سقنا تميم عن ديار الخشيمات

[متعب الخريصي]

سقنا تميم عن ديار الخشيمات سوق الظوامى فوق حامى حجرها 00000000000000000سقناه لجفيفا وللمستجدات --- وقراقرا له من يقلع شجرها0 0000 اريد سبب القصيدة وباقيها وشكرا

[سيدة القـــــلم]

للأســف ليس لدي مافيدكـ به...

انتظر الاخوه لن يقصروا معكــ ...

تحياتي

سيدة القلم

[الصيرمي]

مثل الي قبلي:)

اعتذررر حتى ما تستنوني هههههه

تحياتي:)

[مشــــعل]

حياك الله يامتعب

الخشيمات المقصودين بالقصيده هم الخشيمات من بني خالد
وكانت لهم علاقه مع الرشيد علاقة نسب
وكانت زوجة ماجد الرشيد منهم اللي اسمه صيته

المهم صارت معركه على موارد ماء بين بني خالد اللي هم الخشيمات وبني تميم
وكسروهم الخشيمات
يامار فيه شاعره من بني تميم اسمه هيا خواله من بني خالد
قالت قصيده تحرض به التمايمهتقول

الماء غدوبه عن عمامي خوالي=لعن ابوكم اذبحوهم ولو بوق
الماء غدوبه متعبين المحالي=مثل العساكر لجته بالضبط فوق

وهو يتجهزون بني تميم وشيخهم حمير بن عياده يبون يشنون حرب على الخشيمات
وهو يدري الامير عبدالله بن رشيد يامار الامير فزعته مع الخشيمات
قال الامير عبد الله بن رشيد

ياحمير بن عياده هيهات هيهات=..........................
سقنا تميم عن ديار الخشيمات=سوق الضوامي عن زلالي نهرها
سقناه للسبعان والمستجدات=وارف افرله من يقلع شجرها
مع العلم ان قفار كانت لحمير بن عياده
ولكن الامير عبدالله طردوه وعين زيد الخشيم عليه

[متعب الخريصي]

سيده القلم
الصيرمي
لكم جزيل الشكر

[متعب الخريصي]

اخوي مشعل الف الف شكر
ماقصرت الله يعطيك العافيه
وبيض الله وجهك

[خالد الشمري]

الاخ متعب السالفه انه بأول حكم الامير عبدالله الرشيد وقفو زيد الخشيم الخالدي راعي قفار وجماعته معه ووقفو التمايمه بزعامه عياده بن فريح الحميّر ضد الامير عبدالله الرشيد فكان للشعر دوره فقال الامير عبدالله الرشيد ((بعض الابيات )):


تلفي للحميّر والبيوت الرفيعات= اللي بزعمه حاميه عن خطرها
هيهات يابن فريح هيهات هيهات= هيهات وين دروبكم وين اثرها
سقنا تميم عن ديار الخشيمـات=سوق الضوامي عن زلالي نهرها
سقنـاه للروضه والمستجـدات=وقراقره من يقلّـع شجرهـا
حنا هله اهل العلوم القديمات = معنا محاكيها ومعنا خبرها
ومن ذل يزبنّ كما تزبن الشات = بروس الجبال العاليه من ظهرها
فرد عياده بن فريح الحميّر ((بعض الابيات )):

كنّك تحط بعيرف لك منارات = وضرب بحد السيف يشعي ظهرها
لو ديرتك به للتميمات مشهات=جزّوك عنها يم وادي صقرها
مار انها ماءٍ ملاح ٍ هماجات= ماتنبت الا حرملان شجرهافوقعت الحرب بين الامير عبدالله الرشيد ومعه زيد الخشيم من جهه وعياده بن فريح الحميّر ومعه ربعه من جهه ثانيه((عند الرصف )) وانتهت المعركه بإنتصار الامير عبدالله الرشيد عليهم واخضاعهم لاماره الرشيد ببدايه الحكم ((المصدر اشرطه للراويه عبدالرحمن المرشدي ))

