ما لا حقنا شك

[المفتش]

تاريخ القبيلة ومعرفته شي مطلوب ومهم ولكن بدون ظلم للقبايل الاخرى

ومعرفة الاصل والانساب هو برضه شي مطلوب ولكن بدون تفاخر وتعالي

على خلق الله فكلنا من ادم وادم من تراب

اقول هذا الكلام بعد مشاهدة مواضيع بعض الاخوان هداهم الله واصلحهم

اللي يكررون بعض القصص اللي مامنه فايدة اللي تخلي غير الشمري ياخذ

مننا موقف مهو طيب !!!! كثر المديح ماله داعي وذكر بعض القصص كذلك ماله داعي

وذبحنا وسلخنا وسوينا وعملنا وفعلنا هذه كلها مسجلة بتاريخ القبيلة ومحفوظة

بتاريخنا وصدور رجال القبيلة اللي يبيها يلقاها

اما اليوم نحمد اللي جعلنا اخوان في بلد واحد متوحد

السالفة اللي فيها فايدة سجلوها والسالفة اللي مابها غير المغثة اتركوها

ترى بعض السوالف تغث وتدبل الكبد ..........

هذا اللي عندي وارجو السموحة ........

[احمد الهاجرى]

لا ارا في ذالك باس ايها المفتش الطيب

افتخار ابنا القبيله بقيلتهم مافيه شي يالمفتش

اخي انا من غير ابنا هذه القبيله الكريمه ويعجبني اعتزازهم بقبيلتهم وافتخارهم بافعال ابطالها

وفرسانها وشجعانها ولم يتعرضرون اويسبون احد من القبايل بل حتي افعال بعض القبايل

التي تواجهو معها عدوها ولم يضلمو احد

وبما ان الموقع يخصهم فامن حقهم يقولون الي يبون يقولونه

ياخي شوف المواقع الثانيه نفس الشي يمدحون قبايلهم وافعالهم ومن حقهم

اخي هذا رايي وانت لك رايك

وتقبل تحياتي

[مشــــعل]

جزاك الله خير يالمفتش

وانا رايي من راي احمد

من حق الجميع الافتخار بالقبيله

ولااظن به شي

[wannat_7ezen]

المفتش ......

انا معك بوجهة نظرك بالموضوع اللي طرحته لان مانبي قبليه بهذا المنتدي المميز لان بعض الضيوف تحب تشارك بالمنتدي وهم من قبيله اخري وحتي لا ينفرون من المنتدي ....


ولاهنت.....

[خالد الشمري]

الاخ المفتش حيّاك الله بهالمضيف ونيابه عن الاخوان لكن بصراحه مافهمت اللي تبيه :)

اذا قصدك مواضيع الحرب واللي عن القبائل الاخرى رح وتصفّح مضيفنا وما راح تلقى مسبّه لاي احد وهذا الشي تقدر تتأكد منه بنفسك واذا عندك موضوع مزعلك علمنا وش هو بالضبط :)
واما بالنسبه للتكرار فالظاهر به مشرف وهو اخ للجميع ((راعي الوقيد)) الشي المتكرر يحذفه وياما حذف لي ولغيري موضيع متكرره وهذا نظام وماشي على الجميع


ماقلتلك عجزت افهم مشاركتك :)
خلّك صريح وبج اللي بخاطرك (دغري :))

[سيدة القـــــلم]

ما أعتقــد ان الأخوان أخطوا بشي من حقهم الفخر بقبيلتهـــم ...
مثل مالكل يفخر بقبيلته...

وخلني أذكر لك موقف شفته قريب..
قبل ايام تقريبا كنت عند احد الجماعه ومشغلين التلفزيون..
و بحدى القنوات بالشريط المتحرك اسفل الشاشــه..مسج يقولـ
( الهتيمـي من قبيله الصلب يعزون الاسره الحاكمه بوفاه الملك فهد )
الصلب وهم الصلب بازين بانفسهم .. ومفتخرين بأرواحهم..
فكيف ماتبي شمر أعظم القبايلــ تفتخر بنسبها وبمأثرهــا ...
صحيح ان الصلب شريحه بائسه من شرائح مجتمعنا ... لكن ينقال عنهم صلب ...!!!

