((())) قرادة عضو ((()))الحلقة الأخيرة

[الحنشل]

هاهو الحنشل يحييكم من مضيف القرد و القراده

و يسره ان ينقل لكم الحلقه الأخيره من مسلسل قرادة عضو



ومقرودنا لهذا الأسبوع



مقرود لم تخلق القراده الا له



لكن على قول المثل الحنشولي


(((عيال العجز يعجزون)))


عاد تغربشتو خلق الله وخذوا بعض القراده


لكن مع هذا يبقى المقرود الاول بلا منازع


حاز على العديد من الجوائز و الأوسمه بالقراده

1_ جائزة المخاوي للقراده

2_ مخطر ابو غازي اللؤلؤي للمقرد

3_ وسام المقرود من الدرجه الأولى

4_ الرئيس الفخري لنظمة المقرد العالميه

وغيرها الكثير الكثير



نترككم مع مقرود الفله العظيم و فيلسوفها الشهير







































شبيان










هذي مرتن الله يحييكم كنت انا وشنقل نتمشى بالرياض

ولقينا سوق توه فاااااتح
قال شنقل وش رايك يابو الشبثان نتمشى فيه

قلت يالله مشينا

وحنا نحول ونتمشى داخل السوق

ولا اشترينا الا بيبسي ( مانعرف الا هو )

ويوم جينا نبي نطلع ( طبعا شنقل دزدامي )

ليمار باب الخروج حاطينن عندوه حديده ( ملساء ) تاطاء عليه

طبعا كنا كاشخين حنا ووجيهنا

شنقل طلع بشكل طبيعي

لكن انا ومن زود العباطه بي قلت ابفر نفسي على الحديدح الملويه

ويوم زغواني الشيطان وانا افر رجلي يوم وطيت على الحديده

ليمار اول مايطب بالقااااع راسي

شنقل يوم شاف شكلي وهو يهرب ( تبراء مني )

والبيبسي اللي معي راح وهو يصير حدر جمس ملكي قدام الباب

ومليانن عايله

وانا امسك شماغي بيدي وازحف حدر الجمس ابي البيبسي

وشنقل لوه صياااااح خلووووووه والله لاجيب لك غيروه تعااال فشلتني



طبعا انا سويت هالحركه من حر مابي لانه فرك وخلاني اواجه مصيري لحالي


................................................................................ .......
................................................................................ .......
و أبى مقرودنا الا ان يتحفى ويؤنسنا و يوسع صدورنا بغصه ثانيه
................................................................................ .......
................................................................................ .......

وهذي مرتن من المرات طال عمركم

كنت جالسن بالبيت وقاضبن القاع عند الدلال ( مهو لله )

كان ابوي عازمن واحدن من الربع

وانا عاشقن عندوه

وابي اقهويه علشان يقول هذا رجل

الوكاد يوم جاء الرجال وانا انطحوه يالله حيوه ومن هالحتسي

وانا احط القدوع عندوه .

واجيب الدله واصبلوه ياهلا بابو فلان (ماني قايلن اسموه علشان

شنقل مايعرفوه )

ويوم خلص من القهوه وانا ارجع الدله ...

وانا بطريقي لترجيع الدله قمت احاتسي روحي

ياربي وش يبي يقول عني

اكيد يبي يقول والله انوه رجل

ومهي بعيده يخطبن من ابوي....


الوكاد جاء دور الشاهي الحين

وانا اخذ البريدز واروح يموه

وللحين وانا احاتسي روحي

وانا اصب شاهي لوه قلت تشهو قاااااهي( تقهو شاااهي )

قال ابوي شبيثان انت وش بلاك

وانا اراعي ليمااااااااار الطااااااامه


اثريني جايبن البريدز وفناجيل قهوه


وهو يفشلن ابوي عندوه ويخسخس بي ليما غديت ما اسوى

................................................................................ .......
................................................................................ .......
كما ابى نوبة أخرى الا ان يرجنا بوحده أخرى
................................................................................ .......
................................................................................ .......


وهذا موقفن من المواقف القشرى اللي صارت لي

وسبق وذكرتوه باحد المواضيع بس يمكن البعض ماقراااه



مرتن من المراة كنا بالعيد

وكنت جالس عند ابوي وعمامي بالمجلس

وهم كانوا يسولفون


وانا بعد كنت اسولف بس مع روحي

ومعي طرطعان ( شرخ ، قنبله اطفال ، تشرااااخي )

واراعيله

وهم ياغافلين لكم الله

وانا اقربه للنار


اثريه ولعت



ليماااار مدري وش اسوي وانا اقطه حدر المنقل

وهم للحين مايدرون



ويوم خذيت شوين

وهي تثور سليمااااااااااااااااااااااااا



اعوذ بالله ليمار محد منهم بمحلوه

خخخخخخخخخخخخ


ويوم خلصت الازمه وهم يراعون لي

ليمار جالسن ماعندك احلى مني

وحاطن اصابعي باذاني


وهم يهاوشوني ويكرشوني



................................................................................ .......
................................................................................ .......
خلاص ماهي حلا
................................................................................ .......
................................................................................ .......

نستودعكم الله على امل اللقاء بكم نوبة ثانيه

تشااااااااااااااااااااااااااااااااااااو بمان الله

[لين]

فارس الفرسان قرادتك غير شكل:)

رووووووعه.... تكبر وتنسى:)




ياربي وش يبي يقول عني

اكيد يبي يقول والله انوه رجل

ومهي بعيده يخطبن من ابوي:ezpi_blus....

