..::... ضـــــــــيــدان ^^ و ^^ ســــعــــــــــد ...::.. [الأرشيف]

مشاهدة النسخة كاملة : ..::... ضـــــــــيــدان ^^ و ^^ ســــعــــــــــد ...::..

ابو ســـــيف

28-08-2005, 03:27

بسم الله الرحمن الرحـيــــــــم...

اخواني اعضاء وزوار مضايف شمر..

فيه مجموعه جميله وراائعه من الرديات بين شاعرين كبـــار.. واحببت ان انقلها لكم..

ولكن دعوني اخبركم بأن مصدر هذه الرديات هو كتاب اقتنيته منذ فتره وكل يوم يزيد اعجابي بهالكتاب.. لدرجة اني تقريباً شبه حفظت القصايد اللي فيه من كثر ماقريتها..وخصوصاً باب خُصص لضيدان وسعد...!!

الكتاب هو " المستطرف النبطي " ..........للكاتب ابراهيم الخالدي

:44:

بالاول خلوني اعرف لكم من هم ابطال هذه المحاوره التي لم تفتقر لا للطرافه ولا لعنصر اغاضة الطرف الاخر ابداً...
جمعت بين الشاعر ضيدان بن صبحان اللزيزي العجمي والشاعر المرحوم سعد بن عبدالله بن حسين الهتلاني العجمي صداقه مميزه .. رغم فارق السن الكبير بينهما..!!

اذ كان المرحوم سعد شاباً بعكس صديقه المسن ضيدان..

وتبولدت بين الشاعرين رديات كثيره تمتاز في الغالب بالطرافه حيث يحاول كل واحد منهما اغاضة الاخر في اطار المزاح الودود..... وقد اشترك معهم في بعض الرديات عدد من الشعراء..

ولم تحل دون استمرار هذه الردياتسوى وفاة الشاعر سعد (رحمه الله) عام 1991م
بأنفجار الكبد من جراء مرض السرطان الذي عانا منه طويلاً.. تاركا عدد من قصائده في شريط كاسيت بصوته......
:44:

اولى هذه الرديات اللي احب اني انقلها لكم... بعنوان " شاهي وحليب"
في احد المقاهي دار هذا الحوار وبدأه ضيدان بالقول...

تطلب لي الشاهي وتطلب لك حليب=وانا على الحليب كبدي ذايبه
انا احمد الله يوم مانت بــ لي نسيب=يقطع صبي مايقدَر شايبه

فرد سعد...

قم اطلب لنفسك ترى مانت بـ غريب=ولاني بطالب لك ولاني بجايبه
تبغى الكفيا يوم طريت المشيب=واتعبتني مثل الوزير ونايبه

فقال ضيدان...

في خوة الطيب انا مالي نصيب=ومن خوة الرديان نفسي طايبه
وقد كان فيك للعله طبيب=والا اريا .. فيها مخطي وفيها صايبه

وكان رد سعد الاخير...

كل يبي يرمي رفيقه بالقليب=وابليس نوخ عندنا ركايبه
وعلمته الممشى سبقني في الخبيب= اللي علومه كل ابوها خايبه !

:31:

وهذا موقف اخر بين الشاعرين...

بعد ان باع ضيدان سيارة التاكسي اللي كان يملكها .. رأى زبوناً واقفً بالطريق..
فقال لسعد اللي كان يقود السياره طالباً منه التوقف.. وتوصيل الزبون.....
اللي يلوح لك على الخط السريع=الظاهر انه ياسعد من ربعنا
وقف ترى المعروف عمره مايضيع=خلاية الرجال مهي من طبعنا

فأجاب سعد رافضاً التوقف .. شكاً في طبيعة الزبون..

هذي سواتك قبل للتكسي تبيع=من لا يعرفك يبتلش في وضعنا
صاحبك هذا وقفته وقفة خليع=حنا على الشارع وريحه نشعنا

ورواد الشك ضيدان ايضاً وقال..

خله ونرجع له الى طاح الربيع=ذا عرضته يمكن تفرق جمعنا
حنا ماصدقنا ان حنا ناتي جميع=وشفنا تهاوشنا وهو ماسمعنا
طوفت لك هذي وحلم الله وسيع=ياللي تحاول للمشاكل دفعنا
لاتنفضح طعني ولا سرك يذيع=هذا وشكله مايناله نفعنا

:28:

طبعاً الرديات بينهم كثيره وطويله وشيقه وطريفه...

وبحكم اني قاعد انقلها لكم من كتاب فصعب اني اقدر اكتبها كلها بجلسه واحده..

لذلك كل يوم يومين بمــر على الموضوع ونزل كذا رديه جديده لهم....

wannat_7ezen

28-08-2005, 15:03

سيدة القـــــلم

28-08-2005, 22:42

ابو ســـــيف

29-08-2005, 09:21

الاخ الفاضل / ابو سيف .....

الله يجزاك خير علي النقل للرديات الفكاهية التي جمعت بين الشاعر
ضيدان العجمي وصديقه سعد العجمي من فترة قرات رديات بينهم
( الطيور الحايمة ) ويا ريت تنقلها .. واختيار موفق وبارك الله بك ...

