في محطة البنزين [الأرشيف]

الأصيل

08-08-2005, 14:05

السلام عليكم

*********************************

بالخير ياعرب

بالخير ياعربات :d:

هاه .. وشعندك من العلوم يابو ثوب ؟؟

والله يافلان ..عندي علمن مايسر الصديدز

أفا ... ليه ... عسى ماخلاف

خذ السالفه

من طأطأ .. لسلام عليكم ،، عليكم السلام .. إقلط :7ayyoh:

*************************************

ملاحظه :

نظراً لأن الموضوع موضوعي أنا

ولا لأحد شراكتن بوه

أرجو من خيواتي البقاء في مضيف المطبخ وشكرن

لأن الموضوع رجالي بحت .:001b:

****************************

دقت الساعه ....

خمشته .. وسكرته ..

وقمت وغسلت ( مثقف الله يخليني لأهلي ):p:

ولبست ثوبي

وأنا أرتسب اللكزس كامري 500SEL:d:

أثاري البنزين على آخر شخطه

يدووووبك يوصلن للمحطه

تخبرون أو يخبر بعضكم أو يخبر طنخان

ونت طالع من الجهرا ( ياملا السيل هكا الديره ):480r:

أول ماتقظب طريدز الدايري الرابع

بوه محطه على يمينك

الخدمه ذاتيه .. يعني مافيش عمال

ولا يجون العمال مسابيع الأبو ألا للحريم:151r:

لأنهن مايحولن من السياره ...

يجيهن عامل ويعبي البنزين وهن جالسات على المكيف:c:

.......................................

وصلت للمحطه

لقيته زحمه

والفتحه حقت البنزين من جيهة السايق

ولا لقيت شيشتن فاضيه

فاضطررت

( حلوه هالكلمه .. قريته بحدا جرايد التلفزون ):315r:

اضطررت إني آقف عند أي شيشه

حولت

وسحبت ( اللي ) ( الهوز ) فيد البنزين

ومغطته حييييل ،، يالله وصل لفتحة التانكي من الجيهه الثانيه

وأنا لك أضغطوه ..

وهو يجي يهدر ...

المهم ...

مديت يدي على مخباي

علشان أتأكد إن القروش معي

تركت الهوز أو اللي

وهو لك ينفلت

أول ما رش على ثوبي

تبللت من الحزام وحدر :359r:

وهو يقع بالقاع

قظبتوه بسررررعه

وأنا أودزفوه

لكن وشعقبوه

عقب ماسبحت من البنزين ( يمكن لوتدقن سلف .. إني أشتغل ):p:

المشكله إننا بالقيض

وثوبي صيفي أبيض كم طويل مقاس 44 عرض 22، أربع زرارات

مخفي دبل .. زرار واحد للحلق، نص ارتوب، فتحه بالسقف، 6سلندر:d:

قلت .. مهو مشكله

البنزين يطير بسرعه من الثوب

وتعاجزت لا أرجع للبيت وأبدل ثوبي

رتسبت موتري

توجهت للكاشير ( المحاسب )

يالربع ... مامداني آصلوه

يومني حسيت بالحراره

يومن الحروره قامت تلتسعن لتسع

وصلت للمحاسب

عطيتوه المقسوم ،، وقلت .. اعذرونا عن القصور

قال : ماجيت بقصور ( هي عانية عرس يابوثوب ؟؟؟!!!!!):goooood:

يالربع

حسيت إن بي بلا

الحراره مهي طبيعيه

ولعت

شغلت المكيف ،، وهو يزيد بلاي

طفيت المكيف وفتحت القزاز.. ونا لك أشب نااااااار:eek:

والله العظيم

إن الدنيا ضاقت بي

احترقت .. ولا من نار

لكن حرارة البنزين صلخ الجلد ( الله يدفع البلا )

الحين أبي أهلي ... ماني والدوام

ونا لك ألف من عند جسر السكراب ( كبري التشليح )

ونكس للجهرا

ونا أحط رجلي ...وأجيك طاااااااااااااااااااااير

والحراره كل ما له تزيد

أحس إني بتنور

يابعد أهلك عليك يابوثوب :408r:

ومن حسن حظي الحلو إني لاأقبلت على إشاره

ولعت حمرا .. ( ياعساه للهدام والعدام ):151r:

طبعاً .. أخوكم صار مشوي ...

