من قصص الفارس غريب الشلاقي

[راعي الوقيد]

الله يمسيكم بالخير والسرور ،،،

انقـــــل لكــم هذه القصة والقصائـــــد عن غريب الشلاقـــــي الشمــــري:)

---

غزاء غريب وعبكي الكاسب ومعهما جماعة احد القبائل وعندما كسبوا بعض الإبل من تلك القبيلة هموا بالرجوع الى ديارهم وعندما كانوا في الطريق سلكوا وادي يسمى رم وكان هذا الوادي ليس له منفذ وكانت تلك القبيلة تراقب تحركاتهم وهم قبيلة التيه فحجروا الشاعر غريب وجماعتة في ذلك الوادي ونشب بينهم معركة وفقد الجانبين عددا من القتلى وبعد هذه الحادثة اخذ العديد من جماعتة بلومة على ذلك وانه هو الذي سلك بهم هذا الوادي فقال الشاعر غريب هذه القصيدة يرد بها على قومة فقال :


يا عبكي اركب وارتحل فوق مقران=يجوز لقطاع الفيافي ذميله

تلفي لبيت يجمع الصبح ديوان =والعصر هيضات النشاما تجيله

وياتيك من يلحض عن العلم شفقان =قل مزنا تردم فوق رما مخيله

مزنا تردم بس ملحا و دخان =ولا ينتنا يا يركب القور سيله

صكوا علينا التيه مع كل الاركان =وعفنا تحضي كل شقحا جليله

يا عيال هوشوا عند شياب الامتان =ترى الفرج من دون اهلكم طويله

وكلا هن الكاوي قليلات الازبان =دلن يصطردن مثل اصطراد الجميله

والى قيل وين فلان وفلان وفلان =تطابقوا حمايهن بالدبيله

وباطرافهن تسمع تقل ضرب سدا ن =واللي دنى يومه تقلط رحيله

ومنا ومنهم يشبع الذيب سرحان =و الضبعة العرجاء تصيف مكيله

وربعي دعيجات على الضرب عيان =كم خفرة عذراء تعشوا حليله

وخطو الولد يمطخ ولا لهرجه اثمان =هبيت ياهرج سراب ضويله

ما ينشمت ياعيال بامرا الى كان =ولا يهتدي يا كود من الله دليله

هذات الله اللي على الدرب مشان =ولا ييتلف من دون الا اله حيله

وافطن لبيت عبيد الى صهرت بحلان =وابن مهلهل يا لقلوب الهبيله

----

وفي احد السنوات نزح الشلقان من شمر جماعة الشاعر غريب الى خارج الجزيرة واستقروا هناك عند جماعة لهم من شمر واعتقد الشلقان انهم سوف يقابلون بالترحاب من قبل جماعتهم ولكن حدث العكس وقوبلوا بالتهكم من قبل بعضهم عندما قالوا بان الشلقان اتوا من ديارهم بسبب الجوع فرجع الشلقان الى ديارهم وقال الشاعر غريب الشلاقي هذه القصيدة يسندها على الشيخ دهام الجرباء