نبغاا شووي من العدلــ الله يرضى عليكــ

:
:
:
تحياتي

سيدة القلم

[المفتش]

يا الله حيهم ياهلا ومسهلا باللي حضر واللي قرا واللي رد واللي مارد

على الموضوع

السالفة والقصدة نوضحه للاخوان اللي اشكل عليهم فهمها اقول

كثر المدح تروه مهو زين وقبيلتنا عارفينه وكل القبايل عارفته

وافعالها ترفع الراس وتنومس بين القبايل كله عشان كذا اقول

يومنها بالسيف والكيف والحافر وصنع الكافر حنا خذينا نصيبنا

اللي نستاهله ولهو عطيه من احد خذيناوه بفعلنا

فلا تجون انتم يالشباب وتسولفون سوالف وقصص تجعل

ابناء القايل الاخرى تكرهنا من سوالفكم وتجالدونهم

بسوالف وقصص مسجله التاريخ لنا من مبطي

اوضح اكثر واقول لكم

مثل ما الاولين من اهلنا اكسبو العلم الغانم

حافظو عليه وناقشو الناس بالسوالف اللي ماتزعلهم

واللي نستفيد منه ونعرف تاريخنا منه واللي مابه غير المغثة اتركوه


واليوم انتهت الحرايب والضرايب ولله الحمد ولا بقا الا العلم والدراسة

هي اللي فيها نقدر نعيد تاريخنا ونصير بالمقدمة....

والسموحة منكم .

[شريف روما]

السلام عليكم
المفتش بالله عليك وضح لنا اشتبي بالضبط
حنا اذا افتخرنا بقبيلتنا مابه شي
قبيلة من اعظم القبايل ان لم تكن اعظمها

والواحد يذكر تاريخ اجداده
ولاتنسى ان اسم المضايف شمـــــــــر
وبوه مضيف قصة وقصيده يعني تبينا نكتب بهالمضايف سوالف عادية وضحك .
هذا تاريخ شمر ... ولازم ينذكر بهالمضايف الطيبة .
بعدين من شنهو اللي من القبايل الثانية تكرهنا ليه وشسوينالوه
بالعكس حنا مانغلط على اي قبيلة من القبايل الثانية بالعكس نحترمه وفوق روسنا .

(( احمد الهاجري ... كلام طيب منك لافض فوك يابعدي :) ))


راجع حساباتك اخوي المفتش

تحياتي

[المفتش]

حيا الله الزقروطي ومشكور على الرد

اللي ابيه طال عمرك ومن يقرا

ان مايجي شمري يسي لشمر

مثل اللي حط شمر ركن من الكون

واللي حط .........قدوة للمخاليق!!!

واللي انت كاتبة دولة شمر !!!!!!!

وغيروووووووووووه الكثير

ابيكم مثل اهلكم تكسبون الناس بالطيب والمعروف

والشمري اللي ساكن لوه بمنطقة كل الشارع يعرفووه

ودايم فاتح الباب ويهلي باللي يجيه مهو مثل بعض

الشباب اللي عمروه فوق الثلاثين ومايعرفنوه غير خواته!!!

هذا اللي ابيك طال عمرك.........

والله اني اتضايق لمني جيت ناس وقالو قصيرنا شمري

ولكن مايطلع ولا يجينا!!!!!!

فهمت هالحين وشو اللي ابي !!!!!!

[خلف الرويتع]

اخي العزيز المفتش
الي مافيه حميى الى قبيلته والى جماعته مافيه خير الى واطنه والى ارضه

اخي العزيز يجب ان نفتخر بالماضي وان نفتخر بافعالهم فقد رخص عمره في سبيل عزه هذه القبيله مات بسبب العزه والكرمه اليس من حقهم علينا ان نذكر سيرتهم

وكذلك ابناء بعد ثلاثين او اربعين سنه لن يجدو ماضي لهم

انا معك ان لانظلم القبائل الاخرا فكل قبيله فيها حقه من رجاله ولكن لانهضم حقنا في الافتخار بالماضي

وحتى لو ان المضايف التزمه بهذا الكلام الذي تطالب فيه الموقع القبليه الاخر لن تلتزم بذلك

وانا معك ان لايكون هذا الموقع لتعصب بين فخذ عن فخذ من قبيله شمر حيث ان هذا الموقع لقبيله شمر فلايجب ان نزرع الفتنه بين ابنا العم

وصدقني اننا مقصرين في سرد افعال شمر ويمكنك ان تدخل منتدى مطير او عنزه او حرب فتجد مايسرك من افتخارهم با افعالهم

اخي احمد الهاجري جزك الله كل خير حيث انك ترى ذلك من حقنا واتمناء ان جميع الاعضاء في مثل تفكيرك الفخر شي مطلوب والظلم شي مذموم

[شريف روما]

حيا الله الزقروطي ومشكور على الرد

اللي ابيه طال عمرك ومن يقرا

ان مايجي شمري يسي لشمر

مثل اللي حط شمر ركن من الكون

واللي حط .........قدوة للمخاليق!!!