لو يحصل حمص ومتبل ... أصير : مندي آدمي :290r:

المهم ...

بعد عناء طويييييييل

وجهد جهييييييييد

وصلت للبيت

طفيت السياره وهي تمشي

ركضضضضضضضض للبيت

وبوجهي أبي أتسبح

ونا أصوت لاهلي

وهو يجون

عسى ماشر ... شبلاك ؟؟؟؟؟؟؟؟

قلت بلاي إني احترقت

والماء زود الحراره وحرقن زياده:188r:

وهم يعطوني بودرات ودهونات وكريمات

يالله يالله خففت الحراره:359r:

ومن هكا الحادثه

أخذت عظه وعبره وهي

عندما تشتري علبة فول

تحصل على الأخرى .. مجاناً:a:

*********************

استراحه

يالربع .. ماعينتو خالي أبو غازي ؟؟

************************

المخاوي ..

ارتسب معي بسرعه نبي نحول حدر .:eek:

.

.

.

.

.

.

.

طخ

ونننن

صر

طم

فسسسس

طخ

طخ

( ضرب معنا الكفر .. وقلبنا ):goooood:

بس .. جت سلامات .

أخوي المخاوي

ممكن تكز لي رقم جوالك على الرسايل الخاصه ؟؟؟

لي بك حاجه :315r:

شريف روما

08-08-2005, 14:36

المسافـر

08-08-2005, 15:15

ومن حسن حظي الحلو إني لاأقبلت على إشاره

ولعت حمرا .. ( ياعساه للهدام والعدام )

لله يعينك يا الأصيل

سالفة الإشاراة تراك مثلي لاصار به شغل عندك على طول مقفلة والعياذ بالله

يعطيك العافيه

إن شاء الله يكون موضوعك بداية لتحرك الفلة

الخدمه ذاتيه .. يعني مافيش عمال

ولا يجون العمال مسابيع الأبو ألا للحريم

لأنهن مايحولن من السياره ...

يجيهن عامل ويعبي البنزين وهن جالسات على المكيف

بالسعوديه ولله الحمد مافيه سواقة حريم
ههههههههههههههههههههههههههههههههههه

يعني ما ننقهر

شنقل

08-08-2005, 15:19

وأنا أرتسب اللكزس كامري 500SEL

لها الحين عندك:)

عقب ماسبحت من البنزين ( يمكن لوتدقن سلف .. إني أشتغل

ياحلو لات اللي عندك تسان احرقت السلف من كثر مادق:)

المشكله إننا بالقيض
اكيد قيض اجل براد
ياااخي ياسمومن تجينا بالخفجي من الكويت
تقل حاطن وجهك بشكمان وايت:)