ان شاء الله لي رجعه على الموضوع واجيب القصايد كامله

[متعب الخريصي]

تسلم اخوي خالد
الله يعطيك العافيه ماقصرت

[ناصر البكر]

الله يهديكم يالخوال
ماهي كذا القصة
والمعروف علاقة ابن رشيد الحميمة معهم
وانظر في عنوان المجد في تاريخ نجد والمؤلف ماهو تميم ، ويذكر
ان ابن رشيد يوم جاء حايل نزل بقفار عند بني تميم والمعروف ان ابوه علي الرشيد عايش مع بني تميم بقفار ، المهم ان القصيدة كانت من عبيد ماهي من عبد الله ، وكانت مداعبات مع رفيقه حمير بن عيادة
والمشهور والموثق بالقصيد ان بني تميم كانوا مع ابن رشيد واهل حايل بالسراء والضراء ، ويوم معركة الجوف وقبلها ظفرة ، وعقبها بقعا
وحت كون النصية ، واللي ذبحوا من عمامي القريبين بكون النصية ( ناصر البكر وانا سميّه ومنصور وعبد الله الاول بن تركي البكر وراشد المحمد البكر ، هذا غير اللي سلموا مثل عمي بكر وغيره ، ارجوا ان يكون اللبس قد انجلى ، ومااظن ان هناك داعي للحساسيات ، والحقيقة
قمت بنشر موضوع في مجلة اصداف العدد الاخير عن تميم ، والعدد القادم ان شا الله عن اخوالي قبيلة شمر ، حتى لاتعتقدوا ان قمت بالرد من باب التعصب او اختلاق الحساسية والنفور ، وشكرا لكم

[خالد الشمري]

الاخ الفاضل ناصر البكر لاشك ان علاقه بني تميم بشمر اكثر واكبر علاقه يمكن ان تصير بين قبيلتين وبني تميم هم حمران الجبل ولا يبي لهم تعريف عن رجولتهم وكرمهم اللي نفتخر به وعلومهم اكبر من ان اي شخص يسولف عنهم والحقيقه ان بني تميم جزء لايتجزء من حائل واهله واظن يكفينا من جدودك علم الشاعر الكبير عمر البكر وقصيده المعروف عند كبار السن بالرشيد ويكفي عائله القبالي وعلاقه عبدالله الرشيد بهم وعلومهم وفريّسهم ومراجلهم معلومه للجميع وقلت لك ماهو انا ولا غيري اللي يتكلم به ....ووالله يأخ ناصر لو ماسأل اخونا لما قلنا القصه ويبقون التمايمه بقلب كل انسان من هل حائل ويوم نجيب القصه ماهو احتقار لأحد ..........
ويكفي ماقيل فيهم من قبيله شمر قديما وحديثا من مدح