قم يا خطيب واكتب كلاما بقرطاس =للشيخ قواد الجموع الثقالي

عن قولة نجد هله جوك غلاس =امر من الله ثم غدر الليالي

يا ما ذبحنا دون نجد من الناس= وياما هفا به من رجال وحلالي

ياما بها دسنا على كل من داس =ولحقت علينا بالحيل نجد تالي

لحق علينا مقدم الجد والساس =بالفتل والحيلات والاحتيالي

حزم هل العوجا على الحرب غلاس =وعقب الكدر شرب القراح الزلالي

يا دهام يا حماي وندات الافراس =عريب جد مع عمام وخوالي

يا ملبسا جرد السبايا بالالباس =وبالقول تعطون العطايا الجزالي

جينا لكم من ديرت صوب الاطعاس =نبي ملافينا عزاز الاهالي

واشوف نبهتكم لنا تكصم الباس =علامكم يا مقدمين الفعالي

ربعي هل الجدعا على كل عرماس =اللي سقوا بيص غبون الليالي

صيارما ببحور الادراك غطاس =عقاب عزبان تهوم المفالي

ناخذ غزيزة مبعدة كل ملماس =اللي لهم بارض البسيطا مدالي

لو تاصله يا بن فهد كان لا باس =يم الحصى الوقاف تا خذ ليالي

و تحضر عرصات يشيب بها الرأس =عرصات عند معبسات الشمالي

وسلامتكم يابعــد حيي

والسلااااااام ...
..

[صلفيق]

لو تاصـله يابن فهد كان لاباس
يم الحصى الوقاف تاخذ ليالي

سلمت والله ياراع الوقيد على هالعلوم الزينة.
بس يابعد حيي ابسألك عن هالبيت:

لك مجلس مابين دله ومحماس
وتجر فراشك في مسيح الظلالي
وشهقوتك مهو من هالقصيدة ؟
شكرا لك مرة ثانية.

[شريف روما]

تسلم ياراعي الوقيد سالفة طيبة
لكن معقولة الشلقان وهم شمر يستقرون عند جماعة هم شمر
ومايرحبون بهم بالعكس اجحدوهم ؟؟

يعطيك العافية
وتحياتي

ابيك شوي ياراعي الوقيد
انزل تحت











انت مو قلت لي انت تنشد عن شنهو
بموضوع تعال وشخبط :)
ليش ماترد علي
ولا عطيتني طاااااااف :(

[متعب الخريصي]

تسلم يدك ياراعي الوقيد

[راعي الوقيد]

الله لايهينك .. وتسلم يالعزوة على هالمشاعــــــر :)

اما سؤالك يالغالــــي فلادري والله عن مدى إرتباط هالبيــــت بأبيـات القصيـــــدة:g:

والعفو اخــــي العـــــزيـــــز .. ما سوينا إلا الواجب ،،،

لك التحيــــــــــة ،،،

والسلااااااااااام ...
..

[راعي الوقيد]

تسلم ياراعي الوقيد سالفة طيبة

ومن قال يسلم يالغالــــي

لكن معقولة الشلقان وهم شمر يستقرون عند جماعة هم شمر
ومايرحبون بهم بالعكس اجحدوهم ؟؟

ايه عااادي الشّماته من قديــــــم ماهـــــي من تالـــــــي:)

يعطيك العافية

الله يعافيـــــك ويبارك فيـــــك

وتحياتي

هلأ هلأ عيني هلأ

ابيك شوي ياراعي الوقيد

وش تبي يابن الحلال قضينا من السالفئ:)

انزل تحت

بعد حتى انت خخخخخ








انت مو قلت لي انت تنشد عن شنهو
بموضوع تعال وشخبط :)
ليش ماترد علي
ولا عطيتني طاااااااف :(

طااااااف وشي بعديــــن ارد عليــــك :)

تسان قصدك اشكـــل .؟

لا والله يالعزوة مار نسيت السالفة ماني خبل ما انسى سالفتي هاههههه

رح هناك وتلقى الإجابة . . واعذرنا على القصـــــور:)

وسلااااااااام ...
..

[راعي الوقيد]

متعــــــب الخــريصــــــــي !!

ومن قال يسسسسلم يالغالـــــي لاعدمناك ،،،

لك التحيــــــــــة ،،،

والسلاااااااااام ...
..

[سيدة القـــــلم]

ومنا ومنهم يشبـع الذيـب سرحـان
و الضبعة العرجاء تصيـف مكيلـه

وربعي دعيجات على الضرب عيان
كم خفـرة عـذراء تعشـوا حليلـه

يااعزيلهــم من هالبيت....