ابوثوب

كيف حالك

احمد الهاجرى

08-08-2005, 15:21

الأصيل

يازين سيارتك الكامري ال500 اس اي ال

مازالت عندك تدري انوه صنعها واحد ومات

ياتسبديلك تسبداه

هذي والله السرحه الي ماهي بامبارتسه

ابو ثوب ماتزول ان جارتكم داعيه عليك يافلان

يمتسن هاج معزاها مع الصبح يوم انك سرحت للدوام

ولا متصبح بوجه المقروده ذيتس ام اسم طوييييييييييل ماره عليتسم

ياهل الجهرا هاليومين

تراها نتسبه

بعدين يابعد خشمي عقب هالحريتز تاخذ المخاوي وتغلبوه قلبتن ماهي زينه

سمعتوه يشكي من اذنه اليمنا ويعرج منها

حسبي الله على عدوك

يالأصيل والله سبقتني على السؤال عن شيخ المضايف

ابو غازي ماتسن اجازتوه طولت

قلوه اذا كلمتوه ولا كلمك الهاجري يبلقك كثير السلام

ويقول ترجع بسرعه ولا نسوي بك مثل ولد سيدي احمد الطايع

لعنبوه مطول اسموه ياقوم ياخويتنا

تقبل تحيات اخوك ولاتنسى الحويييييييييييجه

المطنوخ

08-08-2005, 16:10

سمّوا الله يحييكم على عشاكم

ابوثوب كلّوه بركه اللي قلب مندي وجمّعكم:)

يابوثوب
وانا اشم ريحة الشلوطه واقول منين هي جايه اثري ما ناقصك الا صيخ وشوي على البحر:)

ياحلوك مع بهارات مغل محل:)

وبعدين ياحلالي انت يوم انك ناكس للجهرا ومخلي مطعم السواحل على يمينك وجيت للأشاره الثانيه وليه مادحدرت يمين على بيتنا؟:)

اقرب لك وفوق هذا عندنا خدمة التبريد (نكب قوالب ثلج بالتانكي:) )

اقووووول تعال للأقتباسات والله ان موضوعك بوه شطحات منتهيه:)

السلام عليكم
ههههههههههههههههههههههههههههههههه
ههههههههههههههههههههههههههه
هههههههههههههههههههههههههههههههههه

اعوذ بالله عزالله تفدغت تسبدي من هالكلمه

لو ما كتبت الا هالكلمه تسان كافي:)
الله يونسك على هالنكته:)

وأنا أرتسب اللكزس كامري 500SEL

واصلن علم انك تقول لخوياك انها سيارتك وجاحدن انها سيارتي؟؟:c:

وهو يقع بالقاع

قظبتوه بسررررعه

وأنا أودزفوه

تدري وشو اكثر اسويه بعد الموقف هذا؟؟

اراعي للناس :)

ياولد تحس انهم من كثر الملل محد يجي يوقف معاك علشان تطول سالفتك ياما يوصل دوروه:):008b:

وثوبي صيفي أبيض كم طويل مقاس 44 عرض 22، أربع زرارات

مخفي دبل .. زرار واحد للحلق، نص ارتوب، فتحه بالسقف، 6سلندر

:p::p:

ومن حسن حظي الحلو إني لاأقبلت على إشاره

ولعت حمرا .. ( ياعساه للهدام والعدام )

ظلمت حظك ياشيخ
عاد هالاشاره اللي وانت نازل من الجسر حبيبه ولا تاخذ 6 ثواني

بس انا ادري واللهمن حر ماتوجس:)

وهم يعطوني بودرات ودهونات وكريمات

يالله يالله خففت الحراره

راح تفكيري بعيد:)

أخوي المخاوي

ممكن تكز لي رقم جوالك على الرسايل الخاصه ؟؟؟

لي بك حاجه

ياخوي رأفتن بي ان وشنقل

انت يعني ماتدري اننا ناس ينشف الدم مننا اذا ماعرفنا وش تبي بالمشرف؟؟
تكفى علمن بهذا ولا بالخاص ولا تبيني اجيك للبيت اهم شي تعلمن وش تبي بوه:)
<<<<ظهرت اعراض الحمى من الشفايه:)

مشعل بن حويد

08-08-2005, 21:13

الله يونسك بالعافيه يالأصيل

الحنشل

09-08-2005, 00:31

ياحبيبي يا ابو ثوب

لا والله الا خوش صباح

أرجو من خيواتي البقاء في مضيف المطبخ وشكرن

لأن الموضوع رجالي بحت .

