المساعد الشخصي الرقمي

مشاهدة النسخة كاملة : سامريات لمحبي الطائف:)


راعي الوقيد
04-08-2005, 13:34
هذهـ السامريات للشاعـــــــر / سليمان ابن حاذور





اذكر هل الطايف عسى الطايف السيل=عسى السحايب كل يوم تعله
ذكرى الليالي الماضية والتعاليل=عليه دمع العين دايم تهله
ترى الشقا كل العنا والغرابيل=فرقا الحبيب اللي تنكر لخله
عليه دمع العين مثل الهماليل=والى ضواه الليل ياعبرة له
اشكي عليك الحال عسر المداخيل=يخفي دموع العين لاينفطن له
لاعاد لاحيلة ولابه مراسيل=مشكل غرام الحب يامن يحله
بلواك ياراعي العيون المظاليل=اللي خذيت الزين والملح كله

****



جيناك ياالطايف نبي شوف الاحباب=احد حدر نجد وناس بجده
رجواي بالله من ترجاه ماخاب=والله كريم وسايله ما يرده
راحوا هل الطايف ونور القمر غاب=كل شكى الفرقى ولاهوب وده
وين المصيف وين تلعات الارقاب=عقب الوجود اليوم يا بعد خده
ننشد عن الغالي ونا قف على الباب=وش خانة الطايف الى يبس ورده

****



سرى الليل يا ساري وجرحي عرفت دواه=على طلعة الجوزا نبي نسهر الليلة
انا بامسح الجره الى جيت حول حماه=عسى الناس ماتدري وتعرف مداهيله
ترانا على الشكوى ومر الشقا ذقناه=اقوله وانا الشاكي ولا في يدي حيلة
عسى الليل لاحدر وكل عرف مسراه=تناحت نجوم الليل والقلب يسري له
اجي له على الداعي وودى على لاماه=احبه محبة وارخص العمر واضحي له
يحير النظر لاغاب قلت اه وين القاه=تكسر بي العبرات الى ابطت مراسيله
تمشكلت في حبه وشي مضى ماانساه=غرابيل قلبي والشقا من غرابيله
عسى الجو يصفا لي وحبي على مبداه=تطيب الجروح ولذة العمر تكميلة

****



يا اهل الطايف عسى السيل يسقيكم=خمسة ايام على الراس عاده
خمسة ايام على فرع واديكم=يااهل الطايف عسى الخير يقتاده
عيني اللي تنثر الدمع تبكيكم=كل يوم ناقص الحال بزياده
الله اكبر كل ما حل طاريكم=ينزعج قلبي على غير معتاده
والله اني ازعج الصوت وادعيكم=وان زعجت الصوت مانيب نشاده
ما تردون النظر يم غاليكم=عادة بالخير مافيه حساده
اتمشى وانتظر في حراويكم=مانتهنا لذة النوم ورقاده

عسى تكون اعجبتكم:)

سلااااااااااااام ...
..
عاشق السامرى
04-08-2005, 16:22
تحياتى راعى الوقيد
ومشكور على هالسامريات الجميله
هايس الشمري
05-08-2005, 00:42
الله الله


يستاهلون هل الطايف :)


الهنوف اللي سرت من نجد و امست بالحويه

.....................ضيقت صدر الرياض و سافر الطايف و جاها


لا هنت راع الوقيد
خالد الشمري
05-08-2005, 15:54
تسلم والله يعطيك العافيه ولا هنت ياراع الوقيد
المهرة
06-08-2005, 08:04
اشكي عليك الحال عسـر المداخيـل
يخفي دمـوع العيـن لاينفطـن لـه
تسلم الانامل 00 وماقصرت
دمت بخير
اختك00 المهرة
شموخ
06-08-2005, 14:43
هههههههه طيب يالمهره مرسله لي الرابط حق الموضوع مادريت عنه الا منها وتضحك بعد البنت :)

راعي الوتسيد :)ماسمعت محمد السديري في قصيده طويله له منها :)

يسقيك يالطائف من الوسم رعاد .......وبل على وبل يعلك ويرويك
في كل فج لك مع المزن ميعاد .......... تسيل وديانك وتخضر مفاليك

ايضا قصائد ابو بندر"خالد الفيصل " القديمات بعضها بالطائف يمكن لأنه عاش فتره من حياته بالطائف ..