:):)



مشكوووووور يالحنشل على نقل قرادة الفارس الشبث

اختـك ليـــن

[احمد الهاجرى]

الحمدلله انه فيه اقرد مني

شبيثان لعنبو غيرك ما خليت شي من القراده


في الشرق الاوسط والمحيط الاطلسي(هو وينه) ولاطلنطي(يمتسنه في جو سمين)

الا واخذتها يالله دخيلك

حتى الشيبان ماسلمو منك

ولاوله على نفسك لكن الشيبان ويش ذنبهم

بعد الخسخسه ويش قال ابو العشيقه عساه ماشارك في الخسخسه

ماقال هذا وقيد طيب ولاسكت اه راحت عليك ياصابر لو انا محل شنقل تسان

اقتنمت الفرصه

هههههههههه

ههههههههه

العشقه عقب السالفه حصلت ولا لا

ايه ايه فرقا العين

بعد خشمي الحنشل اتحفتنا باقراده شبيثان

ووسعت صدوووورنا الله يوسع صدرك

ماقصرت
تقبلو تحياتي

[المطنوخ]

بحل يا انا

شبيثان

ابي اعرف انت والقراده نسبا؟

انا اناسب النمل وانت تناسب القراده؟؟:)

اما ابو العشيدزه هههههههههههههههههههههههههه

انا لو منك عقب جيبة الفناجيل وكاد انوه غسل يدينوه منك

تسان عاد مخلي عندوه ذكرى ورااااصوه بالفنجال براسوه وقايل هذي لعيون فلانه هههههههههههههههههههههههههههه

اما الطرطعان هههههههههههههههههههه خبال والله

تذكرني قبل يوم حنا رجال<<يعني الحين صغرنا:)

قبل تخبر اجمل هوايه الحذف واي شين تحذفه

اما بطل ولا رضمه ولا زبيريه (الله يعزكم)

وتلاحظون ان الاداة اذا اخطأت الهدف واصابت هدف آخر وتضرر

ناخذ فوق تحت ونمشي ونسوي انفسنا نعرج يعني مو حنا:)

هههههههههههههههههههههههههههههههههه
ههههههههههههههههههههههههههههههههههههه
ههههههههههههههههههههههههههههههههههه


شبثي
يازينك انت وقرادتك ويعله احلى من طعمه:)

الحنشل
يالبى خشمك على توسعة الصدر
تسلم يالعشير

[عيون السروق]

هههههههههههه المقرود مقرود لو عطيتوه بارود ،،، ( مثل مقتبس من المنحوس منحوس لو علؤوله فانوس ) :good1:


وانا دوم حظي عوج ماعمري تابعت شين الا ولقيتوه الحلقه الاخيره ،، حتى برمضان ابي اتابع الزير من اوله مالحقت الا على ذبحت الزير باخر المسلسل :456r:


الوكاد يازين القراده وياحبي له ،،، مار من قرادتي ماعمري انقردت :g:





ومشكور على هذي التحف من الروايات القراديه وياليت اذا بوه شين جديد تقولون لي ابي اتابع من اوله :023b:





ودمتم ،،،،،،،،،،،،،

[شريف روما]

اقرررررررررررررررررد يامقروووووووووود :)
خخخخخخخخخخخخخخ
الحنشل إشياك ماتعرف تقهوى الناس <<يتشمت :)
تسلم ياحنشل افندي وبانظار سويلفات اخرى :)
تحياااااااااااااااااتي

[الأصيل]

ذابحوه النذخ ...:315r:

فتح عيونك ياملا السفن آب :biggrin:




والأخرى .. بالسوق الجديد ..

وش بوه سوق حجاب ؟؟

كل حاجتن دزدام عينك ..:d:




والله يابو التشابيث

ماهقيت أحد يرافدز شنقل ويشوف الخير:315r:












شبيان




قصدك : شبيثان

سقطت الثاء سهوننن:biggrin:



( يخي : أنا عيني وعين الزله والغلطه ):315r:









تشااااااااااااااااااااااااااااااااااااو بمان الله






بمان الكريم ..

لاتبطي علينا .....:goooood:





يخي والله ونستنا بهالنكبات







أنا من زماااان قايل لكم ..

غيرو اسم الفله إلى : مضيف القراده

لكن ...


ماعندك أحد:thumb:
















ألف




ألف







ألف






ألف وأدور وأقول لك:315r:


ألف شكر يالحنشولي:d:

[المخاوي]

شبيثان طايحن بالذهانه :p:

الله من القراده بكم ياأهل الفله :)


الحنشل

:goooood::goooood::goooood:


لاهنت ياحنشولي على هالحلقات المقروديه :thumb:

[الشبث]

يالربع ياهووووووووووووه

تروني ماني مقرودن حيل

بعضهن من الحنشل انا بس جبت الاخيره



خخخخخخخخخخ






تسلمون ولا تشمتون بي حيل الله يرحم والديكم



تروني اتحطم








وتقلدوا تحيتي

[عجايب بنت الشايب]

أنا من يوم شفت اولها

شبيان



دريت ان راعي الموضوع هواللي مقرود اصلي ياباني قراده







على العموم




كثر الله خيركم اثنيناتكم


وابشر يالشبث بالعوض قوطي بيبسي من المملكه بعد << وشلون تدري؟




ماااقصرت




اخنك المقروده سابقا ومستقبلاً

[الحنشل]

يا الربع ماني فاضي لكم










بي لي تكة تاكة على صدري



على مويضيعاتي التي شوتتهن الريم




ليامني شفت نفسي اشوى اكالحين ارد عليكم






















والا اقول ما يحتاج رد






الظاهر ان هالتكة ماهي رايحه يما اموت
















على العموم شكراً لكم نلتقي بمناسبات خاليه من القرد والقراده