اللي عنده واسطه يدخل

[الحنشل]

سلام عليكم

















يا الربع ذبحني القسايم كل ما اجي نقطة تفتيش قالوا الرخصه

و اعطيهم و يصكونن بمخالفتين ونوب ثلاث ونوب اربع>> عاد هم وطيبهم


قسيمه للسرعه>>مطفوق و هذي مقدور عليه

قسيمة عدم ربط حزام الأمان>>احس انه تخنقن العبره ياصرت رابطو وهم مقدور عليه

بس المصيبه الثالثه

قسيمه على رخصتي المنتهيه>>وهذي اللي انا جايكم عليه


ادري تبون تقولون وش بلاك ماتجدد الرخصه

هنااااااااااااااا مربط المراييع

من شان اجدد الرخصه لازم ((تأمين))

و التأمين ما طرت أأمن لو امشي على رجليني>> و ادري مايهون عليكم امشي رجلي





عاد اللي يقدر يكسب بي اجر و يطلعلي رخصه بدون تأمين

من هو هالأجودي اللي يبي يطق صدره لي

ويقول عندي يا ابو الحناشل

[احمد الهاجرى]

ابو الحناشل يابعد خشمي

انت تدري ان التامين ضروري وامر من ولاة الامر ولاتجدد رخصتك الا به

صدقني انه ينفع بعد الله

يوم من الايام صدم ولدي في سيارتي وهي مأمنه تدري تسم صلحها التأمين هي والسياره الي

صدمها الولد 22600 هذي سيارتي و15800هذي سيارة الطرف الثاني

المهم مالك الاهيفا تأمن ولا مافيه تجديد وكل يومين مخالفه

امن احسن لك واذا ينقص شين لايهمك

واسطه ماتمشي عند التأمين

وتقبل تحياتي

[شنقل]

مالك الاهيفا

امن وتجشم اللي تبي

[المطنوخ]

خلهم يسجلون بالمضايف ونوسع صدورهم بالفله ويطيحون القسايم عنك!!:)

وشو قولك؟؟؟

[الحنشل]

انت تدري ان التامين ضروري وامر من ولاة الامر ولاتجدد رخصتك الا به

صدقني انه ينفع بعد الله

الهاجري يالغالي ادري انه مهم وطيب بعد

لكن انا رجال اطلعت على فتوى لأبن عثيمين الله يرحمه

يقول التأمين حرااام وانا امشي على قوله



امن احسن لك واذا ينقص شين لايهمك

تسلم يا بعدي ما ناقصن الا شوفتك

الفلوس واجد ولله الحمد لكن انا رجال ما ابي التأمين

[الحنشل]

امن وتجشم اللي تبي



ان أمنت اول ما أتجشم انت بس خلن بدون تأمين

شنقل انا رجال عازم على امري


تأمين مافيه

لكن قلت اغديني احصل لي واحد يقول طلبك عندي

[الحنشل]

خلهم يسجلون بالمضايف ونوسع صدورهم بالفله ويطيحون القسايم عنك!!

وشو قولك؟؟؟

قولي بكيفكم




لكن ذال انهم يدرعون بكم و يغرقونكم بالقسايم





قسيمة عدم تسجيل دخول

قسيمة عدم رد على موضوع

قسيمة تجاوز موضوع

قسيمة موضوع منقول


لكن خلهم بعيدين على قول المثل الحنشولي

((لا صرت بالدكه وش لك بالفله )) >>مهو يمهن

[الحنشل]

على العموم ماقصرتوا يا أهل المضايف

انا قلت اغديني احصل لي واحد يدبر لي رخصة بدون تأمين

لكن معذورين هذي الدوله >>>يمه بس اسمه يخرع

[أجا]

الحنشل

ابشر بعزك والي تبي يصير

قربا مربط المشهر مني = فان كلامي مطابق لفعالي


بس على شرط تجي لحايل

تحياتي

ذيب أجــــــــا

[ابو خليف]

انا قبلك قلت تامين مافيه

لما انحديت من ورى خشمي امن

بس تدري

ذنب التامين برقبة الي الزمنا عليه
امن واسلم يالبناخي

[شريف روما]

هههههههههههههههه
ذيب اجا عين خير الرجال قالك تطلعلي رخصة
تقول قريا مربط المشهر مني
اجل لو قايلك افزعلي :)
شتقول لوه
يمكن تقول(( اخليه عليهم دم كليب )) :eek:
__________________
الحنشل وانت ليه موراضي تجدد الرخصه بفلووووووس :(

[الحنشل]

الحنشل

ابشر بعزك والي تبي يصير

تسلم يا اللحية الغانمه



قربا مربط المشهر مني = فان كلامي مطابق لفعالي

كفو كفو قول وفعل يا ذيب اجا

بس على شرط تجي لحايل

حايل اللي عند عيني

الا غير هالشرط


تحياتي
ذيب أجــــــــا


اشواقي

الحنشل

[الحنشل]