انا اقول من جتك الرفاله

اثريه من جلستك بمضيف المطبخ

يالربع .. ماعينتو خالي أبو غازي ؟؟

خالك هذا هو متنقح فوق جبال حايل

وشاب له نويره وداس مخطره به

ومن جاء لعطه بالمخطر

تشكرات أصيلات

بو رائد

09-08-2005, 11:48

الأصيل سالم ياالغالي ياعل ماتجيك النار يهالوجه
عساك اشوى هالحين خل هالعجله عنك والدنيا
سهالات ياعزوتي ...تخبر وانت ظاهرن للاطراف
مع النزله اسف مع الطلعه لان وجهك غرب
سير علينا لك يوم ...اذا انت فاضي الله يونسك
بالعافيه لكن اذا حصل معك مره ثانيه اطل جسمك
بصلصل (عندكم معجون طماط) وابد يد بيد
خالك ابشرك بخير وطويب هو ووغيدانوه

الأصيل

09-08-2005, 13:19

ههههههههههههههههههه

:) عقب ماسبحت من البنزين ( يمكن لوتدقن سلف .. إني أشتغل) :)
لو انت عندي ماادقك سلف ادقك بعود شخاط :)

تسلم ابوثوب على السالفة الحلووووة
ونستنا وانت محررروق :)

تحيااااااااااااااااااااتي

وش تحياتوه يالغالي

ونت تبي تشخط بي :eek:

أنا هقيت إنك تبي تفصل لي ثوب بدال ثوبي :315r:

أهم شيء

إنك انبسطت من المويضيع يالزقروطي:goooood:

الأصيل

09-08-2005, 13:23

لله يعينك يا الأصيل

سالفة الإشاراة تراك مثلي لاصار به شغل عندك على طول مقفلة والعياذ بالله

يعطيك العافيه

إن شاء الله يكون موضوعك بداية لتحرك الفلة

بالسعوديه ولله الحمد مافيه سواقة حريم
ههههههههههههههههههههههههههههههههههه

يعني ما ننقهر

حيا الله عبقرينو

عسى الله يبعد عنكم القهر والروماتيزم:315r:

وأشكرك على تعليقك يالغالي:goooood:

وانتبه ياجيت المحطه

ارفع شليلك

وخل عينك على البنزين :eek:

الأصيل

09-08-2005, 13:29

لها الحين عندك:)

ياحلو لات اللي عندك تسان احرقت السلف من كثر مادق:)

ماتقصر ......:eek:

وإذا ما اشتغلت ... يمكن أحتاج اشتراك

ون تسان مامن فايده ... شف الدينمو ...:315r:

اكيد قيض اجل براد
ياااخي ياسمومن تجينا بالخفجي من الكويت
تقل حاطن وجهك بشكمان وايت:)

ابوثوب

كيف حالك

السموم اللي تجيك بالخفجي

مهي من الكويت

هذي من موريتانيا عقب ما جدعو ولد سيدي الطايع:eek:

الله يدفع البلا

هالمسلم ماعمر عطانا اللسان الحلو :408r:

أقول :

تحياتوووووووووووووو:biggrin:

الأصيل

09-08-2005, 13:33

الـمـحـروووم

09-08-2005, 15:17

salamat ea alasheer

ياليتها في المطنوخ والزقروطي
ولا فيك

الأصيل

09-08-2005, 16:29

سمّوا الله يحييكم على عشاكم

ابوثوب كلّوه بركه اللي قلب مندي وجمّعكم:)

العشا الدزابلة

وحقكم بالبايت وهو بالفايت

والله لو إنوه ذبيحه ماعشاكم :goooood:

يابوثوب
وانا اشم ريحة الشلوطه واقول منين هي جايه اثري ما ناقصك الا صيخ وشوي على البحر:)

ياحلوك مع بهارات مغل محل:)

غالي مغل محل

النفر .. بالشيء الفلاني

عندك .. بنت الديك ( مزيونه ويمدحونه (( الله يستر عليه )):315r:

وبعدين ياحلالي انت يوم انك ناكس للجهرا ومخلي مطعم السواحل على يمينك وجيت للأشاره الثانيه وليه مادحدرت يمين على بيتنا؟:)