قال حسن بن طليحان الشمري من قصيده له في بني تميم:-


جيـنـا مسايـيـر عـلـى ابـــن لـحـيـدان=نـبـي نـشـوف الـلـي تـشـرف اخـبــاره
عـمـار يــادار بـهــا ابـــن لـحـيـدان=مـا كــر صـقـور مــن نــوادر حــراره
بـــــــنــــــــي تميم بالفضايل لهم شان=مكارم الاخلاق دايم شعاره
رمــز الـكـرم والـجـود يـانـاوي عـنـوان=مـفـاخـر الاجـــود عـــز ووقــــاره
ابــن لحـيـدان عـلـى الطـيـب شـفـقـان=عـشـيـر ضـيـفـه والمـسـيـر وجـــاره
لـه مجلـس دايــم مــن الـغـوش ملـيـان=شـبـاب نــار يـعـطـي الـبــن كـــاره
والـمــدح بالـطـيـب دلـيــل وبـرهــان=والـلـي تـجـر بالطـيـب نـعـم الـتـجـاره
ماهـمـتـه دنـيــاه زايـــد ونـقـصــان=مـقــدم قـــروم مـايـهـاب الـخـسـاره
وراعــي قـفـتـلا بالـمـكـارم وعـثـمـان=مـنــارة بالـطـيـب نــعــم الـمـنــاره
وراع القـصـر والشبـرمـي وابــن عفـنـان=لا سولـفـو بالـطـيـب نـسـمـع خـبــاره
ومــع الهذيـلـي والهيـافـا ابــن حـمـدان=ولا قـالــط مـــن قـــوم الا خــيــاره
واخـو شمـا الهريـش ســاس لــه اركــان=زبــن الظهـيـد الـلـي بـحـالـه غـيــاره
وبـــــــنـــــــي تميم عموم من غير حقران=معادن بالطيب تاتي اخباره
ويامـا انفقـوا مـن حــب صنـعـا وسـيـلان=الـلـي بسـفـن الهـنـد يـاتــي بـهــاره
واهــل الجـبـل عـمـوم حـظـر وبــدوان=فـــازو وحـــازو طيـبـهـم بـالـجـداره
بـــــــنــــــــي تميم وشمر طيبهم بان=مشاعل توظي بليل نهاره
اهــل العـصـام اجــا وسلـمـى ورمــان=اهـل القـرى والـلـي سـكـن فــي مــداره
واهــل الصـفـاة ونـعـم ذربـيـن الايـمـان=اهــل البـيـوت الـلـي يـشـرف جـــواره
عسـى الحيـا ببلادهـم فــي كــل الازمــان=دار الصـخـا عـســاه تـخـظـر ديـــاره
وصلـو علـى المخـتـار بالـسـر والاعــلان=وســـلام يـلــي تسـمـعـون الـعـبـاره

بعد المقدمه البسيطه لايمنع من حدوث اختلاف معهم خاصه ان الامير عبدالله الرشيد واجه المشاكل مع عيال عمّه العلي وهم اقرب الناس له وحصلت مشاكل كثيره بدايه حكمه الين استطاع اخماد اي مشكله تحصل واوله القضاء على عيال عمّه العلي وصارو بني تميم وبني خالد وعموم حجلان اهل حائل بالاضافه الى شمر جيش له هيبته الى سقوط اماره الرشيد
واخيرا رحمة الله على من ذكرت من موتاكم وموتانا وموتى المسلمين

[مشــــعل]

ماأزيد على كلام ابو فراج

ولكن السالفه معروفه
ولاهو ردى ببني تميم كانهم وقفوا ضد الرشيد
لانه ببداية امارة الرشيد كان لهم معارضين حتى من شمر
بل حتى اولاد عمهم العلي معارضين لهم

والمعروف ببداية الاماره ان الخشيمات مع الرشيد
اما بني تميم مع العلي ويمكن هذا احد اسباب الاختلاف

على العموم ياناصر حياك الله
وبانتظار جزئك اللي عن شمر
علشان نستفيد منك لاهنت

[دواس البراهيم]

هلا بخوالي

يامشعل

بن رشيد ماطرد حمير

ولا هم يحزنون

كانت مداعبات بين حمير (( اخو عبطاء) وبين عبيد بن رشيد

وارسل عبيد لحميّر بن عياده قصيده

ورد عليه اخو عبطا بالقصيده هذه :


ياراكب من فوق حمـرا سبرتـات =ما ضرب أبوها كود يعرف مهرهـا
هيهات يا جويلان هيهات هيهـات =هيهات وين سيوفكم ويـن أثرهـا
لـو إن دارك للتميمـات مشهـات =قزوك عنها يـم محامـي صقرهـا
فنك تحط براس أعيـرف منـارات =وتشرب قراح من زلالـي نهرهـا
ما غير تشرب من هماج الحميضات =وأوذيت نطار الخضر في نطرهـا

هذا رد اخو عبطا على بن رشيد

واتمنى ان يتم التأكد من القصه قبل الخوض فيها

وسأدرج موضوع عن اخو عبطا اتمنى الاطلاع عليه للأهميه

والقصه مدرجه في الموضوع

تحيتي

[السد العالي]

اشكر الجميع على هذا الطرح المتزن