفوه ناد ذيب القريبه.......وإجذب من السلمان والحزل وإنصاب
وإجذب من سباعٍ بالمقاطع مغيبه.......وإجذب من السوده للجوف والضاب
وباقي السباع الغايبه وين هي به.......إقنب لها ياذيب في كل مرقاب
يلحق بها سبعٍ رديٍ نديبه.............وشهب النسور وكل فرّاس بالناب
ولا تفرس إلا كل بيضا سنيبه.........إفرس مشاكيلٍ وزلبات وركاب
مثل الهشيم اللي بفيضة شعيبه.......هشيم طلحٍ كل الايام عياب
بأرض الصريف اللي وطاها وطيبه.......شرق وشمال وقبلةٍ عنه معزاب
الضبعة العرجاء غدت به رطيبه.........وكل السباع الضاريه كيفها طاب
ياويل عمّي جرّها من حسيبه..........(....) على الرمش شقّن الإياب
شيخٍ يراعي يوم حزّة نشيبه..........على جموعه من المغلين ضبضاب
من فوق جال مثل وصف الرقيبه.........خيالة الشرفه ومحدٍ معه تاب
زلفاهم الدجّال نقرة نشيبه...........نار المسيح وذل يلحق بمطلاب
من فوق حرذونٍ يحز الشطيبه.......بفقر الوقارى رادفه عقب ماشاب
في فرصةٍ حدر الدجى مادريبه........قب السلاح وبدّل السيف مشعاب
والغوج خلي مالقى من يجيبه.........عند ابن شايم مالقى الغوج ركاب
عاضوه بالحوّى فياضٍ عشيبه........مايشبع الرجال من عشب عشاب
ذكوه في ديرٍ كبير المصيبه.........تسعين ليله مقعد الشيخ ماطاب
دار الفلك ياللي هبوبه مجيبه..........شيخٍ يريد الحكم ماهو بنهّاب
على النقى يرد النضا مع شبيبه.........لابان في قوم المعادين مضراب
كونه صباحٍ مايدوّر عقيبه..........من غب كونه ينصب السوق حسّاب
إيضا الدواسر كون وإيضا عتيبه........واللي حضر منهم عن اللي مضى تاب
كون ابو متعب مع صديقك يصيبه.........قوم ابن مرشد صابهم مثل ماصاب
جاب الله الديدب وهو ينثني به............عشىّ ولا بقىّ بهم كود نجاب
سرى وبّدل كل عوصا نجيبه.............تجوير ربدا دوّلت عقب الأعقاب
وشبّ الفنم للي مشى يقتديبه............. طوال ليله قاريٍ تقل مشهاب
وصوّت لمرزوق (........) لعيبه........وتعاقب الترديد شطرين الألعاب
عزّيلكم يهل الجفايا المريبه..........من ليلةٍ يصبح به الجيش رياب
واللي تنصاه النقايض غديبه ...........قوم الغبيني وابن عرنان وذياب
هذاك مقطوعٍ وهذا مصيبه.............متوسطٍ شرّه تواضيت الأعراب
والسبر ماعقب المغيره نبيبه...........ذاقو به الفدعان من كثر مالاب
خلي نصي رماح قفرٍ رطيبه.........من عقب كون سبيع للصيد ملعاب
سعدونٍ من كونٍ فنيعٍ بقيبه...........يالله حصل للمنتفق عتق الأرقاب
لاتامن الدنيا ولا تلتهيبه.............تقبل وتعطي عند الإقفاي عرقاب
أليا أدبرت قصت محوصٍ قطيبه.......وان سانعت أدنى شريطٍ لها جاب
السيل ماينزل مجاري شعيبه..........ولا ينزل الوادي إليا صار مجناب
واللي صديقٍ لأخو مريم شفيبه........بدل مقرّه عقب الإشمال إجناب
الحاكم اللي بالمناور صحيبه...........ماعاد يطلع بيرقه من ورى الباب
حتى لذيذ النوم مايهتني به.............بالليل زاماتٍ ورى بابه أبواب
واللي يبي شر الضياغم بلي به.........واردى ركابه بالمشاري والاطلاب
زبن العطيب اللي جذابه هليبه...........يوم السبايا عندنا تقل ملعاب
به من ذراها من لواهي صحيبه.........وياصل حتى لو على الطاس فلهاب
على العدى سمٍ إليا من إشفي به..........والسم ندرٍ ماتداويه الأطباب
وللصاحب أحلى للجسد من حليبه.....وأحلى من السكر على كبد شراب
يعنى لفضله بالسنين الجديبه.............يرّبع به الممحل سنينٍ بالأجداب
شيخٍ عطاياه المهار العريبه..............وجيشٍ وليراتٍ إذا جوه الأجناب
شيخٍ أذا سمع الخطا مارضيبه...........يحط للدايج بالأسواق نواب
والخاتمه من عقب ماقال اجيبه.........وشهدو عليه اللي بالأقلام كتاب
اخزاك ياعلام ذنبي وعيبه........والعبد يذنب وانت يالرب تواب
وصلو على طه عسى يستجيبه....يشفع لنا بالحشر في يوم الحساب