ويشيدريني أن بيتكم بهكا الحاره

لاعمرك عزمتنا على كنافه ولا بوفيه ولا فنجال قهوه تركيه:a:

اقرب لك وفوق هذا عندنا خدمة التبريد (نكب قوالب ثلج بالتانكي:) )

اقووووول تعال للأقتباسات والله ان موضوعك بوه شطحات منتهيه:)

السلام عليكم
ههههههههههههههههههههههههههههههههه
ههههههههههههههههههههههههههه
هههههههههههههههههههههههههههههههههه

اعوذ بالله عزالله تفدغت تسبدي من هالكلمه

لو ما كتبت الا هالكلمه تسان كافي:)
الله يونسك على هالنكته:)

لا .. عندي أبلى منه

خذ :

(( شلونك ))

خخخخخخخخخخخخخخخخخخخخخخخخخخخ

يخي توه جتن بالمسج فيد الفاكس

ماخلو شين أهل النكت:eek:

واصلن علم انك تقول لخوياك انها سيارتك وجاحدن انها سيارتي؟؟:c:

تدري وشو اكثر اسويه بعد الموقف هذا؟؟

اراعي للناس :)

ياولد تحس انهم من كثر الملل محد يجي يوقف معاك علشان تطول سالفتك ياما يوصل دوروه:):008b:

:p::p:

ظلمت حظك ياشيخ
عاد هالاشاره اللي وانت نازل من الجسر حبيبه ولا تاخذ 6 ثواني

بس انا ادري والله من حر ماتوجس:)

عز الله :puzzled:

راح تفكيري بعيد:)

حنا برمضان يالمذهوب:biggrin:

(((( راح بعيييييد !!!!! ))) وين

للسالمي ؟؟؟؟؟؟؟؟؟؟؟؟؟؟؟؟؟؟:biggrin:

ياخوي رأفتن بي ان وشنقل

انت يعني ماتدري اننا ناس ينشف الدم مننا اذا ماعرفنا وش تبي بالمشرف؟؟
تكفى علمن بهذا ولا بالخاص ولا تبيني اجيك للبيت اهم شي تعلمن وش تبي بوه:)
<<<<ظهرت اعراض الحمى من الشفايه:)

عزيزي أبوزبون

حول

اطلع حدر

متى تعقل ياشوق النمله:d:

الأصيل

09-08-2005, 16:31

الله يونسك بالعافيه يالأصيل

الله يعافيك يالشاعر

ترن متابعك بالمحاوره :goooood:

وقاضب الصف

الأصيل

09-08-2005, 16:35

ياحبيبي يا ابو ثوب

لا والله الا خوش صباح

كل عام ونت بخير:goooood:

انا اقول من جتك الرفاله

اثريه من جلستك بمضيف المطبخ

ياخوي .. مضيف المطبخ منتاز

مايجيك منوه ألا ريح البهار والمرقوق ووو:290r:

خالك هذا هو متنقح فوق جبال حايل

وشاب له نويره وداس مخطره به

ومن جاء لعطه بالمخطر

عسى ما لعطك؟؟؟:eek:

تشكرات أصيلات

العفو يابعد خشمي

ماسوينا ألا الواجب:315r:

ياما والله من الشماته يابو ثوب:408r:

الأصيل

09-08-2005, 16:40

الأصيل سالم ياالغالي

الله يسلمك يابورائد:goooood:

ياعل ماتجيك النار يهالوجه

وهالوجه:goooood:

عساك اشوى هالحين

أبشرك الحين أشوى:p:

خل هالعجله عنك والدنيا
سهالات ياعزوتي ...تخبر وانت ظاهرن للاطراف
مع النزله اسف مع الطلعه لان وجهك غرب
سير علينا لك يوم ...