أنا شاقنى بالحيل منظر حمام شهار ...... صلاة العصر يوم انحدر باسفل الوادي
لحظنى شبكنى ثم قفى وانا محتار ......... دفعنى غرامي له على غير معتاد
تطاير حمام الشوق والقلب مني طار ......... تلاعب جناحه بالهوا لعب بفوادي
أنا اما حصل لي ياسعد يمّهم مسيار ......... تراهم سبب ذبحي الى جاك نشّادي


ايضا قصيده ثانيه فيها

سلام ياساكن قروى ....... لا يابعد من سكن فيها
من قربك الكبد ماتروى ......... والا ترى البعد يظميها
ياصاحبي مااقدر السلوى .........عشرتك مانيب ناسيها
قلبي الى من شاف من يهوى ....... عندي من اسعد لياليها
أثر المحبه من البلوى ........... مايرقد الليل راعيها


وقصيده ثالثه له

سافر عسى ربي يحرسك وياقاك .......... هذا البخت عزاه وش في يدينى
ياشين باكر ياحبيبي بلياك ........... لى جا وعدك اللي بوقته تجينى
لى قمت أدوج في مداهيل ماطاك ......... ياماجرى بشهار بينى وبينك
هذا وتوك تطري بممشاك ..........وش لون لى قفيت يانور عيني
ياشيب عينى ياهوى البال ماشقاك .......... كانك مثل ماابيك يااسمر تبيني

مع ان المفروض ابو بندر ماحط الاسمر بقصيدة شهار لأن السمر ساكنين قروى :)

ايضا بعض قصائد المرحوم سعود بن بندر في الطائف

حب الثرى لاجيت نجد الحبيبه ........... وصل سلامي يامسافر للاحباب
دارحلوم الليل عندي تجيبه ............ من غبت عنها طيفها الحلو ماغاب
ودرب الحويه ظم بطحاء شعيبه ..........لي فيه وقفات معا تلع الارقاب
ويلي من الغربه دموعي سكيبه ......... لامن ذكرت خفيف الدم جذاب

وقصيده ثانيه له

تولعت بك والله كتب لي على فراقاك ......... حسب على الحظ الردي كانه اشقاني
أنا ماشعرت أني مع الناس قبل القاك .....ولا ذقت للدنيا طعم قبل تلقاني
ولاكنت أحس بروعة الحب قبل أهواك ....ولولا عيونك ماكتبت أجمل الحاني
سقا الله ليالي خالده عشتها وياك ......... بدرب الحويه بين عشب وغدراني
تذكرت يوم أقبلت كنك تحسب خطاك ......تمايل بعود نايف الطول رياني
وترفع طرف ملبوسك الضيق بيمناك ........ وشلال شعرك تنثره فوق الامتاني
ترى اللي يسلينى عن مشاهدك ذكراك .......... أنا مستحيل أنساك أخاف انت تنساني

وسلامتكم :)


تحياتى
شموخ
راعي الوقيد
07-08-2005, 17:11
تحياتى راعى الوقيد
ومشكور على هالسامريات الجميله
العفوووووووو خيووووووووو:)

لك التحيــــــــــــة

والسلااااااااااام ...
..
راعي الوقيد
07-08-2005, 17:16
الله الله


يستاهلون هل الطايف :)


الهنوف اللي سرت من نجد و امست بالحويه

.....................ضيقت صدر الرياض و سافر الطايف و جاها


لا هنت راع الوقيد
حي الله الذيـــــــــــب:)

انت شفت:)

تسسسسسسلم يابعـــــــــــدي ولاتهـــــــــــون ،،،

لك التحيــــــــــــــة

والسلاااااااااام ...
..
راعي الوقيد
08-08-2005, 16:33
تسلم والله يعطيك العافيه ولا هنت ياراع الوقيد
هلا والله بخالد والله يعافيك يالطربة:)

