يابس الراس
15-08-2005, 14:40
السلام عليكم ورحمة الله وبركاته
وشلونكم ....طيبين .....عساكم بخير
اليوم انا بعلمكم بالجزء الثالث من هالمغامرات<<<<وارجو المعذره على التاخير
المهم.... السالفه ومافيها اني سرحت للمدرسه يوم الاثنين واثناء النشاط المدرسي تفاجانا بمدير المدرسه يصرح كعادته (نسخه مصغره من الصحاف)
وقال مانصه ............................................................. هذي كلها مالها لزوم(وسوف يزور مدرستكم النموذجيه<<<الله من الكذب.... يوم الاربعاء المقبل مدير ادارة التعليم بالمنطقه
وعلى من تسول له نفسه <<<<مافيه قصاص بس المدير مثقف شوي
انه يقوم بتنضيف المدرسه وتزيينها (اخفا العيوب بالاصح) ان يحضر للمدرسه اليوم بعد صلاة العصر
المهم انا والعيال ما صدقنا خبر قررنا نزين الفصل
ولا يجي من نصيبي اني اجيب قطعة قماش بيضاء اولله لبلشه من وين ندبرها ...ياولد قلت يدبرها ربك
وبعد صلاة الظهر بالمدرسه قررنا الهرب ......... السابعه فنيه
وقمنا بتنفيذ المهمه انا ومعي 2 من العيال لكن المدير درى بالسالفه<<<انا شاكن بوضع المدير انه ساحر
ويقوم الرجال يتحلف فينا ويقول هم بيجون عصر للمدرسه والله لخليهم عبره
العيال اللي معي قرر عدم الحضور للمدرسه ولكن انا راســـــــــــــــــــي يابس
قلت (اعلى ما فخيله يركبه الرأبه ديه ما يفكهاش الا اللي ركبها)
المهم كلمت الشايب ابي الموتر والا الرجال معصب وعيا
والمهم واحرك الكروت اللي معي كلها
مافاد
مابقا لي الا كرت واحد (الوالده الله يحفضها) وادفه بالميدان
والا والله تمعط الذيب من ذيله والا تجيب لي المفتاح حق الشاص
قلت الها بقا خدمه بسيطه
وشي .... ابي قماش ابيض.... قالت ماعندي
المهم خربت الشغله ويوم قدني طالع من البيت والا المح (صقر الله يخلين لهلي) هاك الشرشف الابيض على الحبل وامصع السين من جيبي وا قصقصه واحط القطعه بالثوب والا الوالده يوم طلعت وشافت الشرشف ....... والا تدعي علي هاك الدعوه ...قالت الله لا يوفقك (رجا لاحد يزعل امه مثلي وترا باقي السالفه سببه هالدعوه وخذوها نصيحة محب)
المهم دريت انها بوجهي
واخذالموتر واقعد احوم بها لشوارع والا ينقطع البنزين هذا اول الفال والا المحطه تبعد كيلو كيلو ونص وش العمل
اتلفت حولي الا هاك العماره تبنى ولا تحتها ثلاثة سياكل والقط الجركل اللي معي بالموتر واخذ واحد ن هالسياكل بدون ما يحس احد
المهم واجي عند المحطه والا مسكره واقعد لين صليت العصر بالمحطه وبي الجركل واجيك والا
ال ابو هنود عند الموتر وجايبين الشرطه والله اليوم المبارك
قالو يبون تعويض ويمرمطني العكسري ويوم علمته من انا ولده
ويرجع على العمال يقنعهم بحل المشكله... المهم شكرته وراح واعود على موتري واصب البنزين ومن العجله بقا شوي بالجركل وانطلبه فالصندوق
وادق سلف واقحص في وجيه الهنود
واخــــــــــــــــــــــــــيرا وصلت المدرسه والا المدير عند الباب بغيت ارجع ...قلت ياولد اربه نسي
ويوم نزلت من الموتر توقعو وش سوى
نظرا لانكم شكيتو انه بيلفعن فان غيرت الموضوع
والا الرجال يرحبي.... ههههههه على مين.... تمسكن لين تمكن ياشاطر والا الوضع صدق (دريت ان به سالفه الذيب مايهرول عبث) قلت له اعجل وش تبي ..قال(شف الرد) الله يطولنا في عمرك
البوابه حقت الملعب العمود اللي ماسكه منعفط ونباك تعدلها بالشاص (حانن موتره الاخ فالله)
المهم نزلت الواير من الصندوق والا البنزين منكب وامسحه بالقماش اللي بجيبي ومن الغبا رديته بجيبي
المهم عدلت الحديده (انا عدلتها من هنا والمدير انقلب من النحيه لاخرا) والا يقول ياورع امش سرعه والا بقفل الباب في وجهك....... واجيك اركض لين دخلت المدرسه واروح الفصل والا العيال متجمعين يكتبون صحايف المهم اشرفت شوي