ما ينشمت ياعيال بامرا الـى كـان
ولا يهتدي يا كـود مـن الله دليلـه

هذات الله اللي على الـدرب مشـان
ولا ييتلف مـن دون الا الـه حيلـه

ارجـــاع كلـ شيء للقضاء والقدر حيلـــه للضعفاء...
نعم...نحن نؤمـــن بالقضاء والقـــدر..ولكن لكلـ سبب مسبب...

شكراً لكـ راعــي الوقيد
والله يعطيكـ العافـــيه..على الأيـــراد الجميلــ ...
:
:
:
تحياتي
سيدة القلم

[مشــــعل]

تسلم والله يابو فيصل

والسبعة انعام بغريب
لاشك رجل تفخر بوه شمر عامه

لاهنت

[سلمان النبهان]

والى قيل وين فلان وفـلان وفـلان= تطابـقـوا حمايـهـن بالدبـيـلـه
تسلم ويعطيك العافية راعي الوقيد على القصة والقصيدة...
والشلقان مليون نعم وكذلك غريب الله يرحمه ماقصر بحياته ..
ننتظر المزيد راعي الوقيد انت كريم وحنا بالمضايف نستاهل ....

[راعي الوقيد]

وربعي دعيجات على الضرب عيان

كم خفـرة عـذراء تعشـوا حليلـه

ليه ما تقولين وااا عزي لهن من هالبيت !؟

اي بالله:)

العفو ياسيدة القلم << مبروك التعديل:)

حياتس الله اختـــــي ،،،

وسلااااااااام ...
..

[راعي الوقيد]

ومن قال يسلــــــم يابو الليـــــد << نسيت الولد:)

ولا تهون يالعزوة ،،،

لك التحيـــــــــة ،،،

والسلاااااااام ...
..

[سيدة القـــــلم]

العفو ياسيدة القلم << مبروك التعديل

ماشاء الله ...لا آله إلا الله تباركــ الرحمن وحفظكـ المنّان من كل عين انس وجــان على دقـــه الملاحظه...

والله يباركـ فيكــ .. :055r:


:
:
:
تحياتي
سيدة القلم

[راعي الوقيد]

يا ملا البعد اللي يبعد بالعدو:)

ماهو انا اللي ملاحظه:)

هذي ملاحظة الزقروطي-:)

خلوهـ يقعد به خخخخخخ

تشششششاو

[راعي الوقيد]

هلا والله بأبو نبهان ومسهلا:)

يالله حيووووووهـ وهو بمحلووووووهـ هههههه

اقول يالغالـــــي اذكرهـ بعمرك يا هالعوووود جبت للشباب امثالـــي

سالفة من سوالفكم يالأوليـن:)

منها نأخـــــذ العبـــرة ونستفيــــــــد :):)

على العموم ....

حضورك ومباركتـك مشاركات الإخوة والأخوات هنـا

لهو دليــل على الحـــرص والمتابعـــــة :)

تحيتــــــي لــك .. والتقــــــديـــــــر ،،،

والسلااااااااام ...
..

[خالد الشمري]