لاهنت ....

ومن قال ... لاهان..

كل الشكر لك اخوي الكريم على المرور والمشاركه...

والرديه اللي ذكرته .. ان شاءالله انه موجوده وبتشوفه قريب.... لاهنت..

ابو ســـــيف

30-08-2005, 06:03

يعطيــكـ العافيــه اخوي ابو سيــف ...

ونقلــ اكثر من رائـــع...

وكتاب المستطرف النبطــي عندي وفيه قصايــد اكثر من رائعــه..

بس اتعاجز انقلــ منوه ..:0070:

ابو سيــف ياحيي لاتكتب بهالخط. وربي يعلــق بالصفحه.. :0070:

الفــ شكر لكــ

ღ
ღ
ღ
تحياتي
سيـدة القـلـم

اهلين بسيدة القلم..

لاهنتي عالمرور..

واثري بتس طبع سوداني.. :)

ههههههههههههههههه

اشوى طلع به له ناسن اكسل مني..!! :)

وابشرتس خلاص هاك الخط ماني كاتبن به..

مشكوره على المرور...

ابو ســـــيف

30-08-2005, 07:10

:Goodstar:

بـســم الـلــــــه الـرحـمــــن الـرحـيـــم ...

الحلقه الثانيه من مسلسل ضيدان وسعد... :)
:32:

الطـيــــور الـحــــــــــايــمــــــــه...
..يقولك جاء ضيدان يم سعد .. وحس ان عند رفيدزوه فلوس مغيبه بالبنوك... فقالوه..::.

عطنا ياسعد من اللي ربي عطاك=عندك فلوس في البنوك نايمه
وانا رفيقك دايم امشي وراك=ومادري متى تمطر سماك الغايمه

فرد سعد متأففاً

اللي عطاني خير بالشحذه بلاك=هذي عطايا الله وذي قسايمه
يومك حسود وتو مابين رداك=ماعندنا لك مايفطر صايمه

فهدد ضيدان .. وذكرووه بما مضى...

اظن من زارك ببيتك مانساك=ولا اظن مثلك تنسى قدايمه
يارجل فكر زين والرب يهداك=عزَم ترى الرجال من عزايمه

ورد سعد وهو زعلان...

تعش عندي جعل ماتاكل عشاك=عسى تعشاك الطيور الحايمه
واللي لنا جابك عسى يقلع مداك=واللي يبي فرقاك محد لايمه

وانهى ضيدان الرديه بقوله...

لاتحسب اني قاعدين في رجاك=وعاد الجمل يمشي على قوايمه
يالله المعبود جارك .. ودخلاك=راحت خساره ذا الصبي تمايمه

:44:

الـخـيـمــــــه الـصـغـيــــره..

بليلة من ليالي الشتاء البارده..سير ضيدان على سعد.. بخيمته المهجوره
وقال...

يومين ياسعد غيري محد جاك=متكرسع في خيمة لك صغيره
وامد لك يمناي وتكف يمناك=وياهي على نفس المسير كبيره
وابي تغني لي وانا بسمع غناك=وترى الغنا ماهو بس لــ"سميره"

فرد سعد عليه بكاسة شاهي مره.. وقال..

العلقم اللي لونه احمر عطيناك=مكثر شايه ولا فيه شيرة
خذلك بياله وانقلع عني هناك=ما عندنا لك يا اسود الوجه غيره
واللي تسبه قبل يومين غذاك=والبارحه عشاك يبغى الستيره
وعيَـى يفكه من بلاويك فكاك=يوم ابتلش بك ياردي البصيره
وانا اتذكر قبل عامين زرناك=يوم انت تطلع بالثياب القصيره
وقفت عند الباب وتحك علباك=اثرك على خبري ولارحت ديره
واقولها فـ وجهك ولا حن بـ نقفاك=ماحن للغياب ناتي بسيره

:28:

عـصــابــــــــــه..
يقول يومن من الايام جاء سعد به فكره جهنميه.. وعرضه على صاحبه بقوله..

ضيدان, ماودك نشكل عصابه=نحتل بعض بنوكها والمحلات
اما يجي لي ولك قدر ومهابه=والا تبيتنا بيات الشريفات
والرجل ودك يشتهر في شبابه=بالطيب.. ولا ...بالعلوم الرديات
ولا يهتني فـ اكله ولا في شرابه=الين تطلع صورته فــ المجلات

بس ضيدان رد على هالتفكير المتهور بحكمه وبعد نظر.. وقال..

لا تحسب انَا ياسعد وسط غابه=هاللي تراولك تراهن عمارات
وموضوعك اللي جبت كله غرابه=والظاهر انه سابع المستحيلات
واخاف لاتنبح علينا الكلابه=ثم هات نسلم من مخاليبها هات
ويابوك ماعمري دخلت النيابه=ومن العمر ماباقي كثر مافات
وان كان تبغي الراي قبل يغدا به=من واحد جرب جميع الحيالات
خل الحطب للي يعرف الحطابه=نهارنا شمس وفـ الليل لمبات

:28:

تعبت :)

ترقبونا في حلقه جديده.....

بـنـت النـور

27-09-2005, 14:27

يعطيك العافيه