المساعد الشخصي الرقمي

مشاهدة النسخة كاملة : مدري انا اعرس او اشري مكيف او اتوظف (دعوه للنقاش وعويذة الله من شركم محمد اس 2 )


ابو خليف
18-08-2005, 04:22
بالخير يالربع والربعات
وشلونكم فردنا فردتنا مدسنا مدستن اسمنا اسمتن

والله اني بلشت بهالموضوع وين انزله ولا لقيت الا هالمضيف
لانه مولع بدون بنزين ومدخن تدخين وكل مواضيعه من
تالي بالعربي الفصيح (العربي ماله دخل بمحمد العربي وانما تشابه حروف)
نرجع ونقول بالعربي الفصيح مواضيعه من تالي خاليه من الدسم
اقصد الحوار الهادف وانا واعوذ بالله من كلمة انا من تالي مدري
وش علمي بس ودي
ادخل بحوار او جمل هادف ويصير الاول على مزايين الابل اقصد المواضيع
ويحصلي وسام التميز من محمد اس اثنين
المهم عويذة الله من شركم محمدين انكم تحذفون الموضوع
او تنقلونه له مضيف ثاني
لاني صادق بلشان بلشتن مابعدها بلشه
ومسببن لعيني ارق ومحتار في امري وقلت بهذا رجاجيل
مجربين الحياة ومارسين الامور
والشاعر يقول
اذا انزكمت وخشتك سال سيله
صر باخر المجلس وخل المعاميل
المهم يالربع والربعات كلن يدلو بدلوه ويقول لي وش رايه
انا اعرس؟
اواشري مكيف؟
اواتوظف؟
بنتظار مشاركتم وارائكم
ابو خليف دت كم
لحديحرمني من عونته اقصد مشاركته
شموخ
18-08-2005, 04:36
[/font][/size]


هلا باخوي ابو خليف

لا أبشر محد حارمك من عونته نقصد مشاركته :)

بس وش الفرق بين العرس والزواج لأنك تقول أنا أعرس أو اشتري مكيف أو أتزوج كررت العرس مرتين في سؤالك والظاهر بينطبق عليك المثل اللي يقول عجايزنا تهذري مافي صدروها شكل الحاجه ملحه للزواج عندك أكثر من التكييف:)

ونصيحتي ياخوي أشتر مكيف وتبرد لين الله يفرجها عليك وتزوج:)

تحياتي لك
شموخ
المطنوخ
18-08-2005, 04:39
آآآآآآآآآآآآوووووووووووو

منو هذا ؟؟؟؟؟؟؟؟؟؟؟؟

ياناس هو صدز اللي اشوفه ولا انا متوهم؟؟

ذيب شراف يكتب موضوع؟؟؟؟؟

لا لا لا لا

اذبحوا القعوووود ياعيال

يافلان انت ماعمرك كتبت موضوع ويوم كتبت ماتدري وين تحطه؟؟

هذي وشو نسميها؟؟:)

هههههههههههههههههههههههههههههه
بس بس بصراحه...

المضايف بكبرها كوم وهالبيت بكوم


اذا انزكمت وخشتك سال سيله
...................صر باخر المجلس وخل المعاميل

ههههههههههههههههههههههههههههههه
هههههههههههههههههههههههههههههههه


(خلصت شماته)
====================
ندخل موضوعك

قسم بالله ياابا الحصاني
اني قريت موضعك مرات ومرات ومراريت

وعجست لا افهم انت وشتبي

تبي مواضيع زينه ولا تبي تميز ولا تبي زقاره ولا شتبي بالضبط؟:)

ياخوي ادري ان الحيا قاضبك
بس ماعليه

الكلمه اللي تستحي منها بدها

..........(ولا زال طنخان يقرى الموضوع مرات ومرات ومراريت):)
الماضي الصعب
18-08-2005, 05:15
,‘
‘,
,‘
‘,

راقنـــي الموضع جداً . . مع وجود اخطاء أملائيه . .


لكن بوجهة نظري .. وأنت طرحت الموضوع حتى كُلاً يدلي بما لديه

من

اقتراحات .. أو رأي سديد


سأرمي ما أحمله . . وأسافر عن موضوعك


انت حائر بين أمور ثلاثه . . الزواج .. المكيف .. والوظيفه


قال الرسول صلى الله عليه وسلم ( يامعشر الشباب من استطاع منكم الباءة فل يتزوج ... ألخ )

في ما معني الحديث

تفسير .. الحديث .

