(( ذيــــب الـخـلـيــج )) وكــل (( شــبـــه الــجـــزيـــره ))

[فايز الشمري]

الله يرحم "خادم المسجدينا"=اللي شمل شعب العروبه / بخيره
كانه يعود اليا بكينا... بكينا= وتبكيه معنا جبال "شبه الجزيره"
يالموت . اخذت اللي عزيز(ن) علينا= اخذت منهو / قافنا يستثيره
اخذت منهو / بالصعايب يبينا= العاهل الصنديد .. وقت المغيره
اخذت والله/ " ثالث الوالدينا"= (( خادم بيوت الله)) زعيم المسيره
اخذت من بضلال بشته سلينا= ومن فضل فكره " مملكتنا كبيره"
اخذت زيزوم(ن) / صميدع فطينا = من حنكته /كل الدول تستشيره
اخذت من في فقده المسلمينا = احزانهم / قام يتلاطم هديره
اخذت من في فقده العالمينا = ضاقت عليهم / والشواهد كثيره
اخذت من في فقده الجايعنا= الكل منهم / قام يذرف نظيره
اخذت من في فقده القاصرينا= اجروحهم زادة جروح وسعيره
يالموت اخذت أنسان منا وفينا= وهو ليه منا .. ماتخيرت غيره
اخذت ابو فيصل فهد / وأن بكينا= مالامنا رجل(ن) صدوق بضميره
ياكثرمنهو من فراقه حزينا =وعلى الفهد / هل الدموع الغزيره
العاهل اللي /من عطاه ارتوينا = مفراص صعبات الامور الخطيره
نبع الصخى والطيب .. ذرب اليمينا =زبن الغريب / وعوق خاين قصيره
لاوالله الا راح منا ثمينا= (( ذيـب الخليج )) وكــل (( شـبـه الـجـزيـره ))

[الكاسح999]

هلا فايز البراهيم


صح لسانك ودام توهجك

يعطيك الف عافيه


لاهنت

[الصيرمي]

الله يـرحـم "خـــادم المسجـديـنـا"
اللي شمـل شعـب العروبـه / بخيـره

وعزانا ان الله يجعل خلفه لخير سلف:)

صح لسانك اخي الشاعر فايز البرررررراهيم:)

تحياتي:)

[خلـيف الجهيلي]

شاعرنا

فايز البراهيم

صح الله لسانك ولاهنت على هذه القصيده

المعبره

والله يرحم ذيب الخليج وشبه الجزيره

تحياتي

اخوك
خليف الجهيلي

[فايز الشمري]

المنسم 999

حضورك في متصفحي

اعتز فيه

لاهنت
وصح بدنك

اخوك

فايز

[أطلال]

لاوالله الا راح مــنــا ثـمـيـنــا
..............(( ذيب الخليج )) وكل (( شبه الجزيره ))


اللهم ارحمه واغفر له ووسع مدخله ..

وتقبله قبول الصالحين .. وانزله منازل الشهداء ..

واجزه عنا خير الجزاء ..

.
.

فايز البراهيم ..

بارك الله فيك ..

.
.


أطـــلال