الليله أنا عندكم

بس عطن رقم الشارع :d:

اذا انت فاضي الله يونسك
بالعافيه لكن اذا حصل معك مره ثانيه اطل جسمك
بصلصل (عندكم معجون طماط) وابد يد بيد
خالك ابشرك بخير وطويب هو ووغيدانوه

مشكور على الوصفه الطبيه يابورائد

وعسى مايجيك الشر يابعد روحي:d:

الأصيل

09-08-2005, 16:43

salamat ea alasheer

ياليتها في المطنوخ والزقروطي
ولا فيك

mshkoooor ya al galy

yalaitha fy المطنوخ:315r:

ماشاء الله عليك

تعرف فرنسي :goooood:

المخاوي

09-08-2005, 17:42

الاصييييييييييل :7ayyoh:

تسان لاطخن روحك بمعجوووون الاسنان وحده بوحده :thumb:

ياخي والله ان هذا اللي فاكن مخي من سنين :a:
المشكله عاد ان اخواننا الكويتيين راعين كشخات :) ولايحبون يشغلون ارواحهم بهيك شغلات وصابرين على هالشغله :)

الله يهداك يالاصيل تصدق ان الرجال اللي قلت لي عليه طلع نفس ماقلت بالزبط :) ياخي عليك ملاحظات مجنونه :p:

اما موضوعنا الثاني يوم الخميس امرك واعلمك زبدة الهرج لكن بالله فكنا من البيت الوعد حول .... والا تدري ارسل لك رساله :wink:

المطنوخ

09-08-2005, 17:48

الله يهداك يالاصيل تصدق ان الرجال اللي قلت لي عليه طلع نفس ماقلت بالزبط ياخي عليك ملاحظات مجنونه

اما موضوعنا الثاني يوم الخميس امرك واعلمك زبدة الهرج لكن بالله فكنا من البيت الوعد حول .... والا تدري ارسل لك رساله

حسبي الله عليكم

ياشينين ارفقوا بالقلوب الرقيقه

علمونا وشو بينكم؟؟

ابوثووووب

لو حصل لي اليوم اتملص من عزيمة بصباح الناصر سيرت عليك

افرش لي البساط الاحمر من دوار نبع العصير الى بيتكم:)

مغترب بالشمال

09-08-2005, 22:54

ابو ثوب

الحمد لله على السلامه

واقول وينك غايبن قطعه ايام اثريك تبرد من كثر مادقوك سلف

تدرى بسبتك مادومت اضحك ليلى كلوه حسيبك زمانك

اخوك الصغير

مناكد

09-08-2005, 22:57

الحمد لله على السلامه يالأصيل...

وهذي من العجله...

ليش اول ماغسلت البانزين اللي على جسمك وملابسك لو بحمام المحطه او أقرب مسجد حتى لا يلتهب الجلد بعدين تروح تبدل ملابسك...

هل تعلم أنك كنت معرض للإحتراق بسبب الكهرباء الساكنه؟؟؟

ولكن الحمد لله على السلامه...

وهذا فيديو يوريك وش سوت الكهرباء الساكنه...

اضغط هنا (http://www.pei.org/static/static.avi)

وبعدين وين تبي يم بيتكم ليه مامريت ابو ثوبين أغديه يفصخ حديهن لك!!!

.

الأصيل

10-08-2005, 10:41

الاصييييييييييل :7ayyoh:

تسان لاطخن روحك بمعجوووون الاسنان وحده بوحده :thumb:

أنا بلاي ماأستخدم معجون الأسنان ( للحيني متخلف ( بكيفي ):d:

ياخي والله ان هذا اللي فاكن مخي من سنين :a:
المشكله عاد ان اخواننا الكويتيين راعين كشخات :) ولايحبون يشغلون ارواحهم بهيك شغلات وصابرين على هالشغله :)

الشاعر الجهراوي يقول : الكشخه فوق كل اعتبار :315r:

الله يهداك يالاصيل تصدق ان الرجال اللي قلت لي عليه طلع نفس ماقلت بالزبط :) ياخي عليك ملاحظات مجنونه :p:

يالمشرف يالمشرف ...

رجاء ... انتبه .. لاتكشف الخافي

والرجال بوه حويجتن أخرى

ونا لقيت بوه بلا ...