أي من لديه القدره على الزواج فليتزوج . . لكن كيف تتزوج

وأنت لاتملك .. مكيف .. حتى يضخ إليك الهواء البارد .. أنت وسعيدة الحظ

وإذا تغلبت على أمر المكيف


كيف تصرف على زوجتك . . من أين

أرادت . . أن تشتري حاجيه .. من أين تأتي لها بالمال


نصيحتي لك ياعريسنا


توظف ومن ثم اشتر مكيف لك ومكيف لأمك .. وأخيراً تزوج

وأتمنى أن تدعوني .. لحضور حفل زفافك ..



امنياتي لك بحياة سعادة بالوظيفه والزواج والمكيف



ملاحظه

اتمنى أن تبحث عن مدرس خصوصي يدرسك مادة الإملاء


,‘
‘,
,‘
‘,


الماضـي الصعب

//
..
\\
..
//
..
\\
شريف روما
18-08-2005, 13:07
مرحبا ياجماعة الخير
ابوخليف طالبك طلب بالاول تكفى انت مضيف الترحيب
وبالترحيب بالناس ماعندك غير نظام واحد بس ... ليش ماتنوع :):)

المهم انا جاي ادلو بدلوي
بس دقيقه اجيب لكم دلوي وارجع لكم لاتمشون انطروني :)

































مرحبا مرة ثانية جبت دلوي وبشارك معاكم بوه

س1-انت شلون تبي تشتري مكيف ومو موظف ؟
س2-وشلون تبي تتزوج وماعندك مكيف ؟
س3- وشلون مو موظف وتبي تتزوج ؟


تحياتي الحارة بنكهةالدقوس :)
مرزوق الشمري
18-08-2005, 14:51
الصحيح نصيحتي لك

اولا ابحث لك عن مصدر للرزق

وثانيا اذا حصلت على مصدر للرزق والله كريم طبعا اكيد ستشتري مكيف ولو مكيف يعمل على الماء البارد
ثالثا دور على بنت الحلال وهن كثروا
والف مبرووووووك
وللعلم بالاردن عندنا واقصد شمر والقبائل الاخرى الامور ميسره
كلف بيتك وخذ عروسك باقل التكاليف وقليل من الذهب لان الناس
اصبحت تحل مشاكل الزواج بعد ان عزف الشباب عن الزواج لغلاء المهور سابقا
والزواج شراكة ومصلحه بين اهل الشاب واهل البنت
وستره للطرفين
فلا تنسى اخي الكريم ان تكمل دينك
سلطان الشمري
18-08-2005, 18:36
ياخير ياخير..


الحبيب المحترم/ محمد اس3 /


سالفتك سالفه ياحزم الضامي لاراحت سالفه ولاجت سالفه:)



الا اقول/ طق البنت واعرس../والرزق عند العزيز الحكيم

بيتكم مابوه مكيفات..؟


اخبر لي واحد بالمجلس حكم اقشعوه للغرفه:)

واعرس/ والرزق عند مدبر الخلق تدبير


.
.
.
كل اللي قبلنا اعرسوا وعاشوا /

انا ادري تبي واحد يقول اعرس/


اعرس وابشر بالعنيه بعد...:)


وش تبي اكثر من هيك؟


.............
.......
....
..
..


الله يعين يارجل/ موضوعك له ابعاد يابعدي/


احترامي
المخاوي
18-08-2005, 19:51
انت بس اعرس والمكيف علي :)
متفاائل
18-08-2005, 20:23
ابو خليف

يامال الغنيمة تباركوا بالبقع والنواصي

كان سعيدة الحظ والمة توكل على الله وابشر بالعنية

(رزقكم بالسماء وماتوعدون ) انت المطلوب منك فقط تحريك الاسباب والباقي على الله

وتقبل تحياااااااااتي
شخاط
18-08-2005, 21:43
تبي النصيحه يالبناخي

حححححححححط رجلك وأعرس يملا الغنيمه وجب أم خليف والرزق على رب العباد

بهالزمن هذا المره صارت الزم من الوظيفه والمكيف :)

وتسان هو على المكيف أبشر بالقطيه ونبي نتجامع ونشري مكيف صحراوي بالماء ويكر كر

أقول لاتنسى تعزمنا على العرس
احمد الهاجرى
18-08-2005, 23:12
انت ابو خليف وام خليف عادك تشاور على الزواج بها


توكل على الله وكشف الفال يابن عبو د *****انابي صواب(ن)ماعثرنا على طبه

توكل على الله وتزوج والمكيفات على اخوك الهاجري والرزق على الله

يرزقك انت وياها


اذا ماعندك مهر مايقصرووووون اعضاء المضايف وانا لاول


سقها قدام

معجبتني صوره شخاط وايد
تقبل تحياتي
المفتش
18-08-2005, 23:23
اترك نصايح الشباب وتجوز :)