[راعي البره]

يعطيك العافيه اخوي خالد وما قصرت.
انا يا اخوي ما سالت عن السالفه , انا بس حبيت اصحح لكم اسم ونسب الرجال انا اسمي عبد العزيز ابن عيد من جماعة العزي. ومثل منت شايف في الموضوع الي نقلته انتم حاطينه من مطير
وهو من المطارفه من هذيل.
ومشكور

[سيدة القـــــلم]

يعطيكـ العــافيـــه اخوي على الأيـــراد...

ღ
ღ
ღ
تحياتي
عشـق القصـيد

[راعي البره]

هلا اخوي خالد
انشاء الله تكون قريت ردودي الاخيره الي مدري وين راحت

[خالد الشمري]

الاخ راعي البره حيّاك الله والظاهر انه ممسوح ردّي لكن ماهي مشكله

انا قلت لك اسم الرجال وقصته اخذينه من اشرطه ومن كبار السن

****اذا عندك دليل وإثبات جبه لنا بارك الله فيك

[راعي البره]

السلام عليكم اخوي خالد
هذي مطلع قصيده للعزي:


قال ((الهذيلي))يوم ربي هداني=عديت في حوران عالي المراقيب
وخلاف ذا ياراكبين السماني=هضعالرقاب مهدفات العراقيب
مع خل جبه زومع زومعاني=تلقى لهن في قصر حايل معازيب
قصر بناه العز ما هوب فاني=لو فنيت الدنيا يبقى به شخانيب
قصر يقلط به صحون وصياني=وزاد العراق يدامه الفطر الشيب

ما اعتقد قائل هذي الابيات مطيري؟؟
والابيات هذي موجوده في كتاب من القائل لابن خميس الجزء الاول ص584 , وكتب من القائل مليانه قصايد العزي بنسبه الكامل.
وياليتك يا اخوي تدور في لقرب كتاب انساب عندك عن نسب (العيد )من اهل البره؟وهل هم مطران ام هذلان؟

وانت يا اخوي ما حلفتني لكن والله اني من جماعة العزي, والله يحييكم في البره تشوفون منازل الرجال وتعرفون على عيال عمه العويد.

والله ان عويدكم ما جهلهم شي, حتى انهم بالماريه يقولون لنا انهم يخشرون العزي مع والديهم في الضحايا:p:

[خالد الشمري]

انا جبت لك اسمه وهو : عبدالعزيز عيسى الهذيلي راعي البرّه من قبيلة مطير ممكن تثبت لنا العكس لانك جبت قصيده تخلينا نقتنع براينا :)اللي اوله :
قال ((الهذيلي))يوم ربي هدانـي**عديت في حوران عالي المراقيب

اما قولتك ((ما اعتقد قائل هذي الابيات مطيري؟؟))

ليش ماتعتقد هذا فجحان الفراوي المريخي المطيري يقصد بالامير طلال الرشيد ومحمد الرشيد مع العلم ان كل الاثنين غزو مطير هذا غير الامير بندر الطلال ومعاركه المشهوره عليهم مثل الشوكي وغيره

اما قولتك ((وانت يا اخوي ما حلفتني لكن والله اني من جماعة العزي, والله يحييكم في البره تشوفون منازل الرجال وتعرفون على عيال عمه العويد.))
ونعم بك وبالربع اللي ذكرتهم ...انا قلت لك ذكرو شيباننا العزي وقصته ماكان ودّي انك تحلف
((والله ان عويدكم ما جهلهم شي, حتى انهم بالماريه يقولون لنا انهم يخشرون العزي مع والديهم في الضحايا))

ماتطعمونا من هالضحايا :p: على العموم كل مقتنع برأيه خاصه انك حلفت