افطن يابعد روحي :biggrin:

اما موضوعنا الثاني يوم الخميس امرك واعلمك زبدة الهرج لكن بالله فكنا من البيت الوعد حول .... والا تدري ارسل لك رساله :wink:

لا لا

الخميس أنا قايلن لك .. لازم أروح أستكشف وأتأكد

وموعدنا السبت يوم الإثنين عصر الربوع ( شفره للسريه ):eek:

أخي المشرف ..

أشكر لك تفاعلك الجاد

وهذا لاشك أنه يصب في مصلحة المضايف عموماً والفله خصوصاً

غير أنني لي ملاحظات على ماورد في طي رسالتك المكزوزه

لذا ..

أرجو التنبه والانتباه والتنبيه عليه

وشكرن

.

.

.

.

.

يخرب ببيت الحتسي الرخيص:goooood:

الأصيل

10-08-2005, 10:48

حسبي الله عليكم

ياشينين ارفقوا بالقلوب الرقيقه

القلوب الرقيقه ... وش تقرب لخبز الرقاق ؟؟

إخوان بالرضاع ؟؟؟؟؟؟؟؟؟؟؟؟؟؟؟؟:001b:

علمونا وشو بينكم؟؟

من تدخل فيما لايعنيه ... فقد أعذر من أنذر:thumb:

ابوثووووب

لو حصل لي اليوم اتملص من عزيمة بصباح الناصر سيرت عليك

افرش لي البساط الاحمر من دوار نبع العصير الى بيتكم:)

ياسلالالالالالالالالالام

ماتبي أفرش لك من صباح الناصر لبيتنا :359r:

ليه ؟؟؟

عسى منت جون قرنق ولاّ ولد سيدوه الطايع

( ألا .. منهو منهم اللي انذبح ومنهو اللي قشوه عن الكرسي ؟؟ ):eek:

والله يابو زبون

تستاهل اللي يفرش لك الدايري السادس كلوه ورد وحرير وطابوق جيري:315r:

الأصيل

10-08-2005, 10:54

ابو ثوب

الحمد لله على السلامه

الله يسلمك من كل شر:goooood:

واقول وينك غايبن قطعه ايام اثريك تبرد من كثر مادقوك سلف

أنا اللي غايب ولاّ إنت اللي تجمع غريضاتك تبي مصر:eek:

تدرى بسبتك مادومت اضحك ليلى كلوه حسيبك زمانك

اخوك الصغير

تسبر الوساده ونا خوك

والرازق الله :359r:

أقول :

بوه مضيف يقال لوه : شيوخ مجلس فلة الحجاج

هذا إن قريت مواضيعوه .. ما راح تشوف الدوام سنه كامله:goooood:

الأصيل

10-08-2005, 11:00

الحمد لله على السلامه يالأصيل...

وهذي من العجله...

ليش اول ماغسلت البانزين اللي على جسمك وملابسك لو بحمام المحطه او أقرب مسجد حتى لا يلتهب الجلد بعدين تروح تبدل ملابسك...

يابن الحلال أنا وخذت هكا الساعه

احترقت ولا قمت أفكر بشين يامناكد:408r:

هل تعلم أنك كنت معرض للإحتراق بسبب الكهرباء الساكنه؟؟؟

لا والله ما أعلم ......

الكهربا الساكنه ..‍‍‍‍‍‍!!!!!!!

هو بوه شي اسموه كرهبا ساكنه ومتحركه ؟؟؟؟:eek:

ولكن الحمد لله على السلامه...

وهذا فيديو يوريك وش سوت الكهرباء الساكنه...

اضغط هنا (http://www.pei.org/static/static.avi)

ما اشتغل الماخوذ:359r:

وبعدين وين تبي يم بيتكم ليه مامريت ابو ثوبين أغديه يفصخ حديهن لك!!!

.