الخال راعي الوقيد الله تسلم والله يعطيك العافيه على كل ماتقدم

عندي تعقيب على القصيده الثانيه وسالفته مع اتفاقي معك انه جته كلمه من احد شمر بمجلس دهام لكن ماهي على شان الجوع على شان حاجة ٍ ثانيه مثل ماتقول فزعه مع ابن فهد رئيس حاميه ابن سعود بالشمال واختلافي معك هو لاني سبق وان طرحت هذا الموضوع بتاريخ 23 ـ 5 ـ 2005 بعنوان الافيحج ......وهذا نص ماكتبت ((غرّيب الشلاقي من ابطال قبيلتنا وله قصص كثيره وحبيّت اليوم اعرض لكم قصه من قصصه والسالفه هذي جرت بالعراق عندما رحل غرّيب وجماعته جهة الجزيره يبون دهام الجرباء وشمر الله هناك ويوم وصل هناك وخذا له كم يوم اجتمع وهو ومجموعة من شمر يبون الغزو وكانو هالمجموعه عباره عن خمسة عقداء وكلهم من شمر( هم غريب الشلاقي ومعه ربعه وعايد العجل ومعه ربعه وابن عايش من التومان ومعه ربعه وابن ملوذ من الدغيره ومعه ربعه والدريعي صعب الحدب شيخ الثابت ومعه ربعه ) ويغزون على منطقه اسمه الصخنه وياخذونه ويرجعون بحلالهم ويجي الخبر لدهام الجرباء ويقوم الشيخ دهام لغريب واللي معه من العقداء هذا حلال اهل الصخنه وهم بوجهي وديرتهم تبع لي قام غريب ومن معه واعتذرو للشيخ دهام انهم ماعلمو بهالشي ورجعو حلال اهل الصخنه وقال غريب ياشمر نبي مغزانا بعيد عن دهام علشان مايشره علينا وهم يغزون ويبطون وهم بالمغزى وياخذون ثلاثه اشهر جهة تبوك وهاللي حوله على بني عطيه والحويطات وينتصرون وينصرهم الله ويوم رجعو جاء الخبر لابن فهد(مندوب الملك عبدالعزيز جهة الشمال) ويقوم ابن فهد وهو يروح للشيخ دهام ويطلب عند الشيخ دهام هالعقداء اللي غزو ويوم اجتمعو بمجلس الشيخ دهام قال ابن فهد ياغريب(لان غريب كبير هالعقداء وهو صار اللي يتكلم بإسمهم) انتم غزيتو الحويطات وخذيتو الافيحج (وسم للحويطات) وهم عوج دخان واخواني يعني من الاخوان قال غريب الحويطات ماعمر وخذت الخاوه عليهم قام ابن فهد وردّد كلمته عن الحويطات ورد عليه غريب نفس كلمته الاولى المهم يوم اشتد الكلام بينهم قال غريّب انت يابن فهد ملزم قال نعم قال امهلن كذا ليله اجمع الحلال وانطيك قال ابن فهد خير ان شاء الله ويجتمع غريب واخوه ساير وغانم بن دلّي وكلهم من الشلقان وهم يزبنون بالحلال بليل عند العقيدات وشيوخهم مشرف بن دندن وابن جراح
توضيح(( قصد ابن فهد ماهو فزعه للحويطات بس يبي ياخذ حلال شمر وغريب قاهره ابن فهد هاللي يبي ياخذ حلال شمر وهم غازين ثلاث شهور وقال غريب انا حلالي ماهمن بس اللي ذابحن وش عذري عند الشمريات وانا وعيالهن مايدري تحت الارض او فوقه واخرته اعطي الحلال ابن فهد ))
ولا ننسى ان عقيل الياور مندوب عن شريف العراق قايل لشمر ياشمر انتم مالكم عدوان واللي يغزى ماخوذ حلاله ويحط بالسجن وابن فهد أي واحد يغزي ياخذ حلاله بحجه انه مندوب عن ابن سعود
ويوم جلس غريب الشلاقي عند شيوخ العقيدات ارسل قصيده لابن فهد وأوله يتشرّه على الشيخ دهام على هالوضع اللي وصلت له شمر ان الرجل عاجز ياخذ حريته :