واللي انت كاتبة دولة شمر !!!!!!!

وغيروووووووووووه الكثير

ابيكم مثل اهلكم تكسبون الناس بالطيب والمعروف

والشمري اللي ساكن لوه بمنطقة كل الشارع يعرفووه

ودايم فاتح الباب ويهلي باللي يجيه مهو مثل بعض

الشباب اللي عمروه فوق الثلاثين ومايعرفنوه غير خواته!!!

هذا اللي ابيك طال عمرك.........

والله اني اتضايق لمني جيت ناس وقالو قصيرنا شمري

ولكن مايطلع ولا يجينا!!!!!!

فهمت هالحين وشو اللي ابي !!!!!!

هلابك يالمفتش
اللي قال شمر ركن من ثبات الكون هذا غلطان وغلط عظيم
وبعدين بشنهو مضايقتك دولة شمر .. لا وحاط علامات تعجب
على فكرة شمر كانت دولة قبل وله علم .

وانت طلعت بره الموضوع ... الحين شدخل المضايف بالجيرة واللي يفتح بابوه ويهلي بالناس

كأني افهم من كلامك اللي يفتخر بقبيلتوه مايفتهم .!!!!!!!!!!!
والله كلامك غريب عجيب يالمفتش ..

اذا انت ماتفتخر بشمر هذا شي راجع لك بس ماتقدر تجبرن ولا تقدر تجبر اي واحد يفتخر باصلوه
الظاهر (( والله اعلم )) انك ودك يسكرون مضيف قصة وقصيده لان بوه سوالف شمر الطيبة لان هذا الواضح من كلامك .. تقول لاتفتخرون ... يعني ماتبي نذكر سوالف شمر ..!!!!!!!!!!!!!!!!!



كلمة اخيرة (( يالمفتش - فتش عن الحقيقه يابعد حيي - ))

[اخوكم في الله]

ما أعتقــد ان الأخوان أخطوا بشي من حقهم الفخر بقبيلتهـــم ...
مثل مالكل يفخر بقبيلته...

وخلني أذكر لك موقف شفته قريب..
قبل ايام تقريبا كنت عند احد الجماعه ومشغلين التلفزيون..
و بحدى القنوات بالشريط المتحرك اسفل الشاشــه..مسج يقولـ
( الهتيمـي من قبيله الصلب يعزون الاسره الحاكمه بوفاه الملك فهد )
الصلب وهم الصلب بازين بانفسهم .. ومفتخرين بأرواحهم..
فكيف ماتبي شمر أعظم القبايلــ تفتخر بنسبها وبمأثرهــا ...
صحيح ان الصلب شريحه بائسه من شرائح مجتمعنا ... لكن ينقال عنهم صلب ...!!!

نبغاا شووي من العدلــ الله يرضى عليكــ

:
:
:
تحياتي

سيدة القلم



اختي العزيزة كنت اتمنى انك ماتسبين احد خلي الناس بحالها

على كل حال لك مني كل الاحترام والتقدير انا ماعرفك لكن لعيون شخص تكرم مدينة لي اصدقاء شمامره

اغلى من اخواني ولا اذكر سمعت منهم الكلمة الشينه

ولانبي نفتح سيره بالموضوع هذا لانه يطول الحديث فيه. انا قريت الموضوع هذا وسجلت علشان ارد على

اختي سيدة القلم ولك فايق تقديري واحترامي ولشمر كلها

[سعد الشمرى]

السلام عليكم ورحمة اللة وبركاتة


اخوى العزيز المفتش


كلامك ذهب الى بة فوايد نذكرة والى مابوة الى المغثة نتركو ولكن انا اخالفك الراى بذلك المدح جايز يا اخى والى مابة خير لربعة مابة خير لنفسة وهاهم اجدودنا وابائنا واسلافنا وامرائنا وشيوخنا بل النبى علية افضل الصلاة والسلام سيدنا محمد يمدح قبيلة قريش
وهاهو الامير شايع
انا من اهل الجبلين من روس شمر =خاوى عاصى على كل حكام
وهاهو الامير عبيد الرشيد
انا ولد على سلايل اكحيلان =اللة خلقنى لسبايا وداعة
وكذلك غريب الشلاجى يمدح بخوالة عفية خوالى مابهم واحدن بار


نحن لانمدح بل التاريخ يمدحنا ونحن لم نذم او نعترض طريق اى قبيلة يا اخ المفتش نحن اكبر من هذا الكلام نحن اهل السطر