والا مدرس العلوم يناديني انا ومشحن زميلي .... ونجيه خير انشا الله قال جيبو لي اللوحه الصفرا اللي بغرفة المدرسين والا مدرس العلوم هذا من المطافيق اللي خالقهم ربي تصدقون جايب صواريخ وطرطعان عشان مسرحية مسويها هو وي وجهه المهم...........رحنا نجيب اللوحه
وبمجرد رفع اللوحه والا نلقا المتفجرات<<<امزح لاحد يبلغ
المهم قررت اتسلف شوي منها الطراطيع (لا احد يقول اسرق ...انا ما اسرق)
المهم حطيتها بجيبي كثر الجراد وقلت لمشحن يروح بالوحه لحاله ويصرف المدرس اما انا رحت للفصل والا القا واحد من العيال (ماني معلمكم باسمه) يدخن
قلت ارم الدخان قال معصي .......المهم واخم السجاره من فمه واحطها بالدرام واصفقه
المهم بعد هذا الفاصل المهاري علمت الرجال بالعلم اللي معي ولا يروح وسيود الراس ويعلم المدرس .......... جاني مشحن وعلمني بالعلم .... قولو لي وش الدبره ..........واحط المفرقعات بقطعة القماش واحطها بالدرج (على ان المدرس بيفتش جيوبنا وبس )والا العلم يوم اختلف والرجال قام يفتش الدروج
واسحب قطعة القماش وبحركه سلميه ودخول من تحت السله ولينها بالدرام .......... المدرس حاسة السمع عنده قويه 20/6 يختلف عن البشر
ويتجه للموقع المخصص لدرام الزباله <<<<وليته ما اتجه
ويمد يده بالدرام <<<<<وليتهما مدها
فجئه يحدث انفجار وطرطعه ويغدي وجه المدرس اســــــــــــــــود <<<كن واحد مدبل بوجهه
انا قرطت في ثوبي وانحشت
واركب الموتر واشغل واعطيه نمره وفرحان اني انحشت
واذ بيد خفيه تدخل علي مع القزاز الجانبي وتمعطن من السياره وتدوبني دوب لين قلت العيد باكر
واذا باليد الخفيه ماهي الا يد
مدرس العلوم واذا بالشاص لم يتحرك من محله لانه لازال مربوط بالواير في الحديده
وسلامتكم واتمنى ان تكونو انبسطتو من السالفه وتقبلو حياتي
وشلونكم ....طيبين .....عساكم بخير
اليوم انا بعلمكم بالجزء الثالث من هالمغامرات<<<<وارجو المعذره على التاخير
المهم.... السالفه ومافيها اني سرحت للمدرسه يوم الاثنين واثناء النشاط المدرسي تفاجانا بمدير المدرسه يصرح كعادته (نسخه مصغره من الصحاف)
وقال مانصه ............................................................. هذي كلها مالها لزوم(وسوف يزور مدرستكم النموذجيه<<<الله من الكذب.... يوم الاربعاء المقبل مدير ادارة التعليم بالمنطقه
وعلى من تسول له نفسه <<<<مافيه قصاص بس المدير مثقف شوي
انه يقوم بتنضيف المدرسه وتزيينها (اخفا العيوب بالاصح) ان يحضر للمدرسه اليوم بعد صلاة العصر
المهم انا والعيال ما صدقنا خبر قررنا نزين الفصل
ولا يجي من نصيبي اني اجيب قطعة قماش بيضاء اولله لبلشه من وين ندبرها ...ياولد قلت يدبرها ربك
وبعد صلاة الظهر بالمدرسه قررنا الهرب ......... السابعه فنيه
وقمنا بتنفيذ المهمه انا ومعي 2 من العيال لكن المدير درى بالسالفه<<<انا شاكن بوضع المدير انه ساحر
ويقوم الرجال يتحلف فينا ويقول هم بيجون عصر للمدرسه والله لخليهم عبره
العيال اللي معي قرر عدم الحضور للمدرسه ولكن انا راســـــــــــــــــــي يابس
قلت (اعلى ما فخيله يركبه الرأبه ديه ما يفكهاش الا اللي ركبها)
المهم كلمت الشايب ابي الموتر والا الرجال معصب وعيا
والمهم واحرك الكروت اللي معي كلها
مافاد
مابقا لي الا كرت واحد (الوالده الله يحفضها) وادفه بالميدان
والا والله تمعط الذيب من ذيله والا تجيب لي المفتاح حق الشاص
قلت الها بقا خدمه بسيطه
وشي .... ابي قماش ابيض.... قالت ماعندي