انا قبلك قلت تامين مافيه

لما انحديت من ورى خشمي امن

ابو خليف اصابعك مهي واحد

مهو انا اللي انحد على شي ما ابيه




بس تدري

ذنب التامين برقبة الي الزمنا عليه

و رقبتي بعد هذا مهو عذر

امن واسلم يالبناخي

السلامة من الله و مامن سلامة بحرام

تسلم على هالنصيحه

[الحنشل]

الحنشل وانت ليه موراضي تجدد الرخصه بفلووووووس

هلا بالزقروطي

السالفي مهي بالفلوس الخير واجد و الحمد لله

لكن الدعوى حلال وحرام

[شام]

السلام عليكم ... الأخ الحنشل ...
ما عندي واسطة ... ولا أعرف أحد بيعرف أحد عنده واسطة ... ولكن من باب الفضول دخلت ولما لقيت الموضع مالي علاقة فيه ... لا من قريب ولا من بعيد ... قلت بسلم وبطلع .... والسلام ختام

[ابو ســـــيف]

الدعوى حلال وحرام


الاخ الفاضل الحنشل...

لو قدر لك واجبرت على التأمين .. فسأبشرك بأنه لن يلحق بك اي ذنب...!!

لأنك قد فعلت مابوسعك.. للهرب عن طريق الشبهات..

وينطبق عليك نصـــاً حديث المصطفى صلوات الله وسلامه عليه " الضروره تبيح المحرمات"


فلك مني تحية تقدير واعجاب بشخصك الكريم الذي سلك كل الطرق في سبيل الهرب عن شبهه..!؟


اما عن نص عنوانك وما احتواه ...

فأحب ان اقول لك كما قال الاخ العزيز ذيب اجا....!!


اخبر واحد من الربع البعيدين شغال بدله بحائل ... ما ادري هو عنده سنع ولاماعنده..

بس علشانك بكلمه لك اليوم وبجيب لك خبرووه وان شاءالله انه مايقصر...


بس ابي منك وعد..

اذا وافق تجي لحائل وتعزبن معزز مكرم طول مدة اقامتك بحائل..
وحتى لو ماعنده سنع اتمنى انك تشرفنا بزياره حنا اخوانك ياهل حائل...

ولنا الشرف بمعرفة الرجال شرواك


اخوك ابو سيف...

[الحنشل]

حيا الله ابو سيف

جزاك الله خير و تسلم

ابد البيت بيتي الا ما حرم الله

و الشرف لنا وخوتكم تشراء

و هالصنيع ما انساه ابد و لو انه على قول المثل

((مابين الأخوان صنايع))

[الحنشل]

ايمان

عليكم السلام ورحمة الله وبركاته

[مشعل بن حويد]

يوم من الايام صدم ولدي في سيارتي وهي مأمنه تدري تسم صلحها التأمين هي والسياره الي










































وابك اثرك عوووود

[ابو ســـــيف]

اخوي الحنشل....


العذر والسموحه على التأخير اولا..



وثانياً ..وعدن لي واحد بأنه يسأل عن الموضوع..

ولوقدر ماراح يقصر..



وكلمن قبل ثلاث ساعات...

يقول والله يابو سيف ان هالاجراء بالذات .. اللي هو التأمين .. مشددين عليه..


ويقول اللحين لازم ندبس اوراق التأمين مع اوراق الرخصه..

ونرفعه..





ويحلف بالله ان مديرهم بالدوام توه مجدد رخصته .. ومأمن غصب عليه..
ويقول واحدن من الشباب هو اللي خلص له اوراقه...


يقول يمكن القرايا اللي توه صايرة مدن يمكن يمكن واذا تعرف به احد بعد..


لأنه يذكر لي سالفه موظف بله قريه.. طلع كذا رخصه بدون مايرفع اوراقهم..


يعني شبه تزوير..


يقووول مسكووه وتحقيق ورفعو به للمحكمه....!!



اخوي الحنشل .. ادري والله اني مقصر معك بس .. ماباليد حيله..!؟

العذر والسموحه منك ...


كان ودي والله اخدمك بعيوني... بس مثل ماقلت لك ماباليد حيله..

[الحنشل]

اخوي الحنشل .. ادري والله اني مقصر معك بس .. ماباليد حيله..!؟

العذر والسموحه منك ...


كان ودي والله اخدمك بعيوني... بس مثل ماقلت لك ماباليد حيله..

افااااااااااااااا يا ابو سيف


تعتذر على وشو

الحمد لله امر الله من سعه

انت الله يجزاك كل خير ماقصرت سويت اللي عليك

وابد مايلحقك عتب ورايتك بيضاء


اخوك الحنشل

[المخاوي]

يارجال أمن ووكل الله هي حبكت على التأمين :)

^
^
ماعندوه واسطه :)

[الحنشل]

8
8
8
8

ماعندوه واسطه

المخاوي ليا صار ما عندك واسطه وش جايبك بهذا

الظاهر ان اهل الفصيح دوخوك وغديت تخبط


<<<يا حبيبي يا المخاوي ماتستاهل