من خلقت الدنيا وحنا مساطير = نسطر شجاعة مابنا واحد جزوعى
خوينا نجزية صافى التعابير = وعدونا لاشافنا قلبة يروعى
على العموم يا اخى العزيز المفتش ارجع الى كل المواضيع سوف تجد بكل موضوع نترحم على افلان ونمدح افلان وليس من شيمتنا الذم والقذف

لاهنت وزنت

[ghosty]

اخوي العزيز انا من الاعضاء الجدد في المضايف فعليا

ولا اذكر اني قريت اي موضوع فيه مساس باي قبيلة او اسم اخر

بالعكس اي موضوع يكون فيه مجرد شبهه يتم حذفوهـ من قبل المشرفين او تجد عزوف عنه من الاخوان

الاعضاء !!!! او في ابسط الحالات يتم اغلاق الموضوع والاكتفاء بما ذكر منه وكذالك التعديل في الردود

الغير مستساغه لو انها نادرهـ والحمد لله(هذا ما وجدته بهالمنتديات)

اما بالنسبه للقولك ان كل العلوم والسوالف محفوضه ومعروفه فاسمح للي ياسنايدي (يمكن بالنسبه لك

بحكم ان شيبانك الله يطول بعمارهم من اللي على علم ودراية بالعلوم والقصص والقصايد لكن ياسنايدي

بالنسبة للي انا كنت اضن اني عارف كل شي لين دخلت المضايف فلقيت ان كل اللي انا عارفه وحافضه

مجرد نقطة في بحر وكذالك تغيرت وجهة نظري في كثير من المواضيع بمساعدة الاخوان ومناقشاتهم

اخوي العزيز مابي اطول بس حبيت اقول بدون مجاملات ولا تملق باني اعتبر المضايف باعضائها خصوصا من

يكتبون في قسم قصة وقصيدة انهم المنقح الحقيقي في الوقت الحالي والحافظ للتاريخ شمر)

واللي اتمناه انهم يستمرون في العطاء واثرائنا بما لديهم للتعم الفائدهـ ويحفظ هذا التاريخ اللي اعتبرهـ

دافع لاي شخص بان يستقي منه ويمشي عليه (حتى لا تجد يا اخي العزيز شمري يقولون جيرانه انه ما

يجيهم ولا شافوهـ)

ارجوا اني ما طولت عليكم بردي

ولا خلا ولا عدم منكم جميع

[فواز الغسلان]

اخوي العزيز ابوسلطان اعتقد اني فهمت مغزاك ومقصد كلامك وهو:


اولا: ان هناك احداث جرت للقبيله لم يتم تدوينها سابقا فهذه لابد من تدوينها حفظا للتاريخ مثل اي قبيله

اخرى حتى لو كانت معركه ضد قبيله اخرى وماشابهه00


ثانيا: ان هناك من يكرر موضوع سبق طرحه من احد الاخوه لكي يصيغه مثلا بالطريقه التي يراها او انه في

كل رد او تعليق يكرر ذبحه قوم او طردة قوم مع انه سبق ان قيلت سابقا ودونت ولاخير في اعادتها00


ثالثا: انه حتى في كتابة الموضوع ان يكون عقلانيا في وصف القبيله سواء شجاعتها او طيبها فلايتعدى

حدود العقل وانها تبقى قبيله قويه ولايمنع انها تنهزم احيانا وقبيله كريمه ولايمنع ان فيها من يقصر احيانا

كما قيل بالمثل الشجره الخضراء فيها غصن يابس00

ولايمكن تصويرها بانها قبيله لاتهزم او ليس فيها من يخطي ابدا سواء من افرادها العاديين او شيوخها

كما قيل : وماسمي الانسان الا لنسيه00 ولا القلب الا انه يتقلب

والشخص من القبائل الاخرى اذا رأى موضوعا فيه هزيمة قبيلته موثقا بالادله ونزل فلا يجزع لانه يعلم انه

في منتدى قبيله اخرى لها الحق في حفظ تاريخها00 لكنه يجزع اذا تم ترديد هذا الكلام بسبب وبدون سبب

او ان الموضوع صيغ بطريقه فيها احتقار لقبيلته فهنا سيجزع وسيكون له الحق00

اعتقد ان هذا مااراد ذكره ابوسلطان وهو ان يكون ذكر الروايات للحفظ عن الضيع والتوثيق وليس للافتخار

فقط على الاخرين او ازدرائهم وتقبلوا تحياتي العطره الراوي00