المهم خربت الشغله ويوم قدني طالع من البيت والا المح (صقر الله يخلين لهلي) هاك الشرشف الابيض على الحبل وامصع السين من جيبي وا قصقصه واحط القطعه بالثوب والا الوالده يوم طلعت وشافت الشرشف ....... والا تدعي علي هاك الدعوه ...قالت الله لا يوفقك (رجا لاحد يزعل امه مثلي وترا باقي السالفه سببه هالدعوه وخذوها نصيحة محب)
المهم دريت انها بوجهي
واخذالموتر واقعد احوم بها لشوارع والا ينقطع البنزين هذا اول الفال والا المحطه تبعد كيلو كيلو ونص وش العمل
اتلفت حولي الا هاك العماره تبنى ولا تحتها ثلاثة سياكل والقط الجركل اللي معي بالموتر واخذ واحد ن هالسياكل بدون ما يحس احد
المهم واجي عند المحطه والا مسكره واقعد لين صليت العصر بالمحطه وبي الجركل واجيك والا
ال ابو هنود عند الموتر وجايبين الشرطه والله اليوم المبارك
قالو يبون تعويض ويمرمطني العكسري ويوم علمته من انا ولده
ويرجع على العمال يقنعهم بحل المشكله... المهم شكرته وراح واعود على موتري واصب البنزين ومن العجله بقا شوي بالجركل وانطلبه فالصندوق
وادق سلف واقحص في وجيه الهنود
واخــــــــــــــــــــــــــيرا وصلت المدرسه والا المدير عند الباب بغيت ارجع ...قلت ياولد اربه نسي
ويوم نزلت من الموتر توقعو وش سوى
نظرا لانكم شكيتو انه بيلفعن فان غيرت الموضوع
والا الرجال يرحبي.... ههههههه على مين.... تمسكن لين تمكن ياشاطر والا الوضع صدق (دريت ان به سالفه الذيب مايهرول عبث) قلت له اعجل وش تبي ..قال(شف الرد) الله يطولنا في عمرك
البوابه حقت الملعب العمود اللي ماسكه منعفط ونباك تعدلها بالشاص (حانن موتره الاخ فالله)
المهم نزلت الواير من الصندوق والا البنزين منكب وامسحه بالقماش اللي بجيبي ومن الغبا رديته بجيبي
المهم عدلت الحديده (انا عدلتها من هنا والمدير انقلب من النحيه لاخرا) والا يقول ياورع امش سرعه والا بقفل الباب في وجهك....... واجيك اركض لين دخلت المدرسه واروح الفصل والا العيال متجمعين يكتبون صحايف المهم اشرفت شوي
والا مدرس العلوم يناديني انا ومشحن زميلي .... ونجيه خير انشا الله قال جيبو لي اللوحه الصفرا اللي بغرفة المدرسين والا مدرس العلوم هذا من المطافيق اللي خالقهم ربي تصدقون جايب صواريخ وطرطعان عشان مسرحية مسويها هو وي وجهه المهم...........رحنا نجيب اللوحه
وبمجرد رفع اللوحه والا نلقا المتفجرات<<<امزح لاحد يبلغ
المهم قررت اتسلف شوي منها الطراطيع (لا احد يقول اسرق ...انا ما اسرق)
المهم حطيتها بجيبي كثر الجراد وقلت لمشحن يروح بالوحه لحاله ويصرف المدرس اما انا رحت للفصل والا القا واحد من العيال (ماني معلمكم باسمه) يدخن
قلت ارم الدخان قال معصي .......المهم واخم السجاره من فمه واحطها بالدرام واصفقه
المهم بعد هذا الفاصل المهاري علمت الرجال بالعلم اللي معي ولا يروح وسيود الراس ويعلم المدرس .......... جاني مشحن وعلمني بالعلم .... قولو لي وش الدبره ..........واحط المفرقعات بقطعة القماش واحطها بالدرج (على ان المدرس بيفتش جيوبنا وبس )والا العلم يوم اختلف والرجال قام يفتش الدروج
واسحب قطعة القماش وبحركه سلميه ودخول من تحت السله ولينها بالدرام .......... المدرس حاسة السمع عنده قويه 20/6 يختلف عن البشر
ويتجه للموقع المخصص لدرام الزباله <<<<وليته ما اتجه
ويمد يده بالدرام <<<<<وليتهما مدها
فجئه يحدث انفجار وطرطعه ويغدي وجه المدرس اســــــــــــــــود <<<كن واحد مدبل بوجهه
انا قرطت في ثوبي وانحشت
واركب الموتر واشغل واعطيه نمره وفرحان اني انحشت
واذ بيد خفيه تدخل علي مع القزاز الجانبي وتمعطن من السياره وتدوبني دوب لين قلت العيد باكر
واذا باليد الخفيه ماهي الا يد
مدرس العلوم واذا بالشاص لم يتحرك من محله لانه لازال مربوط بالواير في الحديده
وسلامتكم واتمنى ان تكونو انبسطتو من السالفه وتقبلو حياتي