سلااااااااااااام ...
..
راعي الوقيد
08-08-2005, 16:40
اشكي عليك الحال عسـر المداخيـل
يخفي دمـوع العيـن لاينفطـن لـه
تسلم الانامل 00 وماقصرت
دمت بخير
اختك00 المهرة

ومن قال يسسسسسسلم اختي

لك التحية

والسلاااااااااااام ...
..
راعي الوقيد
08-08-2005, 16:43
هههههههه طيب يالمهره مرسله لي الرابط حق الموضوع مادريت عنه الا منها وتضحك بعد البنت :)

راعي الوتسيد :)ماسمعت محمد السديري في قصيده طويله له منها :)

يسقيك يالطائف من الوسم رعاد .......وبل على وبل يعلك ويرويك
في كل فج لك مع المزن ميعاد .......... تسيل وديانك وتخضر مفاليك

ايضا قصائد ابو بندر"خالد الفيصل " القديمات بعضها بالطائف يمكن لأنه عاش فتره من حياته بالطائف ..

أنا شاقنى بالحيل منظر حمام شهار ...... صلاة العصر يوم انحدر باسفل الوادي
لحظنى شبكنى ثم قفى وانا محتار ......... دفعنى غرامي له على غير معتاد
تطاير حمام الشوق والقلب مني طار ......... تلاعب جناحه بالهوا لعب بفوادي
أنا اما حصل لي ياسعد يمّهم مسيار ......... تراهم سبب ذبحي الى جاك نشّادي


ايضا قصيده ثانيه فيها

سلام ياساكن قروى ....... لا يابعد من سكن فيها
من قربك الكبد ماتروى ......... والا ترى البعد يظميها
ياصاحبي مااقدر السلوى .........عشرتك مانيب ناسيها
قلبي الى من شاف من يهوى ....... عندي من اسعد لياليها
أثر المحبه من البلوى ........... مايرقد الليل راعيها


وقصيده ثالثه له

سافر عسى ربي يحرسك وياقاك .......... هذا البخت عزاه وش في يدينى
ياشين باكر ياحبيبي بلياك ........... لى جا وعدك اللي بوقته تجينى
لى قمت أدوج في مداهيل ماطاك ......... ياماجرى بشهار بينى وبينك
هذا وتوك تطري بممشاك ..........وش لون لى قفيت يانور عيني
ياشيب عينى ياهوى البال ماشقاك .......... كانك مثل ماابيك يااسمر تبيني

مع ان المفروض ابو بندر ماحط الاسمر بقصيدة شهار لأن السمر ساكنين قروى :)

ايضا بعض قصائد المرحوم سعود بن بندر في الطائف

حب الثرى لاجيت نجد الحبيبه ........... وصل سلامي يامسافر للاحباب
دارحلوم الليل عندي تجيبه ............ من غبت عنها طيفها الحلو ماغاب
ودرب الحويه ظم بطحاء شعيبه ..........لي فيه وقفات معا تلع الارقاب
ويلي من الغربه دموعي سكيبه ......... لامن ذكرت خفيف الدم جذاب

وقصيده ثانيه له

تولعت بك والله كتب لي على فراقاك ......... حسب على الحظ الردي كانه اشقاني
أنا ماشعرت أني مع الناس قبل القاك .....ولا ذقت للدنيا طعم قبل تلقاني
ولاكنت أحس بروعة الحب قبل أهواك ....ولولا عيونك ماكتبت أجمل الحاني
سقا الله ليالي خالده عشتها وياك ......... بدرب الحويه بين عشب وغدراني
تذكرت يوم أقبلت كنك تحسب خطاك ......تمايل بعود نايف الطول رياني
وترفع طرف ملبوسك الضيق بيمناك ........ وشلال شعرك تنثره فوق الامتاني
ترى اللي يسلينى عن مشاهدك ذكراك .......... أنا مستحيل أنساك أخاف انت تنساني

وسلامتكم :)


تحياتى
شموخ
وانت سالمــــــــــتة وغانمــــــــــــة:)

كل هذا بقلبتــــــــــــس وساكته:)

يسسسسسلمو خيتوووووو ع المرور

تحيتـــــــــــي لك

والسلاااااااااااااام ...
..