ما وراو ...:goooood:

هقوتي لو أجيه إنوه يجدع علي عود تسبريت :d:

هذا ماينقال عليه

مذهبوه واسع:eek:

تشكراتي الحاره يالعشير:7ayyoh:

المطنوخ

10-08-2005, 16:51

الكاتب الاصلي:مناتسد
وبعدين وين تبي يم بيتكم ليه مامريت ابو ثوبين أغديه يفصخ حديهن لك!!!

يابوثوووب

تكفى علموه وشو القميص:)

هذا نظاموه الثياب الكاروهات :)
هههههههههههههههههههههههههههههههه

الأصيل

11-08-2005, 12:43

القميص ياطويل العمر

هو عباره عن رداء مترامي الأطراف:eek:

يحدوه من جيهة الشمال : تستفك الأيسر:d:

ومن جيهة الغرب : غاربك :315r:

كما أنوه يطل من جيهة الجنوب الغربي على بحر البلطيق:7ayyoh:

أخي وحبيبي ونور عيني /// المطنوخ ///

إنت وشعندك بهذا ؟؟؟؟؟؟؟؟؟؟:c:

ليه ما تقعد ببقالتك اللي مكتوبن عليه :

النمله التي اقتحمت حياتك:thumb:

أجا

12-08-2005, 14:56

الأصيل

هههههههههههههههههههههههههههههههههههههههه هههههههه

قسم بالله وانا اقرا موضوعك قعدت ( اتمقرص )

لا وبعد زين كملت دربك الى البيت

على السياره

زين مارحت رجليه

تحياتي

ذيب أجــــــــــا

سلمان النبهان

12-08-2005, 15:24

اهلا بالاصيل واحمد ربك انك مانت بالسعوديه
والا الموقف هذا مايطوفونه لك بسلام ..اقرب واحد قاط عليك عود كبريت ولهم صحك عليك
وانت ماتدري وين تهج بس جت سلامات بالكويت طيبين وناس مايحبون الشر وكلن بلشان بنفسه ..
اقول سالفه حلوه نبي غيره الظاهر انك راعي نكبات ...

هايس الشمري

12-08-2005, 20:46

الحمد لله على السلامه يبو ثوب

و خوش سالفة :)

لا هنت

الأصيل

13-08-2005, 11:14

الأصيل

هههههههههههههههههههههههههههههههههههههههه هههههههه

قسم بالله وانا اقرا موضوعك قعدت ( اتمقرص )

عليك بالبودره والكريمات:315r:

لا وبعد زين كملت دربك الى البيت

على السياره

زين مارحت رجليه

تحياتي

ذيب أجــــــــــا

هلا بالشاعر

يسعدني مرورك على موضوعي

وعسى مايجرى عليك للي جرى علي يافلان :biggrin:

الأصيل

13-08-2005, 11:17

اهلا بالاصيل واحمد ربك انك مانت بالسعوديه
والا الموقف هذا مايطوفونه لك بسلام ..اقرب واحد قاط عليك عود كبريت

يادافع البلا:eek:

ولهم ضحك عليك
وانت ماتدري وين تهج بس جت سلامات بالكويت طيبين

ماعليك زود يابعدي تقهوا:315r:

وناس مايحبون الشر وكلن بلشان بنفسه ..
اقول سالفه حلوه نبي غيره الظاهر انك راعي نكبات ...

والله يخي إني راعي نكبات وراعي كامري :d:

وهالفله ... مليانه من المقرد شرواي .( شرواي الطيب ):biggrin:

ومشكور يالغالي على التعليق :goooood:

الأصيل

13-08-2005, 11:19

الحمد لله على السلامه يبو ثوب

و خوش سالفة :)

لا هنت

هلا بالذيب

تصدق ... بغيت أعوي من الحرررررررررررررررره:goooood:

تسانه إعجبتك

وإذا إنت معجب بهالسالفه

لك علي

إني

أعيده وأكتبه نوبتن أخرى ،،،:goooood:

شرايك ؟؟؟؟؟؟؟؟؟؟:315r: