مشعل الخليوي
22-08-2005, 06:02
بسم الله الرحمن الرحيم
السلامـ عليكمـ ...
قصيدة للعم / علي ناصر الخليوي
سميت بسم اللذي للخلق روافي=محصي عددها ورازقها ومنشيها
يقول منهو يصخر عاصي القافي=عسر القوافي تثنى لي محانيها
جبت اليراع والدواة وبيض ٍ سخافي=خطيت بيوت ٍ جزيلات ٍ معانيها
من هاجس ٍ بالفكر يلعبه اصنافي=هجوس فكري تحذف لي مراميها
قالوا قصيدك قديم وشعرك خلافي=غطت عليه الحداثه هي وهاليها
قلت اسمحوا لي قديم الصوف ينشافي=ولى البريسم جديده في مطاويها
شعر الحداثه طري وعوده رهافي=ارضه هشاش ٍ تحدر في مبانيها
مثل الدينار العراقي عند صرافي=خسران من باعها وخسران شاريها
ياتيك شعر الحداثه غث وسفافي=لولا الصحافه تطبل له غدا فيها
يرجد حكي فاضي ولى صاب الاهدافي=والبندق اخطت هدفها من مقديها
جيتك شربتك شربتيني وذا كافي=صارت قصيده وجاب اللي يغنيها
حشو ٍ مكرر كثير الدبك بسرافي=تقراء القصيده ولى تفهم معانيها
كل ٍ غدا شاعر ٍ يضرب بالاوصافي=القاب وحزاب والصحبه ينقيها
ادخل على الله بعضهم شعرهم وافي=ماعم ناس ٍ تعلت في مراقيها
الشعر ولى وناسه صابها عيافي=من قشر ماتسمعه صمت اذانيها
شعر الحداثه على جريف ومهيافي =لابد ماترجع العالم الماضيها
وسجيت رجلي بدو ٍ والقدم حافي=ابغي افرج هموم ٍ كنت مخفيها
عديت روس النوايف جيت مشرافي=بديار قوم ٍ مارب البيت حاليها
تكانفتني هموم القلب ياكافي=من ذا الزمن الردي بانت مواريها
قاسيت وقت ٍ يبيح السد والخافي=وقت ٍ به اذناب كابرة ٍ علابيها
شاخ الثعل والدويني صار عرافي=لارحم وقت ٍ شاخت به حصانيها
اشناب طاحت لها بالطيب ميقافي=عيال الحمايل اشوف الوقت جافيها
ابن الحموله رجع به حظه انكافي=صكات بقعى تومي به بلاويها
عقب المعزه تكدر شربه الصافي=شربه هماج ٍ وغيره مهتني فيها
حثيت رجلي بدربي ولى اتبع الهافي=والناس الاشراف انا منها وخاويها
ماخضت في عرض غيري ولى بي خطافي=واللي بها شبهة ٍ ماتي حراويها
اقدم الواجب اليا جاني اللافي=قولة هلا مرحبا لازم نبديها
السلامـ عليكمـ ...
قصيدة للعم / علي ناصر الخليوي
سميت بسم اللذي للخلق روافي=محصي عددها ورازقها ومنشيها
يقول منهو يصخر عاصي القافي=عسر القوافي تثنى لي محانيها
جبت اليراع والدواة وبيض ٍ سخافي=خطيت بيوت ٍ جزيلات ٍ معانيها
من هاجس ٍ بالفكر يلعبه اصنافي=هجوس فكري تحذف لي مراميها
قالوا قصيدك قديم وشعرك خلافي=غطت عليه الحداثه هي وهاليها
قلت اسمحوا لي قديم الصوف ينشافي=ولى البريسم جديده في مطاويها
شعر الحداثه طري وعوده رهافي=ارضه هشاش ٍ تحدر في مبانيها
مثل الدينار العراقي عند صرافي=خسران من باعها وخسران شاريها
ياتيك شعر الحداثه غث وسفافي=لولا الصحافه تطبل له غدا فيها
يرجد حكي فاضي ولى صاب الاهدافي=والبندق اخطت هدفها من مقديها
جيتك شربتك شربتيني وذا كافي=صارت قصيده وجاب اللي يغنيها
حشو ٍ مكرر كثير الدبك بسرافي=تقراء القصيده ولى تفهم معانيها
كل ٍ غدا شاعر ٍ يضرب بالاوصافي=القاب وحزاب والصحبه ينقيها
ادخل على الله بعضهم شعرهم وافي=ماعم ناس ٍ تعلت في مراقيها
الشعر ولى وناسه صابها عيافي=من قشر ماتسمعه صمت اذانيها
شعر الحداثه على جريف ومهيافي =لابد ماترجع العالم الماضيها
وسجيت رجلي بدو ٍ والقدم حافي=ابغي افرج هموم ٍ كنت مخفيها
عديت روس النوايف جيت مشرافي=بديار قوم ٍ مارب البيت حاليها
تكانفتني هموم القلب ياكافي=من ذا الزمن الردي بانت مواريها
قاسيت وقت ٍ يبيح السد والخافي=وقت ٍ به اذناب كابرة ٍ علابيها
شاخ الثعل والدويني صار عرافي=لارحم وقت ٍ شاخت به حصانيها
اشناب طاحت لها بالطيب ميقافي=عيال الحمايل اشوف الوقت جافيها
ابن الحموله رجع به حظه انكافي=صكات بقعى تومي به بلاويها
عقب المعزه تكدر شربه الصافي=شربه هماج ٍ وغيره مهتني فيها
حثيت رجلي بدربي ولى اتبع الهافي=والناس الاشراف انا منها وخاويها
ماخضت في عرض غيري ولى بي خطافي=واللي بها شبهة ٍ ماتي حراويها
اقدم الواجب اليا جاني اللافي=قولة هلا مرحبا لازم نبديها