واذا الله رزقك بالزوجة الصالحة تنسى هم الوظيفة والمكيف

وتصر الدنيا عندك شام :good1:

هاه اشرايك مهي اخير من نصيحة بعضهم:)
قيصر العرب
18-08-2005, 23:36
ابوووووووووووووو خليفففففففففف

عسى ماشر ياااااااحيي
بيت الشعر اللي ذكرته
فيه ذكااااااام

والظاهر انك مانت الحين يديوانية الترحيب

نبي نجلس عند المعاميل حنا ونرحب بالضيوف
نياااااااااابه عنك

وانا والله اشوف المكيف الوقت هذا

اصرف من الوظيفه والعرس
بس انت معك زكاااااااااااام
بس ميخالف يومين ويروح

سفففففففففففف ياحيي كلام ابن عمك
تبي تدووووور بالشماااااااااس وتدوووووووور من دائره لدائره
تدور وظيفه ولانت لاقي

وتبي ترجع للبيت وتنام بس حررررررررررررررر
اهاااااااااااااااا راح المكيف وراحت الوظيفه

واذا بغيت العرس تبي تنشد وتدور لك ايام وشهور
والحر يااكلك اكل باالايام
ويمكن ماتلقا
بس المكيف مضمووووووووووووووون

دراهمك بمخباك شغل ونيتك وتوكل على الله واشره
ولاجى الشتاء دور المره والوظيفه

سلاااااااااااااااااااااامي لك ياابو خليف
شخاط
18-08-2005, 23:39
الغالي الهاجري

خشتي والله ماعزه على مثلك وشرواك :)

مقدمه بس هاه رجع الباقي كخخخخخخخخخ :)
شام
19-08-2005, 00:27
الأخ أبو خليف مساك الله بالخير ...

رأيي المتواضع بعد احترامي لآراء الزملاء والزميلات الاعضاء والمشرفين والمشرفات يقول ...
لا تتزوج لأنه بهذه الأيام صعب
لا تتوظف تحتاج لواسطة
لا تشتري مكيف لأن الشتاء قادم وعلى الأبواب
بنصحك اتباع دورة في اللغة العربية وتحسين الإملاء لأني قضيت أمس واليوم لحتى فهمت قصدك
***************دمت بخير *****************
المطنوخ
19-08-2005, 01:39
ذيب شرااااف هالحين

استوعبت

هههههههههههههههههههههههه

انا اعرس؟
اواشري مكيف؟
اواتوظف؟

كاتب بالاول (قبل التعديييل):)
انا اعرس او اشتري مكيف او اتزوج

وهالحين زبطت الامور:)

انت تقول



انا اعرس؟
اواشري مكيف؟
اواتوظف؟

شف اول شين احرص على المكيف وبرد على تسبدك بهاللواهيب

وعقبها اعرس علشان يمكن تقع بدوام مايعطون اجازات

وليا منك طيحت الميانه مع وزارتك

عاد دور لك وظيفه:)


طع شوري :)
ابو خليف
19-08-2005, 01:56
شموخ

فرق الثرا عن الثريااااااا

بس تدرين انك مجهر ومايفوتك اي غلطه برطميه

ما شالله عليك
ابو خليف
19-08-2005, 01:58
نطلاااان

اذا استوعبت ردلي
ابو خليف
19-08-2005, 02:02
الماضي الصعب

الله يروق ايامك

اما عن امنيتك
الاملاء لعبتي وادرس المدرسين
ياخوي انا وسيبويه شبه وحده ولايهون ابو الاسود
وانا الي مشير على الماخوذ يضع النقط فوق الحرف
و اتمنى انك تدور لك مشمص سلى من حايل وتخاويه
على شان تعلم حايلي هم ترجع لي وتدرسن املاء
ابن جشعم
20-08-2005, 05:24
ابو خليف

تسان انت مستانس وهوى الشمال يضرب جنوبك ومن شبّه لشبّه بالإستراحات

وش لك بالعرس وهموموه والمكيّف وأمراضه والوظيفة ورتباطاته يابعدي..

هذي نصيحتي :)
تعاليل
20-08-2005, 18:51
أبو خلـــــــــــيف ....


:(
ســـــــؤال محيرني ..... ؟؟







هو المكيف كم قيمتووه عندكم ... هاللي حيران
تشتري مكيف ولا تعررررس ... ما أخبر ... تكاليف الأثنين
متشابهه ....









:)
لو قايل ... اشتري سياره ولا اعرررس .. ايه
نقــــــــدر نهــــضمه ... مو مكيف ....






تعاليل