قم ياخطيب إكتب بحبر وقرطاس=للشيخ قواد الجموع الثقالي
يادهام ياحمّاي وندات الافراس=عريب جد وعم واب وخالي
ياملبّس سرد السبايا بالألباس=يامسقي ٍ كبد الحريب العلالي
يادهام نبهه كمرنا تقصم الباس=وش نوحكم يامفنية كل غالي
حنا غدينا بين شالي وحباس =ضاقت وعند الله فرج كل مالي
(شالي يقصد ابن فهد , وحباس يقصد عقيل الياور انه يحبس اللي يغزي من شمر)
خوفو من منشّي الغيم حشار الانفاس=كيف الافيحج تودعونه حلالي
يابن فهد لو تاصله كان لاباس=سور الحصل وقاف تاخذ ليالي
متمركي من بين دله ومحماس=وتنقل وسادك لين يسيع الظلالي
وتبي مهاوي مبعده كل ملماس=اللي لهم بأقصى البسيطاء مدالي
دوالي ببحور الادراك غطاس=عقبان عقبات تنوس المفالي
وتاتي بعركات يشيّب بهاالراس=عركات عند معبسات الشمالي
ياما وقع بنحورهن كل مدباس=ومروّه ماكنه على الربع غالي
وربعي هلا الجدعاء إلياهب نسناس=اللي سقو (بيص ) غبون الليالي
وابيات من عقلي كتبته بقرطاس=نصيحه يذكرها الاول لتالي
قول المهادي ياهلا الجود والباس=كان انت عن مثله لمثلي تسالي
مار عن قوله نجد هله جوك غلاس=امر من الله ثم غدر الليالي
شلنا عليهن من مزابير الاطعاس=وجينا لملفانا وعز الاهالي
ام الجزيره يوم نجيه من الراس=نبي لنا عن ميل بقعاء ظلالي
والا ياما ذبحنا عند نجد من الناس=وياما بها افنينا رجال وحلالي
وياما بها دسنا على كل من داس=ولحقت علينا بالحيل نجد تالي
الى اخر القصيده....

ومما قاله غريب يوم كان عند شيوخ العقيدات :
يابن فهد ماطعت حكي المشيره....حطيت دونك مشرف وابن جراح

لاننسى ان شيوخ الشمل الجرباء كانت عليهم مسؤوليات تجاه الله اولا وثم قبيلتهم وتجاه الحكام في تلك الفتره ولذالك لااحد يفهم ان الجرباء قصّرو بل بالعكس قادو الباديه اللى ترك المغازي والاتجاه الى العيش الامن فرحمهم الله تعالى ورحم بطل قصتنا غريب الشلاقي الذي دافع عن حلال شمر ووقف ندا لابن فهد وما كسر وجهه امام ابن فهد .
القصه نقلت احداثه لكم من شريط لاحد ابناء الشلقان وسلامتكم ))

امل ان يتسع صدرك وتتقبل مني هذا التعقيب وبارك الله فيك ياخال

[شام]

الأخ راعي الوقيد
السلام عليكم
تسلم على الموضوع والله يعطيك ألف عافية

[الكاسح999]

الاخ راعي الوقيد
سلمت الانامل على هذه النقل والمتميز

والشكر موصول لابو فراج على الاضافه والتوضيح وانا اتفق معه فيما ذهب اليه

شكرا لكم جميعا

[راعي الوقيد]

البنااااااااخي:) !!

إضافات في منتهى الرووووعة والمصداقية اضافت للموضوع ،،،

إيمان قويدر !!

ومن قال يسسسسسسسلم ،،،

والله يعافيتس ويبارك فيتـــس ،،،

المنســم 999 !!

وانت سالم وغانـم يالعزوة ،،،

تحيتـــــــــي لكم ،،،

والسلااااااااااااام ...
..

[صلفيق]

راع الوقيد
مساك الله بالخير ..
كنت في إجازه عند ربع لي بهالشمال ، ويوم من الأيام كنت بأحدى المجالس ، وجاء ذكر القصة هذي .. لكن الراوي (وهو كبير السن) ذكر نفس القصه ألا أنه ذكر ان الشلقان يوم راحوا للعراق كان دهام الجربا زعلان على غريب الشلاقي بسبب تلك الغزوة ، وقال لغريب وربعه : ردوا ماكسبتوه من التيه لهم. ورفضوا الشلقان ، وبالفعل رجعوا لأنهم شافوا ان الجربا ملزم على رد ماكسبوا .
ورد غريب بالقصيدة الأخيرة.