مرحوم ياشيخ العرب

[مشــــعل]

ان لله وان اليه راجعون


مني نشف حبر القلم بالمكاتيب=وحبرت يدينا والورق والكتايب
ماعاد لي وسط المثايل مناديب=ولاتنفعن ياقلت هات الندايب
كلّت يدينا ماعليها مطاليب=ولالي على مكتوب الايدي طلايب
تفتحت بيبان حزني دواليب=وتهيضت باقصى ضميري سبايب
العمر لو طال الزمن يتبعه شيب=واليا اكتمل شيبك تحث الركايب
مرحوم ياشيخ العرب منقع الطيب=حبل الوصل تقضي عليه النصايب
عرب النسل زاكي الاصل والمناسيب=شيخ البلد فكّاك عكف النشايب
والله لو دون المقادير تجنيب=او دونها سم الرمك والحرايب
تلقى شعوبك دون الاقدار ماتخيب=يثنون دونك ياعزيز الصلايب
لاشك حق ولا على الموت تثريب=مبطي رحل سيد الرسل والصحايب
يبكيك شعبك والعرب والاجانيب=ياعل ماتلفي عليك اللهايب
في جنة الفردوس ياعلك تطيب=وياعل قبرك يابيض الوجه طايب
قلته وانا مالي على الخلق تعقيب=واقفيت عن بحر التماثيل تايب

مشعل حاشم الغفيلي

[هايس الشمري]

تايب

رحم الله الفهد

و اسكنه فسي جناته

و صح لسانك اخي مشعل

[المهرة]

صح الله لسانك 00



اللَّهُمَّ اغْفِرْ لَهُ وارْحَمْهُ وعافِهِ واعفُ عنْهُ وأكرمْ نُزُله ، ووسِّع مُدْخلَهُ ،
واغسلهُ بالمَاءِ والثَّلْجِ والبَرَدِ ،ونَقِّهِ من الخطَايا كَمَا نَقَّيْتَ الثَّوبَ الأَبيضَ
من الدَّنَسِ ، وأَبْدلهُ داراً خيراً من دارهِ ، وأهلاً خيراً من
أهله وزوجاً خيراً من زوجهِ وأَدْخِلْهُ الجَنَّةَ وأعِذْه من
عَذَاب القَبْرِ (ومِنْ عَذَاب النَّارِ )

[سلطان الشمري]

مشعل صح لسانك.../


ومأجورين .. في فقيد الأمه الاسلاميه والعربيه


نسأل له الرحمه والمغفره

[راعي الوقيد]

تفتحـت بيبـان حزنـي دوالـيـب ** وتهيضت باقصى ضميري سبايـب

العمر لو طال الزمن يتبعـه شيـب ** واليا اكتمل شيبك تحـث الركايـب

مرحوم ياشيخ العرب منقع الطيـب ** حبل الوصل تقضي عليه النصايـب

صح لسانـــــــــك ايها الفاضــــــــل

ورحـم الله فهدنا وقائد امتنا المغفور له بإذن الله الملك فهد بن عبدالعـزيز

وادام علينا نعمة الإسلام والأمـن بقيادة خادم الحرمين الشريفين

الملـــــك عبدالله ابن عبدالعــزيــز وولي عهدهـ الأمين ،،،

لك التحيــــــــــــة

والسلاااااااااااااام ...
..

[شموخ]

والله لـو دون المقاديـر تجنـيـب
او دونها سـم الرمـك والحرايـب
تلقى شعوبك دون الاقـدار ماتخيـب
يثنون دونـك ياعزيـز الصلايـب
لاشك حق ولا على الموت تثريـب
مبطي رحل سيد الرسل والصحايب
يبكيك شعبك والعـرب والاجانيـب
ياعـل ماتلفـي عليـك اللهايــب
في جنة الفـردوس ياعلـك تطيـب
وياعل قبرك يابيض الوجـه طايـب
قلته وانا مالي على الخلـق تعقيـب
واقفيت عن بحـر التماثيـل تايـب

صح لسانك اخوى ورحم الله ابو فيصل وأسكنه فسيح جناته ...

تحياتى
شموخ